Ke Aloha Aina, Volume V, Number 11, 18 March 1899 — Page 6

KE ALOHA AINA

POAONO, MARAKI 18, 1899.

 

HE MOOLELO WALOHIA

:NO

ALANADELA

Ka Wahine Hoopahaohao o ka Aahu Keokeo.

A I OLE

Ka Loea Hookani Pila Hapa o ke Kulu Aumoe.

 

            I ka hala ana aku o ke kanaka powa e ahai la ka pupuhi no ka hoopakele ana i kona ola, a hoalii hou mai la ka meha malo o o ua mau ululaau la, oia koke no ka wa i poha mai ai ka leo o Magarita, i ka hooho ana mai i kona mau hoa.

            E o’u mau hoahele, e hookaawale koke kakou mai keia wahi aku, e wiki a mai hookaulua hou iho, no ka mea, he mea maopopo loa e hoea hou mai ana no ke kanaka powa me kona mau kokua nui hewahewa no ka hookau ana mai i ka poino maluna o kakou, nolaila, he hookahi wale no hana pono no kakou, oia ko kakou hoololi ana ae i ko kakou alahele, e hoolohe mai i keia leo o ke ola.

            Aole a’u mea e kue aku ai e ke pailata maikai wahi a Walata i panai aku ai, a o kau wahi i ike ai he pono, oia kau e alakai aku ai ia kakou a hiki i ko kakou hoea ana aku i ka home o ke alii powa.

            I ka hooki ana iho o Walata i kona leo, oia no ka wa o Magarita i hoohuli awiwi ae ai me ka eleu i ke poo o kona lio no kekahi alahele okoa, a kuupau aku la i ka holo nui iloko o ka hihipea o na laau.

            A no Walata ma hoi, aole a lakou hookaulua hou ana iho, aka, ua ukali koke aku la lakou mahope o Magarita, elike me ka mama holo o ko lakou mau lio pakahi.

            A i kela a me keia minute, aia ko lakou mau lio ke pii la iluna o na puu, ke iho la ilalo o na kahawai me ka hoomaha ole, a i ka piha ana o hookahi hora, aia hoi, ua hoea aku la lakou maluna o kekahi ahua e ike pono ia aku ai ka home o na powa o Sekotia e waiho mai ana ilalo o ke kahua akea, a ike pu aku la hoi lakou i na kukui e u mai ana ma kahi he hookahi wale no mile ka mamao mai ia lakou aku.

            Na keia mau kukui e uiuiki mai ana i hookomo i ke pahaohao iloko o Walata, a no ia kumu ua huli ae la oia a ninau aku la i ko lakou pai lata i ka i ana aku:

            E Magarita, e hoike mai heaha kela mau kukui e uiuiki mai la ma kahi he mile wale no ka mamao mai ia kakou aku, ilaila anei ka pahu hopu o ka kakou huakai?

            I keia wa no i kaohi mai ai o Magarita i ka holo o kona no a me ka leo pihoihoi pane mai la oia i koua mao hoahele.

            Ae, o ka pahu hopu kela o ka kakou kuakai, a o kela mau kukui a kakou e ike aku nei, o ka punana no ia o na powa. A ke ole e hewa ka’u koho ana ma na aka e maalealo ae la ma kahi o ke kukui, he hana nui ke noonoo ia la maloko o ka home o na powa puuwai eleele.

            Nolaila, e akahele loa kakou ma keia wahi, no ka mea, ua paa wale no keia wahi i ke kiai ia.

            No kekahi mau sekona wale no keia makaikai ana a ua mau hololio nei i ka a mai a ke kukui o ka heana o na powa, oia no ka wa i huli hou mai ai ko lakou alakai wahine a pane mai la:

            E o’u mau hoa e haawi aku i manawa hoomaha hope loa no ko oukou mau lio, oiai, aole kela he wahi paani wale no, aka, malalo o ka ikaika a me ka eleu e loaa ai ka lanakila.

            Ua pono, wahi a Alanadela i hooho mai ai, he manao maikai loa kela ou, a i keia wa no i lele aku ai na mea a pau no lalo o ka honua me ka haawi aku i ko lakou mau holoholona no ka hooluolu hope ana.

            I ka lele ana aku o na mea a pau iluna o ka honua, a a hoi, ua hoopuiwa ia a e la lakou i k@ lohe ana aku i ka halulu o kekahi mau ka puai wawae ho no lakou ka huina maluna o ka haneri, a la mau sekona pu no hoi, ua pio koke iho la na kukui a lakou i ike ai i na sekona mamua iho.

