Ke Aloha Aina, Volume IV, Number 2, 8 January 1898 — Page 8

KE ALOHA AINA

POAONO,  IANUARI 8, 1898

 

HE  MOOLELO  WALOHIA

 -: NO  KE:-

Keikialii  Alabati

 

Ke Kaeaea o Peleknae

 -: IA  ME  KA :-

 

Ui Madelina.

 

Ke Kukui Uwila o Ainapo

 

Hoohemoia no KE  ALOHA  AIAN

 

   I ka lohe ana o ka Moi Uilama i keia mau olelo a ke keiki, he mea e ko laua hoopahaohao ia no kona akamai i ke kau lio ahiu, a me ka wikani o kona mau olona i ka hoohana ana malana o keia poe he lehulehu wale.

   A o kekahi hoi, o kona auwana ana mai, mai ka aina mamao mai, me ka haalele ana aku i kona mau makua mahope ona a me kona mau kupuna.

   Aka, aia one iloko o ka houpo o ke Keikialii Alabati ka hoohuoi, aia la ka ihea ka makuakane o kela keiki, a o ka makuahine wale no kana i hoike mai.

   Nolaila, ua ninau hou aku la oia i ke keiki me kaia mau olelo hoohuahualau, penei:

 

   Alaila, ua make kou makuakane a kou makuahine hookahi wale no ia e ola ala, a me kou mau kupuna ma kela aina kuahiwi, kahi hoi au i holoholo kamalii ai me kou hanpu ole, e haalele ana oe a hele no keia wahi loihi,

   No keia ninau, aole oia i pane koke aku, no ka mea, ua maopopo ole iaia kana mea e hoike aku ai, aka, ke au la nae oia iloko ona, heaha la keia mau hoolele kamailio ana e pili ana i kona mau makua ?

   Mahope iho o kona noonoo maikai ana, ua loaa iho la iaia ka noonoo maikai e pane aku no keia mau ninau hoohuahualau i waiho ia mai nana e pane aku ia wa.

   Oia no kona wa i pane aku ai me ka hoohakalia ole, o ko’u makuakane, aole i maopopo ia’u kona wahi i hela ai, a e noho nei, aole no hoi i hoike mai ko’u makuahine ua make paha oia, a i ole, eia no paha ke ola nei.

   Na keia mau olelo a ke keiki opio, i hoano e ae i na helehelena o ke Keikialii Alabati, a aia hoi na halialia manao iloko ona kahi i nawe ai, me he kai hoee ala, e hana mao ole ana iloko o kona kino.

   He oiaio no paha ia, no ka mea, ke ike ae la no kaua, ke hele aku la i kahi o ka pololei na koho ana, koe wale no keia, aole i kokoke mai i kona wa e hookolo aku ai i kahi e loaa ai o kana mea i aloha ai, aka, e hooa mai ana no ka wa e ike ai kana i ka puana a ka moe.

   Mahope iho o mo kukai olelo ana mawaena o lakou, ua alakai ia aku la oia moloko o ka rumi aina, kahi hoi o na ono like ole e mua mokaki mai ana, a malaila oia i noho iho ai me ka Moi a me kana keiki pu hoi, e hoolawa ana i na kohi kelekele a ka puukolu.

   I ka pau ana ae o kana ai ana, ua hoi hou aku la lakou noloko o ka rumi hookipa, no ka hoopau loa ana i ke koena o ka lakou mau kamailio mamua iho.

   Ua hoomaka hou mai la laua e kamaiho, no ka ninaninau ana i kahi e hiki ai ke loaa pono kona makuakane ponoi, aka, ua hoole hou aku la no ke keiki opio. me ka olelo hou ana aku, aole i maopono kona makuakane iaia.

