Ke Aloha Aina, Volume IV, Number 23, 4 June 1898 — Page 2

KE ALOHA AINA

POAONA, IUNE  4,  1898

PAGE 2

 

 

 

Ke - Aloha - Aina.

Hookumeia na ka

E maikai o ka Lehulehu, a he Nu

pepa @ ka Lahui Hawaii.

 

----------------------------------------

 

EDWARD L. LIKE.

 

Eia hooponopono.

 

KALALA L. NAWAHI.

Puuku o KE ALOHA AINA.

 

--------------------------------------------

 

HONOLULU.....................IUNE  4,  1898

 

HE MAIKAI NO KA OLA O

LALANI AIMOKU.

 

------------------------------

 

            Ma na lono hope i loaa mai ia makou i ke ahiahi Poakolu nei, ke maikai no ke ola kino o Kalani Aimoku, a pela no me kona mau ukaii, aia na poe hoohaiaina ke ake la e lawe kokje hou ia mai ka noonoo ia o ka ninau hoohuiaina, aka, na kue ikaika aku nae o Senate White ma.  Aohe no he mau mea ano nui e ae, aka, aia lakon ke kali la me ka hoomanawanui, heaha auanei la ka Amerika olelo hooholo e haawi mai ai no ko kakou ninau, he manaolana mau no nae ko lakou e lilo ana no ka lanakila ma ka aoao o ka lahui Hawaii.  A o ka Kalani wale no i akenui ai e kupaa mau ka lahai ma kona kahua e ku nei me ka luli ole, pela no e loaa ai ia kakou ka lanakila, a mai hana hoi i na hana e ulu mai ai o na mokuahana ana.

 

------------------------------

 

HE MEA HAUOLI NUI NO

MAKOU.

 

--------------------------------

 

            He mea hauoli nui no makou, aaole walle no paha ia makou, aka, i ka lahui Hawaii no paha a pau e noho nei a puni keia mau paemoku iloko o  keia wa oi aku o ka hune e pahola nei maluna o ka aina, aole he ikeia aku o ka lahui e holomoku ana i ke kakau ana aku i ko lakou mau inoa i loaa mai ona mana ai mai ke aupuni Repubalika mai.

 

            Aka, ua pupuu mai no ko lakou mau lima, a hoohala iho la i kekahi mau la o ka noho pololi ana ma ka huli hana ana ma na uwapo, a i ole, ma ka lawaia ana ma na kahakai.  Ina o keia mau noho hoomanawanui ana iloko o ka pololi a me ka hune, a no kekahi mau lahui e ae, ina i keia mau la eia ke haunaele nei ke kulanakauhale elike me Italia, Madarida a  me kekahi mau wahi e ae o Amerika Huipuia e hoohanuaele mau mai nei no ka nele  i ka ai.

 

            He kupanaha maoli no ke ola ana o ka lahui Hawaii i keia mau @ o ka mea, iloko o keia wa i puka ae la o ke kaua mawaena o Sepania a me Amerika Huipuia, na pii ae la na mea ai o kela a me keia ano, aka, o ka makou mea e haohao loa nei, aole lakou i makilo lele aku a i ole hooulu ae paha i na hana hoohaunaele i hiki ai ia lakou ke komo aku iloko o na hale papaa a pakaha mai i na waiwai o kela a me keia ano i loaa kahi ola.

 

            Na leia mau kumu i hoopiha mai ia makou i ka hauoli, a ua hiki ia makou ke kaena ae, aohe lahui maluna o keia ili honua i hiki ke noho me ka hoomanawanui iwaena o na hanaino ana mai a kona mau enemi.

 

--------------------------------------

 

UA HOEA MAI NA MOKUAHI

HALIHALI KO

 

---------------------------------

 

            Ma ka hora 4:30 o ka auina la o ka Poakolu nei i loaa mai ai o ka lono i ke kulanakauhale nei, na ikeia  he ekolu mau mokuahi mawaho aku o Waimanalo.  Ua lilo keia he mea  hoopioo ia loko o ke kulanakauhale nei.

 

            Ua hooi loa ia ae hoi ia i ka wa i kani mai ai o ke oeoe hoailono pauahi no elima manawa, e hoike mai ana, ua ike io ia na mokuahi halihali koa e hooiho ana ka ihu no ke awa o Kou nei, ua naholo aku na lahui o kela a me keia ano, a iloko o na minute ua hoopiha ia ae la na uwapo a me luna o na moku me na tausani poe makaikai, ma ka hora 6:30 o ua haiahi la i hookomo mai ai ka mokuahi Pekina, i ukaliia e ka Auseteralia a mahope loa mai hoi ke Kulanakauhale o Kikane.  Ua haawi aku na mokukaua i ke kani kapalulu ana o ko laua mau oeoe a i awili pu ia hoi e na leo huro o na poe makaikai no na  koa Amerika, a ua panai mai no hoi lakou i na huro ana, a puia ae la ka lewa me na leo huro o  ko ka  aina aku nei a me ko ke kai mai.

