Ke Aloha Aina, Volume IV, Number 32, 6 ʻAukake 1898 — Page 1

KE ALOHA AINA

 

KA NUPEPA KE ALOHA AINA

     E hoopuka mau ia aku ana mai ka Poakahi a ka Polima o na pule a pau o kela a me keia mahina.

     Ka Uku Pepa, he 20 keneta o ka pule.  No ke kope hookahi, he 5 keneta.

     E loaa no ka pepa maike Keena aku o KE ALOHA AINA, a mai ka lima aku o na Luna Lawe Pepa.

     E pai ia no na Olelo Hoolaha, na Kanikau a me na Mela Inoa, me ke Dala kuike.  Aole nupepa ma ka owili pakahi e hoouna ia ke ole e hookaa mua ia ka uku pepa

     E hoouna pololei mai i na Nuhou na Kumumanao, na Olelo Hoolaha, na Kanikau a me na Mele Inoa i ka Lunahooponopono o keia Pepa.

     Aole loa e hoopuka ia a hoolaha ia kekahi manao ma na kolamu o keia Pepa, malalo o kekahi inoa kapakapa ke ole e hooike mai i ka Lunahooponopono i kona inoa ponoi.

     Ka Nupepa Puka Pule

Ke – Aloha – Aina

Hookahi makahiki ... $2.00

Eono mahina ...         $1.00

Ekolu mahina ...            .50

Hookahi mahina ...        .20

EMMA A. NAWAHI.

Puuku o

Ke – Aloha – Aina

EDWARD L. LIKE.

Lunahooponopono a Hope Puuku

S.P. KANOA.

Hope Lunahooponopono. O na kauoha Nupepa me na hookaa Dala, e hoona pololei mai i ka Puuku ma Honolulu.

 

Nuhou Kuwaho.

     Maluna mai la o ka moku lawekoa Rio Janeiro, i loaa hou mai ai ia makou na nuhou o na aina mamao, a oia no hoi ka makou e hoopuka aku nei me ka awiwi nui penei:

KUE NA MANA NUI O EUROPA @ KA HOOHUI ANA IA PILIPINE.

     Ladana, Iulai 23.  O ka mea kakau o ka Daily News e noho ana ma Berlin e olelo ana.  O na mana nui a pau me ke koe o Beritania Nui, ua hooholo ae lakou, aole lakou ae i na Amerika e hoohui ina mokupuni o Pilipine, a i ole hoomalu paha o Amerika maluna oia mau mokupuni.

 

HOAUHEE IA NA POE KIPI.

     Santiago de Cuba, Iulai 21.  Ua hoopioo ia ae oloko o Santiago i keia la mamuli o ka loaa ana mai o kekahi mau lono mai na poe Cuba, oia hoi, he 4000 koa kipi malalo o Kenerala Garcia i hoauhee ia aku e na koa Sepania ma ko lakou alahele e hoi ana i Santiago no ka haawipio ana.

     Wahi a na lono i hoike ia mai ua malama ia ae keia lele kaua ana, ma kekahi wahi he mau mile ma ka akau o keia kulauakauhale, he 41 peo kipi i make a he lehulehu hoi na poe i hoehaia.  O ka poino o na Sepania, he uuku loa.  He 5000 ka nui o na koa Sepania, a mahope o kekahi mau hora pokole wale no o keia hoouka hahana ana, ua auhee aku la na koa o Garcia.

     Ua oleloia ae o na Sepania, mai kekahi taona mai lakou a ua hoakoakoa ia ae ia, a e iho mai ana hoi no Santiago no ka haawipio ana malalo o na aelike a Kenrala Toral i hana ai, me ka mahui mua ole e lele kaua ia mai ana lakou.  I ka wa o Garcia i ike aku ai i na Sepania e nee mai ana imna, ua kauoha ae la oia i kona mau kanaka no ka huna ana ia lakou iho, me ka manao e luku aku i ka mahele mua o na Sepania.  Ua hookoia kana mea i hoolala ai, aka, ua ike koke no nae na Sepania i keia poino o lakou i ka wa i ki ia mai ai na pu, a ia wa i nee aku ai na Sepania imua me ka wiwo ole, a hiki ole i na koa o Garcia ke lele kaua kou mai.

