Ke Aloha Aina, Volume V, Number 11, 18 March 1899 — Page 8

KE ALOHA AINA, POAONO, MARAKI, 18, 1899.

 

HOOHENO NO PUA MIULANA.

 

Auhea wale oe ka'u aloha,

Kuu hoa kuilima o ka makemake,

Hiaai ka manao lia ilaila,

Ke ala onaona o pua Miulana,

Ua lana kuhihewa ko'u manao,

A he hoapili paa no'u ko aloha,

Ua ike ka hoi oe he aloha kou,

Pehea la oe i rula ole ai,

Eia ka oe ua pili wai,

I ka waiwai hoi a o Haimana,

Kaiehu ia mai ku a e hele,

Huli hoi i ka home a o ka makua,

Noho ana i ka olu o Mauliola,

I ka hale leo ole a ke aloha,

Aole no wau i mahui mua,

A e wehe mai ana oe i ka pili,

Mamuli no ia kou manao,

Hala ole hoi au e kuu aloha,

A he lono lau ahe wale mai ko'u,

A kahi hoi kau o ka ike maka,

Ua lawa ka ikena ia Mauna Loa,

Me ka hene wai olu o Hualalai,

Manao paha oe uhai aku wau,

Mahope hoi o kou meheu,

Ka'u hana ike ia o ka heenalu,

Hee ana i ka lala hoi i ka muku,

I manao nui aku no hei au,

I makua oe no nei aina,

Noonoo ole iho no hoi oe,

A i pono ka noho na i ka Papa Ola

Ku ai ko apa ana he Maui,

O ka oi kelakela o na Ailana,

Mea ole e ka pono a Kakina,

Hoi hou oe i ke ehu me he Moi ala

Hea aku no wau o mai oe,

No'u no iala hoi kekahi,

            Haina ia mai ana ka puana,

            No Kaleihulumamo a e o mai.

                        Hoohenoia e

                        David Ilihia,

                        Kalaupapa Molokai Mar. 10, 1899.

 

HE MOOLELO WALOHIA

NO KA

I SOPAEA.

Iloko o ka Hanohano

A ME

TOME BAKALA

Ka Ilihune.

 

[Hoohenoia no KE ALOHA AINA.]

 

            Ma keia wahi no hoi i haalele iho ai oia i kona lio a hoi wawae aku la no kahi a kana wahine e noho ana, iloko o na uluku o na manao aloha i ka laua keiki, kona hoapili hoi o na la i kaahope aku la, e hoomanawanui ana iloko o ka hune a me ka nele ma na ano a pau.

            Oiai oia e kuoe hele aku nei ma ke ala e hiki aku ai i ko laua wahi, oia no kona wa i ike aku ai i na kio ai a ke alii e holo mai ana imua ona, no ka hoomaopopo ana, mai hea mai la oia?

            Elike me ko lakou makemake, na hooko aku la oia i ka lakou ninau, no Wale nei no au, a he makaainana no hoi uo ka moi.

            A me ia mau olelo i hookuu ia mai ai oia e hoi no kona wahi ponoi a huli ae la ko lakou alahele a hoi hou aku la no na wahi a lakou e ku kiai ana.

            I ka hiki ana aku e ua wahi Bakala nei ma ko lakou wahi mau, ua hui koke aku la oia me kana wahine, a iloko o na manao walohia o ke kauniaha i puili pu ae ai laua i kahi hookahi, e hoohanini ana i ka ukana walohia a ke aloha.

            I ka pau ana ae o na manao uluahewa o ke aloha e hana ana mawaena o laua, oia no ka wa i hoike mai ai o kana wahine i na mea e pili ana no ka laua keiki mai ka mua a ka pau ana, he mea e ka ehaeha o kona naau.

            Aka, ua haawi aku la nae oia i na olelo hoolana imua o kana wahine, me ka olelo pu aku, mai hookaumaha i kou noonoo, uo ka mea, e kii aku ana wau e wehe iaia mailoko mai o ka halepaahao.

            Mahope iho o ka laua mau kukai olelo ana, ua haawi aku la oia i na mea ai ana i paa pu mai ai, i wahi o no ko laua noho ana iho ia mau la elua.

            Mahope iho o ko laua hooluana pokole ana, ua hele aku la laua mawaho o ka halepaahao, no ka nana ana aku i na paia weliweli i hoopaa ia ai o ka laua keiki.

            E kiei a e halo ana hoi ma wahi a pau, aka, he neo no nae ka mea i halawai mai me ko laua onohi ike.

