Ke Aloha Aina, Volume IV, Number 12, 19 Malaki 1898 — Page 8
| This text was transcribed by: | Kate Motoyama |
| This work is dedicated to: | auntie vickie i'i rodrigues |
KE ALOHA AINA
8 KE ALOHA AINA, POAONO, MARAKI 19, 1898
--
HE MOOLELO WALOHIA
--:NO KE:--
Keikialii Alabati
--
Ke Kaeaea o Pelekane.
--: A ME KA:--
Ui Madelina.
--
Ke Kukui Uwila o Ainapo
Hoohenoia no KE ALOHA
--
He oiaio, o ko'u hanau ana mai ma keia wahi i kupono ole i kou ihiihi alii mai ka po mai, he hoike oiaio ia no ko'u lilo ana i makaainana malalo o kuu makuakane alii, a he lepo nuho kuewa no hoi ma keia wahi a kaua a me na elemakule i noho ai.
A pela no wau e hoohihi nei e noho ma keia wahi a na'u no hoi e imi au ia olua, oiai, ua maopopo ia'u he kuleana ko'u e hiki ai imua ou a me ka lehulehu a pau o ke aloalii ke apono mai nae hoi oe i keia mau olelo a'u e kamailio nei imua ou, aole no hoi he hoowahawaha ia olua na makua a me ka lehulehu.
Aka, no ke aloha i kahi e holoholo ai, a ua lilo hoi i mea punahele loa iloko o ko'u puuwai, i oi aku kona anoi ia e a'u, mamua o na mea a pau i loaa ia'u, mawaho ae ou e kuu makua aloha.
O keia mau olelo a ke keiki opio imua o kona makuahine, oia kana i apono koke mai ai, me ka hui a kuka pu ole me kana kane, aka, ua maopopo no iaia kana mea e hana ai, a oia no hoi ke ku@u o kona ae ana.
Hoi aku la oia a huipu me ke Keikialii Alabati a mahope o ko laua hui ana ae no ke kuka ana no ko lakou hoi, oia hoi ka wa i hoike aku ai o ka Ui Madelina i ka manao o ka laua keiki, e hoike ana, aole oia kekahi e hoi pu ana ma keia huakai.
Iloko o hoi o keia mau la a na poe a pau, i hooluana ai ma keia wahi a ka Ui Madelina i noho ai me kana keiki, ua lilo na hoaloha elua, oia hoi ke keiki noho kuahiwi a me ka opio o ke kapa kila, a ua kulike no hoi kona manao, e noho no oia ma la wahi me ko ka opio.
Mamuli o keia ae ole ana o ke keiki opio, e hoi pu me ka huakai a ka moi, nolaila, ua hoonoho ia iho la kekahi mau mahele kaua lio, no ke kiai ana i ke ola o ke Keikialii opio.
A mamuli hoi o ka manao o ka Moi Uilama, ua hooholo iho la oia, e kuahaua ia ka lahui no ke kukulu ana i mau hale noho no ke keiki opio a me kona mau kanaka.
Ua hooo io ia ka hana iloko o ka wa pokole, a mamua ae o ka piha ana o ka pule, ua ku a lehulehu na hale i paa i ka hanaia malalo o ke kauoha a ka Moi Uilama, a me ia mau lako i haalele iho ai oia a ae @ Luakai holokoa i ka home no o @ o ke keiki opio.
Oiai na mea a pau e liuliu ana no ka hoi ana, aia hoi ke aloha wela @loko o na makua a me ke keiki, ke hana mao ole la iloko o ko laua puuwai, a ke hanini la hoi na waimaka o ke aloha kupilikii mai ko laua mau lilhilihi mai.
Hui ae ia lakou no ka manawa hope loa, a kamoe aku la ka huakai alii no ka hoi ana i ke kulanakauhale o Ladana, a i ukali ia mai no hoi e ke keiki noho kuahiwi, ka oiwi opio o ke kapakila a me ko laua mau ukali pu hoi.
