Ke Aloha Aina, Volume IV, Number 1, 1 January 1898 — Page 7

KE ALOHA AINA

 

                KE ALOHA AINA, POAONO IANUARI 1, 1898             7

 

HE MOOLELO WALOHIA.

:NO:

ALANADELA

Ka Wahine Hoopahaohao o ka Aahu KeoKeo

A I OLE:

Ka Loea Hooani Pila o ke Kulu Aumoe.

            Maalele koke iho la ua moi opio nei i ka paani ana me kana popoki punahele a hoolei pau aku la hoi kona mau onohi maka uliuli no waho o ka puke aniani me ka hoolono pu ana hoi o kona mau pepeiao no kahi o ka mea kani e pae mai ana a na aheahe makani e lawe mai ana.

            Na ka malamalama o ka mahina @ pa konane ana, i hoike mai i kali a ka leo o ua mea kani la e pae mai ana a me ka mea hookani pila.

            O kahi a kona mau onohi maka i halawai mai ai me ka mea hookani pila, aia no ia maluna o ka iliwai o ka loko wai e lana ana me ka nani nui ma ka aoao hikina o ua hale kakela la, he haneri wale no i-a mai ka puka aniani a ua moi opio nei e noho ana.

            He kino wahine kana i ike aku ai e noho ana maluna o kekahi waapa i pena keokeo ia me na molina gula e hulali mai ana ma ka nia-o o ka waapa me ka hilinai ana aku hoi i hope o ka pale o ka waapa, a maluna o kona uha e paa ana oia i kekahi pila gita, me kona mau manamana lima palanehe e iniki hala ole ana i na kaula keleawe o ka pila.

            I kela a me keia manawa, oia ua waapa nei ke hookokoke mau mai ia no lalo pono o ka puka aniani a ua keiki nei e noho ana, mamuli o ka lawe ana mai o na aheahe makani, o na maka o ua me hookani pila nei, aia ia ke kaulona pono mai la maluna o kahi a ia nei e noho ana me he mea la, e hoike oko @ mai ana no, aia he hana nui ke lauwili@la iloko o kona puuwai, aka, no ke au nae o ka manawa e hoike mai.

            I ke kokoke loa ana mai o ka waapa malalo o ke kakela, e hoo@ani ana i kana pila, a lalau aku la hoi oia i na hoe o ka waapa, a hooiho malie iho la no loko o ka wai a me ka palanehe lua ole, hoonee mai la oia i kona waapa imua, no malalo o na lala laau o kekahi kumulaau e luhe ana iluna o ka iliwai.

            Malaila i hoopaa iho ai ua wahine la i ka holo o kona waapa, a halio ae ia hoi na maka o ua wahine nei no kahi o ka puka aniani a ka moi opio e noho ana, a me ka hakalia ole ua ike ia aku la kona lima i ka pii ana ae a haawi mai la i na oani ani peahi ana me kona hainaka.

            Ua hoopahaohao ia ae la ka noonoo o ua keiki opio nei no keia wahine malihini o ka po e peahi mai !ei iaia, a hoomanao ae la oia, ua kuhihewa paha oia aole no nona keia mau hoaniani hainaka ana ma nolaila, ua huli koke ae la kona mau maka ma o a maanei o na puka o ua kakela nei, a hoomaopopo ae la, oia wale no keia nolaila, i mea e hoopau ia o kona pohihihi, ua huki ae la oia i kona hainaka mailoko ae o ka pakeke o kona kuka a haawi aku la i na peapeahi ana me kona hainaka, a oia no hoi kona wa i ike aku ai i ka hoomau ana mai o ka wahine i ka peahi ana.

            Nolaila me ka hoohakalia ole, ku ae la oia iluna, a hele aku la e nana @ia mahea la kona mau koa kahi i kiai ai, ua ike ae la oia, ua paa loa i ke kiai ia na wahi a pau e hiki aku ai ilalo, nola la, hoomaopopo iho @a oia aohe he alahele nona e hiki aku ai no kahi a ka wahine e kali mai la nona.

