Ke Aloha Aina, Volume IV, Number 26, 25 Iune 1898 — Page 1

KE ALOHA AINA

Ua mau ke ea o ka aina i ka pono

Hookumuia i Mei 20, 1895

Buke IV   Honolulu, Poaono, Iune 25, 1898    Helu:  6

Ka Nupepa Ke Aloha Aina

E hoopuka mau ia aku ana mai ka Poakahi a ka Polima o na pule a pau o kela a me keia mahina.

Ka Uku Pepa he 20 keneta o ka pule. No ke kope hookahi, he 5 kaneta.

E loaa no ka pepa mai ke Keena aku o KE ALOHA AINA, a mai ka lima aku o na Luna Lawe Pepa

E pai ia no na Olelo Hool@ha, na kanikau a me na Mele Inoa, me ke Dala kuike.  Aole nupepa ma ka owili pakahi e hoouna ia ke ole e hookaa mua ia ka uku pepa.

E hoouna pololei mai i na Nuhou na Kumumanao, na Olelo Hoolaha, na Kanikau a me na Mele Inoa i ka Lunahooponopono o keia pepa.

Aole loa e hoopuka ia a hoolaha ia kekahi manao ma na kolamu o keia Pepa, malalo o kekahi inoa kapakapa ke ole e hooike mai i ka Lunahooponopono i kona inoa ponoi.

Ka Nupepa Puka Pule

KE ----ALOHA-----AINA

Hookahi makahiki......................$2.00

Eono mahina..............................$1.00

Ekolu mahina............................... .50

Hookahi mahina........................... .20

EMMA A. NAWAHI.

Puukuo

Ke - Aloha - Aina

Edward L. Like.

Lunahooponopono a Hope Puuku

S.P. Kanoa.

Hope Hooponopono.

O na kauoha Nupepa me na hookaa Dala, e hoona pololei mai i ka Puuku ma Honolulu

Nuhou Kuwaho.

KOMO LAELAE NA MOKU SEPANIA I LOKO O HAVANA

N@ Ioka, Iune 2.  He lono kai loaa mai la i ka nupepa Herald mai St. Louis mai e olelo ana: O Lupecio Martinez, he kanaka Cuba e noho ana ma keia kulanakauhale, ua loaa mai nei iaia he leta mai ke kulanakauhale mai o Mekika a me Vera Cruz, e hoike mai ana, o na ona moku Sepania, aia lakou ke hooholo la i ko lakou mau moku malalo o ka hae Mekiko.  Wahi a ka me kakau, e kiai aku ana na luna aupuni o Mekiko, a e kokua aku ana hoi ia Amerika Huipuia me ka lawe wale ia ana hoohana i ka hae Mekiko. Ua olelo hou ia mai he lehulehu na mokuahi i huki ae i ka hae Mekiko i komo pono aku mawaena o na aumokukaua e paniku ana no loko o Havana me na lako ai. Ma ka la 21 o Mei, he elua mokuahi i komo aku i Havana ma muli o ka loaa ana o ko laua mau palapala mai ke aupuni aku o Mekiko a me ka hae Mekiko e welo ana maluna o ko laua mau kia.

HOOMAKAUKAU O KILI NO KE KAUA

Valaparaiso, Iune 3.  Ua hoouna aku la ke Keena Kaua he pualikoa nui hewahewa me ka huipu aku o na koa kaua lio no Iquique a me Sandy Point.  O na aumokukaua no hoi kekahi e hoomakaukou pupuahulu la, a ke noonoo la ke aupuni i na moku maikai loa o ka hui mokuahi Compania Sud Americana de Vapores i mau kokua i ka wa e kahea ia mai ai.

E HOLO AKU ANA NO KAHI I MAOPOPO OLE.

Cadiz, Iune 3.  Ua hoike ia mai ka lohe, aia o Adimarala Camara a me na puulu helu ekolu ma Cadiz i ka Poakolu nei.  E haalele iho ana lakou no kahi i maopopo ole.

 

LOAA HE INOA HANOHANO IA MRS. POHAKUHAUOLI.

