Ke Aloha Aina, Volume III, Number 50, 11 December 1897 — Page 7

KE ALOHA AINA

             POAONO, DEKEMABA 11, 1897.          7

 

HE  MOOLELO  WALOHIA.

-:NO:-

ALANADELA

Ka Wahine Hoopahaoha o ka Aahu Keokeo

-A I OLE:-

Ka Loea Hookani Pila o ke Kulu Aumoe

  Me ka mama i loaa i na wahine nei me ka uhimaka eleele holo pololei aku la oia a hopu aku la i ka wahine opio e waiho ana mamua o Rodufa a me ka leo o ka mea i piha me ke kaumaha, pane iho la oia e kuu hoaloha malihini, ano, @ hoea mai au no ka hoopakele ana aku ia oe mai ka poho lima mai o kou mau enemi, a e hoike mai hoi, e kau aku anei au i ka hoopai o ka make maluna o na kanaka i koe iho mai ka maka aku o kuu pahikaua.

  Puiwa ae la ka kaua Alanadela no keia leo, a leha ae la kona mau maka no kahi a ka leo i pa-e mai ai oia no kona wa i hoohikilele ia ae ai a ike ae la o ka wahine no ke’a ana i ike ai maloko o kekahi o na rumi o ka hale o Rodufa nana hoi i luku aku i na kauwa a Rodufa, aole nae hoi he leo i pae aku mai ko Alanawaha aku.

  Mai kanalua no’u, wahi a ka wahine me ka uhimaka eleele i pane hou mai ai, aole au he enemi nou, aka, he hoopakele nou e ka mea poino, a pela au i ho a mai la imua ou, e hoike mai i kou manao ane no keia mau kanaka, a e kau auanei au i ka hoopai o ka make maluna o laua.

  A ia wa no hoi i ike ia aku ai ka pahikaua a ua wahine nei e paa ana ma kona lima, me ka makaukau nui e lum@ i aku i’oko o ka puuwai o kona mau enemi.

  Kuloa iho la ke poo o ua Alanadela nei ilalo a hala ae la he mau minute ala ae la kona poo iluna a me na maka i piha me ke aloha i ka hookau ia aku o ka hoopai o ka make maluna o Rodufa a me kana kauwa hookahi i koe iho, nolaila, luliluli ae la kona poo a me ka leo palupalu i ane aku la oia.  Aole, mai kau i ka hoopai maluna o laua, oiai, aole no hoi i hoopoinoia kau wahi lihi o kuu kino.

  Ina pela, ua pakele laua a e kou makemake ka’u e  hooko aku, aka, o ko’u iini no nae o ko l@a make no wahi hou a ka wahine malihini.

  Hooki koke ae la oia i kana kamailio ana, a haliu aku la hoi kona mau maka i kona mau enemi, a me ka leo o ka mea i piha i ka inaina pane aku la oia ia Rodufa penei:

  Ua manao kuhihewa loa ia paha oe, ua palekana olua mai ko’u uhai ana mai mahope o olua, pela io no paha, aka, na ka puu ahi a olua i hoa ae nei i hoike ae nei ia’u a eia olua i anei, a pela au i hookolo mai nei a hiki i ko olua loaa ana iho la e hoomakaukau ana e hana i kekahi hana hoomaewaewa maluna o ke kino la@hia o ka wahine opio.  O kela mau leo aka henehene a olua i haawi mai ai ia’u ua lawa ia no kuu @ pahu ana aku i ko olua mau kino iloko o na apana elua.

  Hoani ae la ua wahine nei i kana i ahi me ka weliweli nui e apaliu iho i ke ola o ua Rodufa nei, aka, ia wa no i lele mai ai ka kaua  Alanadela mawaena o laua a me ka leo nawaliwali pane mai la oia:

  E ke wahine a’u i ike ole ai he lua kekahi i like me oe ka ikaika, e hoopakele ae i ke ola o kou enemi, a ua lawa no hoi kou hoehaeha ana iaia ma ke kaili ana aku ia’u mai iaia aku.