            Hoi hou aku la oia no kahi ana i noho mua ai, a ike hou aku la no i ua wahine la e peahi hoomau mai ana no laia, nolila, me ka hookaulua hou ole iho, komo akua la oia iloko o kona rumi moe, a i kona ike ana ae i kekahi mau kaula silika i owili ia me ke gula o kona paku moe ua moku koke ae la oia a lawe mai la no kahi o ka puka aniani a hookuukuu aku la no lalo o ke kakela.

            I ke ku ana o ke kaula iluna o ka iliwai, oia no ka wa i ikeia aku ai o ua waapa nei me kona mea hooholo e nee malie mai ana imua me ka palanehe lua ole o kona mau mapuna hoe e lumai malie ana iloko o ka wai.

            E iho mai ma kena kaula no luna nei o ka waapa, wahi a ka wahine i pane ae ai me ka leo hawanawana, a paa ae la ka wahine i ke kaula e lewalewa ana mai hopohopo no’u, no ka mea, i kii mai nei au ia oe no ka lawe holoholo waapa ana aku ma keia po mahina nani nui.  E iho mai a mai hoohakalia oiai, ke kokoke aku nei keia wa i na hora o ke aumoe.

            Owai oe, wahi a ka moi opio i ninau aku ai i ka wahine malihini.

            He hoaloha nou a mai ninau hou mai i na he makemake io kou, e hele pu me a’u i ka holoholo waapa.

            Ae, he makemake ko’u i ka holoholo waapa pu me oe, aka, he hopohopo nae ko’u o huhu ia au e kau mau kahu hanai, wahi a ka opio i pane hou aku ai.

            Aole, aole loa laua e huhu mai ia oe, ke hele oe me a’u no ka mea he hoaloha pilipaa laua no’u nolai la, i na ua hopohopo oe a hilinai ole i ka’u mea e kamailio aku nei ia oe alaila, ua oki e noho malie oe, a e hele ana au i ka holoholo waapa.

            Oia no ka wa i alawa hope ae ai o ua moi opio nei i kona rumi e noho nei, a i kona ike ana aole he mea e ae malaila, oia no ka wa i iho malie aku ai no lalo o kahi a ka waapa e lana ana.

            I ke kau pono ana aku o ua moi opio nei no luna o ka waapa, oia no ka wa i nee koke aku ai o ua waapa la no waho o ka iliwai me ka mahui mua ole ae o ka moi opio, o ka hopena ia o kona home kakela.

            Nau e hoe ia kau, wahi a ka wahine malihini i pane mai ai, a owau hoi o kaua ke hoonanea ae i ka kaua huakai holoholo waapa o keia po mahina a ka nani nui wale.

            Aole au i a’o mua i ka hoe ana i ka waapa, aka, ua manao no nae au e hiki ana no la’u ke hoe i ko wahi waapa.

            Lalau iho la na lima palupalu o ua moi nei i na hoe o ua wahi waapa nei a hoao aku la e hoe, a oia no ka wa i panee aku ai o ua wahi waapa nei no waho o kahi hohonu o ua lokowahi.

 

OLELO HOALOHALOHA

            Ia Mrs. C. K. Paaluhi, a me na keiki, na moopuna, ka ohana no a pau.

            O makou o na Luna Nui a me na Laia o ka Hui Aloha Aina o ka makani kihae lau-i o ka puu kaulana i ka maka o ka opua, Apana o Hilo Akau, ma o ko makou mau Komite aia, a i apono ia me na manao lokahi o ke aloha oiaio.

            Ke komo pu aku nei makou e au amo pu iloko o ke kaumaha luuluu no kou pili koolua i hala aku ma keia aoao o ka muliwai eleele o ka make.  Oiai oia he makuakane maikai e noho hoomanawanui ana i ka hune o neia au e nee nei.  He makua hooikaika ma na hana pono he luna no ka ekalesia o Laupahoehoe, he Kumukula Sabati, he Aloha Aina oiaio i kuni paa ia i kona puuwai a moe wale aku la.

