Ke Aloha Aina, Volume IV, Number 16, 16 April 1898 — Page 1

KE ALOHA AINA

 

BUKE IV.      HONOLULU, POAONO, APERILA 16, 1898       HELU 16

 

KA NUPEPA KE ALOHA AINA

 

E hoopuka mau ia aku ana mai ka Poakahi a ka Polima o na pule a pau o kela a me keia mahina.

Ka Uku Pepa,. he 20 keneta o ka pule. No ke kope hookahi, he 5 keneta.

E loaa no ka pepa maike Keena aku o KE ALOHA AINA, a mai ka lima aku o na Luna Lawe Pepa.

E pai ia no na Olelo Hoolaha, na Kanikau a me na Mele Inoa, me ke Dala kuike. Aole nupepa ma ka owili pakahi e hoouna ia ke ole e hookaa mau i a ka uku pepa.

E hoouna pololei mai i na Nuhou na Kumumanao, na Olelo Hoolaha, na Kanikau a me na Mele Inoa i ka Lunahooponopono o keia Pepa.

Aole loa e hoopuka ia a hoolaha ia kekahi manao ma na kolamu o keia Pepa, malalo o kekahi inoa kapakapa ke ole e hooike mai i ka Lunahooponopono i kona inoa ponoi.

 

Ka Nupepa Puka Pule

 

KE ALOHA AINA

Hookahi Makahiki……$2.00

Eono Mahina…………..1.00

Ekolu mahina………….  .50

Hookahi Mahina………  .20

 

EMMA A. NAWAHI.

Puuku o

Ke Aloha Aina

EDWARD L. LIKE.

Lunahooponopono a Hope Puuku

S. P. KANOA.

Hope Lunahooponopono.

O na kauoha Nupepa me na hookaa Dala, e hoona pololei mai i ka Puuku ma Honolulu.

 

Nuhou Kuwaho.

            Maluna o ka mokuahi Belgic i loaa mai ai na mea hou o na aina mamao, a no ka pomaikai o ko makou poe heluhelu, ke hoopuka aku nei makou me ka hookalua ole iho:

KE OLAI IKAIKA LOA.

 

PAU NA HALE I KA HIOLO.

            Kapalakiko, Mar. 31.—Ma ka hora 11:43 o ka po nei na hoonaueue ia ae ke kulanakauhale o Kapalakiko nei, e kekahi oiai ikaika loa i ike ole ia no kekahi mau makahiki loihi i hala ae nei. He 10 sekona ka loihi o ka hoonaueue ia ana o ka honua. Ua pau na puka uwahi i ka hiolo o kekahi mau hale i ka hanee, o ka hale ma alanui Clemetina, ua hoohioloia, a o kekahi poe ua pau aku i ka lele ma ka puka aniani.

            Vallejo, Mar. 31.—Ua oi loa aku ka ikaika o ke olai ma ka pa kapili Mea Ailana, mamua o aka o ka aina paa. O ka halemai o na Aumokukaua Moana kekahi o na hale paa loa ia he 29 makahiki i hala ae nei i kukuinia ai, ua pau kona mau paia i ka hiolo, a ua pakele mahunehune aku he 50 mau mai e waiho ana maloko o ka halemai, a he lehulehu wale na hale oihana i hiolo, a ua koho ia, o na lilo a pau no ka hoomaemae hou ana, e hiki aku aua no ia i ka $2,000,000; a ua hoonakanakaia ua paia pohaku o kekahi mau hale he lehulehu wale.

            San Rafela, Mar. 31.—He hoonaueue oiai kai i keia mamau iho o ka waenakonu po maanei. Ua pau na puka aniani i ka nahaha, a he lehulehu wale na poe i holo aku iwaho no ka hoopakele ana i ko lakou mau oia.

            Santa Rosa, Mar. 30.—O kekahi keia o na oiai ikaika i ike ia maanei. Aole he poe i hoehaia, aka, o na puka uwahi a pau o ke kulanakauhale nei, ua pau i ka hiolo, a o na aniani nunui o na puka aniani o kekahi hale oihana, na pau aku lakou i ka nahaha O ka hale oihana nona ka inoa o Pony, ua pau na puka aniani i ka hiolo.