Ma keia wahi, e hookuu aku ana kakou i ka Moi Uilama ka wahine, ke Keikialii Alabati a me ka Ui Madelina, e hoi no lakou no ka home, a e huli ae hoi kakou no ka nana ana i ka noho ana o na hoaloha olua, a me na kanaka malola o laua.
Ua hoonanea mau ia na opio noho kuahiwi me ka hoohala mau ana i elua manawa no laua e bele ai iloko o na ululaau, ma ka hahai ana i na holoholona, a pala aku, a iloko hoi o keia mau manawa, me he mea la, ma ka nana aku a na mea a pau hookahi o laua manao a hookahi hoi ka hana, ma na mea a pau e hana ai a kekahi o laua, e kokua aku ana kekahi i ka hana ana.
I kekahi la, oiai ka opio me ke kapakila e kau ana maluna o kona lio no ka hele ana iloko o na ululaau, aia no hoi kona kokoolua ke liuliu mai ia no hoi i kona lio, no ka hele ana ma kona wahi i manao ai, elike no hoi me ka kona hoa e hele nei.
Kau ae laua maluna o na ho, a kamoe pololei aku la no na wahi like ole oloko o ka ululaau e lohe ana hoi i na leo mele ikuwa o na manu, mailuna mai o na lala laau like ole.
O keia mau mea a laua e hoohihi nei, he mea hooi aku ia i ka hauoli iloko o ka puuwai o ua mau opio la, ma ka lohe ana i ko lakou mau leo mele like ole, a me ka nani makalpua hoi o ko lakou mau hulu.
O ko laua kamaaina mau i ka maka o na mana a me na holoholona, me he mea la, ua hoolakalaka ia lakou a pau imua o ko lakou alo, a ua hiki hoi ia laua ke milimili i ko lakou mau kino, elike me ko laua makemake.
I ko laua komo pu ana aku iloko o ka hihipea o na laau e olokea ana ko lakou moe ana, lele iho la ka opio o ke kapakila mailuna iho o kona lio, a hoopaa aku la i kona lio ma kahi kupono, a o kona kokoolua hoi, hala aku la oia ma kekahi aoao o ka ululaau.
Halo aku la na maka hiaai o ua opio la o ke kapakila, a ike aku la oia i ke kalie uliuli ae o ka wai o ke kahawai, nolaila, hooholo iho la oia i kona manao, e iho oia e inu wahi wai, a e anau pu hoi, oiai ka la e hoopumehana ana i na I u I au oloko o ua wahi la ana e hele aku nei.
I kona hiki an aaku ma kapa o ua kahawai la e kahe ana o ka wai, nana ae la oia mao a maanoi, a ike iho la, eole mea nana e ike mai kona auau ana.
Nolaila, wehe ae la ola i kona aahu e uhi ana i kona kino, oie hoi ke kapakila, a koe iho la kona mau aahu maloko loa, oia hoi kona aahu wahine.
A me kona manao hauoli no ka uhuli lipolipo o ka wai o ke kahawai e lana ana, nolaila, awiwi iho la oia i ka wehe ana i kona mau lole a pau e uhi ana iaia, me kona noonoo ole ae, e hoea mai ana kekahi mea mahope on a.
A oia hoi kona wa i lele aku ai iloko o kekahi kiowai i hele a uliuli lipolipo ma ka nana iho a kona mau maka, a ua lilo hoi ia i mea e hauoli loa ai o kona noonoo.
A oiai hoi, ua hele kona kino a maluhiluhi i ka hele ana, a me ka ikiiki wela hoi o ka la, na ia mea i hooloihi aku i kona manawa e auau ai iloko o ka wai.
Aka, iaia nae e au ana i o a ia nei, me ka hookuuwelu ana i kona lauoho e pulelo ana iloko o ka wai, a oia no hoi ka wa ana i puiwa ae ai i ke pohapoha mai o kekahi mea halulu maluna mai o kahi ana e auau ana.
