Ke Aloha Aina, Volume IV, Number 52, 24 December 1898 — Page 6

KE ALOHA AINA

 

MAUNA LOA

 

Kaulana e ka holo o Mauna Loa,

Ua kui e ka lono puni ke kaona,

Aia i ke kai o Mamala,

Hooheno i luna i Kaimana Hila,

Kuhi au a he holo no o Kinau,

Kaulana hewa ana i ka lehulehu,

Ua kohu ekake no na Kona,

Ka nuha i ka hope o Mauna Loa,

Ku mai Elena me ka hiehie,

Ua kohu Nelekona i ka'u ike,

Ka lae keia o Kaiaau,

Kupai ke aloha nou e Kinau,

Ilaila makou ike iho ai,

Na kue ekolu o Mauna Loa,

Alawa iho au ma ka aoao,

Ua kohu olali i ka huku ale,

A waho makou Pua Koolau,

Ea mai Lahaina malu i ka ulu,

O ke ku kilakila a Lihau,

Kilohi i ka wai o Keawaiki,

Ke naue nei no o Mauna Loa,

Me ka hae lanakila o ka hanohano,

Haina ia mai ana ka puana,

Na kue ekolu o Mauna Loa.

Hakuia e

Na Huapala i ke Kai Malino o Kona.

 

HE MOOLELO WALOHIA

 

NO

ALANADELA

 

Ka Wahine Hoopahaohao o ka Aahu Keokeo.

 

A I OLE

 

Ka Loea Hookani Pila Hapa o ke Kulu Aumoe

 

            I keia mau sekona aia na lio ahiu ma kahi he hookahi mile ka mamao mai na hololio aku o ke ano ahiahi a i keia manawa pu no hoi, ua nalo aku la na kukuna malmalama o ka la ma kela aoao o ka poepoe honua, a ke kokolo mai la na eheu o ka poli maluna o ua kahua akea la, aka, aole nae ia he mea nui i na hololio.

            Maanei e hookaulua iho kaua e ke mea heluhelu i ke kamailio ana aku no ka hopena o na lio ahiu, a e alawa aku kaua i na hololio o keia ano ahiahi owai la laua, oiai, aole i nele ke pahaohao iloko ou no laua.

            O keia mau hololio e uhai nei ma hope o na lio ahiu, aole ia he mau mea okoa aku, aka, o Walaka no ia me ka elemakule Silaka ana hoi i hoopakele mai ai mailoko mai o ka rumi paahao, o ka hale o Rodufa, he mau la loihi i kaahope aku la, a o ka laua huakai e hele nei no ka huli ana aku no ia mahope o ka @ ka kaua Alanadela, ka mea hoi nana i hoopiha i ka puuwai o ke kanaka opio me ka eha lima ole a ke kealoha, aka, aole nae oia i mahui mua, au kokoke mai kona wa e hui hou ai me kana mea e huli nei.

            No laila, ua pau ke la paha kou pohihihi no keia mau hololio a ka ua e ike nei, a e hoomau aku hoi kaua i ka uhai ana aku mahope o na mau ueu la, a me na lio ahiu o holo pupule ana iluna o ke kula palahalaha akea me ka noonoo ole ae he mau ola makamae ka laua e lawe nei, aka, o ko laua iini nui o ia no ko laua kaawale ana aku mai na holio e hahani mau aku nei i kela a me keia minute.

            A hala ae la he mau minute ata ua mau hololio ia he hapaha wale no mile ke kaawale mai na lio ahiu mai, a ia wa pu no hoi, ke hoomamai la ka saki paa ana o ka pouli maluna o ua kula loa la, a ke ike powehiwehi ia aku la na lio ahiu, a loko o keia pouli e halii nei aole ia e mea nona i hookuemi aku i na holoho.

