Ke Aloha Aina, Volume IV, Number 10, 5 March 1898 — Page 8

KE ALOHA AINA

 

8    KE ALOHA AINA,  POAONO  MARAKI  5, 1898

 

HE HOOLELO WALOHIA

- :NO KE: -

Keikialii Alabati

 

Ke Kaeaea o Pelekane.

-: A ME KA :-

Ui Madelina.

Ke Kukui Uwila o Ainapo

Hoohenoia na KE ALOHA AINA

 

 I ka wa i hapai io ae ai o ke kanaka opio o ke kapa kila i kanu ukana maluna o kona paohiwi@, oia no hoi ka wa a ka opio o ke kuahiwi e nana aku nei me kona mau maka hoohuoi no keia hana eleu a kona hoa.

 A no ia la hoi ka hana pela, ua lalau iho la no hoi keia i kekahi holoholona e waiho ana mamua o kona alo, a hookahi no hoi ko laua hapai like ana, a hoi aku la no ko laua home.

 Oia laua ma ke ala huli hoi i ka home, oia no ka wa i aui mai ai ke poo o ka opio me ke kapa kila, a ike mai la oia i kona hoa e hoi aku ana, me kana ukana no hoi elike me kana e hapai ana.

 Ua lilo no hoi ia i mea mahalo nana, a peia no hoi me kona kokoo ina, ua komo like no ia mau manao iloko o laua p@kahi, mamuli o na hana hookelakela ikaika a laua e lawelawe nei.

 I ko laua kokoke ana aku e hiki i kauhale, aia hoi ua ike koke mai la na mea a pau o ka hale, i ko laua nei hoi aku, me na holoholona pakahi maluna o ko laua mau poo hiwi, me ka ikaika nui e hiki ole ai i kekahi o lakou ke hapai ae.

Ua lilo no hoi keia hana a keia mau opio a i elua, i mea nui i ka manao o ke Keikialii Alabati a me kona mau ukali, a ua lilo hoi i mea hookahaha i ko lakou mau puuwai a pau, ka ike ana mai, aole i hanaia keia hana e keia mau opio me ka hoonawaliwali elike me ka hana ana a kekahi poe.

 Ua lilo aku la na lawelawe ana ma ka hoomo'a ana i na poe noho hale, a noho hooluolu iho la hoi laua (na keiki hahai holoholona,) e hoomaha ana i ka wela o ka hoi ana mai.

 E like no hoi me ke ano mau o na poe noho kuahiwi, ka olani ana o na mea ai, pela no hoi i lawelawe kokeia aku ai na mea e pili ana i ko lakou paina kakahiaka.

 He papaaina ohuohu keia no na mea ai, @ki ai h@a lakou a pau ke haupa mo a i wa ka makemake elike me ke ano mau.

 Mahope iho o ka pau ana o ka lakou paina@ na, ua liuliu ae la ke Keikialii Alabati, o ka hoouna ana ak@ ka i he i kona makuakane Moi Uilama@ a me kona makuahine, ua loaa ka Ui Madelina a me ke keiki, e hoike aku ana hoi, e hoi aku ana lakou a pau, he mau la helu wale no koe.

 U@ au @ ha pu aka la ao hoi oia i ke@kuakane, e hu@i mai ia l@koo a kahi e loaa mai ai, i hiki ai ke hoolawa ia lakou me na lakoa no keia huakai huli hoi i ka home.

 Ua hooluna ia na mea a pau i noho iho ia ma ka hoohala ana i ko lakou manawa, ma ke alualu holoholona i kela a me keia la, a ua lilo hoi ka nahele ia lakou me he ipo aloha la, e kuekaa mau ia ana i kela a me keia la.

 O ka noho ana nae o ke keiki opio me ke kapa kila he makaala loa oia ma na ano a pau, i wahi e hiki ole ai ke hoohuoi ia kona kulana he wahine paha oia.

 Ua oilipaa hoi ko keia mau opio noho ana, ma na wahi a pau e hele ai o ka opio o ke kapa kila, malaila wale mai la no ka opio noho kuahiwi e hanai ai.