Aka, aole nae oia i haupu ae, he kino kanaka ua mea la ana e lohe aku nei i ke pohapoha mai o kona mau kapuai wawae, a hiki i kona wa i ike mai ai o ua mea la ana e ike mai nei, aole ia he mea okoa, aka, o kona hoaloha no ia oloko oia ulunahele.
Oiai nae hoi aohe ana hana e ae e hana ai, nolaila, hoomau iho la no oia i ka auau ana, me ka nana ole mai i keia mea e hele aku nei, me he mea la, e hoike okoa mai ana no oia, aole oia i ike iaia, a i ole, nana no hoi ia e kahea aku iaia, i hiki ai iaia ke noonoo i kana mea e pane mai ai, i ka wa e ninau ia aku ai.
O ke keiki opio hoi, aole no oia i manao a i haupu iki ae hoi, eia kona hoaloha o ke kapa huna ke auau wahi wai nei ma kona alahele e hele aku nei.
Aka, iaia nae i kokoke loa aku ai ma kahi o ke kiowai a kona hoa e noke nei i ka auau, akahi no oia a hoohikilele ia ae, mamuli o kona ike ana aku i na owili lauoho uliuli e maewa ana iluna o ka iliwai, i ku like ole hoi me ko na kane.
Oiai hoi na maka o ua mea la e auau ana, ua uhipaa ia iho ia e kona mau owili lauoho, a ua hiki ole i kekahi mea ke ike mai owai la ua mea la e auau ana.
A no ka nana ole mai o ke kaikamahine opio o ke kapa kila, ka ui nohea o ke kapa huna, ua kahea maoli aku la ua opio nei, me ka ninau pu ana aku i keia mau huaolelo e hiki ai i ua ui la ke nana mai.
KE KUAI HOEMI NUI
, , , MA KAHI O . . .
L. B. KERR
He emi loa ke Kumukuai o na Wai
wai i hoopakele ia mai mailoko mai
o ka Pauahi Nui o Ladana,
Dekemaba , 1897.
Malaila o L. B. Kerr wa me
kana mau dala e kuai aku
la oia la mau Waiwai a
pau, e ke Kuai Hoemi
ia aku nei i kela wa
Na Lole Aahu ma na kumukuai e hoopui wa ana ia oe. Na Haimaka me na kaekae waihooluu he 20, 25 a me 35 keneta o ka Kakini. Na Dimiti Keokeo he 5 keneta o ka i-a. Oganadi he 12 1-/2 o ka i-a. Na Dimiti kahakaha maikai loa 15 i-a i ke $1.00, Lawn Enelani 15 i-a i ke $1.00. Lihilihi Valenciennea he 25 keneta o ka kakini i-a.
Mai hoohala i keia wa maikai:
O kela hale ua lako ia me na Paikini Hou
Ka Rumi Hana Papale. o na Papale i hoouna ia mai Parisa a me
Ladana mai, e loaa no ia oe na papale Pa-
* * * risa mamua o kou hele ana Ilaila. Na Papa-
le i kinohinohi ia mai ka 1.00 a pii aku.
L. B. KERR.
Honolulu--Alanui Moiwahine--Honolulu
--
E ka ui nohenohea o keia la malie, ka mea hoi nana i hooki i ke kani ana o na leo himeni o na manu a i kaohi aku hoi i ka have ana o na leo ahiu weliweli o na holoholona o loko o keia ululaau kanaka ole.
Mai ko'u wa uuku mai o ko'u holoholo ana maloko o keia mau ululaau, aole loa au i ike i kekahi mea kino wahine, i oi aku kona ui a me ka nani mawaho ae o ko'u makuahine elike me oe, ka mea hoi a'u e kaena nei, aohe on a Iua ma ke ao holookoa.
Aka, ua kuhihewa nae ia manao ana o'u, oiai, ka hoike mai nei kou mau owili lauoho uliuli, a me kou nani nohea, i ka oi palua ana aku o kou mau helehelena mamua o na mea a pau i ikemaka ai ma keia ilihonua, a pehea la oe i hiki mai ai ma keia wahi?
