Ke Aloha Aina, Volume IV, Number 16, 16 April 1898 — Page 3

KE ALOHA AINA

POAONO, APERILA 16, 1898

 

Nuhou Hope Loa

            Maluna o ka mokuahi Zealandia i loaa mai ai na mea hou o na aina mamao, a no ka pomaikai o ko makeu poe heuhelu, ke hoopuka aku nei makou me ka hookaulua ole iho:

ANEANE LOA E POHA KE KAUA

HAALELE NA AMERIKA I HAVANA

            Havana, Apr. 6.  I keia ia e haalele aku ai o Kenerala Li ia Havana.  Ua hoopihoihoi ia na mea a pau i ka ike ana.  Ua hoomaopopoia o keia nee ana, no ka hoomaka aua no ia o ka hakaka.  Ua hoopiha ia na moku Amerika a pau me na Amerika e holo ana no ka hoopakele ana i ko lakou mau ola i keia kakahiaka.

            Ki Komohana, Apr. 5.  Ua manao ia e hoea mai ana o Kenerala Li ianei i ka la apopo, a ua hookaawale ia he rumi nona ma ke Key West Hotel.  Maluna mai aua paha oia o ka Mascot a i ole o ka Fern, e paa ia la nona ma Havana.

            Havana, Apr. 5.  Ua kanohaia aku na Amerika e haalele koke me ka hakalia ole e ke Kanikela.  I ka la apopo e lawe aku ai ka mokuahi Mascot i kekahi papainoa nui hewabewa o na ohua i ike ole ia mamua.  Ua telegarapa ia i keia la e hoouna hou ia mai ona mau moku halihali ohua, a me he mea la, mamua o ke Sabati he mau tausani e haalele iho ana ia Havana.  Aole wale no i na Amerika i hookuu laelae ia ai na puka ana i waho, aka i na lahui no a pau.

 

HAALELE NA KANIKELA SEPANIA IA AMERIKA HUIPUIA

            Kapalakiko, Apr. 5.  Eia na Kauikela Sepania ke haalele mai nei ia amerika Huipuia no Sepania.  O ka luna aupuni o Sepania, Felipe de Castro, ua haalele iho oia i keia kulanakauhale a eia oia ma ke alahele e hoea aku ai i Wasinetona.  Ua haawi aku oia i kana mau palapala hope loa i na Kanikela, aole nae oia i hoike aku i kona wa e haalele ai, ua loheia mai, mai Wainetona aku oia e holo ioa aku ai no Havana, a ua makaukau o Mrs. De Castro e haalele iho ianei.

 

MAKAUKAU NA HOOLALA KAUA ANA

            Wasinetona, Apr. 5.  I ka la apopo e hoouna aku ai o Persidena Makinile i kana palapala pili ia Ouba iloko o ka Hale, a mahop aku o laila e hoea mai ai ke kaua, a ua manaoio ka Persidena e hoea io mai ana no.  Maloko o keia, ua hooiaio e kona Aha Kuhina a me na Loio i kuka pu.

            O ka hoomaka mua ana o ka hana hakaka, moloko no ia o hookahi pule, aole wale no o Amerika Huipuia i hoomakaukau no ke kaua ana nia ka moana, aka e komo loa aku ana oia no ka hakaka ana maloko o Cuba.  O ka hoolala ana no ka lele kaua ana aku ia Havana a Kenerala Kalani ma o Adam Badeau he 20 makahiki i hala ae, aole ia i poina.  Ua nana pono ia ia e Kenerala Miles, a ua makaukao no ka hooko ana aku.  I ka wa e ulu io mai ai o ke kaua e hoonua ia aku ana he mau pualikoa i Cuba.  Aole wale no maluna o na mokukana e hilinai ia ai, aka, o ka lawe pio ana mai i na awa o Cuba a me Port Rico, he pani ana aku ia i ka loaa ana ia Sepania a ka nanahu.

