Ke Aloha Aina, Volume IV, Number 35, 27 August 1898 — Page 5

KE ALOHA AINA, POAONO, AUGATE 27, 1898.

 

Ua Hala Aku La No Ka Ua Kanilehua.

 

            Mahope iho o ka hora 10 o ke kakahiaka Poalua nei, i haalele mai ai ka mokuahi Kinau, a maluna o kona oneki i hii aku ai oia i ka hiwahiwa a ka lahui, ka Moiwahine Lihuokalani, ma Kana huakai imi ola, no ka Ua Kanilehua o Hilo.

            Ua hoopiha ia ae ka uwapo me na tausani o Kona mau maka ainana, e haawi aku ana hoi i na kunou haahaa ana, a me na hea inoa ana, a hiki i ka wa o ka moku i kaawale aku ai mai ka uwapo aku.

            He nani, kilakila, a kapukapu ka oiwi o Kalani Aimoku, Iaia e ku mai ana maluna o ka oneki o ka moku me na owili lei maile a me poni moi e hoonuanua ana i ke alo o Kalani, a o Kona mau nanaina onawaiiwali o na la ki nohi i hoea mai ai i ka aina hanau nei, ua nalo loa aku ia mau hiohiona, a he ulumahiehie kai panai ia ma ia wahi.

            Ua ukaliia aku la Kaua huakai e Mr. Jos. Heleluhe, Kona Puuku Mr. English, Kona Kauka Pilikino a me Mrs. Nawahi ka makuahine Puuku o KE ALOHA AINA.  Aole lakou e liuliu loa ana ma Hilo, aka, ma ka huli hoi ana mai a ka moku e huli hoi mai ai lakou, a hoea hou mai no ianei ma ke Sabati ae nei.  He mau la mamua o ka hoea ana  mai o Kona la hanau, ma ka Poalima o keia pule aku, Sepatemaba 2.  O ka makou e noi ae nei i na Mana Kahikolu e kiai mai oia ia Kalani Aimoku a hiki i Kona pae hou ana mai i ke awa o Kou nei.

 

UNA MOKU LAWEKOA HOU.

 

            Maluna mai nei o ka mokuahi Dorika i loaa hou mai ai ka lono ina aole e loaa hou mai ana ke kauoha i ka mokuahi lawekoa Arizona mai ke Keena Kaua mai, ma Wasinetona, alaila, ua haalele aku la oia ia Kapalakiko ma kela Poakahi aku la, a he manawa ku wale mai no nona.  E lawe ana oia ma kahi o hookahi tausani a oi koa no Manila.

            He mau la hoi mahope mai ona e haalele aku ai ka mokuahi Scand'a ia laila me kekahi huina koa like me ka Arizona e lawe mai ai.

            Ua hoea aku la ka mokuahi Alliance mai ka Akau mai i Kapalakiko a aia oia ke hoomakaukau la me ka pupuahulu nui no ka lawe ana mai i ke koena o na koa o Nu Ioka e noho la malaila no Honolulu nei.

 

ALOHA OE E KALANI

 

I ka Nupepa Ke Aloha Aina a me na hookele waa kaulaua o ka Paeaina Hawaii.

                        Aloha oukou:

 

            E oluolu i ko oukou hanohano e ahai mama aku i keia ma wahi mamala olelo maluna ae a hiki aku imua o Kalani aloha a kakou, e hoike aku hoi i ke aloha a nui o kekahi o kona mau makaainana o ku mokupuni o Kauai nei.

            Nolaila, o makou kekahi o kau poe kauwa haahaa loa e Kalani ma o ko makou mau komite la, ke haawi aku nei makou i ko makou mau kanaenae aloha a nui Nou.  A o makou no hoi a me ka makou mau e@ a me na kamalei a makou, ke hipuu like nei makou i ka polena paa loa o ke aloha.

            A no ka mea hoi, mamuli o ko makou ike ana, a hoomaopopo ana hoi, ua hiki hou mai la Oe i ka lepo aloha o ka aina Ou mau kupuna a nie makou Kou mau makaainana.  Nolaila, ke huipu aku nei makou me Oe e Kalani, a ke waiho pu aku nei i ko makou mau hoomaikai ana a nui, no Kou hoomanawanui ana me ke kino wahine nawaliwali i ka pono o Kou aina a me Kou mau makaainana.

            Nolaila, o makou Kou mau makaainana i komopu iloko oia haawina hookahi.  Ke haawi aku i na hoomaikai ana a me ko makou aloha a nui Nou e Kalani aloha Oe.

            A malalo iho ke haawi hou aku nei makou i ko makou aloha a me  na haomaikai ana i Kou mau hoahele o ka huakai imi pono Au e Kalini.

Aloha o ikou a nui loa,

O makon no me ka haahaa.

                                    E. Kuapuhi,

                                    Komite

            Hanalei, Kauai, Aug. 18, 1898.

 

KA KAKOU HOOHALAHALA KUMU.

