Ke Aloha Aina, Volume IV, Number 28, 9 July 1898 — Page 8
| This text was transcribed by: | Cyndi Defenbaugh |
| This work is dedicated to: | Kaelene Puanani Ahu-Rey |
KE ALOHA AINA
KE ALOHA AINA, POAONO, IULAI 9,1898.
HE MOOLELO WALOHIA
-----:NO KE:-----
Keikialii Alabati
Ke Kaeaea o Pelekane
---:A ME KA:---
Ui Madelina
Ke Kukui Uwila o Ainapo
Hoohenoia no KE ALOHA AINA
Nolaila, e hoike mai i ko oukou manao, ina he mea hiki ia’u ke hooko aku, wahi a ka moi opio i pane aku ai.
O keia no hoi ka wa i pane koke aku ai o ke Keikialii Alabati a makuakane ponoi hoi o ka moi opio.
O wau ka mea manao, a no’u hoi ka makemake i hele mai ai keia poe mahope o’u, elike me ka’u i olelo ai, he mea hou anao nui e hauoli ai o ka manao o ka moi.
A penei ko’u manao e ke alii, oiai he hana kupono ole na’u ka hoike ana aku imua o ke akea, e oluolu ana no anei ke alii e lawe aku ia makou ilokoo kona keena kuka, no ka hoike ana aku i kekahi mea huna imua o kou hanohano.
Ua pono, wahi a ke alii opio, e hooko aku ana au i kau mau olelo a pau, ina ia he mea e loaa mai ai ia’u o na mea hooohauoli manao.
Huli ae la oia a pane mai la ia lakou a pau e hahai aku mahope o kona meheu, a oia no hoi ka lakou i hooko koke aku ai, me ka hahai ana mahope o kona mau kapuai a hiki i ke komo ana iloko o kona rumi kuka.
I ko lakou hiki ana aku maloko o kahi a ke alii opio i manao ai, ua kupono ia wahi no ko lakou kuka olelo pu ana, a he wahi mehameha hoi ia no na hana pili aupuni wale no.
A oia kona wa i huli hou mai ai a ninau mai la ia lakou nei, me ka i pu mai.
E ou’u mau hoaloha maikai, ka poe hoi no lakou ke kuleana nohoalii a’u e malama nei, ua hoopuiwa nui ia ko’u manao mamuli o ka oukou mau olelo, ka mea hoi a’u e manao nei, eia anei he mau lono hoohauoli mai ia oukou mai, e pili ana no ko kakou aina, a i ole no na mea e pili ana i ko’u mau makua.
A ina pela, ua akea a ua hamama ko’u puuwai no ka hoolohe ana aku i ka oukou mau olelo e hoike mai ai imua o’u, a mai hopohopo hoi i ka hai ana mai, oiai, o ko oukou kuleana no ia.
Na keia ninau a ke alii opio imua o lakou, ua ku ae la kekahi o na no@ o ke Keikialii Alabati, a pane aku la.
Oia nei o makou ka mea manao, a nona hoi ke kumu o ko makou hoea ana mai la imua o kou alo e ke alii, mamuli a kana koi, e pono makou e hele mai imua ou, no na mea e pili ana i kau kuahaua alii, e pili ana i kou mau makua.
Me ka pau pono ole o na olelo a kela kanaka ua ku ino ae la ke alii opio ilona me na helehelena i hoopiha ia ia ka hauoli, a pane mai la.
Eia no auanei kuu mau makua ke ola nei ua kekahi aina mamao, pakele mai na lima kakauha aku o ke ahi powa Alav na, a ina o lakou a pau ke ola nei, alaila, aohe mea oi e aku o ka hauoli elike me ia.
A oiai hoi, o ka makou wale no e kamailio nei, ina paha eia no lakou a pau ke ola nei, a oia ka’u e hoike aku ai ia oe, ae, eia no lakou a pau ilko o ke ola kino maikai, a me ka hauoli pu hoi.
I ka wa i lohe ai o ka moi opio i keia mau olelo a kona mou makaainana, ana hoi i manao ole mai ai o kona makuakane ponoi no keia e kukai olelo pu nei me ia he alo a he alo.
