Ke Aloha Aina, Volume IV, Number 53, 31 Kekemapa 1898 — Page 1

KE ALOHA AINA

BUKE VI      HONOLULU, POAONO, DEKEMABA 31, 1898      HELU 53

 

KA NUPEPA KE ALOHA AINA

E hoopuka mau ia aku ana mai ka Poakahi a ka Polima o na pule a pau o kela a me keia mahina.

Ka Uku Pepa, he 20 keneta o ka pule  No kekope hookahi he 5 keneta.

E loaa o ka papa maike Kaena aku o KE ALOHA AINA, a mai ka lima aku o na Luna Lawe Pepa.

E pai ia no nna Olelo Hoolaha, na Kanikau a me na Mele Inoa, me ke Dala kuike.  Aole nupepa ma ka owili pakahi e hooua ia ke ole e hookaa mua ia ka

  uku pepa.

E hoouna pololei mai ina Nuhou na Kumumanao, na Olelo Hoolaha, na Kanikau a me na Mele Inoa i ka Lunahooponopono o keia Pepa.

Aole loa e hoopuka ia a hoolaha ia kekahi manao ma na kolamu o keia Pepa,, malalo o kekahi inoa kapakapa ke ole e hooike mai i ka Lunahooponopono i 

  kona inoa ponoi.

                        Ka Nupepa Puka Pule

                        KE - ALOHA - AINA          

            Hookahi makahiki...................$2.00

            Eono mahina............................$1.00

            Ekolu maniha............................. . 50 

            Hookahi mahina.........................  .20

                        EMMA A. NAWAHI.

                                    Puuku o

                        KE - ALOHA - AINA

                        EDWARD L. LIKE:

            Lunahooponopono a Hope Puuku

                        S. P. KANOA.

            Hope Lunahooponopono.

            O na kauoha Nupepa me na hookaa Dala, e hoona pololei mai i ka Puuku ma Honolulu.

 

NUHOU KUWAHO.

PAU I KA AI IA.

            Antwerp, Dec. 13.   O ka mokuahi Leopoldwille i hoea mai la i anei mai Aferika mai me no ono o congo, ua hoike mai oia he eha poe haole Kalepa Belegiuma i pepehi ia a ai ia e na kanaka o Upper Ubaughi.  Ua olelo ia ae, ua hoouna ia aku la he pualikoa no ua apana la, no ka hookau ana aku i ka hoopai maluna o na poe ai kanaka.

KE HOOMAKAUKAU HOU LA E KUKULU I MAU MOKUKAUA.

            Nu Ioka, Dec. 11.   Ua loaa mai nei he lono kuikawa i ka Herald, mai Wasinetona mai, e olelo ana; Aia o Farani ke hoolala la he papa kuhikuhi kaua moana hou, a e waiho ia aku ana ia oloko o ke keena no ka hooko ana.  O ka nui o na moku a ke Kuhina Kaua moana i manao ai e noi aku, i elua mokukaua hakaka, elua mau mokukaua holo mama a me umikumamakolu moku topido o na ano like ole.  Ua oleleo ia ka lilo no ke kapili ana i ka mokukaua hakaka pakahi  L1,200,000, mokukaua holomoana pakahi  L320,000, a no ka moku topido hookahi  L40,000.  

HE MAKANA LA HANAU O $10,000,000.

            Nu Ioka, Dc. 5.   He umi miliona dala i haawi ia mai la ia Frank Jay Gould i keia la.  O ke keiki muli loa keia a Jay Gould i make, a o keia ka piha ana o kona mau maka, hiki i ka iwakalua kumamakahi.  He kanaka opio oia i maopopo i na mea a pau e pili ana no ka oihana kaaahi, a ua makaukau oia no ka hooponopono ana i kona waiwai nui hewahewa, aka, aole nae pela ke manao o kona makuakane, o ka hua e loaa mai ana mailoko mai o keia puu dala oia kana e ai, a aole hoi oia e ae ia e kii i kekahi hunahuna o keia miliona, a oia haawina hookahi no kai loaa ia kona mau kaikuaana a me na kaikuahine.  O ka waiwai o Jay Gould, he $10,000,000 a ua maele like ia ia iwaena o kana mau keiki he eono.

E HOLO MAIA NA NO HONOLULU NEI.

            Vallej, Dec. 13.   Ua hookomo ia aku la ka moku kolo Iroquois iloko o ke komisina i keia la ma Mea Ailana, malalo oke alakai anala Chas. F. Pond.  E lawe ana oia he 35 mau luina, a e hoouna ia aku ana oia i Honolulu i kokua no na makukaua.  O Lutanela Pond ke ahi hookele o ka moku kokua Panthr ma keia kaua ana mai nei.  O ka Iroquois oia ka moku Fearless mamua, a oia hoi ka moku nui kolo ma ke awa o Kapalakiko.

            KO ENELANI GIBERALETA ELUA.

            Kingston, Jamaica, Dec. 7.   O kekeahi hana e noonoia nei, oia no ka hoololi ana ae i ke Kaikuono o Kingston i wahi hoolulu mokukaua nui a i wahi kapili moku.  A no ka ikeia ana e hanaia aku ke Alawai o Nicaragua ma keia muaiho, ua kuka iho nei ka mana hooko o ka Admirila e kuai i ke Greek Pond, u aka aoao komahana o ke kulanikauhale, kahi hoi i manaola ai, malaria e kukulu ia ai ka pa kapili moku.  Ua oleloia ae e hoomaka ia aku ana ka hana koke ana i keia wahi O keia wahi kapili *hoku, ua olelo ia ae, oia ka nui hookahi iwaena o na Panalaau o Beretania Nui.