 Ua lilo hoi pa ulunahele hihi paa i wahi hauoli loa i ko laua manao mamuli o ko laua hoolilo ana ia mau wahi i kahua paani lealea no laua.

 O na la o ko laua noho ana ma ia uka waonahele, ua lilo ia he mau la e hoohauoli ia ai ne mea a pau, a ua komo like aku la hoi me ke Keikialii Alabati a me kona mau ukali iloko o keia hana hoohauoli a na keiki opio, a i kekahi wa hoi, ua manao ole lakou i ko lakou wa ai mamuli o ka lilo loa o ko lakou manao ma ke alualu holoholena ana.

 Oiai hoi lakou e walea ana ma keia hana, aia hoi na Elele elua i hoouna ia ai e hoi e hai aku i ka Moi Uilama, no ka loaa ana o ka Ui Madelina a me ke kauoha ana e huli mai a hiki i kahi e loaa mai ai lakou.

 He mau la loihi no keia huli hoi ana a na Elele i ke alo o ka Moi a i ka piha ana o ekolu pule, hiki aku la laua i ke alo o ka Moi, me ka hele o ko laua mau holoholona a nawaliwali.

 Haawi aku la laua i na olelo a pau imua o ka Moi Uilama me ka hoike pu aku, o ke keiki i hoea mai ai mamua aku nei, nana i hoopakele i ka lahui Pelekane, mai ka lima kakauha mai o Denemaka, aole ia he keiki okoa, aka, o ke keiki no ia a ka Ui Madelina e hapai ana.

 O keia mau olelo hoike i hoea aku imua o ka Moi Uilama, ua kukala akea ae la oia maloko o ke kulanakauhale, a ua hoouna ia aku la hoi na Elele ma kela a me keia pea o ka aina, e hoike ana, ua loaa hou ka wahine a ka Hooilina Moi o ke kalauna, a e hoea mai ana ka wa e ike hou ai ka lahui Pelekane i ko lakou haku aliiwahinehou, me kona kulana kilakila i oi aku i ka wa mua.

 Ua lilo keia lono hauoli, i mea e hoopiha koke ia mai ai ke kulanakauhale alii o Ladana, me na makaainana Pelekane, me ke akenuiana e ike koke mai i na helehelena maka o ko lakou haku wahine opio.

 A@ hoo@au koke ia nae ia mau manao hopuhop@alulu o ka lahui, mamuli o ka wehewehe pono @a ana aku o na mea a pau, a @ia no hoi ka wa i hoi iho ai na manao uluka@ i ko lakou wahi mau.

 I ka la@ ana @ keia olelo kuahaua, oia no ka wa o ka Moi Uilama i hunu iho ai no ka hele ana e hui me kau i mau keiki, ma kela ulunahele ma nao mai kona kulanakauhale alii mai i uk@i ia hoi e ka@a Moiwahine a me kekahi mau alii hanau o ka aina.

 Aia ke mau pualikoa kaua lio ma keia hele ana, i hoolawa pono ia me na lako kaua no ka malama ana i ke ola o ko lakou moi.

 Iloko o na la loihi keia hele ana, malalo o na alakai ana a na Elele a ke Keikialii i hoouna ai, a oiai hoi aole no i awiwi loa ka Moi Uilaina ma ka hele ana e hiki koke ai.

 Mamuli o ka hoomaopopo ana, he hana hiki ole iaia ke hana pela, oiai hoi, o kana ahiwahine pu kekahi e hele pu nei ma keia huakai, a peia hoi i ulolohi loa ai ko lakou manawa hiki, ma kahi a kana mau keiki e noho ana.

 I ka pina ana o ka mahina o keia huakai hele a ka moi me kana wahine no kahi a ka laua miu keiki e noho ana, ua kauluwela oloko o ka ululaau i na makaainana a me na ukali pu hoi o ka moi, kona mau pualikoa kaua lio, a me ka lehulehu hoi o kona mau ukali.