Aka, ua hoonalowaleia ia mau mea, mamuli o keia loli nui ana o ka aina, i noho man ia hoi e ka malihini, a i kapaia ia hoi e ka lahui Pelekane, na makahiki elima o ka ehaeha.
Huli mai la ka moi opio; a ninau hou mai la i kona hoa kamilio, no kona akenui no hoi e ike pono ina mea a pau.
Ke olelo mai nei oe, e hiki ana ia oe ke lawe awiwi mai i na alii o Pelekane i ka wa pokole, a oia pu hoi ka’u e kanalua nei pu nei mao kau olelo la, aia lakou ma ka aina mamao kahi i noho ai.
A ina pela, pehea e hikiwawe ai kau lawe ana mai ia lakou imua o’u elike me kau e olelo mai nei, ma ka mana anei o kekahi mea kino lani e hiki ai ia oe ke hana pela.
E ke alii opio, mai hoonaluea i kou noonoo no ia mea, oiai, o ko lakou hiki ole ana mai imua o kou alo e lilo ai au i kanaka hoopunipuni imua o@, a imua hoi o ko Alahe lokomaikai, a me kona mana e hooko ai oe i kou mana alii.
Huli hou ae la oia a olelo aku l@ o keia poe e nonoho mai nei, o ko’u mau hoaloha ia, e lilo lakou i poe kulena pu me a’u ma na uku makana, e ae mai ana anei ke alii opio ia noi a kana kauwa makaainana nei.
O na mea a pau au e olelo mai nei, e hooko ia aku no ia elike me kau noi, a e loaa hoi ia lakou na pomaikai mawaho ae o kau mea e noi mai nei.
I ka pau ana o ka lakou kamailio ana, ua liuliu ae la lakou nei no ka hoi ana, a o a no ka wa a ka moi opi i noi mai ai, e hele lakou e paina pu meia maloko o ka haleaina.
Ua hooko aku la lakou elike me kaua noi, a oia no hoi ka wa a kona mau aipuupuu i liuliu ae ai no ka hoolawa ana mai i na mea ai maluna o ke pakaukau a lakou e ai ana.
Ua noho iho la lakou a hoolawa aku la i na mea e hoopiha ai i ko lakou houpo.
A i ka lawa ana ae o ko lakou makemake, ua liuliu koke ae la lakou no ka haalele ana mai i ka moi opio, no ka hoi ana no ko lakou mau home pakahi.
A oiai hoi, he mau minute i hala ae o ka hora ekolu o ka wanaao, a ke nee awiwi ae la hoi ka manawa no mua, me ka aui hou ole aku ihope.
Huli ae la kekahi o na poe e noho ana iloko o ka rumi aina, me kona hopohopo a maka’u ole, ua nonoi koke aku la oia i ka moi, e hookuu ia mai lakou a pau e hoi no ko lakou mau home pakahi.
Aole a’u mea e hana aku ai, oiai, i ka-ua wale aku no au ia oukou mamuli o ko’u manao, he mea pono ka hoolawa ana aku ia oukou me na mea e pono ai ko oukou noho ana.
Nolaila, ke hookuu aku nei au ia oukou e hoi no ko oukou mau home puoi iho me ka maluhia, a ma na wahi a pau a oukou e helk ai, aia no ke aloha o ko oukou moi ke ukali la mahope o oukou.
I ka wa a ka moi opio e kamailio nei imua o ke a mau makaainana helu wale no, aka, o ka io o kana mau olelo, ua lilo ia i mea e hooi loa aku ai i ko lakou manao aloha a hilinai maluna o kakua mau olelo me ka hauoli.
I loa no a pau keia mau kukai olelo ana, o ko lakou wa no ia i ku like ae ai iluna, me ka waiho pu ana iho i ka moi e nana pono mai ana maluna o lakou pakahi, me na helehelena o ke aloha oiaio e nawe ana iloko o kona puuwai.