   A oia no ka wa o ke Keikialii Alabati i pane aku ai me keia mau olelo, e hiki ole ai iaia ke hoohakalia iho:

   E oluolu ana anei oe, e ae mai ia’u, a me ko’u mau ukali pu, e lawe aku e hoomakaikai i kou home noho kuahiwi, kahi hoi a’u e manao nei, e hoohala ma ka uhai holoholona, e like me ka mea maa mau i na poe malihini.

   O ka nonoi a ke Keikialii imua o ke keiki opio oia kana i kkulou iho ai ilalo, me ka noonoo ana i kana mea e pane aku ai, a mamuli o kona manao he hana hoohaahaa ka hoole ana aku i ka makemake o ka mea i nonoi mai la iaia.

   Nolaila, me na hiona e hoike aku ana he puuwai hamama kona o ka lokomaikai a i mea hoi e nalo iho ai na wahi puu opala o ko lakou wahi home, i kona wa e hoea aku ai me keia poe he lehulehu.

   Ua pane mai la oia imua o ke keikialii, mamua ae o ko’u ae ana i kou makemake ke hauoli nei au, i ka hoolehulehu ia o ka’u huakai huli hoi i ka home, mamuli o kou makemake e ke alii.

   A oiai hoi, he poohiwi leo ole keia, ke haawi aku nei au i ko’u ae no ko oukou hele pu ana me a’u, aka, e lohe nae oe, o ko’u home kuahiwi kahi a ko’u makuahine o noho la me kuu mau kupuna, he nele i na uluwehiwehi o keia ano a’u e ike nei.

   A pehea la i ulu ae ai ka manao iloko ou, e hele a noho ma hahi nele i na mea e oluolu ai o ka noho ana, oiaia. he noho’na kuahiwi, a he homahema hoi i na mea a pau.

   A nani no nae hoi ia, ina ua paa kkou manao i ka hele pu me a’u, alaila, e haalele koke iho ana no kakou i ke kulanakauhale nei, i na hora o keia auwina la.

   I ka wa i lohe ai o ka Moi a me kana keiki i keia mau olelo a ke kau kio opio, ua hoopihoihoi nui ia ko laua manao, me ko iaua haupu ole, e hoi koke ana no kana huakai me ka loaa ole he manawa no ka lahui e haawi mai ai i na hoohiwahiwa ana no kona kulana koa a me ka maka’u ole.

 

  A oio hoi ka ka Moi Uilama i noi koke mai ai i ka oluolu o ke keiki opio, e hoohalaiki iho ia auwina la a me ia ahiahi, mamuli o ke ake nui o kona lahui, o ke uaka i ka mea nana lakou i hoopakele mai mailoko mai o ka poino i hala iho i ka po mamua, ka mea hoi i hoomao popo ia e na mea a pau, ina aole oia i hiki malaila, aia he luko nui na maluna o na mea a pau e noho ana maloko o ke kulanakauhale o Ladana.

   E ke alii maikai, ka mea nona ka puuwai i hana ia a maemae, aole au i halia iho nei, e hana mai ana oe i kekahi haawina hookelakela maluna o kekahi makaainana haahaa loa e hoho ana malalo o kou malu elike hoi me a’u e ku aku la imua o kou alo. 

   Mamua ae o ko’u haawi ana aku i ko’u ae ia oe, e pono kaua e ninau ae i ko kakua kokookolu, ina paha oia he makemake e kali a pau keia mau hana au i hoouna aku nei e hana ia no ko’u pono, ka mea hoi a kaua i kuka mua ole ai, pela oe e hana mai ai no’u.

   O ka wa no ia o ke Keikialii Alabati i pane mai ai me ke kali hou aku i manawa nona e kamailio a me ka i ana mai:

   E ke keiki opio, mamuli o kou u-i ana mai nei na’u e kaona i ka i ka mea pono mawaena o kakou, a oiai hoi, o ka olelo hooholo e puka aku ana mai ko’u waha aku, oia ka mea mana, nolaila, ke hoike aku nei au me ka hookaulua ole, e hookaulua ana au i ko’u manao hele koke, a pau keia mau hana maikai e ke keiki opio.

