Ke Aloha Aina, Volume IV, Number 25, 18 Iune 1898 — Page 7
| This text was transcribed by: | Pulama Goodhue |
| This work is dedicated to: | Kaʻiliʻeha-Ann ʻIwalani Goodhue |
KE ALOHA AINA, POAONO IUNE 19, 18@@
------------------------------------------------------------------------------------------------------------
HE MOOLELO WALOHIA
--:NO:--
ALANADELA
---------
Ka Wahine Hoopahaohao o ka Aahu Keokeo
--A I OLE:--
Ka Loea Hookani Pila o ke Kulu Aumoe.
I keia manawa i pui@@ ae ai o Alanadela mailoko ae o kona hiamoe nui, a i ka wa owaka ae ai o kona mau lihilihi maka, aia hoi, ua hoohikalele loa ia ae la oia i kekahi mau helehelena loa ia ae la oia i kekahi mau helehelena malihono @e kiei iho ana maluna ona.
Oia no ka wa o na kukuna malamalama o ka mahina i hoolei mai ai i kona nani maloko o ua ululaau la, a i keia wa no, i hoo@uanuanu ia ae ai kona mau aa koko ma o kona hoomaopopo ana aku ina aahu ulaula a na kanaka e komo ana me na pahikaua @ilua e paa ana ma ko lakou mau lima, aole lakou he poe okoa aku, aka, o na poe powa no ia oia mau pae mauna, ana hoi i lohe mahui wale ai, he poe lakou i hooneleia me na manao aloha kanaka.
Aole oia i kue aku me kahi ikaika uaku e koe ana iloko ona, no ka mea, ua ike no oia, ua like oia me kahi apana pepa imua o kela poe, aka, ua loheia aku la no nae kona leo i ka hooho ana ae me ke ano kaumaha, penei.
E na kanaka malihini puuwai lokoino e pane mai i kaʻu ninau, heaha ka manao o ke kupeeia ana o koʻu mau lima, ua hooweliweli aku anei au ia oukou? A i ole ua lawehala aku anei au ia oukou? E hoike koke mai ano no ke aha keia mau hana hoomaewaewa i hanaia mai maluna oʻu?
I ke kuu ana iho o ka leo walohia o ka k@u@ Alanadela, oia no ka wa i loheia aku ai ke poha ana mai o ka leo o ke alii o na powa i ka pane ana mai me ka inaina nui penei.
E noho malie e kela kanaka nona kela leo e pae mai la, mai pane mai i hookahi huaolelo hou a i ole oe e hoolohe i kaʻu e kamailio aku nei e kaniu aku no auanei au i kou poo me ka maka o kaʻu pahikau@.
Na keia mau huaolelo ku@o i pu ka mai la mailoko mai o ka waha o ke alii o na powa i hoohamau iho i ka kaua Alanadela, a ikeia aku la na waimaka i piha me ka ehaeha e hiolo mai ana mai kona mau lihilihi maka, no ka mea, aole oia i maopopo i ka hopena e halawai ana me ia malia paha e lanakila ana oia a i ole poino paha, aka, o na lani wale no kai ike i ka hopena e loaa ana iaia.
Hala ae la he mau sekona o keia noho hamau ana iho o na mea pau, a iloko o keia wa a ka meha e hahi nei maloko o ua ulu laau nei, oia no ka wa i loheia aku ai o kekahi leo o-le kahea i ke kani koʻukoʻu ana ae me he leo la no ka hanehane no ekolu manawa, a i ke kuu ana iho o ua leo o-le la, ua lohe hou ia aku la he mau pohapoha kapuai lio ma kahi mamao loa.
Iloko o ka manawa pokole loa, ua oili mai la na poe lio he elima no lakou na kapuai i loheia aku ai ma kahi mamao i ke pohapoha, mamua pono o ke alii powa i kaohi mai ai na holoho i ka holo nui o ko lakou mau lio a ia wa pu no hoi i haawi mai ai lakou i na kunou aloha ana i ko lakou haku.
