Ke Aloha Aina, Volume III, Number 50, 11 December 1897 — Page 8

KE ALOHA AINA

POAONO, DEKEMABA 11, 1897.

8

HE MOOLELO WALOHIA.

-:NO KE:-

Keikialii Alabati

Ke Kaeaea o pelekane.

-:A ME KA:-

Ui Madelina.

 

Ke Kukui Uwila o Ainapo

Hoohenoia no KE ALOHA AINA

            O ke keiki opio, o ka makamua loa keia o kona hehi ana i ka lepo o ke kulanakauhale o Ladana, aka, o ka mea kupanaha nae, oia kona kamaaina i na wahi a pau o loko o ke kulanakauhale me he mea la malaila no oia kahi i hanau ia ai.

            I ke kaa pono ana aku iwaenakonu o ke kulanakauhale, oia ka wa i haawi iho ai o na keiki la i ka ai hoopai, ke hele la a poniu ka ike i na maka o ka poe uhai mahope aku.

            A iloko wale no o ka wa pokole na nalo aku la oia mai ke alo aku o ua poe koa kau lio la, a oia hoi ka wa i hoopuoho ia ae ai o ko ke kulanakauhale, mamuli o ke pohapoha o na kapuai lio, e noke alapine nei i ka holo.

            A o keia hoi ka @wa i ala koke mai ai na kanaka a pau, a o keia no hoi ka wa i puka aluka mai ai na koa mailoko mai o ka papu, a o na koa kau lio hoi, ua holo koke ae la lakou ma kahi e hiki ai ke hopu ia a paa koia poe hoohaunaele.

            Me ko lakou manao iloko wale no o ka wa pokole, ua pau keia poe i ka luku ia, a o kekahi hoi mai hea mai la i hoea mai ai keia poe, mai waho mai paha o ke kulanakauhale, a i ole, no loko ponoi ae no paha, ke kumu o keia mau hoolele hauli o ka wa@

            I keia wa, aia na kukuna o ka malamalama ke pohai ae la ma na kakai pali o na pae mauna, e hoike mai ana, ua ao kaua e ka inuwai.

            Ua holoke ae la hoi na mea a pau mai ko lakou hiamoe ae, a puka mai la iwaho e nana pono i ke kumu o keia halulu o na kapuai wawae ho, a me ko na koa hele wawae.

            A o keia hoi ka wa i hookahaha ia ai ko ke kulanakauhale alii o Ladana, i ka ike ana mai i na koa kau lio Denemaka e uhai ana mahope o kekahi kau lio, he wahi keiki opio wale no.

            Aole no hoi i hoomaopopo koke ia aku ke kumu o keia hana a hiki i ke kokoke loa ana aku o ka poe koa kau lio e hahai la mahope o ke keiki, he hookahi wale no anana ke kaawale.

            A oiai hoi, o lakou a pau, aia iloko o ke kulana o ka makaukau nui e lumai iho i ka wini oi o ka maka o ka lakou mau pahikaua maluna o ke kino hala o@e o ua wahi keiki kau @o opio la.

            A oia no hoi ka wa a ka lehulehu i holo mai ai me ka manao e hoopakele ae iaia mailoko mai o keia pilikia e hookokoke iho la e kau maluna ona.

            Aka, ua kuhihewa ia nae ko lakou manao, no ka mea, iloko wale no o ka wa pokole loa, aia hoi, ua huli papu mai la kona alo imua o kona mau enemi, e hele iho la ka maka o ka lakou mau pahikaua a hahani maluna pono iho o kona kania-i.

            O keia no kona wa i huli koke ae ai a hou aku la me ka maka o kana ihe, a kapoo aku la iloko o ka umauma o ka mea i kokoke loa iaia, a @ule aku la oia ilalo o ka honua, ua pio ka oe hana.

            Lalau iho la oia i kana pahikaua me ka hoeha pu aku i ke kaena o keia poe i alualu mai ai laia a haalele aku ia ia lakou iloko o na ehaeha he nui.

            O keia no hoi ka wa a ua wahi keiki nei i kau ae ai i ka o-le a kona hoaloha o ke kuahiwi, ka mea hoi e noho la iloko o hanohano nui me na pomaikai he lehulehu wale.