  Ae e ka wahine opio, e ae aku ana au i kau noi, aka, ke hopohopo nei nae au, o ko’u hoopakele ana aku iaia, he poino no kekahi e ukali mai ana mahope o kaua, aole hoi e hihi, ua makemake oe e pakele ia ko olua mau ola, a nolaila, ua pau ae la.

  Ku ae la ua wahine nei a hele aku la no kahi a na lio o Rudofa ma e ku ana, a lawe mai la ia laua no kahi a Alanadela ma e ku ana.  A me ka hoohakalia hou ole iho, pane mai la oia ia Alanadela:

  E kau ae e ka wahine opio maluna o kekahi lio, a owau hoi ma kekahi, a huli hoi aku kaua ma ke alahele a’u i imi mai la ia oe, no ka mea ke honohono nei au. heaha la ka hopena o kuu hoaloha e waiho mai la iloko o ka ehaeha,

  Aole he leo i pa-e aku mai ka waha aku o Alanadela, aka, hooko ae la oia i ke kauoha a Alanadela a kau ae la maluna o kona lio, a o ka wahine hoi me ka uhi maka eleele ma kekahi lio, a hoohuli ae la ko laua alo no kahi a lakou i hele mai ai.  A ia ua no hoi i huii hope ae ai ua Alanadela nei, a haawi aku la @ i na kunou hope loa ana ia Rudofa.

  Mamuli o ka aaki paa o ka pouli ua hiki ole ia laua ke hoauau aku i ko laua mau lio, aka, ke kuoe malie la no ia i ke al@.

  I ka hala ana aku o ka wahine nana i hooweliweli loa aku ia Rudofa a me he mea la, aole keia he wahine maoli, aka, he uhane lapu no ka po, ua huii ae la oia a kuka iho la i ka laua hana hope loa e hana hou aku ai,oiai, ua noho iho la oia i kahi o ka hoaa.

  E kuu kauwa, wahi a Rudofa i pane mai ai, heaha ka kaua hana pono e hana hou aku ai, oiai, ua mele kana me ka kaua lawehala i lawe mai nei.

  He hookahi hana pono wale no i koe, oia no ko kaua uhai ana aku mahope o kela wahine lapuwale, a i kona wa a kaua e ike ai ua nanea oia, oia no ko kaua wa e l le aku ai malona ona a pepehi aku a make, a kaili hou mai i ka wahine opio.

  Ae, he maikai kena noonoo ou, aka, he hookahi wale no mea e hoponopono ai oia no ko kaua hookomo ana i na manao koa iloko o kaua a paio aku maluna o kela wahine, a ke hoohiki nei hoi au maanele e koa au ma na ano a pau ma keia hope aku.

  I ka hooki ana iho o Rudofa i ka na kamilio ana, ku like ae la laua a hookoio aku la mahope o ka meheu o ka wahine me ka uhimaka me laua pio e lawe pu ia aia.

  Me ka mama i luaa i ko laua kapuai wawae, ua auau aku la laua no kahi a na kapuai wawae ilo e pohapoha mai ana, a la wa no hoi i ike ia aku ai laua i ka unuhi ana ae i ka laua mau pahi a paa ae la ma ko lauo mau lima me ka ike ole mai o ka wahine malihini na laua nei.

 

KE  KANAKA  HIAMOE  KUPAIANAHA.

  Aia ma ke kulanakauhale o Sana Kale, Minn., e noho nei kekahi kanaka hiamoe kupaianaha nona hoi ka inoa o Herman Harms, ka mea hoi i hoohala i keia mau makahiki he umikumamawalu a i wakalua iloko o ka aina o ka moeuhane.

  He nui kana mau keiki nunui e ola nei, a ua nui hoi na dala i hooliloia no na laau e hoola maluna o Mr. Harms aka, aole nae he kauka i hiki ke hoola i keia mau pilikia ona,  Me na lima palupalu e haawiia ai kana mau mea ai e kana mau keiki, aka, me he mea la aole oia i ala pono i kona wa e ai ai, a i ka wa no e pau ai o kona ai ana, oia no kona wa e haule hou aku ai a pauhia loa aku la i ka hiamoe.  He hana nui loa ka hoala ana iaia, a i kekahi wa, ua hooheehee ia kana mau mea ai.