            Sonora, Mar. 31—Ua kipa mai kekahi oiai ikaika i keia kulanakauhale ma ka hora 11:45, kekahi hoi o na oiai nana i hoohaikea ae i na helehelena o kekahi poe me ka piha makau. He nui na hale i hoopoinoia, ua pau na paia i ka hoonakakaia, a o na puka uwahi o kekahi mau hale he lehulehu wale ua pau i ka hoohioloia. O kekahi mea kupanaha i ikeia ma ka aina mahiai o Kapena H. E. Boyes. O ka wai iloko o kekahi luawai, ua hapai ia ae ia a kiolaia aku la he wahi okoa, me ka wahiho ana iho i ua luawai la he aina maloo.

 

HE OIA POAKAHI E LOAA AKU AI KA PANE A SEPANIA.

            Nu Ioka, Aper. 2.—I ka mea kakau o ka nupepa Herald ma Wasinetona, ua hoouna mai oia i keia mau olelo malalo iho: Ua hai ia mai ia’u ma keia po i noho ai o ka Aha Kuhina, ua hooholo ia e hoouna aku i mau hoike hope ia Sepania e koi aku ana me ka manao kupaa e ae koke mai oia ma na ano a pau i na koi a ka Peresidena.

            Nu Ioka, Aper. 1.—Ua loaa mai nei he lono telegarapa mai ka mea kakau mai o ka nupepa Herald ma Wasinetona e olelo ana: I na e hala keia mau ia ooloku, alaila, e hoea mai ana ke kaua. O ka Makinele hai hope ia Sepania ke keehina i koe i manaoia. O ka manao hai hope, me he mea la i ka Poakahi ae nei, alaila, o ka hoomaka no ia o ke kana.

 

AOLE LOA E AE ANA O SEPANIA E LOAA KA MALUUIA.

            Madarida, Aper. 1.—Ua hoomaopopo loa ia i keia la na hala loa aku la o Sepania ma o kona Aha Kuhina la mawaho o ka hiki i ka lahui ke hana. Wahi a ka nupepa Liberala e kokua la ia Sagasta, na olelo oia: Ina o Peresidena Makinele e ae ana ia mea, alaila, o na poino e hooweliweli nei i ka noho maluhia ana e emi pu ana ia, a o ke kue mawaena o na aupuni e pau ana ia. Ina aole oia e ae ana; alaila, e hana aku ana makou e like me ko makou mau lunaikehala i iko ai he pono, no ka malama ana i ko makou mau pono a me ko makou hanohano.

           

HOEA NA AUMOKU TOPIDO O SEPANIA IA PORT RICO.

            Nu Ioka, Aper. 1.—He lono mai Wasinetona mai, e olelo ana: Ua hoea aku la i Port Rico na aumoku topido o Sepania no lakou ka huina o 13. He ekolu mau mokukaua hoopahu topido o loko o keia huina, no lakou na inoa Don Maria De Molino, Marquis de la Victoria a me Don Alvaro de Bagan, he 850 tona pakahi ko lakou, a na lakou ka mama holo o 20 mile i ka hora He eono mau moku topido wawahi no lakou na inoa Furror, Terror, Audarg, Osada, Poluton a me Prosperusa he 400 tona pakahi ko lakou kaumaha, a he 30 mile ko lakou holo i ka hora. He eha mau waapa topido iloko o keia huina, no lakou na inoa Halcona me Azor he 108 tona pakahi ke kaumaha, a he 24 mile ko laua holo, Ariete a me Rayo hoi he 97 tona pakahi ko lana kaumaha a he 26 mile ko laua holo i ka hora. O ka hoike ia aua mai o keia hoea ana aku la o na aumoku topido, ua hoohikiele ia na luna aupuni o ke Keena Kaua Moana, no ka mea, aole i manao ia e hoea koke aku ana keia mau moku ilaila me ke kuupau ia o ka holo ma keia huakai aumoana loihi me ka hookau Ina ole ia ma ka moana no ka hooili nanahu ana mai na moku nunui e ukali pu ana. Aole i loa mai i na luna aupuni na lono pili aupuni no ke ku ana aku la o na moku topido ilaila, aka, ua manaoio ia no nae ua pololei keia mau lono.