 

            Eia paha kekahi hapa o ko makou lahui, ke ano holiolio aku nei na hoomanao ana no na mea e pili ana i ka kakou mau hoohalahala kumu i waiho aku ai na Amerika no e hooponopono iho i ka hewa ana i hana hewa ai, a oiai no nae kakou e upu ana pela, aia hoi, ua hoea mai la no na hoike ma ko Amerika aoao, ua lawe maoli ae la no oia mamuli o ka mana ikaika o na hoa o ka Hale Ahaolelo o Amerika e lawe maoli ae no ia Hawaii, me ka nana oie i kana mau hoohalahala ana, oiai hoi he kahea maikai loa keia ma ko lakou aoao, no ka hoahu a hoolawa ana i kona mau moku kaua me na lako ai a nanahu hoi.

            Nolaila, ua hoea mai la ka Lopena mamuli o ka haawi lilo ai a a ka poe e noho mana ana i ke aupuni i na la i hala, a o ka lilo ana, a make ana o na hoooponopono aupuni Repubalika Hawaii, he alahele maalahi loa ia no ka hoihoi aupuni Moi, oiai, e ku mau ana na hoohalahala kumu a ka Moiwahine a me Kona lahuikanaka iloko o ka Hale Ahaolelo o Amerika Huipnia, a ka wa no e hapai hou ia mai ai aohe a kakou mea e hopohopo ai no ka mea, ua moe a ua nalo loa hoi ka Repubalika, a o na poe "Roiatiti" hoi ka poe a lakou i kapa hoohenehene mai ai ia kakou pela, o kakou aku ana ka poe e na'i ke kahua loa, aole o lakou, a no ka kou hoi ka lanakiia, he lanakila lahui ana ia, aole hoi ma ke kuono, aka, i ke ao malamalama no.

            A ma keia ano, ke hoike aku nei makou i ka iini paa o ko makou manao, mai kuihe, a mai hoi hope, aka, imua na maka a hiki i ka welo hou ana o ko kakou hae nani maluna o na puoa o Iolani Hale.  O ke Akua ko kakou Puuhonua, a nana no e hoihoi hou mai i ko kakou kuleana a pau i hao ia e ko kakou mau enemi, ma ke ano he waiwai pio a ma ke ano he pomaikai pilikino hoi.  Ua pili keia mau olelo a makou i na Ahahui Aloha Aina o na kane a me na Wahine, a pela pu no hoi me na Ahahui Kalaiaina, hoomanawanui ia, numi na hanu, a aia ka pahu hopu a lanakila, hoi hou mai na mea a pau, alaila hoi paha, hoi iho ka manao a kona wahi mau.

 

KA HALAWAI A NA KOA ALOHA AINA.

            He oiaio, elike me ka hoolaha i paholaia aku ai maloko o keia pepa, no ka kahea ana i na keikie alo ehuehu o Leahi, no ka malama ana i kekahi halawai no lakou, no ka hoonee ana i kekahi kumuhana a lakou i manao ai, oia ke kahua e ku ai keia halawai ana, a e ponopono ai ka hoonee ana o na kokoia o ke au o ka manawa.

            Ma ka hora 7 o ka no Poaha nei, ua malamaia ae ka halawai e 60 a oi lala i hoea kino ae, ma ke kahua o Ariona Holo, makai iho o ka Hale Mele Hou, a o na lala i hoea ae ma ia wahi, oia no na keiki alo kehau o ke kuahiwi o Palolo a me Manoa, ka poe hoi nana i alo ke ehuehu o na poka a na koa Pi Gi, i ka la 6 a me 7 o Ianuari, 1895, ke kaua kaulana e paa nei iloko o ka umauma o na po i kupaa mahope o ke aloha aina, ke aloha alii, a me ke aloha lahui, a no ia kaua hoi kakou i ku aku ai a nana me ka walohia nui, no ko lakou pale ana i na ehaeha i kau aku maluna o ko lakou mau kino.

            Ua hoomapopoia ke kumu o keia halawai, ma o ko lakou k@ pa ana aku ma na hana o ka la hanau o ko kakou Alii Aimoku ka mea i komo pu me lakou iloko o na ehaeha ma ka hoopaapio ia ana no na hoopai i hookau ia aku maluna o ko lakou mau kino pakahi, a ma ia ano i hu ae ai ko lakou aloha oiaio me he wai mapuna la, a hooholo iho la, e kahea ia i halawai no ka hoakoakoa ana ae ia lakou iloko o ka pahipa hookahi.

            U hoomahele mua ia na hana malalo o ke alakai ana a John Mahuka, kekahi o na poo nana i hoolala i keia halawai, a na nui ka mahalo ia o kana mau olelo.

            Ua koho ia o Henry Palea i Kakauolelo no ka manawa halawai, i hiki ai ke hoopaaia ka moolelo o na hana e malama ia ana.