            A lohe pu ia aku la ka leo o ko lakou alakai e hookina ana i kona mau kanaka, no ke kuupau ana i ka holo o ko lakou mau lio. O ke alahele hoi a lakou e holo mai nei ma kahi kokoke loa i kahi a ka kakou mau eueu e hoomaha nei.

 

HE HE@HE@ MOANA.

 

            Ua loaa mai nei he lono maluna o ka mokuahi Gaelic, ua malamaia he heihei moana mawaena o na mokuahi Alameda a me Hongkong Maru mai anei aku nei no Kapalakiko. Ua haalele mua iho ka Honkong ia Honolulu nei he eha hora mamua o ka haalele ana iho o ka Alameda, aka, ua hoea mua aku nae ka Alameda he 12 hora mamua o ka hoea ana aku o kona kokoolua i Kapalakiko. Ua olelo ae na poe o ka Hongkong ua loaa he mau poino i na ipuhao o ua mokuahi Is, a pela kona kumu i ulolohi loa ai.

 

UA HOOPANEE IA AKU.

 

            Aole e weheia ana ka halekuai o ka Pacific Import Co., ma ka la 18 o keia mahina, mamuli o ka nui loa o na waiwai i hoea hou mai la maluna o ka mokuahi Auseteralia. He 500 pahu o na waiwai hou mai na hale hana nui mai o ka nonua i hiki hou mai la. Nolaila, ua hiki ole ia makou ke wehe ma ka la 18 o keia mahina, aka, e we@eia aku no ia ma keia ahiahi Poaono hou aku, ma ka hora 7:30. E hoike hou ia aku no maloko o keia pepa.

            Pacific Import Co.

 

KANIKAU NO KAIULANI.

 

Kanikau la he aloha ue,

O ka lei o Hawaii ue a ue ke aloha,

Me ka lihaliha pau ole ue,

Ko Lahui Hawaii ue a ue ke aloha.

Me ka ka minamina pau ole ue,

O Ake no he makua ue a ue ke aloha,

Ka manaolana o Hawaii ne,

Ua hala ua nalohia ue a ue ke aloha

O Liliu-o-lo-loku-lani ue,

Ko lei Lani ua mae ue a ue ke aloha,

Ua niau hele iho nei ue,

I ke ala ulili a Kane ue a ue ke aloha.

Ke hopu hewa nei hoi ue,

O ka lua o na Lani ue a ue ke aloha,

I ke aka kino wailua ue,

Ko Lani kai kua uli ue a ue ke aloha.

 

I ue ia mai nei oe,

E ka poli Pohina,

E ka ua noe Haao,

Nalu o Paiahaa.

I ue ia mai nei oe,

E ka ua Kipuupuu,

E ke anu o Waimea,

Uhiwai o Mana.

I ue ia mai nei oe,

E ka pohu lai o Kona,

Ia kai paeaea,

Kai aloha a na kupuna.

I ue ia mai nei,

E ka wai o Hiilawe,

Kiowai a Hai,

Paepae o Liloa.

 

Malamalama Hawaii,

Ke ahi a ka wahine,

He hoailona kapu ia,

No Kalani Ahilapalapa.

HUI,

            Eo e ke Ahilapalapa,

            E moe lolii nei,

            Aia na kihi o Puna,

            Ua po i ka uahi,

Nou ka E ka ua koko,

Me ka laula i ka lewa,

Ne i ka hekili nakolo,

I ka maka o ka uila.

E Pele ua ana oe,

Ua ku ko makaia,

Ua auhulihia Hawaii.

Ne i nakolo e ka pihe.

 

Lihaliha wale ke aloha,

E pipii malie ae nei,

No loko ae no ka manao,

Hue koni launa ole,

Mea ole ka loa oia uka,

I ke kono ae a ke aloha,

E aloha ae ana no au,

Kahi kiheipili o kaua,

I ka ninau ae ia’u,

Auhea ka moena Makoloa,

Nee iho kahi mea na liilii,

Puluelo maua me kuu aloha,

Ma o oe la e pili ai,

Maanei oe la e puhau ai.

            Haina ia mai ka puana

            O niniu ka pua i Ainahau.

