Ke Aloha Aina, Volume IV, Number 48, 26 Nowemapa 1898 — Page 8

KE ALOHA AINA

 

8                 KE ALOHA AINA, POAONO, NOVEMAPA   26,  1898.

 

 

KE MOOLELO WALOHIA

--- : NO KE: ---

Keikialii Alabati

---

Ke Kaeaea o Pelekane

--:A ME KA:--

Ui Madelina.

---

Ke Kukui Uwila o Ainapo

---

Hoohenoia no KE ALOHA AINA

 

          O keia mau olelo kahoahoa a ka opio imua o kona mau hoa, oia no ko lakou wa i hoohuli like ae ai i ke poo o na lio a lakou e kau ana a hahai aku la mahope o kahi a ka opio i kuhikuhi aku la.

          Oiai lakou e holo aku nei no kahi a na pio e kali mai la, o ko ia nei, hoea aku me kona mau hoaloha ana i kii mai la.

          Aia na manao o ke kaumaha a me ka weliweli iloko o na pio kahi i nune ai, ua hookokoke mai lakou i ko lakou hopena, he uku panai no ka lakou mau hana ino.

          A oia hoi ka ae Keikialii opio Aleferda i pane mai ai, aia na poe pio i pau i ka make, ke waiho mai la ko lakou mau kino ma kahi a na poe koa powa e pohai mai la ma ko lakou aoao.

          A he mau anana wale no ke kaawale mai kahi aku a lakou e holo aku nei, mai kahi mai a na powa e kau ana no malua o ko lakou mau lio.

          A i ko lakou wa i ike pono mai ai i ka mea nana i hoopuhili i ke akamai o ko lakou alakai, a me ko lakou pu, a lakou hoi i manao ai, o lakou ka oi ma na ano a pau.

          No keia mea, ua haawi koke ae la kekahi o lakou i ike kauoha no ka lele ana iho mailuna iho o ko lakou mau lio no ka haawi ana aku i na hoomaikai he nui, maluna o ka opio wiwo ole.

          O keia mau hana maikai i ulu ae iwaena o keia poe pio, oia ka ka opio i pane aku ai me ka hookaulua ole:

          E hookuu ia no oukou a pau me ka lanakila, ke kuhikuhi pololei oukou i ke alahele e hoea aku ai i ke Kakela o ko oukou haku i noho ai, i hiki ai ke hooneoneo loa ia kela punana ino o ka pepehi kanaka a me ka hao wale.

          A ke hoike aku nei hoi au imua o oukou a pau mai keia wa aku ao le loa au i makemake e ike hou aku ia oukou e komo hou ana iloko o na hana ino ma keia hope aku.

          A o ka mea o oukou e hoao ana e pale a uhaki paha i keia olelo kauoha loaa pono aku ia’u, hookahi no hoopai maluna ona, he make.

          O ko lakou wa no hoi ia la hooho like mai, me ka leo hookahi wale no, e hoohiai ana imua o ka opio, aole loa lakou e ae e komo hou iloko o na hana hookahe koko ma ia hope aku.

          A e lawe ana lakou i na kauoha a pau a ka opio a haawi mai ai na lakou e hana, ke mau ke ola iloko o ko lakou mau kino.

          Ua hookaulua ia ko lakou haalele ana iho ia wahi, mamuli o ka lawelawe ana i na hana ku i ke aloha maluna o na kino o ka poe i hoeha ia, a me na kino wailua hoi o ka poe make, e haawi ana i na kokua a pau i hiki ke hanaia.

          Mahope iho o ka pau ana o keia mau hana me ka holopono, oia no ka wa i liuliu ae ai kela a me keia no ka hiki kino aku ma ke Kakela o na powa.

          Ua alakai ia keia huakai hele malalo o ke pailaka ana a na powa, a kakou hoi e ike ae la, aohe wa i koe a hooliloia aku kela home o ka popilikia i na la i hala, i home no ka lanakila.

          He mea oiaio, elike me na olelo a na pio i hoike aku ai imua o na mea a pau ma ka aoao o ke keiki opio, a eia ua wa la ua hoea mai.

          O keia no hoi ka wa a na poe pio i pane like mai ai, e nana, aia ke Kakela o ka poino, ke hulali mai la kona mau paia, iluna o kela kualono i maheleia e na pali elua.