            Ua koho ia na Luna Nui o ka Hui, malalo o ka inoa, "Ka Hui Kaulana o Leahi," a ua lilo o John C. Lane i Peresidena, Joe Clarke, Hope Pereridena, Henry Palea, Kakauolelo, a o J. W. Bipikane i Puuku, na Komite imi hana, Samu'l Kalua, Kalaukoa, Kaimimoku, Daimana a me Mahiai.  Ua haawi mai lakou he mau haiolelo pokole ma ke ohohia nui ia.

            He hana maikai no keia a keia poe Hawaii i hoala ae la, a oiai hoi, na ku ae la ko lakou hui no ka manawa o hookahi makahiki, a o ka lakou mau hana ma keia aku, oia ka kakou e nana aku ai, aka, ke haawi aku nei nae makou i na olelo hoolana, e hele ima a mai emi mai i hope, no ka hoa kea ana ae i ke kulana o ka noho ana ulakolako.

 

NA LILO O KE KAUA A ME NA POINO O AMERIKA.

 

            O ka nui o na lilo ma keia kaua me Sepania, mawaena no ia o $200,000 a i ole $225,000, aka, ke pii mahuahua ae nei i kela a me keia la.  O ka nui o na make ma ke kaua mawaho aku o kahi hoolulu mai o ke kaua ma Porto Rico he 503, me 1,408 poe i hoeha ia, a i na helu pu ia ana na make maloko o na wahi hoolulu a ma Porto Rico mailoko mai o na koa aina he 278,500 a me na koa o na mokukaua e hiki aku no ia i ka 1,000.

 

            Ua hookuuia mai o Peter Fernandez, ka Pukiki i hoopii ia aie Ah Chew no ka aihue i kekahi akini hala i kai o ka moku lawekoa Charles Nelson i hoea mai ai.

            He hookahi luina o ka mokuahi Lakme, i lele mailuna mai o ka moku no loko o ke kai, i ka wa o ka moku i kaawale aku ai mai ka awapo, ma kona alahele huli hoi no ka home, ua au mai oia no uka nei o ka aina me ka hoopuka pa aku hoi i na olelo ino no kona ka@ena.

 

HALA NA KOMISINA NO NA MOKUPUNI O HAWAII A ME MAUI.

 

Ma ka hora 5:15 o ke ahiahi Poakahi nei, i haalele mai ai na Komisina Amerika i ke awa lai o Kou nei maluna o ke Kalaudine a holo aku la ma ka lakou hua kai haha i ka manao o ka lahui o na mokupuni o Maui a me Hawaii.

            Ua hoea ae ka bana o luna o ka mokukaua Piledelapia a me ka bana aupuni makai o ka uwapo o ka mokuahi Kalaudine, no ka hoolealea ana i na komisina a me ko iakou mau hoahele a hiki i ka wa o ka mokuahi i kaawale aku ai mai ka uwapo aku.

            O na poe iloko o keia huakai, oia o Senetoa John T. Morgan, Senetoa S. M. Cullom, Lunamakaainana Hitt, Lunakanawai Frear Loio Kuhina W. O. Smith, Kuhina King, H. S. Pritchett, W. D. Alexander, C. P. Iaukea, D. A. Ray, M. Blumenberg, R. Hitt, a mo G. T. Morgan.  A ua komo pu aku hoi ma keia huukai o Keoni Rikikini a me Kalauokalani.  Ua holo aku o Keoni Rikikini malalo o na lilo o na Ahahui Aloha Aina, a o D. Kalanokalani hoi malalo o na lilo o ka Ahahui Kalaiaina.  O ka laua hana nui i holo aku la, oia no ka ukali ana ma na wahi a pau a na Komisina e kipa aku ai, a noi aku i ka lahui Hawaii e hoike maoli mai i ko lakou manao ponoi i na Komisina Amerika.

            Ua haalele iho la ka mokukaua Piledelapia ia Honolulu nei i keia auina la Poalua a e hoea mua aku ana hoi oia i Hilo mamua o ka hoea ana aku o na Komisina ilaila ma ka Poakolu ae nei, a mahope o ko lakou haalele ana aku ia Hilo e hoi hou mai ai ka Piledelapia no Honolulu nei.

            Malaila, e haalele aku ai ka mokuahi Kalaudine i na Komisina a huli hoi mai no kona mau awa maa mau, a e hiki hou ana no hoi oia i Honolulu nei, ma ke kakahiaka nui o ke Sabati.

            O ke Kinau hoi, e hoea aku ana oia me ka Moiwahine Liliuokalani no ka Ua Kanilehua o Hilo, ma ka hora 4 o ka auina la Poakolu e ukalua ana e Kona kauka, Jos. Heleluhe, Mrs. Aima Nawahi, ke kamaaina hoi o ka home e ki pa aku ai, a me kekahi poe lawelawe.

            Ma ka auina la o ka Poalima hora 5, e haalele iho ai ke Kinau ia Hilo no ka lawe ana aku i na Kumisina ma na huakai kaapuni ma na Kona, a hiki loa aku i Kawaihae.  A ma ia Kinau hookahi no e huli hoi mai ai o Kalani Aimoku mai Hilo mai a hiki hou i Honolulu nei me na Komisina ma ka auiua la Sebati.