 

Nani Waiomao noho i ka iu,

Noho no i ka poli o ka mauua,

Muu no ke aia me ke ouaona,

I ka hale laukoa o Ke’lii,

O ka leo o ka wai ka mea aloha,

I ka ue hone mai me he ipo la,

Me he ala e iniki hoolu ana,

I ka piko waena o ke aupuni,

Mai puni aku oe i kahi manu,

Kahi manu ai pua lehua o uka,

Eia i anei kou kuleana,

Ka lua hoi o ka naueue,

            Hainaia mai ana ka puana,

            O niniu ka pua i Ainahau.

 

A he mai keia ea ea,

No ka Wekiulaui ea ea,

Aia ko mai ea ea,

A i Polihale ea ea.

 

Aia @o mai ea ea,

Ka iei Kaunaoa ea ea,

Ka Wailiula ea ea,

A i Mana ea ea.

 

Aia ko mai ea ea,

A i Papiohuli ea ea,

A e huli aku ana ea ea,

Aia i Limaloa ea ea.

 

Aia ko mai ea ea.

A i Polihale ea ea,

Ke kini punohu ea ea.

Auau ke kai ea.

Aia ko mai ea ea,

A i Nohili ea ea,

Haa mai na niu ea ea,

O Kaunalewa ea ea.

Aia ko mai ea ea,

A i Makaweli ea ea,

Waiulailiahi ea ea,

A o Waimea ea ea.

            Haina ko mai ea ea,

            O niniu i ka pua ea ea.

                        Hakuia e,

LALA MAHELONA.

 

HE MELE KANIKAU NO KAIULANI.

 

He halia he aloha keia,

No kuu haku lani i ke kapu,

No Kaiulani hoi he Alii,

No Kalaninuiahilapalapa,

Olapa ka nila me ka hekili,

Hoike na Lani i kou kapu,

He kapu a he Wohi, he Alii Nui,

Kahiko a ka na noho mai iuka,

Na omaka wai a ka naulu,

O ko kapu ia i ka wekiu,

A na Lani a e kahiko nei,

O ka lei hulu Mamo nani o Ainahau.

Ka home ihikapu o ke Alii,

Au i nanea i walea ai,

I ka holu a ka malu lau o ka niu,

E Kaiulani—e, e ala,

E Kalaninuiahilapalapa,

O ka Lei Kalaunu ia a ka lahi,

Mai Hawaii a Niihau,

            Eo e ke Alii noua e ke kapu

            O Kaiulani no kou inoa.

            Hakuia e

            KALOIOKALANI.

 

Nuhou Kuwaho.

 

            Maluna o ka Auseteralia i loaa hou mai ai ia makou na lono makamaka hou loa, a no ka pomaikai o ko makou mau makamaka heluhelu ke hoopuka aku nei makou me ka awiwi nui penei:

HOOUKAIA HE KAUA HAHANA MAWAENA O NA AMERIKA A ME NA PILIPINE.

            Nu Ioka, Mar. 7. He lono telegarapa kai loaa mai nei i ka nupepa La, no ka hora 8:50 o ka la 7 iho nei o Maraki, e olelo ana, he puali o na koa kumau Iwakalua a me na regimana Neberasaka Ekahi a me Wyoming Ekahi a me eha pu o ka Puali Pukaa Uta kai nee mua aku i keia kakahiaka no ka halawai aua me na Pilipine ma ka hema aku o ka lua wai. Ua lele kaua aku na pualikoa Iwakalua a me Neberaska ma ka aoao akau, a o na pualikoa Wyoming hoi mamua pono. No 2 hora o ko lakou hakaka ana @a emi hope aku na kipi mai ko lakou mau auwaha aku no ka muliwai Pasig. O Kapena O’Brien a me Joseph Sparks o ka batalioua Wyoming a me John Curran o ka puali Iwakalua kai hoehaia. He nui ka wela o ka la, a ua nui na koa kumau i maule.

            Ua hoomau mai na kanaka i ke ki ana i na pualikoa o Kenerala Whaeton a me Kenerala Hale. Ua panai koke aku komakou puali a hoopuehu aku la i ka enemi mai ko lakou mau kulaua aku. He puali ikaika kai hoouua ia aku no ka huli ana maloko o 500 ia, aole he mau Pilipine ola i loaa aku, aka, he lehulehu wale o na poe maka i huuaia iloko o na opu nahelehele i loaa aku.

            Ua hoao ae na kanaka e hana i kekehi pahele i keia la. He elua mau hae o ka maluhia i ikeia aku e kilepalepa mai ana mamua o na pualikoa o Kenerala Over ahine. No keia kumu, ua hoouna koke ia aku o Lu@anela Keehler a me kekahi mau kanaka no ka halawai ana aku me na Pilipine no ka hoike ana mai i ko lakou makemake. Ua hele aku ka lutanela me na kanaka ma kahi he 500 i-a mai ka laina aku, ua ike aku la lakou i na mea e paa ana i ka hae, ua hoolako pono ia me na mea kaua, a he heluna nui hoi o na kanaka e pee ana mahope o na opu nahelehele me ka manao ana e luku aku i na Amerika.

