Ke Aloha Aina, Volume V, Number 6, 11 February 1899 — Page 1

KE ALOHA AINA

HOOKUMUIA I MEI 20, 1895

BUKE V.        HONOLULU, POAONO, FEBERUARI 11, 1899  HELU 6

 

KA NUPEPE KE ALOHA AINA

 

            E hoopuka mau ia aku ana mai ka Poakahi a ka Polima o na pule a pau o kela a me keia mahina.

            Ka Uku Pepa, he 20 keneta o ka pule.  No ke kope hookahi he 5 keneta.

            E loaa no ka pepa maike Keena aku o KE ALOHA AINA, a mai ka lima aku o na Luna Lawe Pepa.

          E pai ia no na Olelo Hoolaha, na Kanikau a me na Mele Inoa, me ke Dala kuike.  Aole nupepa ma ka owili pakahi e hoouna ia ke ole e hookaa mua ia ka uku pepa.

            E hooana pololei mai i na Nuhou na Kumumanae, na Olelo Hoolaha, na Kanikau a me na Mele Inoa i ka Lunahooponopono o keia Pepa.

            Aole loa e hoopuka ia a hoolaha ia kekahi manao ma na kolamu o keia Pepa, malalo o kekahi inoa kapakapa ke ole e hooike mai i ka Lunahooponopono i kona inoa ponoi.

            Ka Nupepa Puka Pule.

 

Ke – Aloha - Aina

 

Hookahi makahiki       $2.00

Eono mahina   $1.00

Ekolu mahina  .50

Hookahi mahina          .20

 

EMMA A. NAWAHI

Puukuo

Ke – Aloha – Aina

EDWARD L. LIKE

Lunahooponopono a Hope Puuku

S.P. KANOA

Hope Lunahooponopono

 

            O na kauoha Nupepa me na h@o kaa Dala, o hoona pololei mai i ka Puuku ma Honolulu.

 

Nuhou Kuwaho

 

HE 500 PAHU KUPAPAU NO MANILA

            Kapalakiko, Ian. 25.  E lawe aku aua ka moku lawekoa Ohio maloko o kona lua ukana he 500 pahu kupapau no Manila.  He lehulehu na kaa kika@@ i hoolilo ia aku ma ka la inehinei no ka lawe aua aku i na pahu kupapau no ka moku, a ma ia po he ahua mai ke waiho ana maluna o ka uwapo Folsom me ke kali ana no ka ookau aku iluna o ka moku.  He eono mau mea lawelawe kupapau akamai e lawe pu ia aku ana no ka hooponopono ana i na kino make o na koa mamua o ko lakou hoihoi ia ana mai.  I ka @ea ana mai o keia mau kino make e haawi ia aku no ia i ko lakou mau ohana a i ole e kanu ia ma ka ilina kupapau Presidio.

HE MAU OPIO MAHUKA.

 

            Tacoma, (Wash.,) Ian. 20.  O na opio holo mahuka opio loa i ikeia maluna o ka moana Pakipika, ua loaa mai nei ia maluna o ka mokupea C. F. Sargent, i hoea mai nei mai Honolulu mai.  He kaikunane a kaikuahine laua, he hookahi o laua he elua makahiki a o ka elua he ekolu makahiki, i haalele ia maluna o ka moka e ko laua makuakane.  He elua la o laua maluna o ka moku me ka ai ole mamua o ka loaa ana aku.  O na makua o keia mau opio he Geremania, he mau limahana hoi o ka hoea ana aku nei no ia i Honolulu.

            Ua make ko laua makuahine mamua o ka haalele ana aku o ka moku ia laila, a ma ka po ana iho ua pii malu mai ka makuakane maluna o ka moku me kaua mau keiki a haalele iho la iloko o ka lua ukana.

 

KA MA’I SAMOLA POKI.

