Ke Aloha Aina, Volume IV, Number 35, 27 ʻAukake 1898 — Page 1

KE ALOHA AINA

 

UA MAU KE EA O KA AINA I KA PONO

 

HOOKUMUIA 1 MEI 20 1895

 

BUKE IV       HONOLULU POAONO AUGATE 27, 1898          HELU 35

 

KANUPEPA KE ALOHA AINA

 

E hoe puka mau ia aku ana mai ka Poakahi a ka Polima o na pule a pau o kela a me keia mahina.

Ka Uka Pepa he 20 keneta o ka pule. No ke kope hookahi he 5 kenets.

E loaa no ka pepa maike Keena aku o KE ALOHA AINA a mai ka lima aku o na Luna Lawe Pepa.

E pai ia no na Olelo Hoolaha na Kanikau a me na Mele Inoa me ke kala kuike. Aole nupepa ma ka owili pakahi e hoouna ia ke ole e hookaa mua ia ka uku poepa.

E hoouna pololei mai i na Nuhon na Kumumanao na Olelo Hoolaha na Kanikau a me na Mele Inoa i ka Punahooponopono o keia Pepa.

Aole loa e hoopuka ia a hoolaha ia kekahi manao ma na kolamu o keia Pepa malalo o kekahi inoa kapakapa ke ole e hooike mai i ka Lunahooponopono i kona inoa ponoi.

 

Ka Nupepa Puka Pule

 

Ke – Aloha – Aina

Hookahi makahiki       $2.00

Eono mahina   $1.00

Ekolu mahina  .50

Hookahi mahina          .20

 

EMMA A. NAWAHI

Puuku o

Ke – Aloha – Aina

EDWARD L. LIKE

Lunahooponopono a Hope Puuku

S. P. KANOA

Hope Lunahooponopono

O na kauoha Nupepa me na hookaa Dala e hoona pololei mai i ka Puuku ma Honolulu.

 

Nuhou Kuwaho

 

Maluna mai nei o ka mokuahi Dorika i loaa mai ai na nuhou makamaka hou loa a no ka pomaikai o ko makou poe heluhelu ke hoopuka aku nei makou me ka awiwi nui penei:

 

UA HOEA MAI LA KA HOPENA O KE KAUA

 

Wasinetona Aug. 12. O ke kuikahi i kakau ia i keia la e Kuhina Day a me M. Cambon ke Kuhina Farani oia keia malalo:

1. E haalele loa o Sepania i ke koi aupuni maluna a me ka kule ana ia Cuba.

2. O Porto Rico a me kekai mau mokupuni Sepania maloko o Inai Komohana a me kekahi mokupuni ma Ladrones a Amerika Huipuia e koho ai e haawi lilo loa ia ia no ka mea hope.

3. E noho a e paa o Amerika Huipuia i ke kulanakauhale a me ke kaikuono o Manila a hiki i ka paa ana o ke kuikahi o ka maluhia ia wa e maopopo ai ka mana ka hooponopono a me ke aupuni o Pilipine.

4. O Cuba Porto Rico a me kekahi mau mokupuni Sepania e ae maloko o Inia Komohana e hooneoneo koke ia a e koho ia i mau Komisina maloko o umi la a maloko o kanakolu la o ke kakauinoa ia ana o ke kuikahi e halawai ma Havana a me San Juan no ka hooponopono a me ka hooko ana i na kuhikuhi no ka haalele loa.

5. E koho o Amerika Huipuia a me Sepania aole e oi aku maluna o elima Komisina no ke kuka ana a me ka hoopaa ana i ke kuikahi o ka maluhia. O keia mau Komisina e halawai lakou ma Parisa aole e oi aku mahope o ka la 1 o Okatoba.

6. I ka wa e kakauinoa ia ai o ke kuikahi a hoopau ia ke kaua a oia ka wa e hoike koke aku ai o na aupuni pakahi i na alihikaua o kona mau pualikoa aina a me moana.

O keia ae la na olelo pili aupuni i hoomakaukau ia a haawi ia i na papa pai e Kuhina Day.

