Ke Aloha Aina, Volume V, Number 4, 28 January 1899 — Page 8

KE ALOHA AINA, POAONO, IANUARI 28, 1899.

 

HE MOOLELO WALOHIA

NO KE

Keikialii Alabati

 

Ke Kaeaea o Pelekane

:A ME KA:

Ui Madelina.

 

Ke Kukui Uwila o Ainapo

 

Hooheno a no KE ALOHA AINA

 

            I ka mao ana ae o na kihea waimaka mai ko lakou mau papalina ae, oia ka wa ana i hoolauna aku ai i kona mau hoaloha a me ko laua mau ukali.

            A i ka pau ana ae o keia mau hoo launa ana mawaena o lakou, ua liuliu kokeia mai la na mea ai e pono ai ko lakou noho ana.

            A iloko o ka manawa pokole, aia lakou a pau maloko o ka rumi aina kahi i noho ai o na makua, na kupuna a me na moopua, a o na kuka ana hoi o keia huakai hoi i ka home oia ka ke keikialii e hoike nei imua o kona mau makua aloha.

            Ua hoohala ia ko lakou manawa ma na kukai olelo ana, no kona lawe maluia ana e ke alii powa a me kona hoaloha puuwai hamama.

            Ua lilo keia mau olelo a ka laua keiki e hoikeike nei i mea walania no ko lakou naau, a ke ike mau ia aku la na mapuna waimaka e huai mau mai ana mai ko lakou mau lihilihi pakahi mai.

            Mahope o na kukai olelo ana ae o ka makua a me ke keiki, aia hoi, ka moi Uilama a me kona aha kuhina ke noonoo la no na hana hoohiwahiwa no ke keikaihi.

Ua ku koke mai la ka inoi a pane mai la imua o kona mau kuhina penei:

I kauoha aku nei au ia oukou, no ko'u waiho ana aku i ko'u kulana moi, a e hoolilo ana hoi no ke keikiahi opio, e like me ka manao mai kai i loaa ia'u i keia wa.

Oiai, ke emi aku nei ko'u mau la a ua nawaliwali na hooponopono ia ana o na hana o ko kakou aupuni o ka loaa ana he hehu hou ma ko'u wahi ma ka lalani pololei, he hooi i ka ikaika o ko'u aupuni, no ka wa mau loa.

Mamuli o keia manao maikai o ka moi, ua kakua pu mai la kona mau kuhina i keia manao hookahi me ka loaa ole he hookahi mea kue.

Ua lawe hou ia aku keia olelo hooholo iloko o ka aha kuka malu o ke aupani, a e like no me ka hoo holo ana a ka aha kuhina pela no hoi, ka aha kuka malu i hana ai.

            Ua waihoia malie keia mau elele hooholo me ka hoike ole ia ake i ko alii opio.

I ka piha ana o ka mahina hookahi o keia hauoli ana o ka lahui ua hoi hou mai la ke ano o ka lahui e like me ko na la mamua i hala aku.

A oia no hoi ka wa i puka koke ae ai ke kuahaua alii no ka poni ana i ke keikialii Alefereda i moi no Pelekane e like me ka makemake o ka moi Uilama.

A oiai hoi, mamuli o na wehewehe ana a kona kupunakane moi i hoopau ae ai oia i kona manao hoole, a ae aku la i ka nohoahi o kona mau kupuna nana e noho hoomalu.

O kona la i poniia ai he la kalae maikai me ke kau wahi ao ole maluna o na kuahiwi, a i ke kani ana o ka hora 10 ponoi oia kakahiaka, ua malamaia ae la na hana poni moi me ke eehia nui.

I ka pau ana ae o keia hana eehia ua ahai koke aku la kukini mama i ke kahaua aupuni no ka lilo ana ae la o Alefereda i moi no Pelekano ma kela a me keia pea o ka aina, a na komo hou iho la hoi ka lahui iloko o na hauoli palena ole ana.

            O na pio haihai kanawai a pau, na huikala ia aku lakou mamuli o ke aloha o ka moi opio.

Ua noho ke aupuni o Pelekane malalo o na hooponopono ana a ka moi opio, aole hoi he wa oi aku o ka maluhia e like me ka wa ana i lawe ae ai i ka noho hoomalu ana iloko o ka maluhia, a me ia maluhia hoi kakou i hoea aku ai i ka hopena o keia moolelo walohia.

 

KA HOPENA.

 

Ma ka huli hoi ana aku nei a ka mokupea S. N. Kakela no Kapalakiko, ua halawai oia me ka ino nui ma ka moana, a ua lilo aku he 39 barela malakeke i ke kai.

 

HE KUAHAUA AKEA!!!

 

            I kulike me ka mana i loaa ia'u ma ka Palapala Aelike o ka Hui Hoahu Dala o ka Lahui Hawaii.  Ma keia ke kauoha ia aku nei na noe a pau i lilo i mau lala, a i kakauinoa hoi malalo o ua aelike ala e hookaa mai i na koena o na uku aubau a me na uku e ae i oleloia no ua Hui ala, a no ka mea hoi e piha ana ka makahiki mua o ke ku ana o keia Hui, ma ka la 1 o Maraki, a ua makemake pu ia no hoi na poe Hawaii e komo pu mai ma ke kakou ana i na hana imua me ka ikaika a me ke ahonui.

                        Moses Palau,

                        Peresidena Nui o ka Hui H@2abu Dala o ka Lahui Hawaii.

                        Honolulu, Ian. 10, 1899.         3m.

 

OLELO HOOLAHA.

