Ke Aloha Aina, Volume IV, Number 39, 24 September 1898 — Page 1

KE ALOHA AINA

UA MAU KE EA O KA AINA I KA PONO

HOOKUMUIA MEI 20, 1895

BUKE IV.

HONOLULU , POAONO, SEPATEMABA 24, 1898

HELU 39

 

 

KA NUPEPA A KE ALOHA AINA

E hoopuka mau ia aku ana mai ka Poakahi a ka Polima o na pule a pau o kela a me keia mahina.

Ka uka Pepa, he 20 keneta o ka pule. No ke kope hookahi, he 5 keneta.

E loaa no ka pepa maike Keena aku o KE ALOHA AINA, a mai ka lima aku o na Luna Lawe Pepa.

E pai ia no na Olelo Hoolaha, na Kanikaku a me na Mele Inoa, me ke Dala kuike. Aola nupepa ma ka owili pakahi e hoouna ia ke ole e hookaa mua ia ka uku pepa.

E hoouna pololei mai i na Nuhou na Kumumanao, na Olelo Hoolaha, na Kanikau a me na Mele Inoa i ka Lunahooponopono o keia Pepa.

Aole loa e hoopuka ia a hoolaha ia kekahi manao ma na kolamu o keia Pepa, malalo o kekahi inoa kapakapa ke ole e hooike mai i ka Lunahooponopono i kona inoa ponoi.

 

 

Ka Nupepa Puka Pule

Ke – Aloha – Aina

Hookahi makahiki, $2.00

Eono mahina, $1.00

Ekolu mahina,  .50

Hookahi mahina,  .20

 

 

EMMA A. NAWAHI.

Puuku o

Ke – Aloha – Aina

EDWARD L. KIKE.

Lunahooponopono a Hope Puuku

S. P. KANOA.

Hope Lunahooponopono.

O na kauoha Nupepa me ha h@okaa Dala, e hoona pololei mai i ka Puuka ma Honolulu.

 

 

KA LA HEIHEI WAAPA NUI.

Ma ka hora 10 o ke kakahiaka Poaono nei, i malamaia ai na lea lea heihei waapa maloko o ke awa o Kou ae nei, he mau tausani o na poe makaikai i hoea ae makai o na uwapo a maluna o na moku. A maluna hoi o ka mokupea Harvester ka bana aupuni kahi i hoonanea ai i na poe makaikai. O keia malalo iho ka papa kuhikuhi o na heihei i malamaia ai:

1 - Heihei Waapa Huelo Boti, makana mua $30; elua, $10. O na waapa Pailata, Dewey o ka Piladelapia a me ka waapa o ka mokupea Generala Gordon kai komo ma keia heihei. Ua holo aku lakou no ka hoe @e@hi a hoi hou mai, a malaila i hookui ai na hoe o ka waapa Pailala me ko ka manuwa. Ua hoea m@a mai ka waapa Pailata manawa 18 minute, aka, mahope o ka noonoo ana o na lunakanawai, ua haawi ka eo i ka manuwa, a o ka elua i ka waapa o ka mokupea Generala Gordon.

2 - Heihei Waapa Eono Hoe. Kiaha $50. Mawa@na o ka Matala a me ka Healani, ua lilo ka eo i ka Healani, manawa holo he 12 minute me 30 sekona, a he 26 sekona kona oi ae i ka Matala.

3 - Heihei Moku Kiakahi Papa Ekahi. Makana mua $40; elua $20. O Bonnie Dundee, Marion a me Hawaii na moku i komo ma keia heihei, o ke alahele a keia mau mo ku i holo ai mai kahi aku o na lunakanawai a hiki i Sans Souci, mailaila aku no Puuloa a hoi mai, a ua lilo ka @anakila ia Bonnie Dundee, manawa holo he 3 ho@a, 42 minute a me 31 sekona. Hawaii, ka elua.

4 - Heihei Moku Kiakahi Papa Elua. Makana mua $40; elua $20; ekolu $10. O Pokii, Abbie, Malolo a me Pauline, ua lilo ia Pokii ka makana mua, Malolo ka elua a me Pauline ka ekolu.