 

HAALELE O DAY I KA NOHO KUHINA.

 

Wasinetona Aug. 12 I keia po i olelo ia ae ai o Emebasedoa Hay ke lilo aku ana i Kuhina Aina no ke pani ana ma kahi o Lunakanawai Day. O Whitelaw Ried ke holo aku ana i Kuhina ma Enelani.

O ka haalelel ana o Kuhine Day aia ia iloko o ka lima o ka Peresidena. I ka wa e loaa ai o kona pani oia no kona wa e waiho aku ai.

 

HE MAU MOKU LAWEKOA NO BERITANIA

 

Vitoria B. C. Aug. 12. He lono kai hauwawa ia ae maanei ua hoopaaia iho la na moku lawekoa Tartar a me Athian @laoko nei o ke kaikuono no ka noonoo ia ana o ka hoouna ia ana aku he mau pualikoa i Kina i ka wa e hoao ai o Rusia e hoonee ae ai i kekahi hana hooulu kaua. He maikai na mea a pau o na moku a ua hiki hoi ia laua pakahi ke lawe ma kahi o 600 a i ole 700 koa.

 

KA HOPENA O NA KOA CUBA

 

Wasinetona Aug. 13. O ka Peresidena Makinile Keehina hana mua no ka ninau o Cuba e noi aku ana oia i na Kenerala Farani a me Gomez no ka hoopua ana i pualikoa Cuba a e waiho aku no ko lakou mau home no ka hana maloko o na mahi ko ina hooko ana o Kenerala Garcia a me Gomez i keia manao alaila e loaa ana ia laua kekahi hana aupuni malaila aka ina laua e hoole mai ana alaila he mea okoa ke hoea mai ana no laua.

 

KA AGUINALDO

 

Hongkong Aug 4. Ua malama ia ae he mau kuka kamailio mawaena o Kanakela Amerika Williams me Aguinaldo no ke noi ana aku iaia me ka ikaika e ae mai i na hoolala ana a Amerika maloko o Pilipine. Ua noi aku o Aguinaldo a ae ia na koa kipi e komo pu aku me na pualikoa Amerika iloko o ke kulanakauhale mahope o kona haulepio ana. A e koho pu ia hoi i mau Aliikoa Amerika no ke alakai ana a na regimana o na poe kipi.

 

MAKE O ADOLPH SUTRO

 

Kapalakiko Aug. 9. O Adolph Sutro ka mea nana i eli a kukulu i ke alanui Sutro malalo o ka honua ka Meia o Kapalakiko no elua makahiki ka ona o ka hale auau Cliff House a me Sutro Height ua make oia i keia kakahiaka ma ka home o kaua kaikamahine a me kona kahu waiwai Mrs. Dr. Emma Sutro a me Merritt alanui Van Ness a me Sutro. A mailaila i hoihoiia aku ai kona kino make no ke Sutro Heights he mau hora mahope iho o kona make ana.

 

HE PAUAHI NUI MA SKAGWAY

 

Vanekoua B.C. Aug. 9. I keia la i hoea mai ai ka mokuahi Faral lon i Vanekoua. Ma ka po Poaha nei i haalele aku ai oia ia Skagway a ia mauawa wahi a Kapena Robert e hooweliweli ia ana o Skagway e kekahi pauahi nui. He 15 a i ole he 20 hale i pau i ke ahi i ka wa o ka moku i haalele aku ai ia laila a o ka lono hope loa i loaa mai ia lakou aia ka puali kinaiahi ke hoao la e pale aku i na alelo ana ole o ke ahi mai ka a ana aku i ka hale waiho pauda o ka hui kaaahi aka he mea hiki ole nae ia oiai ke ahi e pahola ana me ka hikiwawe nui. Ua hoopiha ia na kanaka me ke pihoihoi a o na ululaau e hoopuni ana i ke taona e a ia ana e ke ahi. Ma ka nana aku maluna o ka ilikai me he mea la aohe mea nana e hoopakele ae i ke taona. Ua pau kekahi mau hale i ke ahi mai na ululaau mai e hoopuni ana ia Skagway a oiai kekahi makani ikaika e pa ana ua lawe loa aku oia i ke ahi no ke kulanakauhale.