 

            E ike auanei na kanaka a pau ke nana mai i keia hoolaha.  O maua o na mea nona na inoa malalo iho nei ke hoike aku nei maua i ke akea, ua kuai a hoolilo aka maua i ko maua kuleana a pau i ka aina o Nua (k) i mahele ole ia, e waiho ana ma Makapala, Kohala Akau, Mokupuni e Hawaii, ia Pukaua Meku (w), a i kona mau hooilina.  No keia kumu, ua loaa pono mai ma ko maua lima na dala he hookahi haueri me kana@, ($150) aole hoi he kuleana o kekahi mea e ae e kue ai i keia.  No ka oiaio o keia, ke kakau nei maua i ko maua inoa pakahi i keia la 6 o Dekemaba, 1898.

Kepau (k) a me kaapipi w.)

Honolulu , Jan. 7, 1899.

 

JULE WALTERS

Ma ke ano

HOPPER "HAUOLI"

KO HOPPER             ILOKO O KANA PAANI HOU.

 

Hoa u wana ia ana

A I KOKUA IA E

MISS LOUISE LLEWELLYN,

Ka Puukani ma ka Himeni.

KA HUI KEAKA NUI.

Na Hana Hoomakeaka he nui wale.

 

PO POAONO, IANUARI 28.

 

OLELO HOOLAHA.

 

            E ike au a nei na mea a pau loa.  Owau o K. Kaihenui, e noho ana ma Kailua, Oahu, ke papa a ke hookapu loa aku nei i @a Aina o kuu wahine mare ponoi i make kauoha ole, e waiho la ma Kaawa, Koolauloa, Oahu.  Aole e muraki malu ia e kekahi mea, a kuai malu i kela mau Aina, a lawe paha ma ke ano aie.  Oiai, ua hoolaha mua au iaia no kona haalele kumu ole ia'u iloko o eha makahiki a oi, a ua papa au i na mea a pau, aole e hoaie iaia a olelo iho kahi mea he poho kona a koi mai ia'u e mahele no kona poho a luhi paha i malama ai iaia.

He mau lio kekahi aole e lawe a kuai maiu aku, aia au a ike mua.  Oia he ekolu wale no poe hiki, o ia o Ululani, he kaikunane ponoi, a me elua pokii o Pau (w), a me Haliaka (w).  O lakou ka poe kapono a no kekahi poe a'u i ike ole ai, aole e hiki, oiai, he mau keiki kekahi a maua me kuu wahine mare, Mrs. Kealoha.  Aole hoi he kuleana o kana mau keiki ekolu me ke kane manuahi me keia mau waiwai, Oiai, ua kii mai no ua kane la a noi mai e hoohiki aku nana i kuleana ai i kona waiwai, a ua hana ia kela me ko lakou kuleana ole i ka waiwai o kuu wahine mare.

                        Owau no me ka olaio,

                        KAIHENUI

            Kailue, Koolaupoko, Oahu, Ian. 16, 1899,     1 m

 

OLELO HOOLAHA.

 

            E maheleia ana ka puka o ka Hui Hawaii Kuai Aina (Kaupalenaia) ma ka 70 keneta o ke dala hookahi ke hiki aku i ka Poakola, la Ekahi o Feberuari, M. H. 1899, ma ko Keena Lolo o Aohi & Johnson, hora 10 a. m., ne ka M. H. 1898.

                        Enoch Johnson,

                        Kakauolelo Hui Hawaii Kuai Aina.  (Kapalenaia)

                        Honolulu, Jan. 16, 1899.

                        jan. 16.                        12ts.

 

JAMES K. KAULIA.

Lolo a Kokua ma ko Kanawai.

 

            He mea Hoaie Dala ma ka Moraki ne na Waiwaipua a he mea kuai aku a kuai mai i na Waiwaipaa.  Ua hiki no i ka poe mea aina ke waiho aka ma kona lima i ke lakou mau aina ne ko kuai aku, a i ole, e ka poe makemake aina i mau home ne lakou, ua hiki no ke hoolawala i na manawa a pau e makemake ai.

            Keena Loio E loaa ne ma ke keena o Kale Kalekona, ma Waikiki iho o ke keena o Keo Kaaka, kokoke i ka Banako e Bihopa, ma Alanui Kalepa.             jan.24, @f.

 

UA LOAA MAI LA IA MAKOU

MA KA MOKUAHI ALAMEDA

 

            Ke koena o na WAIWAI BANAKARUPA kuai ia mai Ladana, a ua ake makou e hookawale aku.  E hoolilo aku ana makou ma ke kumukuai hoemi loa, eia makou ke hoike nei i kekahi mau kumukuai hoemi loa.

 

KALAKOA MULL, 30 I-A I KE 1.00.

KALAKOA NAINSOOKS, 5 ken. O KA I-A.

PERCALES MAIKAI, 15 I-A I KE 1.00.

TAWELE NUNUI, 75 ken. O KE KAKINI.

HALII MOE LAULA NUI, 75 ken PAKAHI

 

MA KO MAKOU KEENA PAPALE, EIA MAKOU KE KUAI HOEMI NEI.

 

            Na Papale i hoowehiwehi ia he 1.00 o ka mea hookahi, a pela pu me na Papale ma ke kumukuai haahaa loa.

 

            He Heluna nui o na Pua, Hulu Manu a me na Lihilihi ma ke kumukuai haahaa loa.

 

He emi loa na Pale Pakaukau Lilina Kawele Holoilima Uhimoe Pale Uluna a me Pale Wawae.

 

Eia pu me makou he heluna nui o na Aahu Kane, A.i Kala, Pukima. Lei. Ai, a e kusi ia aku ana ma ke kumukuai makopono loa.  Na Pulule Lilina he 1.00 pakahi:

 

E HELE MAI E IKE NO OUKOU IHO I KEIA KUAI NUI.

L. B. KERR.

Honolulu          Alanui Moiwahine.