Ke Aloha Aina, Volume IV, Number 49, 3 Kekemapa 1898 — Page 8

KE ALOHA AINA

 

8        KE  ALOHA  AINA,  POAONO  DEKEMABA  26,  1898.

 

HE MOOI ELO WALOHIA

----:NO  KE:----

Keikialii Alabati

 

Ke Kaeaea o Pelekane.

--:A ME KA:--

Ui Madelina.

 

Ke Kukui Uwila o Ainapo

 

Hoohenoia no KE ALOHA AINA

  Ua, ike ae la kakou, mamuli o ka hoohele wawae ia ana o kela poe he 50 wale no, i loaa ai he lanakila hiwahiwa maluna o na powa me ka hakalia ole.

  I ka wa i ike mai ai na powa o luna o ka puu, ua hui ae la na aoao elua i kahi hookahi, ua lohe ia aku la ko lakou mau leo e hooho mai ana:

  Imua e na ilio omokoko o ke Kakela, a inu i ke koko o ka noe e hoao mai nei e komohewa i ko kakou mau kualono me ka kulena ole, ano, e luku aku a hiki ka neoneo loa ana.

  O na leo e hoopaiakuli nei, aole ia he mea e hookuemi hope mai ai i ka manaoio hana o keia poe a ke keiki opio i wae ai i poe luku naluna o keia poe powa.

  Aole nae lakou i ike mai, he poe keia ua wae ia no ia hana a no lakou no ka hooni mai, o ka wa no ia e pii ai na hulu mahamaha o na loea kakele maka ihe.

  I ka wa i pau aku ia kela maheie mua o na powa i ka luku ia, ua meha iho la olalo o ke awawa, aohe he hauwalaau mai.

  A no ia kumu, ua kauoha koke ae la ka opio i kahi aliikoa pahaahaa e hoomakaukau iaia iho a me kona poe hololio he 100 no ka uhai ana aku mahope o ka meheu ana e kii aku ai i ke Kakela me kekahi 100 koa.

  I ka wa i pau ai o na hoonohonoho ana, ia wa koke no, i kau ae ai ka opio maluna o kona ho a holo aku la ma ke alahele e huipu ai me kona poe hoa i komo mua iho i na minute mamua aku.

  Ua hui aku ia oia me lakou iloko o ka imo ana o ka maka, a aia hoi oia ke holo la me ke hookaulua hou ole iho no ke Kakela ka pahu hopu o kana huakai.

  O keia alahele a kuupau ia la ka holo o ka lio o ka opio aole loa he mea hookahi i hiki ke koho aku, mahea la ke alahele a ka opio e holo nei.

  Aia he 100 poe koa kau lio e hahai nei mahope ona, a ke alo pu aku nei hoi lakou iloko o ke ehuehu, elike me na kuhikuhi a ko lakou alakai opio e kuupau la i ka holo nul no luna o ke Kakela.

  I ka kaalo ana ae o ka opio mamua o na laina koa kiai o ka alii powa, ua lohe ia aku la ka leo kauoha weliweli, e pahola ana maluna o na kiai:

  Imua a na iliohao o na maona, a omo i ke koko o ko oukou mau onemi, i mohai noloko o na ipukoke i hoomakaukau ia e ko kakou haku. no ke kuahu laa o ko kakou Akua, ka mea nona na hoopomaikai ana he nui maluna o kakou.

  I ka wa i meha iho ai na leo he nui, ue ike koke ia aku la ko lakou lele paukiki ana mai maluna o ka opio a me kona mau wahi hoaloha kaikaikahi.

  Aka, ua ike no kakou, he wa auau na mea kaua na ka kaua opio, a o keia poe hoi e lele kuhihewa mai nei, mamnli no ia o ko lakou manao he mea paani wale no keia wahi heluna uuku imua o ko lakou heluna makolukolu.

  Elike me ka hiolo ana o na lau pala mailuna aku o ke kumulaau, pela ke ola o na powa e ulupa ia nei e ka opio, i panai ia mai hoi e kona poe koa he 100 wale no ka nui.

  He wa pokolo wale no keia o ka ulele ana iho mawaena o lakou, ua pau loa iho ia keia poe, aohe nao ai i ka papaa.