 

E HAALELE AKU ANA I KA NOHO KUHINA ANA

 

Wasinetona Aug. 8. Ua kamailio laula ia ae maloko o ke keena a ua hawanawana ia ae hoi ma ka Hale Keokeo. He ekolu Kuhina e kali nei no ka waiho ana aku i ko lakou kulana i ka wa e pau ai o ke kaua oia o Day Bliss a me Alger.

O ke kumu o ko Day makemake e waiho aku no ka hoi hou ana aku ma kana oihana loio. O kona loaa ma Stark County, Ohio ua like no ia me ka uku o ka noho Kuhina a o ka noho ana ma Canton Ohio he emi ka lilo ma mua o ka noho ana maanei.

I na e haalele io ana o Alger alaila mamuli no ia o kona ake ana e lawe ae i ke kulana Senetoa no Mikikana. E pau ana ko Burrow manawa iloko ae nei o Maraki a e loaa ana he manawa no Alger e komo ai iloko o ke Senate mamua o ka hoohala ana i kona manawa o ka hoohala ana i kona manawa maloko o ka Aha Kuhina. Aka aole nae oia e heelele ana i kona kuiana i keia wa a hiki i ka pau ana o ke kaua.

 

MAKE POWA IA HE KAMA’LIIWAHINE

 

Ladana Aug. 9. O ka mea makau o ka nupepa Daily News ma Veina ua olelo ae: he hoike kai loaa mai nei mai Sana Peteroboro mai e olelo ana na komo aku kekahi poe aihue iloko o ka hale noho o ke Kama’liiwahine Chunkaloff ma kahi ko koke i Sainferopol ke kapitala o ke aupuni o Taurida maloko o Crimea a pepehi malu aku la i ke Kama’liiwahine a me elua o kona mau hoa lede ma ke umi ana i ko lakou wa e hiamoe ana a hao iho la i na waiwai a pau o ka hale.

 

HE 78 ILIKEOKEO I HOEA MAI LA

 

Ua hoea mai la maluna o ka mokuahi Korika he 78 ilikeokeo no ka noho paa ana maanei me ka haalele ia aku o kekahi heluna mahuahua i Kapalakiko no ka lawa pono ole o ke Dorika me na keena no ka lawe ana mai ia lakou. O ka hapanui o keia poe haole i hoea mai la he poe ike kamana @kanika mahiai a me kekahi mau hana lima e ae. Ua lawe pu mai kekahi poe o lakou i ko lakou mau ohana. He hookahi loio Iloko o keia heluna. O kekahi poe o lakou he dala no aka o ka hapanui o keia poe he nele loa no. I hoea mai la lakou ianei no ka huli hana ana.

 

E HOOMOE IA AKU ANA I UWEA TELEARAPA

 

Eia ke lohe maopopo loa ia mai nei e hoomoe ia aku ana he uwea telegarapa mawaena o na mokupuni o Hawaii nei. Na ka puali Ekolu o na Eneginia o Amerika Huipuia maanei e hoomaka aku ana i keia hana nui. A o na hoolala ana a pau ua hana ia e ke Keeena Kaua o Amerika Huipuia o na lako paahana ua pau i ka hoomakauakau ia. O na ano o na makahiki i hala aku nei ua hoouna ia mai ia mau hoike i na aliik@a eneginia a oia ka lakou e hakilo pono nei.

O ke poo nui nana e hana aku ana i keia hana oia no o Lut@nela Storer Tice o ka puali I o na eneginia maanei. Oia ka mea nana i oonopono i ke awa kumoku o Duluth kekahi hoi o na apana hana ano nui a kekahi kanaka i hana ai maluna o keia honua. Ua hoolako pono ia no hoi oia no keia hana.

 

Maloko o ka Halemai Moiwahine i ke kakahiaka Poakolu nei i hookuu mai ai o Kahumoku i kona ola @aua. He hoahana oia no makou. O  Puna i Hawaii kona one hanau. Aloha no.