A mai waena mai o na hololio elima e kau ana maluna o ko lakou mau lio i hele a nae iki, ua loheia aku la he leo i ka i ana mai.
E ko makou haku, he mau manao anei kou i kahea ae nei la makou e hiki koke mai imua ou me ka halaia ole? E pane koke mai ano a e hooko aku no au me ka hookaulua ole.
Ae, e kuu mau kauwa hoolohe he manao io no koʻu ia oukou i kauoha aku nei maloko o ka o-le, a nolaila e hoolohe mai e kuu mau kauwa i koʻu manao i kauoha aku nei ia oukou, ua ike anei oukou i kela kanaka e waiho mai la iluna o ka lepo ua paa i ke kupeeia na lima me ka hao?
Ae, e ko makou halu ua ike makou i kau mea e kamailio mai nei, wahi a kekahi mea i hooho mai ai.
E lawe koke aku oukou iaia no ko kakou home kuahiwi, aka, mamua ae nae o ko oukou lawe ana aku iaia no ko kakou home kuahiwi, e palulu @e i kona mau maka me kekahi uhi ulaula i ole ai hoi oia e ike i ke alanui a oukou e lawe aku ai iaia a kumakaia ae hoi i ka punana o na ilio puni koko o Sekotia nei, a maloko o ko rumi pouli helu 40 i makemake ai au ia oukou e hoopaa aku i ke pio, aka, e hoomanao punae oukou he hookahi wale no hoopai e loaa ia oukou ka nalowale ke pio, oia no hoi, ka lilo ana o ko oukou ma ola.
I ke kuu ana iho o ka leo o ke alii powa, oia no ka wa i poha hou mai ai o ka leo o kekahi powa i ka pane ana mai me ka leo kuio loa penei:
E ko makou haku maikai, ma hopohopo no ia mea, no ka mea, aole he hookahi iwaena o makou i aa e kumakaia ia ka punana o na iliohae o ka aahu ulaula o na pae mauna o Sekotia nei, a o kou makemake o ka makou no ia e hooko aku ai, o kela pio e waiho mai ia iluna o ka lepo, aole oia e ike i ke alahele a makou e lawe aku ai iaia a hiki i kona rumi pouli.
Ua pono, wahi a ke alii powa i hooho ae ai, a e hooko aku oukou i keia kauoha ano.
Ia manawa no i kunou mai ai ua mau powa la i ko lakou haku a h@@@ lele io la no ka hooko ana i ke kauoha a ko lakou alii, i ko lakou hikiana aku ma ka aoao o Alanadela oia no ka wa i lele iho ai ua poe po wa la mailuna aku o ko lakou mau lio a nakii iho la i ka kaua Alanadela aloha me na hipau kaula o ke aloha ole.
A o kekahi hoi o lakou unuhi ae la oia i kona hainaka ulaula mailoko ae o kona pakeke a palulu ae la i kona mau maka, i ka hope loa @a ike ia aku la lakou e hapai ae ana i ka kaua Alanadela no luna o ka hokua o ka lio.
O kekahi keia o na manawa i hookupouli ia ai o kona mau manao i ka ike ana iho eia oia ke lawe ia nei no kahi ana i ike mua ole ai, a i keia manawa no hoi ua hoopulu peia ae kona mau papalina aloha e na mapuna waimaka e hiolo mai ana mai kona mau lihilihi maka mai.
-------------------------------------------
LILO HE KEIKI HAWAII I ALIIMOKU.
----------
Ua loaa mai nei he lono o Fred Maby, keiki a Kapena Maby o Hilo, Hawaii, he aliimoku oia i keia wa no kekahi o na mokukaua o Amerika Huipuia, a aia kona moku ma na wai o Cuba ma ka moana Atelanika. He eneginia o Fred a ua loaa iaia he palapala komisina ma ke ano he aliimoku o ka papa haahaa. Ma kona ninaninau ia ana ua loaa iaia na hoailona kiekie.
