Ke Aloha Aina, Volume III, Number 49, 4 December 1897 — HE HAIOLELO KU I KA WALOHIA MA KA LUAKINI O HAILI. [ARTICLE]

HE HAIOLELO KU I KA WALOHIA MA KA LUAKINI O HAILI.

Ma na lono i loaa mai nei ia makou ma ke ku ana mai a ke Kinau mai Hilo mai, ua malama ia ae la he haiolelo hoalohaloha ma ka la Sabati nei Nov. 28, ka la Kuokoa hoi o Hawaii, maloko o ka luakini o Haili, e ke kahu oia ekalesia, Ilev. S. L. Desha. Ua hoea ae kekahi anaina kanaka nui, no ka hoolohe ana iaia, a ua wehe ia ae hoi na hana ma ke poo olelo ma ka Halelu 122, pauku 6 a hiki i ka 9, maluna o ke kumuhana, Ke aloha i ka aina hanau. He elua no manao nui maloko o keia poo olelo, oia hoi, (1) Na kumu i aloha ai kakou i ko kakou aina hanau. (2) Na hana kupono a kakou e hoike ai i ko kakou aloha i ka aina hanau. Ua hoomanao ia ae na Elele a ka lahui i hala aku la no Wasinetona maloko oia halawai, a pela pu no hoi me ke Alii hoomanawanui e noho mai la ma Wasinetona. He nani a walohia kana haiolelo, a ua hoohauoli ia hoi na poe aloha aina a pau, a ua komo ka ehaeha i na poe o kela aoao. Ua heluhelu pu mai oia i ka moolelo o ke kaili mua ia ana o ka ea o ka aina a me ke kii ana o Haalilio ma e like me Kaulia ma i kii aku la, me ka make ana o Haalilio me ke kanikau ana, ua hu mai ke aloha palena ole iloko o ke anaina i akoakoa aku, a ua hoohaanini mai ko lakou mau lihilihi maka i na waimaka no ke aloha i kana mau olelo ku i ka walohia, mahope iho o ka pau ana o ka pule, ua hele aku la ke anaina e lulu lima pu me ke kahu Rev. S. L. Desha me ka hoomaikai pu aku hoi iaia, ua ku oia nona iho ma kana haiolelo i hai mai ai.

I Hts umikum«wftOJiQ wale no ka \ I i4%yinaauakai kaulio i keia wa, j ,& ua ae ku Ilamaku, ua oi j |dku a me ka eleu o j pdl lualuna o.na v | r , r