            Ke houkina la ua mau hololio la i ka holo o ko laua mau ko me ka noonoo ole ae i na poino e keia alahele, aka, o ka mea nui wale no iloko o ko laua puuwai o ko laua pili koke @ mahope o na lio ahiu e ahai @. No ka mea, ua nalowale aku aku ua mau lio la iloko o ka pouli o ke ka i pohapoha o ko laua mau kanawai wale no ke panaua@ na holo lio iloko o na @.

            He mea oiaio, aole i hoopahua ia na upu ana a Walatata, no ka mea, he mau minute i haule hope ae, aia hoi, ua pili aku la ma ka aoaao o ke kahi o na ho ahiu.

            A me ka hookaulua ole iho, oia no ka wa i ikeia kona lima akau i ka hapai ana ae i ke kipuka o kana kaula a kowiliwili ae la me ka ikaika nui, a ia wa hamama ae ai ke ipuka o ua ili la me ka makaukau no ka umii ana aku i kona enemi i kona wa e hookuu ia aku ai.

            Iloko o na sekona a Walata i ike ai o kona wa kupono ia e hoolei aku ai i kana kipuka ili maluna o kakhi o na liu ahiu. oia no ka wa o ua Walata nei i hookuu ai i kana ka ula ili a lele aku la ia me ka ikaika nui a he mau sekona wale no ma hope iho, ua loheia aku la ke kani palalu ana ae o na puka ihu o ua lio la me ka piena nui. Oiai, au paa aku la kona pua i ke kipuka ili wikani a Waluta.

            Ua koho waleia e loaa mai ana he kauoha maluna o ka mokuahi Pekina i ka mokukaua Beninetona no ka holo ana i ka mokupuni Guam.

            Aia maluna o ka mokuahi Kina ke Duke Kiekie Cyril o Rsuia ma kona alahele e huli hoi ana no Sana Peteroboro ahope o kona noho ana maluna o na mokuakaua Rusia ma na wai o Asia.

            Ma ka La Pule nei i hoea mai ai ka mokuahi Lehua mai Molokai mai, mamuli o ka ino o ka moana kona kumu i uloloai loa ai. Ma Kalaupapa, au nahaha kekahi waapa i kona wa e hoolelel ukana ana.

 

Nuhou Kawaho

 

            Me ka mokuahi Austerailia mai nei i loaa mai ai ia makou na mea hou ono loa, a no ka pomaikai o na makamaka, e hoonee awiwi ia aku la me ka hookaulua ole, penei:

 

KAKAUINOAIA KE KUIKAHI MALUHIA

            Parisa, Dec. 10. O ke kuikahi o ka maluhia mawaena o Amerika Huipula a me Sepania, ua kakauinoaia ia i ka hora 8:45 o keia ahiahi. Ma ka hora 3:30 i halawai ai na Komisina, me ka mauao ana e pau ana keia hana iloko o ka hapaiua hora, aka, mamuli o kekahi mau pilikia i keia i ke kakau poepoe ana maluna o ka pepa, ua hoohakalia ia ke kakauinoa ia ana a hiki i ka hora 8:30.

            Ua hana o Kakauolelo Marin a na komisina Amerika ia la a po me ka ai ole. I kona komo ana mai iloko o ke keena. Ua halawai aku la oia me au Komisina e kali ana. Ua hopa mua mai ke kope Sepania he hapalua hora mamua iho. Ua heluhelu mai o Mr. Fergurson i ke kuikahi ma ka olelo Enelani a me ka olelo Sepeania mahope iho.

            I ka pau ana o ka heluhelu ia ana, au paneoia ae la ia imua o na Komisina no ke kakauinoa ana elike me ke kaulana o kela a me keia William B. Day, Senator Cusham K. Davis, Senator William P. Frye, Whitelaw Reio a mer Senator Geo, Gray: Senor Montero Rios, Senor Abaruxa, Senor Garnica, Senor Villaurutia a me Kenerala Cerrero y Saons e kakau ana i na palepala elua. A ua hoopaaia ua mau palapala la me na waihooluu o Sepenia a me Amerika.