     I ka ike ana o Kenerala Garcia i kona poino, ua koi koke mai la oia ina Sepania no kahaawipio ana aku, no ka mea, ua haawipio ko lakou alihikaua nui Toral, ua hoole ia aku keia koi ana, a o ka pane i loaa iaia mai ke alakai aku o na pualikoa Sepania, ua haawipio aku o Kenerala Toral i kona mau pualikoa ia Amerika aole hoi i na poe Cuba.

     Ua hoopiha ia ae na poe Cuba me ka inaina no ko Amerika luku ole ana mai i keia mau koa Sepania pio, no ka lakou mau hoopoino ana mai a lakou ua poe Cuba,

 

HOEA NA MOKU LAWEKOA I MANILA.

     Hongkong, Iulai 20.  O ka huakai elua o na pualikoa, ua hoea aku la ia i Manila.  Ma ka auina la o ka la 16 iho nei i hoea aku ai ka mokuahi Kina.  A ma kekahi la ae i ke kakahiaka nui o ka la 17 i hoea aku ai na moku Zealandia,, Colon a me ka Senatoa.  He eha ka nui o na poe i make, a mawaena oia poe he hookahi lutanela.  O ke koena iho he maikai ko lakou mau ola.

 

HOOPOINO NUI IA NA POE KIPI.

     Manila, Iulai 17, ma Hongkong ae, Iulai 21.  Ua lele kaua aku na poe kipi i na wahi e paa ia ana e na Sepania ma ka Poalima nei.  O kahi i lele kaua ia aku ma Malate, Santa Ava, Santa Mesa, Balica a me Gagalmerin.  Ua olelo ia ae he 20,000 ka nui o na poe kipi ma keia hakaka ana. O ka hopena lanakila ua halawai aku ia me na Sepania, i kupaa ma ko lakou kulana, me ka make a hoeha ia ana he kanalima wale no.  O ka nui o na make ma ka aoao o na poe kipi he 400.  Ua hoao na poe kipi e nee aku imua o na auwaha a na Sepania e ki mai ana, no ka lawepio ana ae, aka, ua hoauhee ia aku nae lakou i ua manawa a pau.  No kekahi mau hora liohi keia hakaka ana, a ua hoomau hou ia aku la i keia kakahiaka.

 

MANAOIA E ULU ANA HE MOKUAHANA.

     Manila, Iulai 19, ma Hongkong ae Iulai 22.  O ka hoomaka ia ana o ka hoolele ana mai o na koa Amerika o keia huakai eha mai la ua hoomaka ia mai la.  O kahi o na pualikoa i hoolele ia mai ai aia no ia ma Malata, he elua mile ma ka hema aku o Manila.  Ua nee aku na mokukaua Bosetona a me Callao no loko o ke kaikuono no ke kokua ana me ko laua mau pukuniahi i ka wa o na Sepania e lele kaua mai ai i ua koa e hoolele ia ana no uka o ka aina.  Ua manaoia o keia hoea ana aku o na mokukaua, ua hooi ia ae ko na poe kipi ikaika i ko na Sepania, aka, ua ulu ae nae ha kuee mawaena o Kenerala Anderson a me Kanerala Aguinaldo o na poe kipi.  Oiai eia no na poe kipi ke launa hoaloha nei me na poe Amerika, aka, ua kanalua nae o Anderson i ko lakou kulana ma keia mua koke iho.

 

AOLE I AE E HAAWIPIO A HIKI I KA IKE MAKA ANA.

     Wasinetona, Iulai 22.  Ua hoopuka ae ke Keena Kaua i keia lono:

     Santiago, Iulai 22.  Ia Aukukana Kenerala Corlirn, Wasinetona.  Ua hoouna ia aku he elua pualikoa kaualio me na aliikoa Sepania a me Lutanela Miley no ke koi ana i na puali koa Sepania ma Palmas a me San Luis no ka haawipio ana mai.  Aole lakou i lohe i ka poino ana o na moku o Cervera a me ka haawipio ana o Kenerala Toral.  Nolaila, ua hoole maila lakou i ka haawipio ana a hiki i ko lakou ike maka ana i ka oiaio o keia mau olelo, he puali o na aliikoa me na kanaka kai hoea mai i ka po nei, me ka hooiaio ana ina mea a pau i hoike ia aku imua o lakou.

