Ke Aloha Aina, Volume IV, Number 52, 24 December 1898 — Page 8

KE ALOHA AINA

 

8   KE ALOHA AINA,  POAONO  DEKEMABA  24, 1898.

 

HE MOOLELO WALOHIA

-:NO KE:-

Keikialii Alabati

 

Ke Kaeaea o Pelekane

-:A ME KA:-

Ui Madelina.

 

Ke Kukui Uwila o Ainapo

 

Hoohenoia no KE ALOHA AINA

 

 I ka wa i hooki iho ai o Keikialii Alefereda i kana kamailio ana, ia wa no hoi i lohe ia aku ai ka leo o ua poe la i ka hooho ana ae:

 E hooko no makou elike me kau olelo, a ke hoohiki nei ko makou mau uhane pakani, aole loa makou e ae e hoi hou iloko o na hana omokoko ma keia hope aku.

 O heia mau olelo a makou e hoike aku nei imua ou, a me kou mau koa wikani, a ke aie nei makou i ka loaa ana he noho lanakila ana malalo o ko makou baku hou.

 I ka pau ana o ka lakou mau kukai olelo ana, ua haawi koke ae la lakou i na hooho hauoli ana, a wawalo kupinai aku la ko lakou mau leo ma ia wahi.

 Nana i kono awiwi aku i ka manao o na poe powa i ike mua ole, ua komo lakou i ke anapuni a Limaloa.

 Oiai o ka wa keia o ka hauoli iloko o ka puuwai o na mea a pau. a oia no hoi ka wa a ka opio i lele iho ai mailuna aku o kona lio, a kamoe aku la no kahi a kona hoaloha Rokelika e waiho ana iloko o kona mau minute o ke poluluhi, mamuli o ka loaa pono ana i kekahi mau paio oolea ana me kona mau enemi.

 Ku iho la oia ma kona aoao, me ka nana pono ana iho maluna ona, a me ka leo o ka mea i piha i ke aloha, kahea ihS la oia me ka leo nui kupono e hiki ai iaia ke lohe pono i kana mea e kamailio ai.

 E kuu hoaloha oiaio Rokelika hoi, ua hoea aku anei oe i ka pahu o ko kaua noho hoaloha ana ma keia ao, ka mea hoi a'u e kaunui aku nei, e loaa pu ia kaua na kaana ana o ka hauoli mawaena ou a me a'u no ka wa mau loa.

 Hoopa iho la oia i kona mau manamanalima maluna o kona lae, a oia no hoi ka wa i, kaakaa ae ai o kona mau maka, aia hoi, ua puni oia me na hiohiona maka e nana iho ana maluna ona, me ke akenui ana e ike, pehea la kona ano i keia wa.

 A o keia no hoi ka wa i puka ae ai na huaolelo mai kona mau lehelehe mai, i ka i ana ae imua o lakou me keia mau olelo:

 Ua hoea mai anei au i ka wa kupono e loaa ai ia'u ka noho lanakila ana ma keia ao, i piha ko'u mau kuamoo me na haawina o ka pilikia a me kaumaha pu.

 E hoike mai e na lani, o kuu mau hihio ana no ka pomaikai, e hoea mai i ka wa kupono loa a'o i makemake ai.

 Ano, o keia anei ua wa la'a'u e ike aku nei me ko'u mau maka ponoi, a i ole he hihio anei o ke ano moeuhane, a pili hou iho la kona mau maka mamuli o ka ikaika o na konikoni ana a ka eha maluna o kona kino.

 Hapai malie ae la ka opio i @ poo o kona hoaloha, a kahea iho ia me ka leo malie:

 E hoolana i kou mau manao luuluu a kaumaha, oiai oe ua lanahila oe maluna o kou mau enemi a pau, a eia oe he haku maluna o keia mau kualono no ka wa mau@ loa.

 I keia wa hoi i hoihoi ia aku ai oia iloko o ke Kakela, kahi hoi i haawi ia ai o na kokua ana no ka lapaau ana u@ na ia@ apu i loaa iaia mai kona mau e@omi mai.

 Oiai hoi na hana ka i ke aloha e lawelawe ia ana maluna o ka healoha o ua opio la, a oia @o hoi ka wa i lohe ia aku ai na leo hoona@ e wawalo ana:

 Eia hou ae keia poe hololio ke kamoe mai nei lakou no na kiekiena o ke Kaheia nei.

 Ua hoopau koke ia nae ka manao o na mea a pau, ma o ko iakou ike ana mai, he wahine keia holelio e hele aku nei.

 I ka wa i haea aku ai na lono imua o ka opio, he hololio wahine ke hookokoke mai nui@ e hiki aku iloko o na paia o ke Kakela.

