Ke Aloha Aina, Volume V, Number 2, 14 Ianuali 1899 — Page 7

KE ALOHA AINA

FOAONO IANUARI 14 1899

 

Mai ka aoao ewalu mai

 

A hala ae la he mau miuute o ke ku ana o ke kino aka wailua o kona makuahine ua lohe aku la o Minewa i kona leo i ka pae ana mai me ke kaumaha penei:

E kuu lei aloha no ko’u aloha no ia oe ke kumu o ko’u noea uhane hou ana mai la imua ou a e hoike aku hoi i na ouli e hiki mai ana o keia huakai au e hele mailihini nei.

He nui alehulehu na poino e halawai mai ana ma kou alahele aka e hoomanawanui no nae e hele imua a mai hoi hope oiai aohe o kakou wahi lihi kuleana hou aku i ka home a kakou i luhi like ai i na makahiki i hale e alo i ka ehuehu o na poino a me na popilikia a hiki i ka lanakila ana.

I keia wa i i e aku ai o Minewa i ka holoi ana ae o kona makuahine i na waimaka e haloiloi mai ana ma kona mau lihilihi a na keia mau hiohiona kaumana e hekau nei maluna o kona makuahine i hookomo aku i ke aloha walania iloko o Minewa a o ia no ka wa o ke kaikamahine opio i anehe aku ai e lele e puliki i kona makuahine.

Aka iloko o ka imo ana o ka maka ua nalowale koke aku la ke kino wailua a puoho ino ae la ke kaikamahine opio a ike iho la he moeuhane k@!

A i kona noonoo ana ae no na oloio a koma makuahne i kamailio mai ai maloko o ka moeuhane ua lilo ia i mea e hooi hou mai ai i ka ehaeha o kona puuwai no ka mea ua hoike hou mai la no ke aka kino wailua e halawai ana oia me na poino he nui ma keia mua aku aka pehea la ka nui o ka popilikia aole oia i maopopo ia mea.

Na keia moeuhane i hoopau ae i kona maka hiamoe a ala loa ae la oia me ke kali ana o ka oili mai ona kukuna malamalama o ka la a ke ikeia aku la kona mau waimaka i piha me ka ehaeha i ka nana ae @na kuahiwi ana e haalele piho ana ma hope no ka wa maopopo @le e kulu malie iho ana mai kona mau papalina mai.

No kekahi mau hora kona kali ana me ka uluhua i ka oili koke ole mai o ke alaula kakahiaka aia hoi ua hauoli ia mai la oia i kona huli hou ana aku i ka Hikina ma o kona ike ana aku i ka wena ula mai maloko o i a lau laau a o kona wa no hoi ia i hoomaopopo iho ai ua ao ka.

Iloko o keia manawa i hoala keke aku ai oia i kona hoahele me ka pano ana aku.

E Robine o ka moe no ka kau aohe ou hoomaopopo ae ua ao kaua e ala ae i ke wa ano a e hoomau aku hoi kaua ma ka kaua huakai iho aku no kai o ke kahakai o ala ae hoi.

Na kela leo haala o ke kaikamahi ne i hoopule a ae i ka elemakule a puoho ino ae la oia mailoko ae o kona hiamoe nei.

 

KUU LEI ALOHA HE KEIKI UA HALA LOA

 

He mea walania no ka manao a he mea ehaeha hoi no ka naau ka ike ana aku i ka Anela o ka make i ke kipa ana mai me ka palanehe loa a lawe aku la i ka uhane ola mai ka hale kino aku o kuu lei aloha he kaikamahine nana h@ hoopale mai la na maka a huna aku la ke poo i ke aouli i ke ala huna hoi a Kane.

Ua hanauia o Hattie Keoki Hale i ka la 22 o Feberuari 1850 mailoko mai o ka pohaka o D. Kahaleluhi a me Wahinui kana wahine a ua piha hoi iaia na makahki he 48 10 malama a me 13 la; a i keia l a12 o Ianuari 1899 i hookuu mai ai o a i kona aho hope no ka wa mau loa.

Ua loaa oia i ka mai fiva no kekahi mau la pokole aka ua loaa no nae ka maha mahope iho ua ioaa oia i ka mai hi a na ia mai i hoonawaliwali i kona kino no na malama elima a hiki i ka hoomaha ana aku la o kona aho hope loa.

Ke u nei au a me ka ohana a pau iloko o na ehaeha o ka manao a na ka Makua Lani maluna e hoomama mai i ko kakou mau kaumaha a pau elike me kana @olelo mai ai no ka lepo mai no oe a e hoi hou aku ana no oe ilaila. Luuluu a kaumaha ka naau.

D. KAHALELUHI

Honolulu Ianuari 12 1899

 

MAKE 1 ALOHA NUI IA

 

I kuu Nupepa KE ALOHA AINA:

Welina pumehuna kaua

E oluolu mai kou ahonui i kekahi wahi kaawale o ka kaua milimili i wahi no’u e luana pu aku ai me oe no na mea e pili ana i ko makou mama aloha i pauaho mai i keia ola kino ana.

Ma ka la 31 o Dekemaba 1898 i hala ua kii mai la na lima menemene ole o ka make i ka uhane o Mrs. Kekapahaukea Robinson ma ko laua home noho ma Kunawai Honolulu Oahu i ke 70 a oi o kon@ mau makahiki o keia ola ana a hoi aku la ma ka poli o ka Makua Mana Loa Nana i haawi mai a Nana no i lawe aku la. E hoonani la Kona inoa ia ao aku ia ao aku a ke ao pau ole. Amene.

