Ke Aloha Aina, Volume IV, Number 49, 3 December 1898 — NA MEA HOU O KA PAIA ALA O PUNA. [ARTICLE]

NA MEA HOU O KA PAIA ALA O PUNA.

I ka Lunahooponopono o Ke ALOHA AINA Aloha Oe:— Ma ka Poaono, Okatoba 22, n.a Kaohe, Puna, Hawaii, ua hele aku o Kamohai a rae Kaiewe i ka lawaia A ia Kaiewe e oo heepali ana, ua hoea mai la kekahi nalu nui a po iho ia maluna o Kaiewe a lilo aku la oia i ke kai. I ka ike ana o Kemohai i keia poino o kana keiki, ua lele aku la oia iloko o ke kai no ke kokua ana, aka, i kona wa nae i haule aku ai ilk o ke kai, aole oia i ike hou ia a hiki i keia wa, a o h e kino make o Kalewe kai pae hou iuka o ka aina. O keia Kamohai, he kamaaiana oia no ia wahi, a oia wale no ke kanaka hope loa e noho nei malaila a o ka pau ana no hoi ia o ka poe e, noho ana ma ia wahi, I ka Poalua ae, Okatoba 25, i noho ai ka aha koronero e noonoo, a ua hooholo ua make laua i ke kai, ma o kn ike a Kanila opio ke kolu o na mea i hele pu ai. He 68 ka nui ona makahiki o Kamohai a he 10 o Kaiewe he ano omaimai no o Kamohai i keia wa i lele ai iloko o ke kai, a o Kaiewe he keiki oia na Kalahiki o noho la ma Piihonua, Hilo. Ma ka Poakolu, Novemaba 23, ma Puua, Puna, ua hele aku ward Elderts kekahi o na keiki a T. E. Elderts, hope makai nui o Puna nei, i ke alualu puaa oia a me D. K. Puhi a me D. K. oiai na ilio e hae ana i ka puaa, a oiai kekahi lima o E. Elderts e paa ana i kana pu oia no ka wa i kani aku ai ka pu i piha mua i ka poka a ku aku la ma kona uha, ua hoihoi ia aku oia no kona home, a ma ka hora 8 o ke kakahiaka Poaha i lele loa ae ai kona aho, He kanaka opio oia nona na makahiki he 26, he wahine kana a me na keiki elua, he makuakane oia o Kappa Elderts, a me kona mama Huna K. Elderts, he mau kaikuaana eha, he mau kaikuahine a me ka ohanae paiauma aku ana nona He makai kana oihana a hala aku la. KAMAAINA Puna, Hawaii, Nov. 24, 1898,