  A elike me ka hooneoneo ia ana o kahi mua, pols no lakou i pii hou aku ai me ka hoomau ana i ka paio no ka hopena lanakila hiwahiwa e hoea mai ana mahope.

  I ka hala ana ae o ka hapalua o ke alahele ia lakou, oia no ka wa i hiki pono aku ai lakou i kahi oi loa aku o ka weliweli, a i oi paha aku hoi ka nui mamua o kela poe i pau aku la i ka make.

  Ma keia wahi i huli mai ai ka opio a pane mai ia imua o kona mau hoaloha e alo nei i ke ehu a ka ino, i ka i ana mai penei:

  Eia kakou ke pii aku nei ma ke aiakele oi aku o ka weliweli, a ko oukou mau maka i ike ole ai mai kinohi mai.

  Ia nei e bapetizo ia ai ko oukou mau lunaikehala iloko o ka wini oi o ka oukou mau pahikaue, a me ka maka'u ole o ko oukou mau puuwai

  I keia wa e hoike mai ai keia a me keia i kona manao, ina paha no ka nee ana aku imua no ke alahele o ka wiwo ole; a i oke, no ka hoi hou paha ihope e no ko oukou mau oia iho.

  I keia wa a ka opio o kamailio ana, aia na leo hooho o ua poe l@ ke wawalo la i ka lewa, me ka hooho ana ae:

  Iluna o ka puu o ka make, kahi o kela Kakela i piha i ka weliweli a me ka manaonao, a hooki iho ai ka kou i ko kakou nee ana imua.

  Imua, wahi a ko lakou mau leo hooho i pane like mai ai, aia hoi ko lakou mau ho ke haulani aku la mahope o ko lakou alakai opio e pii nei no luna o ka puu.

  I keia wa no hoi i kauoha ae ai oia i ka mea puhi o-le no ka hoike ana aku i kahi aliikoa pahaahaa, o kooa manawa keia a me kona poe e ukali mai ai mahope o ko lakou meheu, oiai no lakou e hoomau ana i ka nee ana imua.

  Ua hooko ia keia kauoha e ka mea puhi o-le, a ala hoi lakou a pau me ka puahi nui, ma ke alahele e huipu ai me ko lakou healoha opio.

  Aohe wa i oi aku o ka weliweli mamua o keia, oia hoi, ua hui ako ia na wahi koa uuku o ka opio me 15,000 mailuna mai o ka puu, a o kela paha ke kaua a ka holoholona e oleioia ai e kekahi poe.

  I keia wa no hoi i haawi aku ai oia i ke kauoha no ke kupaa ana i kahi hookahi, i hiki oie ai i ka enemi ke hoemi hope mai ia lakou no lalo o ke awawa.

  Ua maopopo o keia kahua hana a ka apio i kuaulu iho la, he hoile no ke aiwaiwa a ka maka'u ole. a me ia ano i haalele iho ai oia i kona mau hoa make e ku kiai pela. A o a kona wa i ka aku ai i ka holo o kona lio no kahi a na powa e iho makawalu mai nei, me kaua panikaua e hili ana mao a maanei.

 

HE ULIA POINO.

 

  Me ka Poaono nei na halawai iho la kekahi ulia poino i ke keiki a S. M. Damon nona na makahiki he 15, mamuli o ke kani hewa ana o kana pu, i kona wa e hoao ana e ki i kekahi mau manu Kolea, ua komo aku ka lu ma kona kuli a me kona umauma. Ua holo koke aku kona mau hoa e kokua iaia, ma Kualoa i ikeia ai keia ulia poino. Ua hoea aku kona mau makua ilalo o laila, a ma ka La Pule nei i hoihoi ia mai ai oia no ke kulanakauhale nei.

 

  Ma ka po Poalima nei i ku mai ai ka mokuahi Beigic mai Kapalakiko mai, ua manaoia o kona kipa hope ioa ana mai la ia i na kapakai o Hawaii nei.

  Maluna mai nei o ka mokuahi Belgic i huli hoi mai ai o Kanikela Amerika Haywood, mahope o kona kaawale ana aku nei ma kekahi hoakai pokole i Wasinetona.

  Ua pau i ka hoomakaukauia ka papa kuhikuhi o na hana e malama ia ana makua o na Kula Kamehameha i ka la 19 o keia mahina ae, ka la hoi i hookumuia ai oia mau kula.