 

            Sante Fe, Ian. 24.  Ua loaa mai nei he lohe ianei, o ka ohana Ilikini zuni, e noho nei ma ka aoao komohana o keia panalaau eia lakou ke hoopoino ia nei e ka ma’i Samola Poki, O ka he l@na o na Zuni, ma kahi no ia o ka 2000, a iloko o na mahina eono i kala ae nei, he 217 make mai ka ma’i samola poki mai.  Maluna aku o 600 iloko o ka ma’i.  Ua manaoia, aole e hiki i kekahi kauka aupuni a me na poo lawelawe ke hoopau ae i ka anai a@a a keia ano ma’i.

 

HE 12 MOKUKAUA SEPANIA A AMERIKA E HOOMALU NEI.

 

            Wasinetona, D.C.  He 12 mau mokukaua Sepania mamua, e lawe nei i ka hae Amerika, a ua pakui ia aku hoi no ka oihana kaua moana o Amerika Huipuia.  He elua o keia e holo ana ma ke alahele o Portsmouth, a malaila la@a e hoomaemae ia ai mamua o ka holo ana aku no Cuba, a he ehiku aia malalo o ka hoomalu ana a ua Adimarala, a he ekolu i hoouna ia aku i Hongkong, no ka hooponopono hou ana, oia hoi, na moku i waiho ai iloko o ke kai kuono o Manila mai ka la 1 mai o Mei.

 

OLAI IKAIKA MA MEKIKO

 

            Kulanakauhale o Mekiko, Ian. 24.  He lehulehu wale na hoonaueue olai i ike ia i keia la ma ke awaawa o Mekiko.  Ua hoomaka mua ka hoonauenue olai ma ka hora 3:30 o keia auina la, nana i hoonauenaue i ka honua no aneane hookahi minute, a ua nui ka pioo o na mea a pau.  Ua holo aku na kanaka iwaena o na alanui me ke kukuli a pule ana, a o kekahi poe ua holo aku malalo o ka pio o ka puka.  O na poe e kuai ana maloko o na halekuai, ua paa aku lakou i na papa kuai no ka hoopakele ana ae ia lakou mai ka hina ana aku, a o na mea a pau maloko o ke kulanakauhale nui ua ku malie iho la ia.

            He nui na hale i nakaka.  O ka hale alii lahui, he umikuma makahi ona wahi i nakaka, a ma kekahi mau wahi ua pau na alanui hele aoaoa i ka poino.  Ua lewalewa iho na kaula uwea uwila a me uwea olelo me he kaula i loaa i kekahi makani ikaika.  O ka hale hana silika Chambo@s ua hiolo ia me ka hoeha ana i kekahi o kona mau limahana.  Ua haule iho he hale kaa, a ua make he keiki opio a me na hoki.  Ua loaa mai he lono telegarapa, ua ikela keia olai ma Vera Cruz a me Colima.

 

 

KA POOLETA HOU

 

            Maluna mai la o ka mokuahi Mariposa i loaa mai ai i ka Oihana leta he mau pooleta elua keneta hou, i hana ia mai nei ma Nu @oka.  Ua loli ae ka waihooluu o kela poo hou mai ko @a pooleta elua keneta kahiko, oia hoi, he ula a@io@i@ keia a he hauliuli hoi na poo mua.  A ua hoopau ia ae hoi ka auaino aua o ka oihana leta i na h@i@@ ana i hookau ia aku maluna ona i na pule elua i hala ae nei, mamuli o ka nele ana o ka ha@l@l@ta me ka poo elua keneta @le.

 

HE $500 MAKANA

 

            Ua hoopuka ae o Ilamuku Baraanu he uku makana o $500, ma ke ahiahi Poahkahi nei, i ka mea a mau mea paha e hopu ana i kekeahi Iapana nona ka inoa o Sailo.  O ka hewa o keia Iapana e huli ia nei, mamuli no ia o ka hoopoino ana o keia Iapana i kekahi wahine Iapana i hoea mai kona hopena o keia ola ana, he aneane elua pule i hala ae nei ma Ewa.  Ua hoao na makai e huli ia Sailo, aka, aole nae he meheu o kona wabi i mahuka ai.