            Ua hoomau aku no laua i ka naua ana ma na wahi a pau, a aia hoi ua wahi Bakala nei ke hoomaopopo nei i kahi e hiki ae ke kii aku i kana keiki e hoopakele ma kekahi wahi ololi e kamoe ana ma ka aoao hema o ka rumi i hoopaa ia ai o kahi Tome.

            O ka loaa ana o keia wahi kupono iaia, ua lawa ia no kona hoike ana aku mua o kona mau hoa o ka aahu uliuli, ka poe hoi e kali mai la, o ka poeleele koke iho,

            Me keia mau hoike i loaa iaia, ua koi aku la i kana wahine e hoi laua, me ka hookaawale pu hoi ia laua iho mai ke kulanakauhale aku, no ka hoopakele ana i ko laua ola, mai ka lima mai o ka moi puuwai eleele.

            Elike me ka makemake o ua wa hi Bakala nei, pela no hoi o hooko aku ai kana wahine i kana mau olelo, a hookaawale io aku la ke akule i ka hohonu, oiai, aole io i maopopo aku ka manao oia mau la aku.

            Ua lawe loa aku la oia iaia a ma na palena waho loa o ke kulanakahale, a hoonoho aku la iaia ma laila, a hoike aku la hoi iaia ala he puulu o na powa e kali ana no kana kauoha, i hoouna ia mai e ke alii powa.

            O keia mau olelo a pau a kana kane,  ua hoolohe mai la oia me ka manao maikai, a oiai hoi, he hana ku keia i ke aloha i kokua wale ia mai, ua haawi koke mai la oia i na apono ana no keia mau manao o kana kane.

            I ka uhi ana mai o ka po, aia hoi ua ike ia aka la ua poe keiki noho kuahiwi la, e huliu ana me ka hoemakaukaau ana no ka lakou hana, e lawelawe aku ai ia po, no ka hele ana e hana i ka mea i lia mua ia i na i hala aku.

            Ua haalele aku lakou i kahi hoomoana a lakou i hooluana ai ia la, a kamoe pololei mai la ko lakou alahele no ke kulanakauhale alii o Wale, no ka lawe pio ana ae i ka halepaahao iloko o ko lakou lima elike me ka makemake o ko lakou haku.

            A iloko wale no o ka wa pokole, aia hoi, ke haulani nei ka ihu o ua poe keiki laeula nei o na pali nihoniho o na Hilana o Wale, no kahi e hiki aku ai i ka halepaahao.

            O keia nee ana, eia ia malalo o ka Bakala alakai ana, a elike me na mea i hoike mua ia ae nei, i kahi e holopono ai ka lakou hana me ka ike ole ia, ua alakai aku la oia i kona mau hoa ma ka aoao hema o ka rumi paahao o kana keiki.

            He uina a ne-i ana, aia hoi, ua naha aku la ke pani hao a ua weluwelu hoi na puka aniani mamuli o ke aluka o ke komo ana o na powa iloko, a iloko hoi o ka wa pokole, ua pau loa iho la na kiai i ka hopu a hoopaaia i ka hao.

            A iloko hoi o keia wa i halawai aku ai ko Bakala mau maka, me na hioha weliweli o kahi i hoopaaia ai o kana lei, a me ka hookaulua ole iho, ua hele aku la oia a wehe ae la i na hao i hoopaaia ma kona mau lima a me na wawae.

            Mamuli o ka loihi o na la o ka hoopaa ia ana o ke keiki opio ilihune iloko me ka hanai kupono ole ia ua emi mai kona ikaika, a ua nawaliwali hoi kona mau lala.

            No keia kumu, ua unuhi ae la kekahi o lakou he omole waina mailoko ae o kona poli, a hoohainu aku la i kahi Tome ilihune, a haawi aku la hoi he mau apana palaoa, a iloko o ka wa pokole wale no, ua hoi hou mai la ka ikaika iloko o kona kino i hele a nawaliwali,

            I keia wa i hele ia aku ai oloko o na rumi i hopaa ia ai o na pio, a me ka manao maikai, wehe ia ae la na hao i hoopaa ia ai ma ko lakou mau lima me na wawae, a hookuu ia aku la lakou e hele me ka hoopilikia ole ia.

 

NA HAWAII NO AMERIKA.