            O keia no hoi ka wa i hoopioo ia ae ai ko loko o ka halealii a oiai hoi ke keiki opio e holo hou ana no waho o ke kulanakauhale kahi hoi ana i haalele aku ai i na koa Denemaka e nee mai ana no loko o ke kulanakauhale.

            Na keia hana i hoala mai i ka noonoo o ka Moi Uilama a me kana keiki, heaha la ke ano o keia o-le a laua e lohe nei i ke kani kupinai iloko oia wa kakahiaka nui wale.

            A oiai hoi, mamuli o keia mau hana hookalakupua a ua wahi keiki nei, ua lilo ia i mea e makaala ai na koa o loko o na papu, a oia hoi keia a kakou e ike ae la eia lakou ma kahi o ke kulana makaukau kahi i ku ai no ke kali ana no ka wa e haawi ia mai ai o na kauohi a o ka hoohana koke no ia.

            I kela wa nae a ke keiki opio e kuupau la i ka holo o kona lio, oia no ka wa a na pualikoa hele wawae i alai ae ai mamua o ke ala hele o ua wahi keiki nei me ka manao, e hopu pio maoli iaia a e hookolokolo ia hoi ma ke kanawai koa no kona hoao ana e wawahi i ka papa kuhikuhi hana a ka Moi o Denemaka.

            He mau kapuai wale no kona kaawale mai a lakou mai a e like me ka wili ikaika ana o ka makani puahiohio, pela oia i oili pulelo aku ai me ka haawi ana iho i na olelo hoonaukiuki imua o ka Moi a me kona mau Alihikaua, i ka i ana iho:

            Ua kuhihewa loa ia au, he poe la oukou i lehia i ka hili ana i ka oukou mau pahikaua a me ka hou ana me oukou mau newa a laau iho hoi eia ka he poe oki loa no na @a ano a pau.

            Na keia mau olelo hoonahoa a ke keiki i hoowela ae ia loko o ka umauma o ka Moi, kona mau uka@ a me kona mau alihikaua pu hoi me ka piha i ka inaina nui a me ke akenui hoi e hopo pio maoli ia oia, a e pepehi hoomainoino ia maluna o ke kahua kaua kahi hoi a lakou e hoomoana nei.

            Aka, ua kuhihewa loa ia nae la kou, oiai lakou e makaukau ana e lele poipu maluna o ke keiki opio, oia no ka wa i ike ia aku ai o kekahi pualikoa kau@ l o e puka mai ana mailoko mai o ka pakaua, a mai ka halealii mai hoi kekahi.

            Oia ka wa i haawi koke ae ai ka moi i ke kauoha no ka nee koke ana aku imua, no ka hoi ana aku me ka enemi, ka mea hoi a kona naau hookiekie i kuko ai, e nohoalii ana oia maluna o ko Pelekane holookoa.

            Na keia kauoha awiwi i hoala koke ae i na manao hae o ka inaina iloko o ua poe iliohae noho hau nei o ka Anemoku o Denemaka a me ka puahi nui, ua kokoke loa e hoo kui na pualikoa a i elua i kahi hookahi.

            O keia no ka wa i kaalo iho ai o ke kau lio opio mamua o ke alo o na kaa Denemaka a e like me na alelo o ke ahi, pela ka make e lumai ia ala e ke keiki opio iloko o na pualikoa Denemaka.

            A o keia hoi ka wa i hoopiha loa ia ai ko ka Moi puuwai i ka inaina nui i kona ike ana mai o keia wahi keiki uuuku wale no ka mea nana e hoohaahaa ia loakou.

            He wa keia no ua Moi nei i huli ae ai a hili aku la me ka ikaika nui o kana pahikaua, me kona manao, ina e loaa pono aku, ua mahele lua ia kona kino a me kona lio e kau ana.

            Aka, ua alo ia nae ia hauna pahi a ua Moi la, a hoopa ia iho la ke kuau o kana pahikaua e paa ana, me ke kikoni ia ana iho maluna o ka puupuu lima, i wahi nona e pii ae ai ka weli o ka ukiuki a lele hou mai imua ona.