He mau pole pokole wale no kona o ke kaa mai ana a hala wale aku la no. He makuahine heahea lokomaikai a he waipahe oia ma na ana a pau i e hookipa i na malihini a pau e hiki aku ana imua o kona alo.

Ma ka Poalua la 3 o ke’a mahina i hoihoi ia aku ai kona kino wailua i Hawaii ma ka one@i o ka mokuahi Mauna Loa a huipu me ka oh@ni kona poku na moopuna a me ka lehalehu a pau loa. A ma ka Poah@ la 5 i manele loa ia aku ai kona kino lepo no kona hale lua.

O ka huina nui o ka laua mau keiki me kana k@ne mua J. D. Kipapa i make mua loa. He 14 a laua mau keiki a maiwaena mai oia poe keki i laha mai ai na lahui like ole ekolu ola hoi ka haole Pake a me ka Hawaii o ka huina o na poe a pau e ola nei i ke ia mahawa he 37 koe aku ka poe i pau mua i ka make aole i komo mai i keia huina nui.

He aloha aina oia o loa oia a hala wale aku la me ka manao kupaa a luli ole. Ua haalele iho oia ia makou na keiki makua ole a ne na moopuna i hoonele ia i ke kupunawahine ole a me ka lehulehu a pau loa e paiauma aku nei ma keia aoao mau o ka honua.

E hoonani ia kona inoa ma na lani kiekie loa he malu ma ka honua he aloha ia kakou a pau.

Owau iho no me na waimaka o ka ehaeha.

JAS. KIPAPA

Honolulu Ianuari 12 1899

 

Nuhou Kuloko

 

Ua hoopaiia he kalaiwa kaa no ka haopaa ole ana i kona lio kaa me ke kaula he $5.

Ua hoopiiia ae o Loio Magoon e Loio Davis no ka Lanai puaa ma kahi kokoke loa i kona wahi e noho nei.

Aole i kau aku ka Moiwahine kapiolani ma ka Mauna Loa o keia kakahiaka mamuli o ke kaohi a kona kauka.

Ua olelo ae o Kanikela Haywood he manao io kona ua pupule ia o Burke i kona wa i lele ai iloko o ke kai. O ka nui o na dala a pau ana e waiho nei ma ka lima o ke Kanikela he $1,000 ma ke pepa $75 ma ke gula a me $6 keokeo.

Maluna o ka mokuahi Kina e loaa mai ai na lono hope loa e pili ana no na pualikoa Amerika a me na poe Pilipine kipi i na ua lele hakaka io laua ma ke kulanakauhale o Iloilo. Nolaila e lawe nui i KE ALOHA AINA i ike mau i na mea hou like ole.

Eia no o Miss Helena Waila ke kiai makaala nei i na poe hoomainoino holoholna  aua noi aku hoi i ke kokua pu ana mai o na makai iaia. Ma ka Poaha nei ua hopu ia iho la o Ah Hu he Pake no ka hoomainoino holoholona e makai Henry Espinda.

Ua hopu ia ae e Luna Nui McVeigh o ka pa hoomalu limahana he pake nona ka inoa o Young Dai no ka hoopae opiuma malu ua loaa aku ma ke keena malalo o kona pahu lole he mau tini opiuma i hana ia elike me ke ano naaukake ma ka Paoha mei a ua hookuu ia mai oia ma ka bona o $1,000.

 

UA LAWE AE I KONA OLA

 

He lono kai loaa mai nei meluna o Kilohana no ka make ana o Henner@ Wilikoki hoahauiu ponoi Luka Wilikoki uia ka waha o kana @u panapana pon@i m@ ka Puako’u @ei ma kona home ma Kauai. O ke kumu o koua Lawe ana i kona oia n@ ka uluhua no i ka mai e hooma@ ana i kona kino.

 

UA LOAA MAI LA IA MAKOU

 

MA KA MOKU AHI ALAMEDA

 

Ke koena o na WAIWAI BANAKARUPA kuai ia mai Ladana a ua ake makou e hookawale aku. E hoolilo aku ana makou ma ke kumukuai hoemi loa eia makou ke hoike nei i kekahi mau kumukuai hoemi loa.

 

KALAKOA MULL, 30 I-A I KE 1.00

KALAKOA NAINSOOKS, 5 ken. O KA I-A

PERCALES MAIKAI, 15 I-A I KE 1.00

TAWELE NUNUI, 75 ken. O KE KAKINI

HALII MOE LAULA NUI, 75 ken PAKAHI

 

MA KO MAKOU KEENA PAPALE EIA MAKOU KE KUAI HOEMI NEI.

 

Na Papale i hoowehiwehi ia he 1.00 o ka mea hookahi a pela pu me na Papale ma ke kumukuai haahaa loa.

 

He Heluna nui o na Pua Hulu Manu a me na Lihilihi ma ke kumukuai haahaa loa.

 

He emi loa na Pale Pakaukau Lilina Kawele Holoilima Uhimoe Pale uluna a me Pale Wawae

 

Eia pu me makou he heluna nui o na Aahu Kane Ai Kala Pulima Lei Ai aekuei ia aku ana ma ke kumukuai makopono loa. Na Pulule Lilina he 1.00 pakahi.

 

E HELEMAI E IKE NO OUKOU IHO I KEIA KUAI NUI.

 

L. B. KERR

 

Honolulu Alanui Moiwahine