 

HOPOHOPO O FARANISIA BERITANIA NUI.

            Parissa, Dec. 10. Eia ke pii malie mau ae nei na hookahua ana e noea mai ana ne kaua mawaena o Enelani a me Farani. Ua 'olelo ae ka nupepa Autorite, he mea pono ka hana koke ana i kuikahi me Geremania mamua o ka ike ana aku ia Ferani e halawai ana i ka hopena like me Sepania.

            Ua oleloia ae, eia o Enelani ke manao nei e opa ak ia Farani i ka paia, A ua kokoke mai hoi kona manawa e hoea mai ai e hiki ole ai ke auhee aku.

 

AIA NO KE HAKAKA LA NA SEPANIA ME NA POE KIPI

            Manila, Dec. 11. Elike me na lono i loaa mai nei mai Iloilo mai, ke kapitala o ka mokupuni Panay o na Paemoku Vizcays, ua lele kaua aku na poe kipi ma Iloio i ka po o ka la 1 o Dekemaba nei, a ua pau na auwaha o na Sepania i ka hopu pio ia me ke koe hookahi wale no ia lakou. Ua haawi aku lakou i ke kanoha ia Kenerala Rios no ka hookaawale koke ana aku i na wahine a me na kamalii, oiai, a lele kaua hou mai ana lakou ia po. I ka loaa ana aku o kela lono la Keneraia rios, ua hoolala ae la oia no ke kipoka ana mai o na mokukaua sepania i ke klanakauhale i ka wa e komo mai ai na poe kipi. Ua hoopioo e na poe e noho ana malaila, au haawina aku ke kauoha i na moku a pau e ku ana maloko o ke awe no ka hoohemo ana aku iwaho i kaa wale ai ke awa no na moku kaua.

            Ua loaa hou mai he lono maluna o ka moku lawekoa Sepania, e hoike mai, o na poe kipi a hoopuni ana ia @ ua hoauhee ia aku iakou me ka nui o na poe make ma ka la 6 o Dekemaba, i ko lakou wa e hoao ana e lawe pio i ka auwaha hope loa. A ua make a hoe hala he 500 poe kipi.

 

OREGONA A ME IOWA.

            Buenos Ayres, Dec. 2. Ua telegrapa mai nei ka mea kakau o ka Herld ma Montevideo, ua haalele aku la na mokukana Oregona a me Iowa, a me na mokukana Oregona a me Iowa, a me na moku hoolako nan@ ia laila no Philipine, e king. Aku ana laua ma Punta Arenas.

 

E POOHU HOU ANA KA LAE O KE AUPUNI.

            Waainetona, Dec. 2. E ui aku ana ke aupuni o Beritania ia Amerika Huipuia no ka pono a me ka uku ia mai o na koi poho i hanaia aku i ke aupuni Hawaii, no ke kue kanawai ma ka hopu a me ka hoo-paahao wale ana i na kopa Beritania i na la kupilikii o ke Aupuni Kuikawa.

 

UA HOLO MAI LA NO HONGKONG.

            Manila, Dec, 12. O ka mokukaua Isla de Cuba, kekahi o na moku i hoopiholoia ai e Adimarala Dewey ma ke kaua o Manila, ma ka la 10 o Mei i hala, a i hoolona hou ia mahope mai, au holo aku la oia no Hong Kong i keia la, malalo o ka hoohana ana a kona mahu ponoi. He 1,030 tons kona kaumaha, a he 2,200 ka ikaika lio huki o kona enegini.

 

KAUOHAIA E HOLO NO HAWANA

            Wasinetona, Dec. 13, Ua haawi ia aku la ke kauoha i na mokukaua Brooklyn, Texas, Castine a me Resolute no ka holo ana aku i Havana.

 

KA MANAWA HOLO LOA I IKEIA

            Nu Ioka, Dec. 10, O Charles W. Milner o Kikako, ka nuoho kaa hehiwawae o eono la o kela makahiki aku nei, ua lilo hou no iaia ka eo o ka heihei nui ma ke Kuea Madison i keia makahiki.