            Na keia hana hoi a ua wahi keiki nei, ua lele mai la kekahi o na ukali o ua Moi la, e hou malu ma ka puui wai o keiki ha'a ole, a ua pale koke ia ae me ka e eu nui a haawi koke aku la oia i panai no kana hana powa a ike ia aku la oia i ka haule ana aku mailana aku o kona lio me na palapu i loaa pono aku la mai ka hauna pahi aku a ke keiki.

            O keia hoi ka wa i ike ia aku ai na pualikoa Denemaka, e oiliili maana ma ke kua aku o ke kulanakauhale me ke kamoe pololei mai no hoi no kahi a ko lakou hae e pulelo ana i ka makani.

            A o kahi poe hoi o lakou ka poe i ike a i hoomaopopo hoi i na helehelena o ke keiki opio, eia lakou ke nana mai nei me na maka pahaohao oia hoi lakou ke hookokoke loa aku nei e hui he alo a he alo, me ka mea a lakou i ikemaka ai i kona wikani maluna o ke kahua kaua.

            Oiai hoi, keia wa e kakele pahikaua ia noi mawaena o ka Moi o Denemaka a me keiki opio, ua hoopii paumi ia ae ka inaina iloko o ke

 

HAPENUIA!

MA KAHIO

L.B. KERR

E haawi aku ana makou he Hoikeike Nui

 

Na PAPALE HOU, na PUA me na HULU MANU i hoounaia mai no no La Kulaia wale no.

O na Paikini Hou ma ke Kumukuai Haahaa Loa.

O makou KIULANI LAWNS a me na MASELANA, he 8 i a a me 10 i-a i ke $1.00, he nani loa, a ua papalua ia iho mamua o ka makou e noi nei

Eia makou ke kuai hoopau nei i na L1HILIHI ma ka $1.00 o ka paa.

Na UHI MOE no na moe palua, he $1.00 pakahi.

Na KALAKOA HAULIULI paa loa he 16 i-a i ke $1.00.

He heluna nui o na KII BEBE a me kekahi mau KII PAANI e ae e hoea mai ana maluna mai o ka mokuahi Auseteralia e haawi wale ia aku ana e makou.

Na MIKINI HUMUHUMU e hooliloia aku no ma na uku liilii ia no ma ka mahina.

E lawe ia no na MIKINI KAHIKO ma ke kuapo ana.

            L. B. KERR.

HONOLULU-ALANUI MOIWAHINE-HONOLULU

Ka mea nana e hoolako i na kanaka a pau

 

 

kino a me na iala o ka moi, a aia hoi oia ke haka pono la i kahi kupono ana i makemake e lawe i kona ola me ka hakalia ole, iuna ia he mea hiki ke hooko ia.

            No ka lua o ka manawa, ua ani hou ae la kona mau lima me ka ikaika nui a uhau hou mai la i kana pahikaua maluna o ke kino pilalahi o kahi keiki, aka, ua pale ia ae la nae ia ma ka palamimo a haule aku lal kana pahi he mau anana kekaawale mai iaia aku.

            O keia hoi ka wa i hui ae ai na puali koa hope mai la, me na koa o ka @loi o Denemaka, ka mea hoi nana i kono aku la i ka Moi Uilama o Enelani a me kana keiki.

            Puka mai la ko laua koa a hookui ae la me ko na Denemaka, a ike ia aku la ka walawala ana o na koa mailuna aku o ko lakou mau lio he ahailono na ka make, a e ike ia aku ana hoi ko lakou hou aku a hou mai me na elan a me na pahikaua.

            I kiea wa hoi i ike ia aku ai ka haalele ana iho o ke keiki opio i kona kulana mua, ana hoi i kakaele pahi mua iho ai me ka moi o Denemaka a holo aku ia no kahi a na pualikoa e hakaka nei.

            A me ka eleu i loaa i kona mau olona, oiai hoi na koa Denemaka e lawe haaheo ana i ka lanakila ma ko lakou aoao, me ka luku nui ana i na koa Pelekane a oia hoi kana i lawe ae ai i ke kulana aiwaiwa lua ole ma ka hoohana ana me ka luku nui ana hoi i na koa o ka enemi o kona makuakane,

 

OLELO HOOLAHA.