            Ua olelo ae o Doyle, ka unuhi olelo Iapana, ua hoohui ae na Iapana ia lakou no ke kokua ana o kekahi i kekahi ma ka hoopakele ana ia lakou iho mai na kanawai aku, aka, he manaolana nae kona na keia uku makana mahuahua e kono aku ana i kona mau kokua e haawi mai iaia iloko o ka lima o ke kanawai.

 

UA HOEA MAI LA I KE AWA O KOU NEI

 

            Ua hoea mai la i keia kakahi aka nui Poalima, ka moku lawekoa Scandia mai Kapalakiko mai nei, me 1200 koa Amerika maluna ona e lawe nei no Manila.  Ua lele mai kona mau koa no ka hoomohala ana i ko lakou mau au, me ka paikau ana ae ma kekahi mau alanui o ke kulanakauhale nei, malalo o ke alakai ana a ka lakou bana.  O ka pualikoa hele wawae Iwakalua keia i hoea mai la, a maluna o na moku lawekoa Ohio a me Senatoa e hoea mai ai na pualikoa hele wawae iwakalua-kumamalua.  E piha koa hou mai ana kakou i keia mau la.

            O ka nui o na make o ke kulanakauhale nei no kela mahina i hula aku nei, he 95, a penei ua hoonohonoho aua.  Na Hawaii 56, Puke 13, Pukiki 4, Iapana 10, Beritania 3, Amerika 3, na lahui @ ao @, a mailoko mai o keia huina he 32 i make lapaau ole ia.

 

            Ua loaa mai he lono mailalo mai o Ewa, ua kaawe ae he @apana iaia iho maluna o kekahi kumu kiawe ma ke kakahiaka Sabati nei.

 

UA HALA AKU LA IA ALOHA AINA OIAIO

 

            Me ka naau luuluu, a me ke aloha walania, i hoea mai ai ka lono i o makou nei ma ke kakahiaka Poaono nei, e hoike mai ana, o William L. Holokahiki, ua pauaho mai la i na inea o keia noho kino ana, a naue kololani aku la ma ke ala polikua a Kanaloa, iloko o na hoomaile loihi ana a ka mai maluna o kona kino no ka manawa o aneane elua makahiki.  Ua kuu mai la kona aho iloko o ka maluhia.

            O kekahi ia o na Hawaii koikoi iloko nei o ka aina, a i kamaaina nui ia hoi ma kana hana hookahi wale no i lawelawe ai mai kona wa opio mai, oia hoi ka oihana loio, a i kamaaina nui ma na wahi a pau o ke@a Paeaina ka hana hookahi nana i hapai ae iaia mai ka haahaa’a i ke kiekie.

            Aia kona mau makahiki maluna aku o ke 70, a aohe no hoi i emi iho ka ikaika o kona kino, a hiki aku la i kona pauaho ana mai la.  He lala kahiko oia no ka Ahahui Aloha Aina o ko Hawaii Paeaina, a he kakoo ikaika hoi ma na hana aloha no koua aina makuahine.  Ua waiho iho oia he wahine kanemake, a he keiki kamakahi makua ole, ke ohana, a me ka poai o na hoaloha he lehulehu e noho ana iloko o ka l@uluu.  Ke komo pu aku nei makou iloko o na @ pu ana o ke kaumaha me ku ohana.  Aloha no.

 

KEIA KAU KIUKE

 

            M@ka Poakahi nei i noho ai ke Kau Kiure o keia Kau o ka Apana Hookolokolo Ekahi, a ua nui na hihia i hoea ae imua o ka Aha, i ka noho ana e noonoo no kekahi mau hihia, ua hoopau wale ia, mamuli o na hooponopono ana mawaho nei, a o kekahi no hoi, eia ke hooholokoloia nei a o kekahi no hoi, ua hoopanee ia aku la a keia Kau hou aku.

 

            He keaka no ke ka O@uma i ke@a po.