  I ka wa o Harms i nee aku ai i ke komohana he iwakalua makahiki i hala ae nei, ua hoomaka mai la keia haawina e hookau maluma ona a hiki i ka hiki ole ana iaia ke hana hou aku,  a no kekahi wa, aole he mea i hiki ke lawelawe i ola no lakou a hiki i ka  nunui ana o na keikikane.

  I keia mau la iho nei o ka Makalii, akahi no oia a hiki ke ala mai, a ua hoohauoli ia kona ohana, aka, he mau la pokole wale no, ua haule hou aku la oia iloko o kekahi haimoe kulipolipo loa.  He oia mau no ka ikaika o kona pana, a i kona wa e moe ai o kona mau maka e ike ia aku ana no ka imo mai.  I ka wa ona e puoho ae ai he mau noonoo maikai no kona.

  He 56 ka nui o kona mau makahiki.  I ka wa i hoomaka ai o keia haawina iaia i ka makahiki 1875, he 180 paona kona kaumaha, i keia wa, he 90 paona wale no kona kaumaha.  He loloa kona lauoho a me kona umiumi, a he iwi wale no kona kino, i ahona i kahi ili e uhi ana mawaho.  Iloko o kela a me keia 24 hora e hanai ia ai oia, a i kekahi wa  i kela a me keia 48 hora.

 

 Ua lilo ae la o F.M. Swanzy, i Hope Kanaikela Beritania ma kahi o T.R. Walker e holo hoomaha aku ana no Enelani.

  Ua hoopaiia ka haole i komohewa ai ma kahi o W.W. Hall, ma ka Poalua nei, no ka ona e ka Lunakauawai Aha Apana.

 

KEKAHI  O  NA  MEA  HOONANI  KAHIKO  LOA.

  Aia ma ka hale hoikeiki o na mea kahiko British Museum kekahi nohoalii o ka Moiwahine Hotshepsu, e nohoalii ana paha he mau makahiki mamua o ka hamau ana o Mose, a he 1600 makahiki mamua o ka hanau ana o Karisto.

 

  He ano e ka nanaina o kela noho.  Ua hanaia oia mailoko mai o kekahi laau paakiki loa.  Aia ma na wawae o keia noho, ua uhi ia me ke gula, me na moo i hana ia mailoko mai o ke dala e kau ana, malalo hoi o na kapuai, ua hanaia elike me na kapuai wawae lio.

  Ua hanaia o hope o ka noho me ke dala a o kahi o na lima e kalele ai na hanaia me na kii moo e kolo ana i uhiia me ke gala, he nani kona nanaina, aka, he oluolu pono ole ka noho ana.

 

HOOPAU  IA  KA  LUTANELA  EKAHI   O  NA  MAKAI   KAULIO.

  Ua hoopauia mai ka oihana makai kaulio mai o Lutenela Ekahi Dunbar o na makai kaulio ma ka hora 2 o ka auwina la Poakolu nei, e ka Ilamuku Baraunu me ka maopopo ole iaia mamua no kekahi hewa i maopopo ole iaia, no ka mea, aole he mea i hoopii aku no kana lawelawe ana i ka oihana.

  Aole he pani i loaa ma kona wahi i keia wa a ua like, ka hoopau ia ana o keia haole me kekahi papale e kau ana maluna o ke poo, a i ka wa i mahui mua ole ia, ua puhiia aku la ia e ka makani a haule ana iluna o ka lepo.

 

HE  ULIA  POINO  HOU  NO.

  Aole i loihi ae nei na la o ke kanaka i halawai ai me k@ ulia poino ma uka o ka pal@ na halawai hou iho la kekahi kanaka opio koko hapa me kekahi ulia poino mauka o laila, ma ke kakahiaka Poakolu nei.

