Ke Aloha Aina, Volume IV, Number 32, 6 August 1898 — HE KUAHAUA AKEA. [ARTICLE]
HE KUAHAUA AKEA.
Ke hoikeia aku nei ka lohe i na poe a pau i kakau iho nei malalo o ka palapala kue i ka hukiia ana o ka Hae Amerika maluna o ka Hale Mana Hooko me ka manao kuhihewa, a na poe hoohuiaina e lawe hele nei, e hoike ae i ko lakou manao kue imua o ke akea, ma ke ano aole maoli ia o ko lakou manao. A ke kauoha ia aku nei hoi na kane, wahine a me na keiki e noho ma ko lakou mau home me ka haawi aku i na manao kaniuhu i ka Mea Mana Loa me ka hookeai ana, no ka mea, he la ehaeha ia no ka lahui Hawaii, ka la e hukiia ai o ka Hae Amerika iluna, a mai hoopiha wale hoi i na huina alanui. Ma ke kauoha, ENOCH JOHNSON, Kakauolelo o ka Hui Aloha Aina, Honolulu, Augate 1, 1898.