          O ke alanui e hoea aku ai iluna o kahi o ke Kakela e ku mai la, aia mamua aku nei o ke kaulu pali e hanai mai la mamua o ke alo, me manu aeto la e kikaha ana mamua o ke alopali.

          Aia iluna pono o kela kiekiena e kiei mai ia, he mau tausani o na tausani o na poe kiai, e malama ana i ka maluhia o ke Kakela holookoa.

          A ia wa koke no hoi lakou a pau i lohe like aku ai i na leo hooho mailuna mai o ka puu, mamuli o ko lakou ike ia ana mai e na kiai e luna o ke Kakela, e hoike mai ana, ei aku ke kipi a hoea mai.

          Wawalo ae la na leo kahea o na o-le, mei ke Kakela a mai na kiekiena mai hoi, a ike pu ia aku la ka maaloalo mai o luna o ka puu, me na koa kau lio e holo pololei mai ana no ka lakou wahi e hoomoana nei.

          I ka wa a na koa lio powa e holo mai nei me ka puahi nui, oia ka ka opio i lawe ae ai i kona kulana o ka makaukau mamua o ka hoea ana mai o ka pilikia.

          Ua haawi mua ia na olelo hoolana, e kupaa i kahi hookahi, me ka hoonee hou ole aku imua, hiki i ka wa ana i ike ai oia ka wa kupono e lele aku ai maluna o na enemi.

          O keia paukiki o ka ihona pali e kakeleia mai la e na keiki omokoko oluna o ke Kakela, me ko lakou kulana makaukau piha e ka poe i lehia ma ia hana.

          A oiai hoi lakou e ku nei maluna o ke ahua, ma kekahi aoao o ka puu e nana aku ana i ko lakou iho ma kawalu mai mailuna mai o ke kiekiena, me ka haupu mua ole, ua kokoke mai ko lakou hopena no ka wa mau loa ma ia wahi.

          Oiai i keia wa, ua palima aku ka nui o ka poe enemi imua o ko ka opio mau wahi heluna koa, imua o ko lakou mau hoa.

          Nolaila, o ka poio hana pono wale no, i wahi e hoopakeleia ai o kona poe kakaikahi, oia ka imi ana i ke alahele pokole no ka loaa ia lakou o ka lanakila.

          I ka ike ana o ka opio, eia na powa ke pii mai nei no ka lakou wahi e hoomoana nei, oia no ka wa a ka opio i haawi koke ae i ke kauoha no ka hoomakaukau ana.

          E hawele i ka oukou mau paui kaua ma ko oukou mau aoao, a me ka oukou mau ihe ma ka poho o ko oukou mau lima. Ano, e ku me ka makaukau.

          O ke koikoi o keia olelo kauoha, he hakoko ana ia mawaena o ka make a me ke ola, a he mea hoi na keia poe a pau i moeuhane ole ai, e ike ana lakou i kekahi hoouka kaua weliweli loa.

          Oiai he 20 wale no anana i koe a halawai ae lakou i’kahi hookahi, o keia no ka wa i haawi hou ae ai o ka opio, e lele aku maluna o na powa me ka hookauiua ole, a i 50 wale no ka nui.

          O keia poe a pau he poe hele wawae wale no, a o keia hoi ka papa hoonohonoho mua loa i haawi ia aku la, a kakou e ike la, he mau sekona wale no koe a hui ae lakou i’kahi hookahi.

          O keia poe he 50 e iho la no lalo, ua like ia me ka Anela luku i hoomakaukau ia e ka opio no ka anai ana aku i kona mau enemi a pau, nana oia i hoopililia.

          Iloko o keia wa i ike ia aku ai ka walawala ana o na kino o na poe e kau ana maluna o na lio, a ike pu ai aku la hoi, ua like keia poe he 50 me he makani puahiohio la.

          O keia heluna nui o na tausani i ike ia ai i kinohi, aia lakou ko waiho la ilalo o ke awawa, e moni ana i na ehaeha no ka wa hope loa, ka mea hoi i hoomaopopo ole ia e na hoaloha o ka opio, pela iho la ka ke kiina noeau ana o ka lanakila.

---

 

OLELO HOOLAHA.