 

HALA HOU HE MAU PUALIKOA NO SEPANIA

            Madarida, Apr. 5.  He elua puali pukaa a me elua bataliona koa o Chasseurs i hala aku ia no Canary i keia la.  O na luina o ka mokukaua Farani Iphigene, na haawi mai lakou i na leo huro hanoli i na koa i haalele iho la, he hoike ana mai hoi i ko Iakou ohohia nui.

UA MANAO IA E HAALELE AKU ANA NA KANIKELA AMERIKA IA CUBA

            Wasinetona, Apr. 5.  Ua haiia mai ka lohe i ke Keena Mokuaina mai ia Kenerala Li ma Havana, aole he mau poino i hoomaopopo nona a me na Kanikela e ae ma Cuba, i kona wa i kanoha ia aku ai e hoi koke mai, ua hoike mai oia, maloko o uni la e makaukau ai na Kanikela Amerika a pau no ka haalele ana aku ia Cuba.  Aole i noonoo ia ke kanoha ana aku i na Kanikela, aka, ua manao ia ma keia mau la koke iho e kauoha ia aku ai lakou e hoi mai.  Ua haawi ia aku na ao ana ia Kenerala Li, e nana oia i ke ola o na Kanikela a me na poe Amerika a pau ma Cuba, a ua haawi ia aku ka mana piha no ka hai ana i na moku no ka halihali ana i na Amerika i kahi e loaa ai o ka palekana me ka nana ole i ka nui o na hoolilo.

E HAAWI MAKANA AKU ANA I MOKUKAUA

            Nu Ioka, Mar. 31.  Ua hoike ia ae i keia la, ua hooholo iho la o William K. Vanderbilt, i na e ulu io mai ana he kaua mawaena o Sepania a me Amerika Huipuia, e haawi makana aku ana oia he mokukaua, nona ke kumukuai o $5,000,000 no ke aupuni o Amerika Huipuia.  Mamuli o kona manao ana o ka hana kupono ia e hana aku ai no ke aloha i kona aina hanau.

KOKOKE LOA I KAHI O KA HOOKAHE KOKO

            Havana, Mar. 31.  O kekahi karaima a kekahi paele i hana ai ua kokoke loa aku ia i kahi o ka hookahe koko weliweli ma Guanabacoa, ma kokahi aoao mai o ke kaikuono o Havana, ma o kona kipu ana ia Lutanela-Kenela Benedito o ka Bataliona La Reina, ma ka la inehinei i ka wa i kipa aku ai o Benedito ma ka home o Kauka Francisco Vidal, 5 Cameiera.  I ka wai lohe ai na koa malalo o ke alakai ana a Konela Benedito no ka poino o ko lakou alakai, na hoopiha koke ia lakou me ka inaina a paikau hele ae la ma na alanui me ka hooma waewa ana aku i na poe e maalo ae ana.

            Ua uhau ia aku lakou me hope o ka pu a me ke paiahalaha hoi o ka pahikana, a ua lawe maoli ia aku kekahi poe no loko o na pakoa no ka hoopaa ia aua, aka ua hookuu ia no nae mahope mai He etna mau mea i loaa na paiapu kuhohonu.  Ua lawe ia aku o Konela Benedito no ka Hakipila Alfonro Doce no ka lapaau ia ana.

 

MANAOIO O MADARIDA AOLE E HILI KE PALE IA AE KE KAUA

            Madarida, Apr. 3.  Ua hooholo ae ka Aha Kuhina o Sepania, e hookaulua iki iho i ka hoouna ana aku i na moku topido e kali nei ma na mokupuni o Cape de Verde, a hiki i ka wa e kanoha ia aku ai.  E huipu aku ana me na aumoku topido, na mokukaua Emperor Charles V, nona na tona kaumalia he 9235, Alfonso XII, 5,000 tona, Inafanta Maria Teresa, 7,000 tona a me Cristobal Colon, 6840 tona, a e ukali aku ana lakou ma ka huakai a ua moku topido no Cuba.