 Ua lawe loa ia aku ia lono imua o ka opio, a oia lono hoi i halihaliia mai imua ona, nana i kono mai i kona mau manao walania o ka ehaeha, a na kona mau waimaka no e kahe la.

 I ka wa a ka wahine opio e hookokoke loa mai la mamua iho o ke Kakela, oia no hui ka wa kahi aliikoa pahaahaa i haawi koke mai ai i ke kauoha no ka haawi ana i na hooho hauoli ana no ka wahine a ko lakou hoaloha opio, ka mea hoi nona ka ikaika i hoopuhili aku i ka ikaika o ko lahou mau enemi.

 I keia wa koke no hoi i panai ia mai ai na leo hooho, e wawalo ana ma na wahi a pau o ua Kakela a ka lokoino i noho ai i na la i haia@ aka mamua.

  O ka hauoli i huipa ia me ka ehaeha, oia na mea e hoouluku nei i ko lakou akoakoa ana ia wa hookahi, me na manao hoi o ke aloha oiaio iloko o lakou.

 He mea oiaio, aole i hookaulua iho ka wahine opio i kona haalele ana iho i ka hokua o ke kua o ka lio ana e kau ana me ka nonoi@ ana aku hoi, i ka oluolu o na koa e ku pohai ana, e hoike mai, ina paha aia iloko o Alefereda ka mea a kona puuwai i aloha ai.

 Ae, eia oia iloko o ke Kokela@, a haawi ana i na kokua ana ma ka aoao o ka moe o kona@ hoaloha i hoeha ii e moe la maluna o kekahi moe i hookaawale ia nona.

 Ua makemake au e hiki koke aku ma ia wahi no ka haawi ana aku i na hoomalieli@ ana maluna o ka mea i hoeha ia.

 A no keia mau olelo a ka wahine opio, ua lawe koke ia aku ia oia malalo o na alakai ana a kahi aliikoa pahaahaa, a eia hhi@ laua ke hele aku nei me na manao o ke aloha oiaio iloko.

 O ke aloha aia ia iloko o ka puuwai o ka wahine opio, a aia pu hoi na waimaka o ke aloha kane ke hiolo la ma kona mau papalina, e hoike mai ana, ua eha loko, i ka eha lima ole a ke aloha.

 He oiaio, i ko laua hui ana ae i kahi hookahi, no ke kowa loihi o keia manawa o ko laua kaawale loihi a na.

 Na keia mau mapuna waimaka e hookahe ia la maiuna@ o na opio, iloko hoi o keia wa, aia kekahi mau kulu waimaka ua kulu iho ia maluna o ke kino o Rokelika.

 O na waimaka e hanani la, me he wai la ka mea nana i hookaakaa hou ae i kona mau maka iloko o ka hoi hou ana mai o kona ano mau elike me na wa i hala.

 Ua ike koke ae la oia i ka opio e kaulona iho aua maluna ona, nana i hoala awiwi ae iaia mai kahi ana i moe ai, a hopu mai la oia i kona lima me ke aloha.

 

AHAMELE NUI.

 

 E haawi ana o S. K. Kamakaia he ahamele hoohauoli maloko o ka halekula o Waiahaole, Koolaupoko, ke hiki aku i ka po Poaono Dek. 31.  No ka pomaikai o ka poe i ike ole i ka ohe gula a Kamakaia.  Ke noi ia aku nei ko lakou oluolu e hele ae ma ia po, i ikemaka i ua ohe gula la e puhi ia mai ana kekahi mau leo lea ia po, a e mele ia mai ana kekahi leo himeni a ko Koolau e poina ole ai i na kau a kau.

 E loaa no na tikiki maka lima o kekahi mea i hoomana ia aku, a eia oia ke imi aku la ia oukou na kupuna, na makua, na kaikuaana, na pokii a me na kaikoahine@ maka onaona o na pali Koolau.

 E ike ia kakou hoa kanaka o kipa hewa ke aloha i ka huelo.  O ka ikemaka ka pono i ke kani o ka ohe gula.  E loaa no kekahi mau tikiki ma ka puka komo, he 50 keneta ko na makua, a he 25 keneta ko na keiki.

 E hoomaka ana na hana i ka hora 8 ponoi malalo o ke alakai ana a S. K. Kamakaia.  Oi hoi e tutu ma e haele nui mai.

 

HEKUAHO@

NO HOOKAHIPULE WALE NO.

E hoomaka ana i ka Poakahi, Dec. 16

MA KAHI O

B. F. Ehlers & Co.

(PAINAPA MA.)