            O kona make ana no hoi, he make i ike ole ia kona kino i ka aina nei aia oia iloko o ka opu o ka moana kai lipolipo ma ke awa kaulana o Laupahoehoe.

            Nolaila, ke nonoi nei ka leo o ka makou pule i na Mana Lani e lawe aku i na kaumaha a me na luuluu maluna ou a me ka ohana, nolaila, e hoomaikai ia ka inoa o Iehova, nana no i haawi mai a nana no i lawe aku.

 

Na Komite

NOA KEKAULA,

J. MALUO,

A. MAILA,

JOSPA KAAUHAU,

SAM. KAILIANU,

D. S. KONUKAIWIHILO,

            Ia Mrs. C. K. Paaluhi a e na keiki, na moopuna, ka ohana no a pau.

            O makou o na Luna Nui a me na lala o ka Hui Aloha Aina o na Wahine o ka makani kihae lau-i pala i ka ua noe o ka puukaulana, apana o Hilo Akau, ma o ko makou mau Komite ala, a i aponoia me na manao lokahi o ke aloha oiaio.

            Ke komo pu aku nei makou e auamo pu iloko o ke kaumaha luuluu no kou kokoolua i hala aku la ma kela aoao o ka muliwai eleele o ka make.  Oiai oia he makuakane maikai e noho hoomanawanui ana i na hune o keia au e nee nei, he makua hooikaika ma na Lana pono, he luna oia no ka ekalesia o Laupahoehoe, a kumu kula Sabati.  He aloha aina oiaio i kuni paa ia i kona puuwai a moe wale aku la.

            O kona make ana no hoi, he make i ike ole ia kona kino i ka aina nei aia oia iloko o ka opu o ka moana kai lipolipo ma ke awa kaulana o Laupahoehoe.

            Nolaila ke nonoi nei ka leo o ka makou pule i na Mana Lani e lawe aku i na kaumaha a me na manao luuluu maluna ou a me ka ohana.

            Nolaila, e hoomaikai ia ka inoa o Iehova, Nana no i haawi mai a Nana no ilawe aku.

 

Na Komite.

MRS. ROSALIA JIM,

“ MARAEA SOLOMONA,

“AA HUEU,

“MARIE MALUO,

“KEIKIOLE KEKAULA,

RAHAPA SAM,

MISS WAHINEAKAI,

“MARAEA SOLOMONA.

            He ekolu mahina ka hoopai o Lutanela Dunbar i pau, no kekahi hewa karaima ana i hana ai, aka, ua hoopii hou aku la na@ ia.

 

KAI MALINO A EHU.

I KUU ALOHA AINA.

                                                                                                                        Aloha nui:

            Ua hiki malihini mai au i keia aina, i kaulana i ka pohu a me ka malie, ke nana nei au i kona mau kahiko aouli, aohe mea a ka maka e loi ai, ekolu no mea nui a’u e hiaai nei.  Akahi maikai na Hale Piula, i lako i na wai maemae.  Alua    maikai na alanui, holo ka iole.  Akolu    oluolu na maka i na mea ulu me keia mau hiaai, ke hoolauna aku nei au ia oe e kuu aina Ua Kuahine, ua like me ka olelo ia.

 

Ua Iupea ua luhea Kona e ka La,

Ua hinua e ke kehau ka lai a Ehu,

Ua kaia e ka waimaka o ka Opus,

Uwe hanini ma ka uka o Hanapo,

Po aela i ka Ua na ulu a Weli-e.

 

Ua haalele aku i ke awa la’i o Kou, hora 11 o ka Poalima hiki i ka la’i o Hauola ma Lahaina, hora 5 a oi, hiki i Maalaea, hora 8 hiki i Kihei, hora 10 hiki i Kailuapakaona hora 6 hiki i Keauhou, hora 11 ilaila au i halawai ai me kuu Hoopale punahele me S. B. Kaomea hoahanau o ka’u alii kana, kau maluna o na lio o KIahaluu ka pahu eo, halawai me kuu pokii pupuu Ua Kuahine o Manoa.  Kakamahana, he mau hora @a e kukai ana ka waimaka i ka wamaka, eia au malalo o kona malu me ka oluolu, ua ono kona hua i kuu ai ana.