Oiai nae ma ke alahele e puka ai iwaho o ka pukapa o ke halealii, ia wa no i ho, hou mai ai ke Keikialii Alabati no kahi a ka moi opio e ku aku nei e nana i ko lakou hoi ana
(continued after this large 2 column ad at top of next columns)
HE KUAI HOOPAU NUI LOA.
...MA KAHI O....
L. B. KERR
No Hookahi Pule Wele No.
Uhimoe, Pale Pakaukau, Pale Uluna,
Kawele Lima Lilina, Lole Aahu,
Ribine Lihilihi me na Papale.
He mea oiaio e Kuai Hoopau aku ana makou i na
Waiwai a pau no Hookahi Pule Wale no.
A oiai o ka makou mau Waiwai a pau he Hou Loa, a he Lehale hu hoi na Ano hou, nolaila, he manawa kupono loa keia i na lede e loaa ai ona mau.
Waiwai Nani Loa ma ke Kumukuai Emi Loa.
L. B. KERR.
Honolulu---Alanui Moiwahine----Honolulu
(continued from above)
manao o ke pihoihoi ke halii la maluua o ka moi opio me ka piha pahaohao.
Aka, ua kakali malie iho la oia a hiki i ka wa a ke aka o ka mea ana i ike aku ai i ka maalo ana mai mamua ponoi o kona mau maka, a ike aku la oia i ka mea e ku mai nei mamua one, oia no kekaho na kanaka i komo pu mai mamua aku a hor ai,
Oia hoi kana i pane aku ai me ka leo malie i ka i ana mai me ka leo malia loa.
1 E kuu hoalaoha maikai, he wahi mea poina anei ke kumu o ko hoi ana mai nei, a i ole, he koena aku paha no kau mea i hoike mai ai ia’u.
LELO HOOLAHA.
E ike auanei na mea a pau ma keia, owau, o ka mea nona ka inoa malalo iho, ke hookohu nei wai ia Mr. J. K. Huen, o Keanne, Maui, i mea nana e malama i ka pono o ko’u mau waiwai a pau e waiho la ma Keanae, Maui,
Owau iho no.
A. ROBACK.
Ookala, N. Hilo, H.
jul2 1mwkly.
KA LA O HAWAII.
He Buke Moolelo, Kaao a Hoonanea no na Home Hawaii.
E hoopuka mau ia ana ma Honolulu i kela a me keia kakahiaka Poaono, he Kuike ka Rula, e hoomaka ana ma ka la 2 ae nei o Iulai kona Helu mua.
O na poe a pau e makemake ana e lawe i keia buke hoonanea, e pono e kipa koke ae ma ke keena hana, ma ka halepai o Kalamu, Press Publishing Co., Alanui Betela, mauka mai o ka Halewai, i paa ko lakou inoa ma ka buke, a i ikeia hoi ka nui o na kope e pai ia ai.
No ka Makahiki (ma ke kuike)..............................$5.00
No Eono Mahina................................................... 2.50
No Hookahi Mahina.............................................. .50
No ke Kope Hookahi............................................. .15
GEO. KAIA ame WILLIAM YOUNG,
Na Ona o KA LA O HAWAII.
OLELO HOOLAHA.
Ke hai ia aku nei ka lohe i na mea a pau ma keia hoolaha, ua loaa ia’u kekahi kaa hehi wawae a Kaumakapili nei, he kaa keia i kupono no na kamalii, aole i maopopo ia’u ka mea nona keia kaa, o ka mea a mau mea paha nona keia kaa, e kii koke mai oia, me ka uku pu mai ia’u no ka malama ana a me ka hoolaha iloko o na la he 15 mai keia la aku Iune 27, e lilo loa no ia’u keia kaa. E loaa no au ma Kaumakapili.
D. KEA ‘UNUI
KA HALEKUAI O NA MEA AI
---:O:---
H E McIntyre & Bro
Ua makaukau maua e hoolako aku i na ano mea ai a pau a ka poe e kipa mai ana ma ke kumukuai haahaa loa, a makepono no hoi.
Aole wahi oi ae o ka makepono o na mea ai ma Honolulu nei e like me maua. Aia ko maua Halekuai mea-ai ma ke kihi o na Alanui a mea Papu. E kipa ae malaila.