 

            Eia malalo iho nei e ike ia ai na inoa o na poe Hawaii i holo pu aku ana me Ernest Cooke no ka hoikeike nui e malamaia ma Nu Ioka maluna o ka mokuahi Kina.  A e hala ana ia lakou he eiwa mahina ma ka aina malihini mamua o ka hoi ana mai i ka aina hanau nei mai na kupuna mai.  John M. Kulia, Makalena, Kalua, Kitiona Nakea, Hopili, D. Kipi.  Na wahine, Rebeka I. Nakea, Isabela Pera a me Mamo, a he mau Malaia kekahi e holo pu ana, oia o Aleantora a me Yridora.  O ka makou e upu ae nei, e hahai ia ka oukou huakai me na pomaikai he nui.

            Maluna o ka mokuahi lawekoa i loheia mai ai, ua kohoia aku la o Adimarala Diuwe i Adimarala Kiei kie no ka oihana kaua moana o Amerika Huipuia, a ua loaa aku la iaia he hae hou me na hoku eha maluna ona.  Hanohaweo uo ke kanaka.

 

UA NALOWALE.

 

            Ua nalowale he Uwati Wahine hamama i hoopaa ia me kekahi pine gula me na hua kumu ma ke kua "N. B."  Ua naiowale ma ka Poaono ma ke Alanui Papu, Hotele, Nuuanu E loaa no he uku makana kupono ke hoihoi ae ma kahi H. F. Wichman.  Alanui Papu.    1t

 

UA NALOWALE!

 

            Ua nalowale ma ka po Poakolu nei, Mar. 8, 1899, he Koloka Eleele, i uhiia me ka veleveta a me ka paie silika.  O na alanui o kahi i manaoia ai ua haule ma ke alanui Waikiki, Moi, Moiwahine a hiki i kahi o Sini Loi.  O ka mea e hoihoi aku ana ia Mrs. Kahuila Wilikoki e loaa no @aia he uku makana.

 

HOOLAHA HOOPAU HOOKOHU AGENA.

 

E ike anuanei na kanaka a nau, o maua o Ailau (w) a me. S. K. Kahikina (k) no Kalaupapa, Molokai.  Ke hoopau loa aku nei maua i ko E. H. Boyd noho Agena ana no maua.  Aole loa he mana iaia e ohi ai i na uku hoolimalima makahiki o ko maua mau Apana Aina e waiho ana ma Manoa, Kona, Oahu.

O na palapala hoolimalima a palapala e ae paha i hana ia e E. H. Boyd ma ko maua inoa, e lilo ia mau palapala i mea mana olema. ke kanawai.

O maua iho no me ka oiaio,

AILAU (W),

S. K. KAHIKINA (k).

Kalaupapa, Molokai, Feb. 10, 1899

 

Kauhaua Akea me ka Hauoli

 

Imua o oukou e ko maua mau hoa o ka pupuu hookahi.

                                    Aloha oukou a pau loa:

 

            O maua o na mea no laua na inoa malalo iho nei, ke waiho akea aku nei maua imua o ka Lahui Hawaii, i ke kuleana mahele iloko o ka Halekuai Temple of Fashion, i kapaia Ka Heiau o na Paikini e ku @ ei ma ke Alanui Papu, Honolulu, mokupuni Oahu.

            O ka huina waiwaiio o keia Hale kuta i keia wa he $18,000, a e like me ko, maua manao lokahi, manao hana, ua lawe maua i ke koikoi o ke kaumaha ma ko maua aoao, ma ka lawe ana he 450 mahele.  Nolaila, o ka huina o na mahele (share) i koe he 3000.

            Nolaila, ke nohoi aku nei ma ua i ko oukou manao hana e lawe kela a me keia Hawaii ponoi i mahele a mau mahele paha e like me ka hiki ma ka $5.00 o ka mahele, a ua loaa i kela a me keia mea lawe mahele ke kuleana o 5 keneta ka emi i na waiwai a pau ana e kuao ai i na waiwai, a e loaa pu no i ka mea @ mahele ka uku o 10 pa keneta o ke dala i ka piha ana o ka makahiki.

            Nolaila, e hoomaka aua ka ohi sua i na mahele mai keia la 4 aku o Feberuari, a pau ma ka la 1 o Maraki, 1899.  A e haoomaka ia no na hana.  E loaa no maua ma Ka Heiau o na Paikini, no na poe a pau e makemake ana e kuka pu me  maua ai ole me ko maua hope noka manawa M. G. Silva ma ka Halekuai no na poe mawaho o ke Kaona, a ma na mokupuni, ua hiki no ke hoounaia mai ma ua leia ma keia mau inoa.

                        O maua me ke aloha,

                                    EDWARD K. HANAPI.