            He 32 ka nui o na poe i komo ma keia heihei loihi, ma ka waenakonu o ka po Poakahi, he 12 wale no mea o lakou i hoea i ka pahu hopu.

            Iloko o na la eono o keia heihei ana, au holo ia e Charles Milner he 2,007 mile. He $1500 ka uku makana me $200 mawaho i haawina aku iaia, a fa auina ia ino, ua mare iho la oia i ka wahine, a ua haawi ia aku he $500, a ua olelo ia ae, ua haawi makana aku ka hui kaa hohiwawae ana e holo ana he $200.

 

MAKE O KENERALA GARCIA

 

            Wasinetona, Dec, 11. Ma ka hora 10 o keia kakahiaka i make ai ma ka Hotele Raleigh, ke alakai wiwo ole o na Cuba, Kenerata Calixto Garcia, ke poo hoi o na komisina i hoounaia mai e ka Ahaolelo o Cuba no ke kipa aina mai i keia aina. O ke kumu o kona make koke ana mamuli no ia o ka like ole o ke eame ko Cuba.

            Ua hanauia o kenerala Garcia ma Cogquin ma ka la 14 o Okatoba, 1839, a nolaila, eia oia ke hookokoke aku nei kona makahiki i ke 60, a ma Hayaua a me Sepania kona wahi i hoonaauaoia ai.

            Na keia Garcia i hookumu i ka mokuahana ma waena o na Cuba a me na sepania i ka 1868, ua ala mai na Cuba ia makahiki a kue aku la i na spania, a ua koho ia oia i Birigadia Kenerala malalo o Gomez ua nui na hoolili kaua i loaa iaia ka lanakila, a ua hopu pio ia eia ke taona o Jaiquani a me Baire, a ua ohi hoi i na poe aloha aina, ma ka 1875 oiai, oia e hakilo ana me kona mau ukali ua paa iho la oia i ka hoopuni ia e na Senanie, i kona i ke ana aohe ona wahi e pakele ai, au unuhi ae la oia i kana pu panapana a ki ae la i kona awae me kona manao ana ua oia aku kona pono e make mamua o kona paapio ana aku iloko o ka lima o kona mau enemi, aka, ua pahia aku nae ka poka mawaena o kana mau kuemaka a hoehala iho la oia. Ua malama maikai ia oia e na Sepania, mamuli o kona komo pu ana ma keia haunaele au hoouna ia aku oia no Sepania a ua hoopaaia oia he 4 makahiki maloko o na papu a me na kakela, a hiki i ka wai hanaia ai o ke kuikahi o Zan Jon. Ua hoea aku oia i Cuba me kona mau kanaka kakaikahi aka, ua pau nae ke kaua. Ua haawipio hou aku oia i na Sepania i wahi e pakele ai kona mau kanaka, a na kipaku hou ia aku oia no Sepania i ka 1880. Ua noho oia malaila a hiki i ka 1895 i ka wa o ke kaua i poha ae ai, ua mahuka aku la oia no Farani a mai laila mai no Nu Ioka. A mailaila, hoouna malu aku ai oia i mau lako kaua no na Cuba me kona mau hoakanaka e alo ana i ke ehuehui au hookohu ia oia Lutanela Kenerala malalo o Mareo, a i kona wa i make ai au lilo ae la iaia ke alakai ana o na pualikoa. A o Garcia a me kona pualikoa no hoi kekahi iloko o keia kaua ana mai nei mawaena o Amerika me Sepania.

            Ma kela holo ana aku nei a ka Mauna Loa a me ke Kinau i ike ia ai ka holo o ka Mauna Loa, no ka mea, ua haalele iho oia i ke Kinau mawaho o ka Lae o Kalaau, iloko o 2 hora me 41 minute, o ke Kinau ka mua o ka haalele ana iho i ke awa nei, he 15 minute ke kaawale.