 

            Ua holo aku ka makuahi Maki i piha me komite hookipa a me ka bana o ke aupuni, no ka hoohauoli ana aku i na keiki aukai, a ua panai mai no hoi na bana o luna o na mokuahi like ole me na leo mele mai ka lakou mau hokeo mai.

 

            O ka Pekina a me ka Auseteralia ua pili mai no laua ma ko laua mau uwapo pakahi, aka, mamuli o ka loaa ole o ko ke Kulanakauhale o Kikane uwapo e pili ai, nolaila, ua mo-ku aku la oia ilokjo o ke awa ma ka aoao o ka mokukaua Kaletona.

 

            O ka huina mui o na koa a pau i lawe ia mai nei e na mokuahi ekolu he 2,500 koa.  Maluna o ka mokuahi Pekina he  1,100 koa Auseteralia he 800 koa a i ke Kulanakauhale o Kikane he 600 koa.  Maloko o keia huina he 123 mau aliikoa me na koa marina a he 73  mau luina

 

            I keia la, Poaona i manaoia ai e haalele ihio ana lakou i anei no Manila me ka ukali pu aku o ka mokukaua Kaletona, aka, e kali ana nae lakou no na lono hoope e hoike ia mai ana maluna o ke Dorika e hoea mai ana i anei i ke kakahiaka Poaono.

 

            O ka mahele elua e hoea mai ana lakou maluna o na mokuahi Kina, Zealandia a me ka Centennial, a na manao ia i keia pule ae lakou e hoea mai ai i anei, e ukali pu ia mai ana e ka mokukaua monita Monterey.

           

            Ua kauoha ia ka mokukaua Mohikana, no ka holo ana mai i anei e pani ai ma kahi o ka mokukaua Beninetona i  manao ia e haalele iho ana oia no Manila.

 

            I keia kakaahiaka Poaha i lele mai ai na keiki aukai o luna o na moku a hele makaikai ae la i ka hale aupuni a me kekahi mau wahi malalo o ke kiai makaala ana a na aliikoa.

 

-------------------------------------------------

 

MAKE O. T. H. DAVIES.

 

--------------------------------------

 

            Maluna mai nei o na mokuahi ekolu i hoea mai nei ianei i ka auina la Poakolu nei i loaa mai ai o na lono no ka make ana o T. H. Davies, ka mea hoi i hoike ae i kona manao kalaiaina maloko o na nupepa o ka mahina o Maraki i hala aku la, e paipai mai ana i na kanaka e haalele ko lakou aloha ana i ke aupuni moi, me kona nana ole iho mai ke aupuni moi mai i loaa ai kona waiwai.

 

            Ma ka la 25 iho nei kona make ana ma Enelani no, ua hoea mua mai oia ianei i ka makahiki 1857, ua haalele iho la oia i kona mau waiwai mahope nei no kana mau keiki elua.  Ua pani ae ka puka o kona halekuai i keia kakahiaka Poaha no ke komo ana aku i ke kumakena ana nona.

 

            He haole oia i kamaaina i ka lahui Hawaii, a he makua hoi no na hana pono.  Aloha no oia.

 

-------------------------------------------

 

HOOHANAIA KE KANAWAI

PIPI WAI.

 

------------------------------

 

            O ke kanawai e hookapu ana i ka pipi ana i ka wai me ka waha i hoopuka ia ae ma ka la  19 o keia mahina, a hiki mai la i ka Poaha nei akahi no a hoomaka ke aupuni e hooko i ka manao oia kanawai, ma ka hou ana he elua pake holoi i loaa aku i ka makai W. Vida i pipi ana i ka lole a laua e aiana ana me ka wai mailoko mai o ko laua waha.

 

            Ua lawe ia mai laua no ka halewai, a e hoolohe ia ana ko laua hihia i keia kakahiaka Poakolu.  He hana keia i ma i na pake hoi loi loke mai kahiko mai, aka, i ka Repubalika ae nei, ua hoolilo ia ae la ia i kanawai.  O ke kumu i lilo ai o keia i kanawai, mamuli no ia o ka na kauka manao ana, ua hoea mai kekahi mau ma'i lele mai ka waha mai o na pake e pipi  ana i ka lolle i ko lakou wa e aiana ai.

 

 

KANALUAIA KA HOOHUIANA.

 

----------------------------

 

He Paio Hahana ke Malamaia Ana.

 

------------------------

 

            He lono kuikawa kai hoea mai nei i ka nupepa Herald mai Wasinetona mai, e olelo ana:  Ua hilinai aku na poe kue i ka hoohhni aina o Hawaii maluna o Speaker Reed no ke kue ana aku i ka lawe koke ia ana mai o ka olelo hooholo hoohui aina maloko o ka Hale o na Lunamakaainana.  O na hoa o ke komite o na ainae, aole lakou i manaoio, e paniku ia ana ka manao o ka hapanui maloko o ka Hale.