O Fred Maby ma Hilo kana kula i hele mua ai, mahope ua komo oia i ke kula o Kamehameha, a hemo mai la i ka 1895. Maloko o laila i hoomaka ai oia e aʻo i ka oihana eneginia. A no kekahi manawa, ua lilo iaia ka hoouna i ka uwila o ke kula Kamehameha.
-------------------------------------------
HE HOOMAIKAI.
---------
Ke pahola aku nei au a me kaʻu mau keiki, i na hoomaikai ana he nui, i na makamaka a me na hoaloha i kokua mai iaʻu ma ka haawi ana mai i na pua a me na kokua e ae he nui, i manawalea mai ma ka manawa o ka make ana o kaʻu wahine mare i aloha nui ia Mrs. Elizabeth M. Kahookano, kona hoolewa ia ana a me kona anaina haipule hope loa i malama ia maka luakini o Kaumakapili.
K. K. KALUHOOKANO a me na keiki.
-------------------------------------------
E haawi ana ke Kamaʻliiwahine Kaiulani i na kokua ana ma ka aha fea nui e haawi ia an ma ka pa luakini o Sana Anaru.
E hoopukaia ana he buke moolelo hou i kupono no na Home Hawaii e Geo. Kaia a me William Young, ma ka Poaono mua o keia mahina ae. E nana ae i ka la ua hoolaha e puka aku nei.
-------------------------------------------
AOHE LUA E LIKE AI
---------
Ma ka po o ka Poalua nei, i hoi ke ae ai o Danta i kana mau hana hookalakupua maloko o ka Hale Mele Hou no ka manawa mua loa i kekahi huina kanaka, pui o na lahui like ole i akoakoa aku malaila.
He nui na huna hoopahaohao a keia haole i hoikeike mai ai i oi ae hoi i oi ae hoi i ka kekahi mau haole keaka oia ano i kipa mua mai ai i keia mau mokupuni. O kekahi o kana mau hana mana nui loa i hoikeike mai ai, oia no o Na@ko, he mau pahu elua i hookomoia kahi maloko o kahi, a ma ka pahu maloko i hookomo ia iho ai kekahi kanaka i nakii ia iloko o ke eke me ke ki ia o ua mau pahu la, o ka mea apiki loa nae, ua hiki i ke kanaka maloko o ka pahu ke hemo mai iwaho iloko o 8 sekona, a o ke kanaka hoi e ku ana ma ka aoao o ka pahu, ua poholo aku iloko o ke eke maloko o ka pahu iloko o keia mau sekona pokole wale no.
O ka moeuhane a ka wahine ilihune, oia kekahi o na hana nana i hoopohihi mai i ka manao o na poe makaikai. Ua komo mai he wahine a moe iho la iloko o kekahi pa, a mahope mai ona i komo mai ai kekahi kanaka i aahu ia me ka lole ulaula, a mamuli o kona hiaai no ka wahine ui e moe ana, ua lu iho la oia he mau apana pepa ma ke poo, a ia wa i puoho ae ai ka wahine mai kona hiamoe a ike ae la i ke kanaka me ka aahu ulaula. Ua kuhi aku la ka lima o ua kanaka la no ka pii ana ae o ka wahine maluna o ke pakaukau e ku ana, a i kona wa i kau aku ai iluna o ke pakaukau, oia no ka wa i haule iho ai o kekahi paku, a i ka huki hou ia ana ae, ua nalo aku la na aahu kahiko a ua wahine nei e komo ana, a he wahine ui ae la oia me na aahu nani e ku mai ana. I keia wa, ua holo koke aku ke kanaka i piha i ke aloha nona, e noi aku iaia i wahine nana, aka, ua hoole mai nae oia iaia, ia wa i haule hou iho ai ka paku, a ike ia aku la ua kanaka nei e ho-a ana i ke ahi iloko o ka paku me ka piha inaina. I ka huki hou ia ana ae o ka paku iluna, ua nalowale aku la ka wahine a he uwahi wale no kai ikeia aku maloko o ka paku.