 

            E ike auanei na kanaka a pau ke nana mai, owau o Mrs. Maria ka wahine mare a A10, (Pake,) ke hoolaha aku nei au ma ke akea, e hooki i ko maua noho mare ana ma ka berita mare, no ka mea, ua loihiloa ko maua kaawalo ana no ina makahiki he 14, no ka mea, ua kokua ia au e ko'u ohana a hiki i keia la.

            Owau no,

            MARIA.

            Koolau, Kauai, Dec. 8, 1897.

            dec 8.  3m-wkly-dly.

 

OLELO HOOLAHA.

 

            Ma keia la 1 o Dekemaba, M. H. 1897, ua hookohu aku au ia W. C. Akana, Kalauki, i luna no ka malama ana i kuu aina kula o Mokauea, Kalihikai, Oahu, a oia no ka mea mana no ka nana ana a me ka imi i pono a pomaikai no ka aina. A ua mana iaia ke hoopii ma ke kanawai, i ka poe e koe mai ana i ko'u pono o ko'u aina.

            KAPIOLANI.

            Queen Dowager.

            Honolulu, Dec. 1 1897.

 

OLELO HOOLAHA.

 

            Ke hoolaha aku nei au o ka Waikini (k) ma Honolulu, Oahu, i keia pa lapala hoolaha kuleana pili aina o Kamalenui, (k) i make ma Waimea, Kauai, nolaila, owau o ka inoa mua iho i ike ia ae la maluna, oia o Waikini, (k) ka pili koko ponoi o ka mea i make, ua makemake au, o ka inoa mua, e ike ina he mau pili e ae keka hi o ka mea i make, e hoike mai ia'u i ka inoa mua Waikini (k) ma ka mo kupuni Honolulu, Oahu, nolaila, ua makemake au i kona kahu waiwal, oia o@, M. Spencer a me na poe e ae kekahi, i na he mau aie kekahi o ka mea i make ia lakou, alaila, e hoike mai ia'u, ia ka Waikihi (k) mai ka la 29 o Novemaba a hiki i ka piha ana o na malama eono.

            Owau no me ka oiaio,

            WAIKINI.

            Honolulu, Oahu, Nov. 29, 18971.

 

OLELO HOOLAHA.

 

            Iloko o ka Aha Apana Hookolokolo Ekahi o ko Hawaii Pae Aina, ma ka Hooponopono Waiwai. Ma ka hana o ka waiwai o Kaeo Aki (k) o Honolulu i make kauoha ole.

            No ka @ waihoia mai e kaio na (@), ke kaikamahine, he palapala nei no ka Hokohu Luna Hooponopono no Waiwai no ka waiwai i @loia, a e hoopaka ia aku ia iaia, nolaila, ma keia, ke hoolaha ia aku nei i ka poe a pau i kuleana ma ua waiwai la, o ka Poalima, Dekemaba 24, 1897, ma Aliiolani Hale Honolulu, Hora 10 o k kakahiaka oia kahi a me ka ma nawa e hele mai ai lakou, a e hoike ma@ na kumu, ina he kumu ka lakou e ae ole ia ai ke noi.

            Honolulu, Novemaba 19, 1897.

            Na ka Aha,     

            GEORGE LUCAS.

            Kakauolelo.

 

OLELO HOOLAHA.

 

            E ike auanei na kanaka a pau owau o Ah Sin (Pake) ke papa a hookapu loa aku nei au i kela aina e waiho la ma Ooma, Kona Akau, Hawaii, oia ka aina o Lilinoe i iilo mai ia'u ma ka hoolimalima no na makahiki he 19, a o ka moraki ana i hana ai me Akau (Pake) o Kailua ua lilo pu mai ia'u. Ma keia, i na ua morakai hou aku oia me hai, me ia aku no kona pilikia a me ka poe a pau ana i hoolilo hewa aku ai. E hoolohe o pilikia auanei.

            AH SIN.

            Kohanaiki, Kona Akau, Haw