 

KIPOKA IA O MANZANILLO.

     Ladina, Iulai 19.  He lono tele garapa mai Havana mai no ka Poakahi iho la, e olelo ana:  He ehiku ka nui o na mokukaua Amerika e kipoka nei ia Manzanillo me ka hahana nui i keia kakahiaka.  He ekolu mokuahi o Mendenzille i pau i ke a@i.  He mau mokukaua liili maloko o ke awa i hoao aku no ke pale ana aku no ke kulanakau@ale, ua hoopiholo ia.  O ka hopena o ke kipoka ia ana o ke kulanakauhale aole i maopopo maanei.

     Na Ioka, Iulai 18.  He @@ao telegarap kai loaa i ka nupepa La, i hoouna ia mai ma Ladana ae, no ke@a la 18 o Iulai, e olelo ana:  O na pukuniahi maluna o kekahi moku ma Manzanillo ua hoolele ia aku ia iuka o ka aina, a ua hoohana ia no ke kue ana aku i ke kipoka ana mai a na Amerika.  O na mokukaua Delgado a me Pareja ua pau i ke ahi.

     Ua hoouna aku la o Kenerala Blanco i kon mau hoomaikai i ke alihikaua nui ma Manzanillo no kon i wiwo ole, a ua kauoha ia aku hoi ia e kue a hiki i ka hope loa.

 

AOHE MAU KAHOAKA O KA MALUHIA.

     Wasinetona, Iulai 18.  Ua kuka ae o Kuhina Day me ka Peresidena i keia la.  Ua olelo eku hoi oia aole ana mea i lohe ai no ka mea pili i ka maluhia mai Sepania mai.  Ma ka ike ana aku ma kekahi alahele okoa aku, me he mea la, aole ke aupuni e nana no ka maluhia no kekahi manawa e hiki mei ana, a malia mahope aku paha ia o ka haule pio ana o Havana.

     Oiai, ua waiho ia aku ka lele kaua ana ia Havana a hiki i ka wa e hoea mai ai o ke kau mehana, nolaila, ua upu ia e hoomau aku ana no o Sepania i ka hakaka ana a hiki i ka hope loa e pau ai o ko lakou mau papu ikaika i ka lawa pioia.

 

KE HOOMAU LA NO I KA HAKAKA.

     Guantanamo, Iulai 18.  O ka hoike ana aku i na pua@ikoa Sepania mawaho aku o na pa kana o Santiago no ka haawipio ana o na pualikoa o Kenerala Toral he mea maopopo e hoea mai ana he mau nluaoa.  O na poe koa Sepania aia no lakou ma Guantanamo kahi i noho hupo ai me ka ike ole i keia haawipio ana.

     Aia no lakou ke hakaka Ia me na poe kipi Cuba, malalo o Kenerala Perez me ka hoao ana e wawahi i na laina o na poe kipi a nee mai imua no ka hui ana me na poe Sepania ma Santiago de Cuba.

     Ua hoea mai nei o Kenerala Miles ianei maluna o ka Yale ma ka la inehinei, me ka olelo pu mai e hoouna aku ana oia i kona mau alii ma na papu a pau maloko o na apana i h@@w ioio mai, He hiki wale no ola ke loaa aku, a  e kauoha ia aku ana lakou no ka iho ana mai a haawipio mai.

 

     Ma kiea la, Poaono e hoea mai ai ka mokuahi St. Paul me kekahi regimana koa o Dakota Hema maluna ona.

     Eia no poe Amerika ke ake nei i na poe leo maikai ka a pau i ka himeni i ke mele lahui o Amerika, no ka wa ka e huki ia ai o ka hae hoku iluna.