 

HOOPUKAIA NA KAUOHA NO KA PULE ANA

            Madarida, Apr. 3.  Mai na awai mai a pau maloko o Madarida i keia la, ua heluhelu mai na kahuna he leta mai ka Bihopa mai ana, ua manao oia aole e hiki ke pale ia aku ke kaua, a e kauoha mai ana e haawi ia na pule no pule no ka pomaikai o na pualikoa Sepania.

 

HAAWI  IA NA KE KANIKELA BERITANIA E LA WELAWE I KA OIHANA KANIKELA

            Nu Ioka, Apr. 3.  Oka mea kakau o ka nupepa Herald ma Wasinetona, ua hoike mai nei oia Ua ao ia aku nei o Kanikela Kenerala Li e haawi aku i ka lawelawe ana o ka oihana Kanikela Amerika ia Gullon, ke kanikela o Beritania Nui malaila, ua pau na ha i ka hoolala, o keia mau hoomakaukau pupuahulu ana mamuli no ia o ka haalele koke ana iho.  He manawa loihi loa kai hoolilo ia mawaena o Kenerala Li a me Kanikela Gullon ma ke kuka ana, a ua ae aku oia e lawe mai ia oihana, ina e kauoha ia mai ana o Keneral Li e haalele iho ia Havana maluna o ka mokuahi Fern.

 

HE EKOLU MAU MOKU TOPIDO HOU O SEPANIA

            Cadiz, Apr. 3.  Ua hoea mai nei ka moku topido wawahi Proserpina.  O ka mokukaua Princessde Asturias, ua haalele aku la oia i kona uapo i hoomaemae ia ai, a e holo aku ana oia no kahi hooili lako kaua.

            He heluna nui o na kauaka hana kai ohi hou ia no ka hana ana i na moku topido Retamosa, Barcelona a me Colon a eia lakou ke hana ia nei me ka puahi nui.

 

AIA HOU IA PUULU MOKU TOPIDO O KEPANIA KE KALI LA

            St. Vincent, Apr. 5.  O na aumoku topido malalo o ke alakai ana Komodoa Villamil, eia no lakou i anei.  He ekolu o na moku topido i hoea mai la ianei i ka la hookahi, a he ekolu hou mahope mai, a me ka moku halihali ukana.  Aole he mau moku hou ae i upu ia e hoea mai ana Eia lakou a pau ma ke kulana makaukau.  He ehiku ko lakou nui, he ekolu moku topido, ekolu moku topido wawahi a me hookahi mokuahi i hoolilo ia i mokukaua nona ka inoa o Cinded.

 

KA LILO NO KA HAKAKA ANA

            Nu Ioka, Mar. 31. – Wahi a Lutanela Konela Kimball i keia la:  Me ka helu ole ia o ka lilo o na ola i make a me ka pii mahuahua ae o ka papa inoa o ka poe uku hoomau, o ka lilo o ke kana no ka mahina he $100,000,000.  O ka lilo uo kela ame keia kiia ana o na pukuniahi nunui kiai o na kapakahakai he $1,500.  a o ka lilo no ka hooili kaua ana mawaena o kekohi mau mokukaua he $100,000,000 i ka hora.

 

KE KANAKA I KALI LOIHI

            Colton, Mar. 18.  O John E. Wilson e noho ana ma kekahi aina hanai holoholona e kokoke ana ma Cucamonga, na hoi mai nei oia mai El Paso, Texas, me kekahi waiwai makamae, mahope o kona kali loihi ana no 14 makahiki, oia hoi he wahine opio ui.

            Ma ka mahina o Dekemaba 1883, o John Wilson, he kupakako no loko o kekahi hale kuai me-ai ma San Diego, ua hoi aku oia e ike i ka home o kona makuahine ma Louisiana, a ma keia huli hoi ana na kipa ae la oia ma ka home o ka hoaloha o koua makuakane, oia hoi, o Benjamin Deuchler, a ma keia hoea ana malaila, ua komo koke iho ia ka iini iloko ona no kekahi wahi kaikamahine a ka hoaloha nona na makahiki he 6 wale no, a o kona mau makahiki hoi ia wa ma kahi no ia o ka 21.