   Ua hiki ole i ke keiki opio ke hoohakalia iho i ka pane aku i ka huaolelo ae, me ka puili pu ana ae o kona mau lima no ka hauoli.

   No keia mau olelo, e kaohi hou ana iaia nana i hoike aku i kona mau hiona makemake ole no ia mau hana, aka, aole nae hoi e hihi, ua haawi oia i kona ae mamua.

   Mamua iho o ka hoopoau ana o lakou i na olelo ana no keia mau mea, ua lawe ia alu la oia e hoomakaikai ma na wahi a pau o loko o ka halealii a ua hoohauoli pu ia hoi kona naau i ka ike ae i keia mau nani e kuuwelu ana iloko o ka halealii.

   A he mea ano hou hoi ia iaia, e like no hoi me ke ano o na keiki noho kuaaina, aka, aole uae hoi o ka lilo ana o keia mau mea hou imua o kona maka, he mea ia e hooi aku ai i kona paulehia maluna oia mau mea, mamua ae o na mea hoonanea o kona home nohu kuahiwi, e laa ai hoi ka leo o na manu a me ke kau lio ahiu.

   Aia no na manao anoninoui oia mau hana koo lauwili la iloko ona, a oiai, he mau la keia no ke kaawale ana mai kona home mai, aole i lilo na nani o ke kaona imua o koua maka, i mea nona e hoohihi iho ai o ka noonoo.

 

   Aka, mamuli o kona manao, he mea pono iaia ke hoike ole aku i kona ano hoowahawaha no keia mau nani, ua kaomi malie iho la no oia iloko ona,me ka nana ole i na mea a pau.

   Ua alakai hele ia aku la oia mana wahi ano nui a pau o loko o ka Pa alii, a ina kekahi wahi no hoi, ua komo iho no iloko ona ka mahalo no ka nani o na mea i hana ia.

   I ke kaa ana aku i ke ano o ke ahiahi, aia hoim ua ike ia aku la na mea a pau o Ioko oka Pa alii. me ko lakou mau kahiko i hele a panio imua o ko ia nei mau maka, e hoohehelo ae ana ma na wahi a pau e hiki ai i ka ike o ka maka ke kikoi pau aku.

   Aia hoi na mea ai oloko o ka halealii, ua lawe ia ae a ku ke ahua, o na ano like ole ke hoonuu aku i ko lakou mau ea aala i hookomokomo ia me na mea hoaala mea ai.

   I ka wa e liuliu ia nei keia mau mea a pau, oia no ka wa o ke Keikialii Alabati i ku mai ai i ua wahi keiki nei, no ka lawe ana aku iaia maloko o ka rumi komo lole, elike me ke kakuoha a ka Moi Uilama.

   A oiai nae laua e hele aku ana no kahi o ka rumi komo kapa, oia no ka wa i ninau aku ai o kahi keiki opio:

   E hele ana kaua ihea au e alakai nei ia’u?

   E hele aku ana kauka noloko o ka rumi komo kapa, elike me ke kauoha a ka Moi no kou kahiko ana iho ia oe i mau paa oloe hou, a o kekahi hoi ia o kana mau makana ia oe e ke keiki.

   He mea ole na kahiko nani a pau i ko’u manao, hookahi no mea nui ia’u, oia ka loaa ana ia’u o keia mau haawina hoopomaikai ma ko’u alahele, a nona hoi au e hauoli nei i ko’u mau la kamalii.

   E ke keiki, mai nana ma ia mau mea, oiai, ke ake nei au e hooi aku i na hoopomaikai ana a pau maluna ou, ka mea hoi a’u i ike ole ai i kekahi keiki oi aku o ka ikaika elike me oe.

   Mamuli o keia mau olelo, ua hoopau ae la ko keiki opoio i kona kue ana aku i ka makemake o kona mau kamaaina, a ae aku la oia e hanaia mai oia pela.