  O ka manawa holo loa i ikeia n a ka hooili nanahu ma Tacoma no ia, ma ka hooili ia ana mai nei o ka nanahu iluna e ki mokupea Levi C. Bargess he 2,360 tona iloko o 13 hora.

  Ma ke kakahiaka nui La Pule nei i haalele aku ai na koa i ka opeki o ke Kinau, a ua huli hoi aku la no ko lakou kahua hoolulu mawaho o Waikiki, malalo o ke aiakai ana a ka leo kani o ka lakou mau hokeo. O keia na koa i hoi mai nei mai ka Ua Kailehua mai o Hilo.

 

KUAI  HOOPAU  NUI!

MA KAHI O

B.F. Ehlers & Co.

(PAINAPA  MA.)

----:O:----

Ona Koena Silika Libine. Lole, etc.

E Hoomaka ana i ka Poakahi, Nov. 28

No na La Pokole Wale No

 

Na PALE PAKU PUKA ua hoemiia he 1.50, 32.00. 5.00

 

Na PAIKI  LOLE  mai ka  50. 75,  1.00,  2.00  5.00,  8.00, 10.00.                           .

Na  UMI  PAKAUKAU  ua Hoemi ia ko lakou mau kumekuai.

 

Na TAWELE  HOLOI  LIMA he 75, 90, 1.00 o ke Kakini

 

E  Makaala.

  E kuai hoemiia ana na koena Silika, Lipiae, Lole Huluhulu a pela aku, ma ka la 28 o Novemaba, 1898, me ka nana oleia o na poho. Nolaila e makaula mai e na mea a pau o nele auanei oukou.

B  F  EHLERS  &  Co.

    ALANUI PAPU, HONOLULU.

 

HE  KUAI  HOOPAU  NUI  LOA!

 

Lihilihi, Libine a me na Lole Aahu.

. . . . . . MA  KAHI O . . . . . .

L.  B.  KERR

No Hookahi Pule Wele No.

  Na Lole Huluhulu Farani, ma mua 50 keneta, i keia wa 25 keneta o ka i-a.

  Na Oganadi Farani Ano Hou 5 keneta o ka i-a.

  Na Kalakoa Nainsooks, 5 keneta o ka i-a.

  Na Lole Keokeo o kela a me keia ano, he 5 keneta o ka i-a.

 

O Keia mau Waiwai he Emi

 

   Nolaila, e komo mai, a e kuai no oukou iho.

                     L. B. KERR.

Alanui Moiwahine. Honolulu

 

Ka Laau Kaulana

ILIKINI  KIKAPU.'

 

E  Loaa no ma ka Halekuai

Laau o

Hobron Drug Co.,

                            Agena ma Hawaii Nei.

Kihi o na Alanui Papu me Moi

 

NA  LAKO  GULA  HOU  LOA.

  I@hoea mai nei maluna o na mokuahi mai Kapalakiko mai.

  Ma ko'u Halekuai, malaila e hana ia ai na Pine, Komo, Kupee Lim@, Uwati, a pela aku.

          H. G. Biart.

Alanui Papu, Helu 4041         .

apr.  18,  1898.             ti.

 

OLELO  HOOLAHA.

 

  E@ke auanei na kanaka a pau ke nana ma keia hoolaha Owau o Hook Sing (pake). no Honolulu, Oahu, Ko Hawaii Paeaina A ma keia ke hookohu aku nei au i kuu hoahanau (cousin) ia Yong Kit (pake) oia kol@ hope, mai ko'u wa e kaawale ana mai Ko Hawaii Paeaina aku no ka manawa. Nolaila. ke haawi piha nei au i ka mana ia Yong Kit. e malama i ko'u pono a pomai kai a pau iloko o kuu Halekuai Liihi (retail license) e ku la ma ke kihi ma keia mua aku o Yong Kit ko'u hope, oia hookahi wale no ka mea mana ma ka hookaa a me ke kikoo ana i ka poe aie i ko'u halekuai. A he mana ia Yong Kit ke hoopii ma ke kanawai i ka poe e kue mai ana i ko u mau pono a pau.

  No ka oiaio o keia ke kau nei au i ko'u inoa ma keia la 1 o Novemaba, M. H. 1898.

                        HOOK SING.

nov 10 - 1m