            A mai ia manawa mai ko laua hooipoipo ana me ke kakau leta mawaena o laua iho a hiki i ka wa i piha iho la o na makahiki o ka wahine opio i ka 21.

 

AOLE I MAKE O ANDREE

            Vitoria, B. C. Apr. 5.  Ua hoea mai nei mai St. Michael, Alaska, i keia la o Jack Carr, ka haole lawe leta o Amerika Huipuia.  A ua olelo ae o Carr, ua loaa iaia kekahi manu nunu a Andree.  E olelo ana ua pae maalahi aku o Andree i ka aina.

            He eiwa mahina i hala ae nei mai ka lohe hope ia ana o Andree O Andree, oia no ka haole i lele ai maluna o ka baluna no ka huli ana i ka welau akau, ma ka la 11 o Iulai.  He elua mau haole e ao i ukali aku ma keia huakei imi welau akau ma ka lewa, he eha mau manu i hookuu ia i loaa i kekahi poe e hoike mai ana he maikai no lakou lie mau la hoi mahope iho o ko lakou lele ana i ka lewa, aka, mahope mai nae, aole he wahi lono i lohe hou ia no lakou, a hiki mai la i keia wa MAHUKA KE KAMAALIIWAHINE LOUISE

            Ladana, Mar. 24.         O ka mea ka nupepa Daily Mai@ma Viena, na hoike mai nei oia.  O ka haalele koke ana o ke Kaina liiwahine Louse o Saxe-Coburg-Gotha, ke kaikamahine hiapo a ka Moi Leopolo o Belgiuma a wahine hoi a ke Keikialii Philip o Saxe-Coburg-Gotha a me ka nalowale koke ana o Lutanela Mattachich-Keglevith (ka mea hoi i hakaka lua mai nei me ke Keikialii Philip), ua manao ia na holo mahuka aku laua.  Aole he maopono o ko laua wahi i hele ai.  He puu dala ka ke Kama‘liiwahine i hoouna aku na kana kauwa ma Monte Carlo.  Ua lawe ia mai na keiki ma Gotha e ke Duke mai, no ka hookaawale ana ia lana, aka, aole nae he makemake o ka Emepera e hana ia ma Viena.  Ua puka ae ka hoolaha a ke Keikialii Philip maloko o na nupepa o Parisa, aole loa oia e uku i na aie o kana wahine.

 

ULU HE HAUNAELE MAWAENA O NA PAKE A ME NA GEREMANIA

            Ladana, Aper. 2.  Ua niu mau ae na hauuaele mawaena o na Pake a me na Geremania ma Kiaochou, wahi a kekahi lono mai Shanghai mai.  Ua lele kaua aku na Pake maluna o kekahi koa marina Geremania me ka hoao ana e hoopakele i kona ola, ua make iho la he hookahi Geremania a me hookahi Pake, a he lehulehu wale i hoehaia.

 

HE MAU PAA MARE AOO

            Salinas, Apr. 1.  Ua hoopuka ia aa e Kalar kekahi palapala ae mare no kekahi paa mare aoo no laua na inoa o E. K. Hall, he kanaka hanai holoholona e noho ana ma kahi kokoke i Bredlay nona na makahiki he 78 a me Rebeka Liebrandt nona na makahiki he 72.  He mau mea laua i kamaaina ma ke awaawa o Salinas no kanakolukumamalima makahiki, a aole hoi o laua i mare mua, mahope o ko laua hoopalou ana no umi makahiki.

            Ma ka horn 7:30 p.m. o ke ahiahi Poaha, Aperial 7, 1898, ua hoohui ia ae ma ka berita hemelele o ka mare e ka Rev. J. Waiamau o Jos. R. Milis o ka ua Kukalahale o Honolulu me Miss Emily K. Kaleikini o ka makani Kilioopu o Waihee Maui ma kahi noho o ke kane laua i hipuu paa ia ai iwaena o kekahi poe kakaikahi.