 I ka hora 12 ponoi o ke awakea, ua ike pono ia aku la kahi pupupu hale a ka Ui Madelina i noho hoomanawanui ai, e pu-a mai ana mamua o ke alo o ka Moi Uilama. a oia no hoi ka wa a na Elele i hoike aku ai i ka Moi Uilama, o ka home ia a ke Keikialii e noho mai la.

 Ua haawi koke ae la ka Moi Uilama i ke kauoha no ka hoauau ana aku i ko lakou mau lio, no ka halawai koke ana aku me ka maka o ka laua mau keiki, e noho mai la me ka manao aloha makua.

 He mea oiaio, oiai ka huakai alii e hookokoke aku nei i kahi pupupu hale e ku ana, ua ike holookoa ia mai la ka maaloalo aku o na kanaka e na poe oloko o ka hale, a oia no hoi ka wa a ke Keikialii Alabati i pane aku ai imua o kana aloha, i ka i ana aku:

 Ano, ke hookokoke mai nei na hora au e haalele iho ai i keia wahi, a e huli hoi aku ai hoi kaua no ka home o ko kaua mau makua, kahi hoi au i noho @i iloko o na luuluu a me na kaumaha.

 Aka, e hoomanao, aole i aole na ulia maewaewa maluna o ko ke kanaka noho kino ana, no ka mea, he mea no ia ua haawi ia mai e ke Akua, a pela hoi kakou a pau e auamo nei a hiki i keia la.

 O keia mau olelo kaukau a ke Keikialii, aia na waimaka o ka Ui Madelina ke hiolo mai la, me he mau paka ua eloelo ala.

 

NO HOOKAHI PULE WALE NO.

...MA KAHI O

L. B. KERR

 

Ka mea hoolako i na kanaka

E kuai hoemi ana oia i na waiwai malalo iho penei:

Na KEOKEO maikai loa he 25 i-a i ke §1.00.

 " KALAKOA nani loa he 30 i-a i ke $1.00.

 " KINAMU paa loa he 25 i-a i ke $1.00.

 " PALULE o na wahine he 35 keneta wale no.

 " Lole Aahu Keokeo maikai loa he 15 i-a i ke $1.00.

 O na Waiwai Aahu a pau i kuai ia iho nei no ka 20 keneta o la i-a he 10 keneta wale no i keia manawa.

   L. B. KERR.

 HONOLULU  - ALANUI MOIWAHINE -  HONOLULU

 E HOONANO I KEIA.

NO HOOKAHI  @PULE : WALE NO.

  He Agena no ka MIKINI HUMUHUMU Wheeler & Wildon a me ka Domestic.

 

 Al@ ai la na hoomanao ana iloko o ua Ui noho kuahiwi la, no na elemakule nana oia i malama i kona wa o ka ehaeha a me ka laua lei hoi he keiki, ka mea haule ole i ua mau elemikule@ la i na wa a pau.

 I ka mao ana ae o na waimaka e hi@lo ana mai kona mau lihilihi mai ua p@e koke aku la oia imua o ka na kane, i ka i ana aku:

 He oiaio, eia ke hookokoke mai nei ka wa a'u e haalele iho ai i keia wahi a makou i noho hoomanawanui ai i na la i hala ae nei, a ma o ko'u noonoo maikai la hoi, eia maua ke noho aie nei i ka lokomaikai palena ole o na mea nona keia home a maua e noho nei.

 Aole laua i hoao mai e hoino ia maua, aole hoi i kailiku ae i na mea a pau i loaa iloko o ko maua mau lima, a pela hoi me ka maua mau mea e ai ai, ua hookuu laelae ia mai ia me ka aua ole ia.

 Nolaila, ke nonoi aku hei au i kou oluolu, hoihoi pu ia keia mau makua hanai imua o ko kaua alo, a e ai hoi laua i na mea a pau a kaua e ai ai, elike me he mea la, he mau makua ponoi no kaua.

 O ka'u keia e nonoi nei @a oe, a ina aole e hana ia pela, e aho no ko'u noho auwana ana iloko o keia ulunahele kanaka ole, aohe mea nana e hoopilikia.