5 - Heihei Aholoa no ka manawa ioihi, makana $5. O kawika a me Kuaiwa na mea i komo ma ke a heihei, na ka inoa mua ka lanakila, iloko o 49 sekona.

6 - Heihei Waapa Elua Hoe. Makana mua $10; elua $5. He eha waapa i komo ma keia heihei, mai kahi aku o na luna kana wai a ka i oe ulaula mamua o Healani, ua lilo ka eo i ka waapa No. 28, manawa 8 minute, 1 2-5 sekona.

7 - Heihei Waapa Eono Hoe. Makana mua $30; elua $10. O na waapa Kapiolani a me Kan@elani, a ua lilo ka eo ia Kanoelani he 17 minute, 2 2-5 sekona.

8 - Heihei Au, 100 i-@, makana $15. He elima ka nui o na poe i komo ma keia heihei, a mawaena o ia poe o Kimokeo a me Dan Renear ua lawe haaheo ae o Kimoke @a ka lanakila, ua lulu ae he hoopaapaa ma keia heihei, mamuli o ke keakea ia ana o ke alahele o Renear e kekahi waapa, aka, aole nae i hooloheia.

9 - Heihei Waa Eono Hoe. Makana mua $15; elua $5. He ekolu waa i komo i ka heihei, ua lilo ka eo ia Kakaako, a o Leilani ka elua.

10 - Heihei Waapa Kao. Makana $15. Elua waapa kao o luna o ka mokakaua Piladelapia i komo ma keia heihei a he mau kopala ka hoe nana e hooholo ana, a ua lilo no ka eo i kek hio o laua.

11 - Heihei Eha Hoe. Makana mua $30; elua $15. He elua waapa o ka Matala i komo ma keia heihei, a ua lilo no ka lanakila i kekahi o laua.

12 - Heihei Tabu. Makana $5 He eono ka nui o na tabu i komo ma keia heihei, a ua lilo ia Yetting ka eo oia heihei.

13 - Heihei Waapa Umikumamalua Hoe (no na waapa mokukaua wale no) makana $50, Mawaena o na luina a me na eneginia o ka Piladelapia, a ua lilo ka eo i na luina, Manawa 17 minute, 55 sekona.

14 - Heihei Luu no kahi Manao, makana $5. He elua kanaka Hawaii i komo ma keia heihei oia o John Mau a me Kona Boy, ua lilo ka eo i ka moa hope, no ka mamao o 75 i a.

15 - Heihei waapa Mokuahi. Makana mua $25, elua $15; ekolu $10. O na waapa i komo ma keia heihei no Mauna Loa, Lehua, Mokolii, Lehua a me Kaena. Na ka waapa o Lehua i kaili ae i ka makana mua, manawa 16 minute, 27 sekona, ia Kaena ka makana elua, a ia Mauna Loa ka ekolu.

16 - Heihei Waa Pea. Makana mua $15; elua $5. Ekoku waa i komo ma keia heihei, a ua lilo ka eo ia maui Boy he 22 minute, a i ukali ia mai e Niulani.

17 - Heihei Au Hapalua Mile. Ua lilo ka eo ia Kuaiwa, a o Charles Gilman ka elua.

@-Heihei Waapa Eha Hoe. Makana $15. He nui na waapa like ole i komo ma keia heihei mai na mokukaua, moku kalepa a me ko uka nie o ka aina, a ua lilo ae ke eo i ka waapaa o ka mokupea John Briggs e hoe ia ana e na keiki Hawaii.

O kahi a na waa pa heihei i holo aku ai oia no ka hoe peahi a hoi mai, a o kahi hoi o na lunakanawai i noho ai @luna no ia o kekahi kao makai pono o ka uwapo o Poka ma.

 

 

NA ELELE LAHUI.

Me ka Puuwai o ke Aloha.

(Hoomaula.)