Ladana, Iune.  Ua olele ae ka nupepa St. James Gazette i keia la ua loheia mai, aia he manao i waena o na pohai mana a me na alakai o ka aoao Liberala, no ka hookau ana aku i inoa hanohano maluna o ka wahine kanemake a Pohakuhauoli.  Ua olelo ia ae e haawi ia aku ana maluna o Mrs. Pohakuhauoli ka inoa hanohano Countess (Kauna Wahine) o Livapulu, a o ka inoa o kona ohana i ka inoa Viscount.

 

KA MOKU MERIMAKA.

Balatimoa, Iune 3.  O ka Merimaka, ua kuai ia aku oia e ke aupuni mai ka Lone Star Steamship Company maloko o Aperila.  Oia no ka mokuahi Norewai, Solveig, i kokoke loa ai e pau i ke ahi ma Newport News maloko o ka 1896.  Ua kapili ia oia ma Nu Kakela, Enelani, i ka 1894, he 330 kapuai kona loihi, 44 kapuai kona laula, a he 2193 tona kona kaumaha.  Ua haalele aku ka Merimaka ia Norfolk, he mahina i hala ae nei a malaila hoi oia i hoomakaukau ai no na hana a ke aupuni.

NA PILIKIA O KEKAHI KANA--

KA MOMONA.

Me ka S@bati, Mei 28, ua hoea mai la kekahi kanaka momona i ike @le ia kona l@a ma Kapalakiko no na ka inoa o Herr Cannon, @ nona ke kaumah@ o 613 paona.  O kah@ @ua a keia kanaka i man@o ai e noho @ia no ka Palace Hotel a me ka Baldwin, i kona wa i lele mai ai uka o ka uwa @o, aole he hookahi kaa nana i @a iaia e l@we no keia wahi.  He hookahi wale no kaa i k@ pono iaia, nolaila, ua holo aku oia iluna me ka manao e poholo ana loko, aka, o kona poo a me luna o kona mau kipoohiwi k@i komo aku iloko, a o kona kino hol@o koa aole ia i komo aku, ma muli o ka ha@iki o ka puka.  Ia wa ua hookunihi aoa@ ae oia me ka hoao ikaika ana e komo aku i loko o ke kaa, a i ka h@@ loa ua hooko i kona makemake ua komo aku la oia i loko, i kona hoomakaukau ana e noho pono iho iluna o ka noho, oia no ka wa o ka noho i naha ae ai, me ka pepee ana o ka iho o ke kaa. No hapalua hora k@na hoao ana e puka i waho a ua hoo@iha ia ae la hoi oia me na poe makaikai.  Ua koi aku ke kalawaia kaa ia Herr Cannon e uku mai oia i $5.00 no na @oino o kona kaa.  Ua hoi hou aku oia no luna o ka moku a hui aku la me kana wahine nona ke kaumaha o 94 paona, ua like ka wiwi o kona mau au me kekahi kaikamahine @ 12 makahiki. Na keia haawina i halawai iho la me ia i hookomo mai i ka hoihoi ole no ka hele ana aku ia wahi, nolaila, ua makemake iho la oia i hotele kokoke mai, no kekahi minute wale no keia hele ana a kana wahine, ua huli hoi mai la oia me ka hoike mai, @a loaa kekahi hotele i kupono no kana kane. Ua haalele iho laua i ka moku a pii wawae aku la no ko laua hotel me ka ukali ia e kekahi kaoo kanaka nui.  Ua alakai aku kana wahine iaia no kekahi hale he mau anana wa@e no ka mamao mai ka moku aku.  Me na kapuai awiwi i auau aku ai laua no ka hotele, i k@a wale koke aku ai hoi laua mai ka puulu kanaka aku e hahai ana ia laua, ua hopa aku la laua i ka hotele, oia ka Alphia House a ae mai la ka hak@hala e noho laua malaila aka, he mea ole mai ia i kana wahine.  Ua haawi ia mai he rumi ia laua me kekahi moe i hana ia a paa.