 O keia mau olelo a ka Ui Madelina i pane aku ai imua o kana kane mamuli no ia o kona hilinai nui maluna o keia mau elemakule, na makua hoi nana e hooponopono nei i kona noho ana, me he mea la, he keiki oia mailoko mai o ko laua puhaka.

 Oiai no hoi laua e kamakamailio ana no na mea e pili ana i keia manao, e pili ana i ko lakou hoi po ana me na elemakule, ua hooholo iho la laua e hana ia pela, me ka hookoe ole i kekahi mea e noho ma koia wahi.

 Oia no hoi ka wa a ka Moi Uilama a me kana Moiwahine i hiki iho ai ma ka puka o kahi hale a ke Keikialii a me kana wahine e kamailo nei.

 Elike me ke keiki i piha i ke aloha i ka makua, pela no i puka koke mai ai oia iwaho, oia hoi ka Ui Madelina, a puili ae la oia ma ka a-i o kona makuahonowai kane, ka Moi Uilama, a pela no hoi me kona makua@ .

 I ka mao ana ae o na hana a ke aloha e hekau ana mawaena o lakou, oia no ka wa a ka Moi Uilama i pane koke mai ai imua o kana mau keiki, me na huaolelo ku io a anoano aloha:

 Ua hoopomaikai nui ia mai au a me ka lahuikanaka h@lookoa o Pelekane, mamuli o ka loaa ana i ka noho kalaunu o ko kakou aupuni, he pua alii hou; e hoomau ana i ka mana a nie ka ikaika o ka nohoalii o ko kakou aupuni.

 O ka loia ana ia'u he ola hou iloko o ko'u mau aakoko, he hooi ana aku ia i ka mana a me ka wiwo ia o ko'u noho aupuni ana, e kekahi mau aupuni puni pakaha a me ka hao wale.

 

OLELO HOOLAHA.

 

  E IKE auanei na kanaka a pau ke nana mai ma keia, o wau o ka mea nona ka inoa malalo iho nei, he Lunahooponopono a he Kahu Malama Waiwai no na keiki oo ole a Joseph Nawahi i make.

 Ke papa a ke hookapu Ioa aku nei au i na apana aina o Makanihalulu a me Kaunaloa, e waiho la ma Puna, Hawaii.  Aole e hookau a hookomo wale i na holoholona iloko o ka pa ma Makanihalulu, aole hoi e wawahi wale i ka pa, aole hoi e kii, a ohi, a lawe i na mea ulu o luna o ua mau aina la i hoike ia ae la maluna.

 A ma keia, ke koho a ke hookohu pono aku nei au ia J. M. Kauila i Hope no'u ma na wahi i hoakakaia mamua ae nei, a e hana oia i ka mea a mau mea paha e kue ana, i ka maluhia o ua mau aina la e like me ke kanawai.  Ua loaa ka mana iaia pela.

 E hoolohe i keia i pono ai o pilikia auanei.

  EMMA A. NAWAHI,

Lunahooponopono a Kahu Waiwai o na keiki oo ole a Joseph Nawahi i make.

 Honolulu, Oahu, Feb. 2, 1898.

 

HOOLAHA KAI LAWAIA.

 

 Ke papa a ke hookapu loa aku nei au, i na ano kanaka a pau loa, i kuleana ole i ke kai lawaia o Kalua oia ke kai e hoomaka ana mai ka lae o Kawaihoa, a hiki i ka palena o Ku@ouou Ekahi ma ka hema o ka Mokupuni Oahu, ua kapu loa ka lawaia ana ma na ano lawaia a pau ma ua kai la, o ka mea, a o na mea paha kue ana i keia Hioiaha@ e koi ia no e like me ka piha o ke kanawai.

  G. KALAOHE.

Maunalua, Jan. 25, 1898.

 jan.29, 1m. wkly.  *

 

J. W. WIDMAN

 

 He Haole Akamai loa ma ka hoola ana i na i'o ulu (corn) a me na mea a pau e pili ana i ka wawae.

 

  NA HORA HANA:

  9 a.m., a hiki i ka hora 11 a.m.

  3 p.m. "  "  "  5 p.m.

 march 1.   1m-dly.