 

            I ka wa i hoomaka ai o keia kau ahaolelo, ua oi aku mamua o elua hapakolu poe Senate i kokua i ka hoohui aina.  Mamuli nae o ke alakai ana a kekahi mea, ua lilo aku la ka lanakila i ka aoao kue ma o ka loaa ole ana he elua hapakolu poe koho no ka hooholo ana i ke kuikahi.  I keia wa ua hiki ke hooia ia aku, oiaai, eia ka hapanui ma ke kokua i ka olelo hooholo hoohuiana, ina he hiki ke lawe ia mai no ke koho ana, o na poe kue nae eia lakou ke hoomakaukau mai nei i kekahi mau haiolelo i kaupalena ole ia, a e hooloihi aku ana hoi  i ka noho ana o ka ahaolelo mamua o ka hookuu ana aku e hoea aku i kahi o ke koho ana.

 

            I keia manaawa e nee mua aku ana ka aha ma na hoolala ana no na mokukaua, moku halihali koa a me na moku hoolako no ke ku ana ma ia mau mokupuni no ka hooili ana i ka nanahu a me na lako e ae, a e lawe ana hoi ia Honolulu i kahua no ko lakou kue ana aku ia Sepania maloko o ka Pakipika. 

 

--------------------------------------------

 

HOPU IA NO KA HOOWELIWELI.

 

---------------------------

 

            Ua lawe ia mai o W. F. Reynolds, ka haole mua nona ka Halekuai Buke Golden Rule Bazaar ma ke kakahiaka o ka Poalua nei no ka hooweliweli ana e ki i ka pu ia Joe Smith.  Ua hoopaa ia oia maloko o ka Halewai no elua hora a oi, mamua o kona hookuu ia ana mai ma o ka bela ana a T. R. Mossman.

 

            O ke kumu o keia hooweliweli ana i ulu mai aai penei no ia:  Ma ke kakahiaka o ka Poakahi nei, ua kuai ino la oia i kona mau lako a pau, aka, aole nae i ike ka mea nona ia wahi e noho ana, i ka hoi ana mai a ka mea nona ua wahi la, ua ike iho la oia i na me i hana ia, ua lilo iho la ia he mea nona e inoino Ioa ai kona manao, i keia ike ana o Reynolds o ke hewa o keia hana ana, ua noi aku oia ia Joe Smith e kalli iki ka lawe an i ka ukana, oia no ka wa i ulu ae ai o ka hoopaapaaa mawaena o laua, a o ka hopena na kii aku o Reynolds i kana pu panapana a hooweliweli mai la e ik iaia i ka pu, ua iho koke mai o Joe Smith no ka hoike ana i ka Halewai, a na hoounaia aku kekahi makai no ka hopu ana iaia. 

 

--------------------------------------

 

HOEA KE KANIKELA IAPA

NA HANKOW.

 

--------------------

 

            Maluna o ka mokuahi Gaelic i Icaa mai ai o kekahi lono i hoopuka ia ae maloko o na nupepa o Iapana o Mei 20, e olelo ana:  Ua loaa mai nei he nuhou i na luna aupuni ma ka la 10 o  keia mahina, oia hoi, ma ka la 9 iho la, ua hoea aku kekahi poe hoohaunaele a wawahi aku la i kahi o ke Kanikela Iapana ma Shashi, a ua holo aku ke Kanikela Iapana i Hankow no ka hoopakele ana i kona ola.

 

            Aole wale no ilaiila ka lakou wahi i hoopoino ai, aka, ua hele aku lakou i na hale oihana o kekahi mau lahui e ae, ua puhi ia i ke ahi na halekuai o kekahi mau haole Pelekane o Jardine, Matherson & Co.

 

            Aole he maopopo i ke aupuni o Iapana kana koi poho e hana aku ai maluna o ke aupuai o Kina. 

 

----------------------------------------

 

UA HOAO AE E LAWE I KONA

OLA.

 

---------------------------

 

            Maloko o ka halewai ma ka la inehinei ua hoao ae la kekahi pake nona ke inoa o Ah Koon e lawe i kona ola ma ka aoao ana e oki i kona puu a-i a me ka opu me kekahi pahi pelu, ma ka auina la Poalua nei.

 

            O Ah Koon a me Niu he mau pake lawehala laua e hoao ana e mahuka maluna o ke Kinau ia kakahiaka no, mai ka hui mahiko mai o Oahu, ua hopu koke ia laua a lawe ia mai la no ka halewai mai  ka uwapo mai.

 

            Ma ia auina la no, ua hele aku Ia o Ah Koon no loko o ka haleauau, mamuli o kona loihi loa ua hele aku la ka wi.iki e huli iaia a loaa aku la oia e waiho ana iluna o ka papahele iloko o kekahi lokowai koko, e kona pu a-i ka mea i ike ia ua kukonukonu loa, a he ekolu hoi moku pah ma kona opu.

 

------------------------------------

 

            Maloko mai nei o ka Louisville Kentucky,ua kauoha ia aku kekahi kahunapule e kona hoaloha no ka hele ana mai e maare iaia me kekahi kaikamahine, aka, ua hoole aku ua kahunapule la, no ka mea, ua komo pu uo oia i ke aloha no ua kaikamahine la.  I ka lohe ana o ke kaikamahine i keia mau olelo a ke kahunapule ua hoopau ae la oia i kona manao mare me kana kane hoopau, a mare iho la oia me ke kahunapule.