Ke Aloha Aina, Volume IV, Number 32, 6 ʻAukake 1898 — O KA MEA PEPEIAO LOHE E HOOLOHE IA. [ARTICLE]
O KA MEA PEPEIAO LOHE E HOOLOHE IA.
Oiai he manawa wale no, a hoea mai na lono i hoike mua ia mai no ke kau ae o ka Hae Amerika maluna o Hawaii, mai ka mana mai o ke aupuni Repubalika o Amerika, a no ia mea ke hoike ia aku nei ka lohe i kuu lahui Aloha Aina. KUAHAUA LAHUI. O na poe Aloha Aina apau, ke Ka o ia aku nei, aole e kipa ae a e hookokoke ae ma kahi e kau ia ai o ka Hae Amerika, e noho kela a me keia ma kona Hale iho, e pelu na kuli a e leha aku na maka i ka mea kiekie loa, e nonoi aku no kona kokua mai ia Hawaii lahui, Hawaii Aina, Hawaii Aupuni Moi. Ke kauoha pu ia aku nei na luna a me na alakai o na Ahahui Aloha aina kane Wahine a me Kalaiaina, e hoolohe i keia. JAS K. KAULIA. Peresidena Nui.