  He kanaka opio oia e hana ana ma ke alanui pali, a e hana ana hoi oia malalo a aku o ki@ pali i ka wa ona i halawai ai me ka ulia poino, ma o kekahi a ana mai o kekahi pohaku nui ma iluna mai o ka pali a pa iho a ma ka aoao o kona poo.

  Aole he maopopo ka nui o kona mau poino, a na manao ia ua naha ka iwi o kona poo.  Ua hoea aku o K@uk@ Ways m@ no ka lapaau ana i kona mau ua lapu, a mahope o laila ua lawe loa ia mai la oia no ka Halem@ Moiwahine , a eia oia malaila e waiho nei i keia wa.

  Ua manao a, e loaa ana no iaia ka maha, a ua hoeha pu ia me kona poohiwi i ka wa i haule mai ai o keia pohaku.

 

UA  ULU  AE  HE  HOOPAAPAA.

  Ma ke ahiahi o ka Poakolu nei, ua ulu ae he hoopaapaa mawaena o kekahi mau kanaka paoahi o luna o Mauna Loa, a me kekahi makai ma ke alanui Nuuanu.  O ke paoahi a me kona mau hoaloha ma kekahi aoao, a o ka makai ma kekahi aoao.  O ke kumu i ala mai ai o keia hoopaapaa wahi a ke kanaka paoahi, ua haawi aku oia he elua hapaumi i ka makai no ka hele ana e inu kope, aku, au ike iho la oia ua haawi hewa oia, aole ka he hapaumi laua e elua, aka, he hapaha gula, kekahi, ua hoole loa ka makai a hiki i ka wa i huli ia ai ke kino o ka makai, aka, aole nae he dala gula i loaa aku iloko o kona poii.

 

KOKOKE  KA  LA  O  KA  PAINA  LUAU  NUI

  Ua kokoke loa e hoea mai ka la o ka paina luau nui e haawi ia aku ana no ka pono o na Elele a ka lahui e noho la ma Wasinetona i keia wa.  Ua makaukau na mea a pau,a kekahi  wale nei no o ia la o ka hiki mai.

  E like me ka hookuu hemolele ana mai o na lani i keia, mau ia e hele nei, me ka hookuia ole ia o keia hana nui e hoomakaukau ia e nei e ka ua, pela i hookomoia mai ai na manaolana iloko o makou ua ae laelae mai o Iehova, e hana kakou me ka lokahi no ka pono o na Elele a ka lahui.

  Nolaila, e ka lahui aloha aina oiaio, e ala mai kakou a kokua like o loaa ai he holomua no keia hana mai puni wale aku i na olelo hoopohala a ko kakou mau enemi, aka, e hoomau aku kakou i ka nee ana imua a hiki i ka lanakila ana.

  E hoopiha ae kakou ma ia paina luau nui, a malaila hoi e loaa ai na ono like ole a ka puu moni ai, a na ma o na wahine aloha aina i homakaukau ai.  Nolaila, e ku a maloeloe a hele mai, mai hilahila, no ka mea, o kau dala wale no ka mea i makemakeia me ka nana ole ia o ka aahu.  E hiki pu ae ana hoi me ka hana lahui ma aila e hoolealea ai i ke anaina nui e hiki ae ana.  A ina he mau kokua aloha kekahi i koe aole i pani ia ka puka, e lawe ae ma ka home o ka Peresidena Nu Kuaihelani Campbell.

 

  Ma ka Poalua nei i huki ia ai ka pahu hae o ka hale kaawai helu 2 mau kona wahi i kukulu mau ia ai no ka hale kaawai hou.

  I keia awakea i hookau ia aku ai ka mokuahi poino Kaala no luna o ke alahuki moku no ka hana hou ana i keia wahi poino.

  Ua hoouna mai nei o L.S. Aungst i kekahi mau manu nuau lawe leta mai kona wahi mai maluna o Mauna Loa, a i ka wa o ka Mauna Loa i hiki ai ma kahi o umi mile ka mamao mai ka aina mai, ua hookuu ia aku la ua poe manu nei, a ike ia aku la lakou e lele ana no uka o ka aina, aole nae i loheia ma ko lakou hiki pono ana aku i ka home o ko lakou haku.