I ka wa o ka wahine opio i lohe pono mai ai i keia mau hua ninau a kona hoapili hoi oloko oia ulunahele, a laua hoi a elua i manao ai, o ko laua wa iho la ia e ike ai kekahi a me kekahi me na hiohiona huna o ka ui o ke kapa kila.
A Oia no hoi ka wa a ua kino wahine opio la i wehe pono ae ai i na puolo lauoho e uhi ana mamua o kona mau maka, a me ka leo hoi o ka mea i piha mua kona mau naau me ka iini, pane mai la oia me ka leo i hele a pepe i ka wai o Niuhi i ka i ana mai:
E ke keiki opio, nona na helehelena i hoeha mai i kuu iwi aoao, i na sekona mua o ko'u ike ana aku nei ia oe, a oiaio hoi, aohe a'u mea nui e ae e pane aku ai no kau ninau, i haawi mai nei na'u e hoike aku.
Koe wale iho no keia, he wahine au i hoopilikia ia ko'u manao, mamuli o ke aloha no kekahi mea au i ike ai, a i kamaaina hoi i kona mau helehelan, a malalo oia kumu, ua waiho aku la i noho ana pilikia ole me ka ohana, a hele kuewa mai la maloko o keia mau ululaau, me ka noonoo ole i ka luhi a me ka inea o kela pohu kin@ ana.
Na ka wela a ka la i kono mai ia'u e kipa mai ma keia kahawai, a e auau iho, i wahi e hoomaalili ia ae ai ka hahana wela o ka la e aaki ana maloko o keia mau ululaau, a pela iho la au i loaa mai la ia oe e auau ana ma ka wai o keia kahawai, i hele a lipolipo.
O keia mau olelo a ka ui o ke kapa kila, ua hoopahaohao aku ia i ka noonoo o keiki nona ia apapa, mamuli o kona koho ana mai i ka manao, aia he mea nui iloko o kela wahine opio o kekahi mea ana i iini nui ai, a oiai hoi na manao uluku e e lapa ana iloko o kona houpo ia manawa, aia ia ke hana mao ole la iloko on a ia manawa, a oia hoi kana i pane aku ai me ka leo malie, i ka i ana aku.
A laila, aia anei maluna o ka ili o ka honua ua mea la nana i hoolilo ia oe i mea hele auwana maloko o na ululaau, a in a he mea oluolu i kou manao e hoike mai ia'u, i kona wahi i noho ai a me kana hana.
E hana no au i na mea a pau e hiki ai ke loaa ua mea la, o ka make ka mea nana e hooki i ko'u huli ana i uamea la nana @e i hoeha aku.
A i wahi hoi e hooiaio ia ai ka'u mau olelo, he heomanao oe, ma ka inoa o Alahe ka Mana Loa, aole loa au e hoi hope ma ka ka'u olelo ana, imua no ka hopena o na mea a pau.
I ka wa i lohe pono mai ai o ua @i la i keia mau olelo a kona hoa uhaiaholo o na la i hala ae, ua ulu ae la iloko on a ka noonoo maikai ana, oia hoi, e noi aku oia i ka oluolu o kona hoa, e hoohiki mua mai laua, i na paha ho hiki iaia. ke hoike aku i kona mau manao a pau, me ka hiki ole iaia ke hoole mai.
--
J. H. WIDMAN.
Kauka Lapaau no na I'o Ulu.
NA HORA HANA:
9 a.m., a hiki i ka hora 11 a.m.
3 p.m., " " " " 5 p.m.
--
Ua hiki ia u ke hoola i na i'o ulu (corn) ma kekahi ano hana hou, a e hoola pu hoi i na mikiao i ulu iloko o ka i'o me ka eha ole. He hoola iloko o ka wa pokole.
--
Ua hiki ke hele aku ma ko oukou mau home in a e hoike mua ai oukou i ko'u keena hana a i ole ma ko'u home i ko oukou wahi i noho ia.
march 1. 1m-dlv.