            I ka hoomaopopo ana o Lutanela Koehler a me kona mau kanaka i keia mau manao o na enemi, ua huli ae la oia a hoi hou aku la no na laina o Amerika. A i keia manawa koke no i ki mai ai na enemi, aka, aole nae he mea i hoeha ia.

            Ua lele kaua koke aku na Amerika maluna o lakou me ke kipaku ana aku ia lakou no kekahi aoao o ka muliwai, aka, ua hoi mai no na kipi i ka wa o ko makou mau kanaka i huli hoi mai a i mai ke alualu ana aku ia lakou

            Oiai ka puali Neberasaka e hoi hou ana no kona kulana mua i ka anina la, ua kipu mai la na kipi maluna o lakou, a make iho la o Roscoe Young a me G. Walker. Ua hoehaia o Kapena C. H. Ough. Ua hoomaka hou ia ke kaua, a ma ia kaua ana ua hoehaia o Mekia Bell.

 

HOOPAKELE O FARANI I KA MOIWAHINE O MADAGASEKA.

            Ladana, Mar 1. O ka moku hali leta Parisa, ua hoea mai la oia i Marseilles ma ka la inehinei. A mawena o kona mau ohua ka Moiwahine Rauavalo o Madagaseka, a ke aupuni o Farani e lawe nei iaia no kahi e loaa ai ka maluhia, ma Algiers. E ukali ia una oia e ehiku poe, maloko oia huina kona @oahanau a me kona makuahine hoahanau. E uku hoomau aku ana ke aupuni Farani iaia. He waiwai pilikino o na nohaku makamae a me na lako gula o ke kumukuai koikoi loa kona.

           

HOOPAAHAO IA O ADIMARALA MONTOJO.

            Madarida, Mar. 2. O Adimarala Montojo, ke alakai nui o na mokukaua Sepania i hoopoino ia ai e Adimarala Diuwe ma ka hooili kaua ma ke kaikuono @ Manila, a alakai o kahi hoahu pauda ma Cavite, ua hookomo ia aku oia no loko o ka halepaahao koa i keia ahiahi no ke kali ana i kona hookolokolo no kona kulana ma Manila.

            Ua hoopuka ae ke aupuni he hoopai no Kenerala Linares, ke alihikaua nui o na pualikoa Sepania ma Santiago i ka wa o ka haawipio ana ia Kenerala Shafter.

 

HOEHAIA KA ENEGINIA O KA BENINETONA.

            Manila, Mar 2. Oiai kekahi heluna kanaka malalo o Eneginia Emery Winship o ka mokukaua Beninetona e hoao ana e hoolele @ kekahi pu wili ma Malaben ma ka la inehinei, ua kiia mai lakou e na poe kipi ma kahi kokoke ilaila, a ua hoeha kukonukonu Ioa ia o Eneginia Winship. Ua puhi ia e na kanaka ke kauhale o Pena Francia, kokoke i Paco.

 

LUKU WALE IA NA KANAKA E NA POE KIPI O KINA.

            Vitoria, Mar. 7. Elike me na lono i loaa mai nei ma ka mokuahi Emeperesa o Inia ma ke ahiahi nei, @lulu hou ae la na hana kipi maloko o Kina. I keia manawa, ua komo pu aku ma ua apana waena. Ma ka spina o Auhui i malama ia ai na hana manaonao e na poe kipi, e alakai ia ana e Niu Shu Hsiu no lakou ka huina o 10.000. Ua halawai ae lakou @e na koa aupuni malalo o Kenerala Kuo, ma kekahi kaua nui ma ka la 28 o Ianuari, a ua luku ia lakou me ka weliweli nui. He mau haneri o lakou i pepehi ia, me ke kiolaia ana iloko o ka muliwai a hiki i ka piha pu ana o ka muliwai me na kino make.

            Mahope iho o ke pio ana o na pualikoa o ke aupuni, ua pulumi aku la lakou i na kulanakauhale o Kuyang a me Mengsheng i lawe pio ia me kekahi hakaka uuku. I ko lakou we i kaalo ae ai ma na paia aianui, ua luku aku lakou i na kane wahine a me ua keiki.