He kue loa oia i ka moe ana iluna o ka papahele, a o kana moe makemake loa @pia ka moe he 18 iniha ke kiekie.  No ka mea, ina oia e moe @luna o ka papahele me ka hana nui e h@ki ai oia ke ala iluna. A oiai e hoikeike ia ana kekahi Elepani ma Chute, no laila, ua makemake iho la oia e loaa ona ha@e kokoke aku malaila, ua hoomaka ko laua huli ana i wahi hou no laua mai ke alanui Clay aku, a ua nui na poe mea hale i hoole mai ia laua.  O kekahi mea ano e loa i halawai mai ma ka laua huakai huli hale o@a hoi ma kekahi hale a laua i komo aku ai, ua hookuu ia aku laua e makaikai no laua iho, he haiki loa kahi o komo aku ai, a he akea loa hoi o Herr Cannnon, aka ua hoao aku la no nae oia e komo iloko.  He wahi waiho papale he kau ana ma ka paia o ka hale.  Aka, iloko o kona nanea nui ua huli papu ae la oia a pia iho la oia mawaena o na wahi waiho papale a mahope ona ka laau kaola o ke alapii, no laila, aole e hiki iaia ke nee aku imua aole hoi e hiki ke emi i hope a e ole ka haki ana o ka laau kaola o ke alapii @mo hou ai oia, no laila, ma keia p@ ino ana ua okalakala @la ka mea nona ke hale.  Ma Alanui Cole, ua kipa aku la laua ma kekahi hale ana i manao ai ua kupono loa iaia, ua hoomakaukau ia na mea a pau.  Ia wa i hoea mai ai ke kaikamahine o eono makahiki a ka haku hale, a i kona ike ana ia Herr Cannon, ua uwe kapalili ae la oia, aole oia i ike hou ia.

Malaila, a na keia hiohiona, i h@ ino ae i kona ma@ao a @alele iho la oia i ua hale la.  Ma kekahi hale e malama ia ana e kekahi wahine Geremama ma alanui Walter i komo hou aku ai laua, aka, ua hoole mai la na @ oia, me la olelo pu ana mai hoi, aole i l@wa kana mea ai no ka hoopiha ana i ka opu o Herr Cannon.  Ua hoopiha ia oia me ke kaumaha, a h@i hou aku la no Chutes, @ na kekahi poe i huli i hale no laua, a eia laua ke noho nei ma ka hotele Terminal o ke ana puni o ko Herr Cannon opu he 2 3/4 i-a, ke anapuni o kona umauma he 2 i-a, o ke anapuni o kona uha he 1 1/2 i-a, a he 1 i-a a me 2 iniha ke anapuni o kona k@li.  He kanaka Ferani oia a pela no hoi @ e kana wahine.

HAUNAELE NA PAEMOKU O CAROLINE

Eia ke hopohopo ia nei ke kulana o na misionari Amerika a me na Hawaii, e noho la ma na paemoku Caroline, @e a'o ana hoi i na kanaka oia mau mokupuni i ka e@a neli@o Karisto. Ua manao la, i ka wa i l@e ia aku la ma @a mau mokupuni ua poha ae la ke k@ua mawaena o Sepania a me Amerika Huipuia, he mea mapopo loa, ua ulu ae la he mau @oohaunele ana mai na Sepania e kiai ana malaila, a he hopena @ kia ke loaa ana i ke kulana o na misionari malaila. O kekahi lon@  @oaa mai na nupepa mai o ka Hikina, a i loaa ole hoi i na nupepa o Kapalakiko no ka mea e pili ana no Caroline. Oia lono i loaa mai ai mailoko mai no ia o na nupepa o Manila, o kela mahina aku nei o Mei, a penei ua lono l @. O na kapena moku a pau ma Manila, ua haiia aku ka lohe ia lakou e ke Kapena - Kenerala o na mokupuni a pau o Carline @ia lakou i loko o ka haunaole, a o na kanaka oia mau wahi aia lakou ke hana la i na hana weliweli.  He wahi manaolana malani loa k@i loaa ae i kekahi poe, e kipa aku ana ka mokokaua Kalekona ma keia mau mokupuni, ma kona alahele e holo ia no Manila, no ka hoopakele @na ae i na misionari Amerika a me na misionari Hawaii.