                                     MOSES PALAU.

            Honolulu, Feb. @, 1899.        tf

 

Papa Kuhikuhi Manawa.

 

            Mamuli o ko makou noi ia ana mai e hoopuka aku i ka papa kuhikuhi pololei o na mokuahi o na aina mamao e kipa mai nei a holo aku, pela makou i manao ai e hooko aku nei.  Aole i hoike ia na moku mai lalo mai o na Paualaau Hena a me Iapana a me Kina mai, olai, ua:  maopopo no na moku e holo nei ma ia ma aina

Na Mokuahi mai Kapalakiko a me Vitoria mai.

Moana             Maraki 1

Pekina             "           8

Australia           "           15

Gealic              "           16

Miowera          "           17

Honkong Maru "         24

Alameda           "           29

China                Aperila  1

Doric               "           11

Australia           "           12

Warrimoo        "           14

Mariposa         "           26

Rio de Janeiro "           27

 

Na Mokuahi holo no Kapalakikoa me Vitoria

 

Alameda           Maraki   1

China                "           10

Warrimoo        "           15

Doric`              "           18

Austalia           "           21

Nippon Maru   "           25

Mariposa         "           29

Rio de Janeiro Aperila              4

Coptic             "           11

Aorangi            "           12

Australia           "           18

America Maru "           21

Moana             "           26

Pekina             "           29

 

OLELO HOOLAHA.

 

            Ke papa a hookapu loa ia aku nei na ano kanaka a pau, aole e komo a lawaia ma ko'u mau Loko I'a, aia ma Koula, Honolulu, Oahu.  Aole e komo wale ma ko'u aina, ke loaa ole aku ka ae ia.  O ka mea a mau mea e kue mai ana i ko'u aina, ke loaa ole aku ka ae ia.  O ka mea a mau mea e kue mai ana i ko'u pon o, e hooopii no au ma ke kanawai o ka aina.

                        Owau na,

                                    Kit Chiu (Pake).

            Honolulu, Feb. 17, 1899.        1m.

 

L. C. ABLES.

MEA KUAI AKU A KUAI MAI.

He mea Hoaie Dala ma ka Moraki i na Waiwaipaa.

 

            Eia pu me ia o Makanoe C. Amana, he Hawaii i ike nui ia, a i noho maloko o ke keena auhau no eono makahiki.  Ua makaukau oia e haawi aku i na kokua i na poe a pau e makemake ana e kuai aku a kuai mai paha i ko lakou mau aina.  A ua makemake hoi e hoaie aku i na waiwai hihia ole.  E kipa mai.

            KEENA HANA:  Ma ke Alanui Papu ma Ewa o ka Hale Banako o Irwin ma.        feb 27 1m ly.

 

JAMES K. KAULIA.

Loio a Kokua ma ke Kanawai.

 

            He mea Hoaie Dala ma ka Moraki no na Waiwaipaa a he mea kuai aku a kuai mai i na Waiwaipaa.  Ua hiki no i ka poe mea aina ke waiho aku ma kona lima i ko lakou mau aina no ke kuai aku, a i ole, o ka poe makemake aina i mau home no lakou, ua hiki no ke hoolawaia i na manawa a pau e makemake ai.

            KEENA LOIO:  E loaa no ma ke keena o kale Kalekona, ma Waikiki iho o ke keena o Keo Kaaka, kokoke i ka Banako o Bihopa, ma Alanui Kaiepa.        jan @               if,

 

BOROKA.

$10,000           MA KA           $10,000

Waiwaipaa

 

            Ua makaukau e Hoale aku ma ka Moraki i ka poe a pau, he mau Wai waipaa hihia ole ko lakou.

            Ua makaukau e huli malako o na Buke Aupuni, i ua Aina pohihihi ma na ane o pau a me ka hooponopono ana i na aina e paala nei me ke kuleana ole.

            Ua makaukau e hana i ua Palapala Kuai, ua Pakapaia Hoolimalima, ua.  Palapala Moraki a me na Palapala o kela a me keia ano i ku i ko kanawai.

            E ohi ia no na Aie o kela a me keia uno ke wiho ia mai.  E hookoia no ua kauoha me ka eleu.

            Ke kono au nei i na makamaka a pau e kipa mai ma ko mana K@ Hana, ma ka Hale ma Ewa o ka Hale, puio o kaumakapili.  Alanui Beritania John Prendergast, (Kapamawaho)

William Mossman, (Mokimana)

Honolulu, Mei 21, 1898.         @ dl    wk