 

          Ke hoikeia aku mai ka lohe i na mea a pau aa hoopau ia ka noho luna ana o Mr. Kamakee maluna o na aina o Pukoo 1 a me 2, ma Molokai, a ke kauoha ia nei ka poe nona na holoholona o kela a me keia ano e lawe a hookaawale aku i ko lakou mau holoholona mai luna aku o ia mau aina mamua o ka la hope o ka mahina o Novemaba o keia makahiki, a o na holoholona e loaa ana maluna o ka aina mahope o ia la e hanaia no elike me ke kuhikuhi o ke Kanawai. No na mea i koe e ninau ia S. K. Kupihea, ma Pukoo, Molokai.

W. L. Wilcox

Honolulu, Okatoba 31, 1898.

cct 31 – 1m dly wkly

---

 

 

KUAI HOOPAU NUI!

MA KAHI O

B. F. Ehlers & Co.

(PAINAPA MA.)

---:O:---

O na Lole Aahu Huluhulu Nani.

Ua Hoomaka i Keia Poakolu, Nov. 15.

No na La Pokole Wale No

---

Na LOLE HULUHULU laula nui mai ka 25, 35, 40, 50, 60 a me 75 keneta o ka i-a.

---

Na AIKALA a me PULIMA ua hooemia he 2 a i ole he 1 paa i ke 25 keneta.

---

Na TAWELE HOLOI LIMA he 75, 90, 1.00 o ke Kakini

---

Na PALE PAKAUKAU LILINAI ua hoemiia no ka 50, 75, 1.00, a me 1.25.

---

          Nolaila, e hele nui mai e na mea a pau, no ka mea, no ka manawa pokole wale no keia kuni hoemi nui, o nele auanei oukou i na waiwai nani loa e kuai ia nei.

B F EHLERS & CO.

          ALANUI PAPU, HONOLULU.

-----------------------

 

HE KUAI HOOPAU NUI LOA.

---

Lihilihi, Libine a me na Lole Aahu.

……MA KAHI O……

L. B. KERR

No Hookahi Pule Wale No.

Na Lole Huluhulu Farani, mamua 50 keneta, i keia wa 25 keneta o ka i-a.

          Na Oganadi Farani Ano Hou 5 keneta o ka i-a.

          Na Kalakoa Nainsooks, 5 keneta o ka i-a.

          Na Lole Keokeo o kela a me keia ano, he 5 keneta o ka i-a.

---

O Keia mau Waiwai he Emi

---

Nolaila, e komo mai, a e kuai no oukou iho.

L. B. KERR.

Alanui Moiwahine. Honolulu

--------------------

 

Ka Laau Kaulana

ILIKINI KIKAPU.’

---

E Loaa no ma ka Halekuai Laau o

Hobron Drug Co.,

Agena ma Hawaii Nei.

Kihi o na Alanui Papu me Moi.

---

 

MAUNAKEA a me WEBER.

---

HE MAU LOIO A LUNA HOOIAIO.

Maloko o na Aha Hookolokolo a pau o Hawaii a me Amerika Huipuina.

He mau mea hoale aku i na poe waiwai paa.

          Keena Hana: Alanui Kalepa, makai iho o ka Hale Leta.                  tf.

---

 

OLELO HOOLAHA.

 

          E ike auanei na kanaka a pau ke nana ma keia hoolaha. Owau o Hook Sing (pake), no Honolulu, Oahu, Ko Hawaii Paeaina. A ma keia ke hookohu aku nei au i kuu hoahanau (cousin) ia Yong Kit (pake) oia ko’u hope, mai ko’u wa e kaawale ana mai Ko Hawaii Paeaina aku no ka manawa. Nolaila, ke haawi piha nei au i ka mana ia Yong Kit e malama i ko’u pono a pomaikai a pau iloko o kuu Halekuai Liilii (rental license) e ku la ma ke kihi hema o Alanui Ema a me Vineyard, ma keia mua aku o Yong Kit ko’u hope, oia hookahi wale no ka mea mana ma ka hookaa a ma ke kikoo ana i ka poe aie i ko’u halekuai. A he mana ia Yong Kit ke hoopii ma ke kanawai i ka poe e kue mai ana i ko o mau pono a pau. No ka oiaio o keia ke kau nei au i ko’u inoa ma keia la 1 o Novemaba, M. H. 1898.

HOOK SING.

nov 10—1m