O ka holo kaa baikikala iluna o ka lewa, kekahi mea ano hou i hoikeikeia mai ai, a ka maea makaika e hoopahaohao ia ai ka noonoo. E haawi hou ia ana he mau hoikeike ana ma ka po o ka la apopo, Poaha a ma ka auina la Poaono, e haawi ia ana he keaka no na lede a me na opio, he 50 keneta o na makua a he 25 keneta o na opio ka @uku komo oia auina la.
He nani a kupanaha na hana a i hoikeia mai, a ua kupono loa hoi i na mea a pau e ike kumaka mau ua o ka lohe pepeiao.
------------------------------------------------------------------------------------------------------------
LILO KA LANAKILA IA ANTIDOTE.
----------
Ua malama hou ia ae he hoihoi lio mawaho o Kapiolani Paka, ma ka Poalia @@@ mawaena o na lio hoihoi J. R. a me Antidote no ka pili o $250. He @@i na poe i hiki aku iwaho o laila. O ka mamao o ka pahu @@ he elima-hapawalu mile, a ua kaili ae hoi o Antidote i ka lei o ka lanakila iloko o 1 minute a me 3 sekona. E malama hou ia ana no he heihei i keia auina la Poaono ae mawaena o na @o heihei J.R. a me Amarino.
-------------------------------------------
LOAA HE 500 TINI OPIUMA
----------
Ma ka hoi ana mai nei a ka mokuah kolo Eleu mai Maui mai ma ka Poaono nei, ua lawe pu mai la oia he 500 tini opiuma i huna ia iloko o ka lepo ma Kahoolawe, e ke kapena o kahi mokukuna Labrador. Ua hoike mua ia mai ka lohe i ka luna dute nui M@ Stocker, no ka haalele ana aku o keia mokukuna ia Victoria, me ka opiuma maluna ona, i loheia e laweia mai ana no Hawaii nei.
Na keia lohe i hoike mua ia mai ia M@ Stocker i haawi aku iaia a me kona mau kanaka i na kiai makaala ana ma Lanai, Kahoolawe, Molokai a me Maui. Ma ka la 3 o Iune i loaa aku ai ua wahi moku la i na makai, aka, i ka wa nae i huli ia aku ai, ua puehu mua no ka hulu, a aohe hoi he wahi opiuma i loaa aku maluna ona.
Aole no nae i hoopau na kiai o ke aupuni i ka hookolo ana i ka meheu o ke kolohe, nolaila, ua hopu ia iho ia lakou, a mai ke kuke ae i hoike ia ai kahi o ka opiuma i huna ia ai, a pela i loaa iho la keia mau tini.
E laweia mai ana ka mokukuna Labrador e ke aupuni, no ka hoolilo ia ana aku, ma ke ano he waiwai pio no ke aupuni.
-------------------------------------------
Ua lawe aku la ka mokukaua Beninetona he mau eke leta mai anei aku no Kapalakiko.
Ua hana mai, mai ka puhaka mai o Mrs. D. Kahalewai he keiki kahe i ka la 2 iho nei o keia mahina ma Pawaa, Honolulu.
Maluna mai nei o ka mokuahi Mauna Loa i lohe ia mai nei, aia ke ahi a ka wahine hookalakupua Pele ke pu-a la ma Kilauea, aka, aole nae @oili maoli ae ke ahi.
------------------------------------------------------------------------------------------------------------
KA LA O HAWAII.
-----------
He Euke Moolelo, Kaao a Hoonanea no na Home Hawaii.
-----------
E hoopuka mau ia ana ma Honolulu i kela a me keia kakahiaka Poaono. He Kuike ka Rula, e hoomaka ana ma ka la 2 ae nei o Iulai kona Helu mua.
-----------
No ka Makahiki (ma ke kuike).... $5.00
No Eono Mahina........................... 2.50
No Hookahi Mahina...................... .50
No ke Kope Hookahi..................... .15
-----------
GEO.KAIA ame WILLIAM YOUNG,
Na Ona o KA LA O HAWAII.