            Ua olelo ae no hoi kekahi luna hooko kana moana o ka manao o keia hana, oia no ka hana aku ia Jamaica i Giberaleta elua no ka noho mana ana maluna o ke alawai, a a he wahi hoolulu hoi ia no na mokukaua a me na pualikoa: a e paa ana hoi oia i ka mana o na moana elua, a e paa pu ana i ka oihana kalepa a me ka mana kalaiaiaina iloko o kona poholima.

HOAO E HOOPAE OPIUMA.

            Mahope koke iho oka hora 7 o ke ahiahi Poana nei, ua lele mai la he elima mau luina o ka mokuahi Aureteralia me ka manao ana, e  pii mai no kakulanakauhale nei.  Aka, ua hoao mua aku ane kekeahi luina o ka Auseteralia e kipe ia Makai Kiai Awa Vivachaves, ka makai no hoi e ku ana ma ka puka mauka'o ka uwapo Okenika, a no ia kumu na haawiia nakiai makaala ia ana i na luina o ka Auseteralia.

            I ko lakou kokoke ana mai i ka ipuka pa, oia no ko lakou wa i hoao mai ai e holo mo kahi ipuka olowi e hamama aku ana, aka, ua paa kokeia ae la nae ia i ka paku ia e Vivachaves, a la manawa no i holo mai ai o Luna Kiai Awa R. M. Macaulay e kokua ia Vivaches mekana pu panapana e paa ana ma kona lima.

            I ka ike ana o ua poe haole la aole e hookoia ana ko lakou makemake, a he poino ke hookokoke mai nei ia lakou, ua huli hou ae la lakou a holo aku la no luna o ka mokuahi Auseteralia, aka, he hookahi nae iwaena o lakou i paa i ka hopuia.

            Ua lawe koke ia aku oia no ke Keena Dute Awa, a i kona huliia ana aku ua loaa aku la he 19 mau tini opiumamaloko o kona poli.  A mailaila i laweia mai aia oia no ka hoopaa ana ma ka halewai.

            O ka ino o keia haole i hopu ia iho la o Hansen, a no kekahi mau makahiki kona noho hana ana no ke kake o ka Auseteralia, ua loaa pu aku ma kona poli he $175, he $130 oia huina maka pepa dala Hawaii, a o ke koena aku ma ke gula Amerika.  E huli ia aku ana koena o na luina ko lohe ma keia mua aku.

 

AOLE I HOOKO IA KONA MAKEMAKE.

            He mau ahiahi i hala ae nei, na ikeia iho la he elua mau wahi bebe no laua na makahiki, o ka mua aole i piha i ka eha, a o ka lua, aole i piha namakahiki i ka elua, e waiho ana maloko o ka haleaina Pake e ku nei ma ke kihi o ke alanui Alakea a me Kalepa, ua lilo keia i mea e hoopahaohao ia ai o na poe e maalo ae aua, a ua ninau ia aku ka Pake no ka mea nana keia mau keiki, ua hoike mai oia he haole ka mea nana ia mau kamaiki.

            He mau minute mahope iho, i ka wa a kekahi poe e manao ana e lawe aku ia laua no ka halewai, ua hoea mai la ka makukane o ua mau wahi kamaiki nei.  He kanaka Auseturia oia, a ma kana hoike, ua make kana wahine, a oia me kana mau bebe wale no koe, a i hele aku oia e huli i hale no lakou ia po.

            I ka pau ana o kana kamailio ana oia no ko lakou wa i kau aku ai maluna o kekahi kaapio a nalowale aku la iloko o ka pouli me kona mau waimaka e haloiloi mai ana ma kona mua lihilihi.

            Aole he mea i loheia no lakou a hiki iho la i ka Poaha nei, ua loaa aku la ua haole Auseturia nei e pee ana iloko o kekahi mokupea me kana mau keiki liilii, me ka manao ana e holo mahuka aku maluna ona, aka, aole nae i hookoia kona makemake, a ua hoihoi hou ia mai oia no uka nei o ka aina.

            Eia ua mau kamaiki la ke malama ia nei e na Kaikuahine Katolika.

 

KUAI KARISIMAKA NUI.

            Eia Ko Makou Ha'ekuai ke Kuai Hoemi nei i na KAMAA NANI o na WAHINE me ko na OPIO no NaLa Nui ma ke Kumukuai i lohe mua oleia.

            NA KAMAA HAAHAA RIBIne ona Wahine Eleele a Ulaula.  Kamaa Haahaa Ili Nani o na Wahine me na Kaikamahine, Kamaa Haahaa Hua Lei.

            ORIENT NA KAMAA LI ILI NANI.  Na Kaana Haahaa Lole o na ano like ole.

            NA KAMAA BUTI LI MAIKAI  loa, Hila Farani, o na waihoolu like ole.

 

            Eia pu me makou na Kamaa a me hna Kamaa Haahaa pani loa o ke kolinakaohale nei o na Eamalii me na Bebe.  O keia mau Waiwai a pau e hoolilo ia aku ana ma ke aumukuai haahaa.  E kipa mai a makaikai i ko makou Waiwai.

            MANUFACTURES SHOE CO LIMITED:  ALANUI PAPU.   HONLULU, dec. 17 tf.