            Pehea la ka nui o kuu aie e hookaa ai au i ka pohu o Kona ua hihia ia au i kona malie a me kona mau makalae aloalo kai i aloha nui ia.

                                                                                    MRS. KALAOKEOIA,

Kahiku, Kahaluu, N. Kona, Dec. 27, 1897

 

HE LEO PAIPAI INA POE E

LAWE ANA I KA NUPEPA

KE ALOHA AINA NO KA M. H. 1898

            Oiai he mau hora wale no koe a halawai pu aku kakou me na hauoli Hape Nuia no ka makahiki hou.  A iloko oia mau ae kona mua o ka olioli, e hui kino pu ana kakou, a lulu lima pu me ka kakou malihini hou.  Ka nupeepa KE ALOHA AINA, ka wahaolelo o ka lahui ina makahiki elima i hala ae nei, nana i kaohi i ka hapa nui o ka lahui i ka imi ana i ka laau make.  (Hoohuiaina) a malalo o kana mau a’o ana, kuhikuhi ana, alakai ana, ua mau ke kupaa ana o ka lahui, a hiki wale i ka hoouna ia ana aku nei o na Elele a ka lahui ma Amerika no ka paio aana i ka pono o ko kakou aina hanau.

            Nolaila, e lawe nui i ka nupepa KE ALOHA AINA i ike ina hana pookela a na pukuniahi a ka lahui e hooikaika pauaho ole la i kou pono Kuokoa e ke kanaka Hawaii ponoi i aloha i kou one hanau, a e ike pu iho ana oe i ka moolelo hooniua puuwai o ke kaikamahine hookani pila.  (Alanadela) a me na Nuhou Kuwaho, a Kuloko, na kalai manao naauao, nolaila, ia’u e maalo aku ai ma ka ipuka o ko oukou mau home me ka kakou malihini, e hookipa aku iaia me ke aloha, me ka hanai pu iho iaia i ka ai, oia hoi, 50 keneta no ekolu malama $1.00 no eono malama $2.00 no 1 makahiki i mau ke o ana o kona inoa a hiki i ko kakou hanauana hope loa, a maluna o ka lokahi ko kakou moto.

            Iloko o na makahiki elima i hala ae nei, ua auamo au i na koikoi o na hookaa ana i ke ola o ka kakou wahaolelo me ka nana ole i ko’u mau luhi, a ma ia ano, ua a’o ia mai i ke ola o ka pepa. 

            Nolaila, he kuike ko’u rula i keia makahiki, aole loaa ka nupepa ke ole e hookaa mua ia mai kona ola, (uku pepa) nolaila, e ala e na keiki alualu wailiula o ke kula o kii e liuliu mua no ke ola o ka kakou pepe, ia’u e kaalo aku ai ma ka ipuka o ko oukou mau home, hoolele mua mai no ko kapuahi, a pela no hoi na keoniman a me na lede o ka aina i ka eheu o na manu.  (Laiewai) mai nana maka mai i kau milimili, ka nupepe KE ALOHA AINA.

            “E hea i ka kanaka e komo maloko.  E hanai ai a hewa e ka waha.  Eia no e ka uku la o ka leo.”                                                                           L. B. N. AUWAE,

                                                                                                Luna Nupepa

Laiewai, Ko lauloa, Oahu, Dec. 22, 1897.

            Ua noho ae ka Aha Kuhina ma ka Poakolu nei, no k noonoo ana i na mea e pili ana i ke noi ana i ke kau ahaolelo e hiki mai ana, no ke kukulu ana i mau uwapo kumoku hou makai ae nei o ka makeke kahiko, a i puu dala hou hoi no ka eli hou ana aku i ke awa.