   A o ka wa no hoi ia i kaa aku ai o na hoopoonopono ana malalo o na poe hookomo Iole o ka Halealii, e like me ka rula maa mau no ka malama ana i ka hanohano o ka mea i makemake ia.

   Ua malamaia ae ke anaina haipule maloko o ka luakini o Kaumakakpili, mai ke ahiahi aku o ka Poalima a hiki i ka hoea ana mai o ka makahiki hou me ke eehia nui.

  

OLELO  HOOLAHA.

 

   Ke kauoha ia aku nei na poe Kanaka mea Lio a pau e holo nei maluna o ka Aina Kula o Puuhale, Mokauea, Kalihi-kai, Oahu, o na poe mea lio a pau, o hele ae ma kahi i oleloia maluna, na ka Poalua, la 4 o Ianuari. M. H. 1898, e hooakaka mai i ko lakou kuleana no ka hookuu wale ana e holo nei ma ke kula.  A ina o hiki ole na mea holoholona ma ka la i hai ia maluna, he mana i ko’u hope oia o Antone Bright, ( Pukiki) ke kui poho no ka aina, a hoopaa naha ma ka Pa Aupuni.

 

                        W. C. Akana Kalauki,

Honolulu, Dec. 30, 1897

dec. 30                                    2wks dly

 

 

HOOLAHA  HOOKOHU  HOPE

 

   Oiai au e kaawale aku ana mai Honolulu aku nei, ua hookohu aku au ia S. W. Kamakaweo o Kamanuwai, Honolulu, i Hopoe no’u, nana e hooponopono me ka mana piha i ko’u mau waiwai o na ano a pau e waiho la ma Kamanuwai, Honolulu,  A e kulike na hooponopono ana e like me ka’u Palapala Hookohu Hope nona o ka Ia 7 o Dec. 1897.

                        ALBERT CATUK, (ALABATI)

Kamanuwai, Honolulu, Dec. 6, ‘97

dec. 17                                                4ts dly-wkly

 

 

OLELO  HOOLAHA.

 

   E ike auanei na ano kanaka a pau, ke nana mai ma keia Olelo Hoolaha, owau, o ka mea nona ka inoa malalo nei, ke papa a hookapu loa aku nei au i na ano holoholona a pau, lio hini, hoki, puaa a pela aku aole helewale maluna o kuu aina e waiho ala ma Kona Hema Hawaii, oia hoi o Omokaa.

   Ua hookohu pono aku au ia Kaipuhia, i Luna a i hope no’u maluna o ua aina ala o’u, he mana kona e hopu a o hoopii ma ke kanawai ma ko’u inoa me he la, owau ponoi no ia, Nolaila, he 30 la mai keia la aku e hopuia no na holoholona a pau o kuu Luna i haiia ke loaa aku maluna o kuu aina.  O ka lohe ke ola, o ke kuli ka make.

                                    MR.  KEKUAHAO

Kakaako, Honolulu, Dec. 23, ‘97

dec. 23                                    2ms, dly - wkly

 

Wikiwiki !!   Wikiwiki !!

 

Keia ka wa e Kuai ai i na i ole Huluhulu

 

MA  KAHI  O

 

L. B.  KERR

 

KA  MEA  HOOLAKO  I  NA  KANAKA

 

Eia ke kuai nei me ka hoemi nui i ike oleia mamua.

 

HE  LEHULEHU  O  NA  WAIWAI  HOU

 

Me he mea la e haawi wale ia ana.  Mai kali hookahi minute.

E hele mai mamua o ka pau ioa ana o keia mau komokuai.

Na MIKINI  HUMUHUMU  e hooliloia aku no ma ua uku liilii ia no ma ka mahina.

 

                                                L. B. KERR,

HONOLULU – ALANUI   MOIWAHINE – HONOLULU