Kuuoha ka noho ia Joseph Heleluhe i elele e noi aku ia Likikioi i mahele olelo na keia Ah@ Kuwaena imua o na Komisina, koho ka Aha ia Makekau i mahele olelo, na ka mea, aole i hoea mai ai ua elele la.

Kono ka Peresidena i na hoa elele e komo e ike i na komisina me ka memoriala a ka lahui, ma, o ua elele la a ka lahui.

O ka @ane a Komisina McCullom “E lawe ana makou a noonoo ika oukou palapala hoopii i waiwai no ka huakai huli hoi a ke Komisina i Amerika, a waiho aku iloko o na Ahaolelo o Amerika,” a wahi hou ana. “O ka ninau hoohui aina, i a hala, ua pau, aole e hiki ko hoololi hou ia.”

Mahope o ka pau ana o ka olelo pane a McCullom, ua haawiia na kunou aloha hope a na elele me ua mau Komisina la, e huli hoi mai la ka Aha Elele no Ariona Hale, ua noho ka Aha Elele a kaana i na hana i hanai me ka mahalo i ka olelo i pane ia mai e McCullom.

Na ka noho mai e haawi ana i ka mahalo i ka mahele olelo mai o Maui Mr. Makekau, apono ka hale, ma o ka haawi ana i ko ka Aha Elele mahalo iaia.

Na Makekau mai he hoomaikai i na Elele no ko lakou haawi ana mai i na mahalo no ka mahele olelo.

Na makekau he mau olelo alakai naauao, na Sam Kaiue, oia like no.

Ua noho ka hale a noonoo, ua haiolelo mai o Makekau maluna o ke kumuhana, e hana kakou a waiho i ka hoopoo ma ka lima o kekahi loio imua o ka aha hookolokolo o Amerika.

Ninau ka noho e lawe keia Aha Elele, a e hana mau ka lahui ma ka noonoo, lulu dala, ninauia aponoia e hana kakou.

Nui mai o G. P. Kaulinak@le, e waiho i ka Aha Kuwaena e noonoo a i ole i ka Aha Elele.

Na Makekau i elima elele, kokua mai o Thomas Clark.

Na Bioikane e koaua ana i keia Aha e koho i mau elele, wahi ana i $20 kana haawi.

No mai o Ewaliko, e noonoo kakou ma ke dala ke kumu e hiki ai na Elele.

Hoololi mai o Wilikoki, aole e kaupalenaia ka nui o n@ elele, aka, aia maopopo ka nui o ke dala ma ka lulu ana o ka lahui, alaila, pela e hoom opopoia ai ka nui o na elele.

Ninau ka noho, ina ua apono ka hale e koho ka hale i elele apono ia, a hooholo loa ia.

Ua noi mai ka Peresidena e kauoha ia ka Aha Hooko o ka Hui Kuwaena e hoopuka i palapala poo lulu.

Noi mai o Kaunamano, e lilo kela a me keia elele i Komite paipai, no kela apana keia apana, nin@u ia a aponoia.

Heluheluia ka moolelo o ka la 13 o Sept, 1898, a apono loa ia. Hoolaha mai ka noho, ua hoopanee loa keia Aha no ka wa maopopo ole.

J. M. KAUHI.

Kakauolelo kuikawa.

Honolulu , Sept. 13, 1898

 

 

UA HIKI MAI NEI KA SENATOA.

I ka hora 10 o ka po Sabati nei, i hoea mai ai ka mokuahi lawekoa Senatoa, he iwakalua kumamalima la holo mai Manila mai. Ua haalele aku oia ia laila i ka la 24 o Augate, a i ka wa o ka moku i kaawale mai ai mai ka aina ua halawai iho la oia me kekahi ino nui ma @a moana.

Ua pau kekahi wahi o ke Senatoa i ka poino, a ua manao na poe o luna aole e pae hou ana lakou iuka o ka aina. Ua lawe pa mai nei oia he mau koa mai kakaikahi no ka hoihoi ana aku no ko lakou mau home.

E hookaulua iki iho ana oia maanei no ka hooili n@n@hu ana, a mai anei aku e huli hoi loa aku ai @ia no Kapalakiko.