Alanui Papu, Honolulu

 

KOLOKA OPERA me na KOLOKA o na la e ae, ua hoemiia ke kumukuai.

LOLE SILIKA me na LOLE HULUHULU o na Opio, ua hoemi pu ia.

HAINAKA SILIKA a me LILINA i kupono no ka la Karisimaka, e loaa no me ke emi loa.

 

KEENA O NA MEA HOONANI.

 

 E loaa no ma keia Keena na Mea Hoonani maikai e like me na LOLE MAUU, ULUNA o ke KOKI, HINAI BEBE, ULUNA WAIHO PINE, PEAHI, MIKILIMA, EKA DALA, LOLE KAMALII, LOLE BEBE.

 

OLELO HOOLAHA.

 

 Ma keia ke hoikeia aku nei ka lohe na mea a pau, he mau ale ko lakou ia H. W. Hop Wo, o Kamaole, Kula, Maui, e uku koke mai mamua a i ole ma ka la 1 o Ianuari, 1899.  A i ole pela, e ohi ia aku ana no ia.

  dec 16-3ts   H. W. Hop Wo.

 

HE HOIKEIKE NUI

-MA KA-

Hale Mele Hou.

-MA KA-

Po Poaono, Dec. 24.

Na Kii Hooleleaka Nee e like me he mea la e ola ana i kapa ia aku

THE : CINEOGRAPH.

 

Na Kii Kaua o Amerika a me Sepania.

Ka Hana a ke Kea Ulaula maluna o ke Kahua Kaua.

He Mau Mele Hou kekahi e Himeni ia mai ana.

 

 Eia ke kuaiia nei na Noho ma kahi o Wall. Nichols Co.

 Na Noho o lalo he $1.00.

 Na Noho Mua o luna he 75 keneta.

 Na Noho o Hope he 50 keneta.

  dec 19 - 1 wk.

 

Laau Kaulana

ILIKINI KIKAPU.'

 

E Loaa no ma ka Halekuai

Laau o

Hobron Drug Co,.

Agena Nui o Hawaii Nei.

Kihi o na Alanui Papu me Moi

 

OLELO HOOLAHA.

 

 E ike auanei na hooilina o Kaupena [k] ke nana mai i keia Olelo Hoolaha, owau o Kahanawale (w) o Waialua, mokupuni o Oahu, ka  moopuna ponoi a Kahawalu (w), a o Kahawalu (w) oia no ka wahine mare a Imaui (k), oia wahi hookahi no i make kanoha ole, a he mau apana aina ko Imaui (k) e waiho nei ma Waialua, Oahu, a ne kaikaina ko Imaui (k) e ola ana mahope o ka make ana o Imaui (k) oia o Kaupena (k).  A no ka mea, mahope iho o kamake ana o Imaui (k) a hiki i keia la, na ko'u makuakane ponoi a me a'u pu i uku i ka auhau aupuni maluna o ua mau apana aina lanolaila ke kono aku nei au i na hooilina o Kaupena (k) e hele mai, a e uku mai ia'u i ka hapalua@ o ua mau auhau aupuni la, a e kuka pu no hoi me a'u ma ko, u wahi noho ma Paalaa, Waialua, Oahu.  E hoolohe i keia

  O wau no me ka oiaio,

  KAHANAWALE (w).

Paalaa, Waialua, Oahu, Dec. 6, '98.

  dec. 7 - 4ts wkly

 

 BOROKA,

$10,000  MA KA  $10,000

 Waiwaipaa

 

 Ua makaukau e Hoaie aku ma ka Moraki i ka poe a pau, he mau Wai waipaa hihia ole ko lakou.

 

 Ua makaukau e huli maloko o na Buke Aupuni, i na Aina pohihihi ma na ano a pau a me ka hooponopono ana i na Aina e paaia nei me ke kuleana ole.

 Ua makaukau e hana i na Palapala Kuai, na Palapala Hoolimalima, na Palapala Moraki a me na Palapala o kela a me keia ano i ku i ke kanawai.

 E ohi ia no na Aie o kela a me keia ano ke waiho ia mai.  E hookoia no na kauoha me ka eleu.

 Ke kon@ku nei i na makamaka a pau e kipa mai ma ko maua Keena Hana, ma ka Hale ma Ewa o ka Hale, pule o Kaumakapili. Alanui Beritania  JOHN PRENDERGAST, (Kapamawaho.)  WILLIAM MOSSMAN.  (Mokimana.)

Honolulu, Mei 24, 1898.  3 m dl wk

 

HAWAIIAN WINE CO.

FRANK BROWN,  Luna Nui.

28 me 80 Alanui Kalepa, Honolulu H.I.