            He mau ia wale no koe i upu ia ai a hoea mai ma ke awa o Port Rico na mokukaua Cristobal Colon a me Maria Taresa a me ka moku topido Destructor, e hoouna ia mai ana hoi mai Sepania mai no ka hoopuipui ana aku i na moku topido. Alaila, i ka wa e hoea mai ai oia mau mokukaua e loaa ana ia Sepania he hookahi ulu moku nui maloko o laila, he eha mokukaua o ka papa ekahi, ekolu mokukaua lawe topido, ehiku moku topido wawahi a me eha waapa topido. Ua hoomao popo ia, e hoomahuahua hou ia aku ana no ka ikaika o Sepania ma ia mau kai, ma ka hoouna ana mai i ka mokukaua hakaka o ka papa elua Victoria a me Alfonso XII a he lehulehu wale o na mokukaua a me na moku topido e hoomakaukau ia la me ka puapuahulu nui no ka hoouna ia ana i Cuba.

 

HE OIA MAU KO SEPANIA LIULIU KAUA.

            Madarida, Mar. 30.—Wahi a ka nupepa El Pais, he eha mau mokukaua i loaa ia Sepania ma Farani, a aia no ke noonoo ia la ke kuai ana aku i kekahi mau moku topido o Beritania Nui. Ua olelo hou ae ka El Pais, e holo koke aku ana ka moku topido Eleeu mai Cartagena aku no Cadiz, a malaila e huipu hou aku ai oia me kakahi ulu moku e houluulu ia la malaila, aia ke hele la na enekini o na pualikea no na mokupuni o Canary a me na mokupuni Balearic no ke kukulu ana i na papu kaua. O Italia, waho no a ka El Pais, ua makaukau oia i ka hoolilo aku i ka mokukaua Garibaldi o 6,840 tona a me ua lako kaua a pau ia Sepania. He elua mau regimana koa e holo aku ana i ua mokupuni Canary no ka hoomahuahua hou ana e i ka ikaika kaua o na pakaua o Sepania ma ia wahi.

 

HAALELE NA MOKUKAUA O SEPANIA IA HAVANA.

            Havana, Aper.—O na mokukaua Sepania Vizcaya a me Oquendo, ua haalele iho laua ia nei i keia po ma kekahi alahele pohihihi. Aole he mau lono aupuni i hoikeia mai no ko laua wahi i holo aku ai, aka, ua koho wale ia no nae, aia laua ke holo ia ma ke alahele e hoea aku ai i Port Rico no ka malama ana i na moku topido. I ka wa i lohe ia ai e haalele iho ana ua mau mokukaua la, ua hoea aku he mau tausani poe ma na uwapo no ka makaikai ana i ko laua wa e haalele iho ai i ke awa, aka, aole nae i haalele iho ua mau mokukaua ia a hiki i ka poeleele ana i holo aku ai. Ua olelo ae na Sepania, e hoi hou mai ana no laua me ka lawe ana mai ia na aumoku topido.

 

MAKEMAKE NA ILIKINI E HAKAKA.

            Sioux Galls, Aper 1.—He eono haneri Ilikini Siuox mai Pine Redge Agluey i telegirapa mai i ke Kiaaina Lees, ua makaukau lakou e komo iloko o na pualikoa ina e ulu io mai ana ke kaua me Sepania. Iloko o na puali eono lakou e mahelehele ia ai, a e alakaiia ana hoi e ko lakou mau alakai wiwo ole.

 

            He 1,300 ka nui o na poe i kakau inoa malalo o kekahi pala pala no ka hoonee mau ana aku i ke kaauwila hou, i waihoia aku maloko o ka Hale Akaolelo ma ka la inehinei.