Ke Aloha Aina, Volume III, Number 47, 20 November 1897 — Page 5

KE ALOHA AINA

 

KE ALOHA AINA, NOVEMABA POAONO 20, 1897.

 

NA WA IKE ALII.

     Ua hooka i wale ae nei ka Hooilina Moi i kona mau la e ike mai ai i Kona mau makaainana ma keia mua aku, oia na la Poaha a me Poalima o kela a me keia pule, ma Kona home noho ma Ainahau, Waikiki.  Nolaila, ua makemake ia ka lahjui Hawaii Ponoi e kipa aku e ike iaia iloko oia mau la, elike me Kana i hoonohonoho ai, i loaa ona manawa kupono no kekahi poe i ike ole Iaia, ma ke ike Alii o ka Poaono aku nei i hala.

     Nolaila, he hoike ana mai ia i ko ke Alii opio hiaai i Kona mau makaainana ponoi a ua pono hoi ia kakou ke hele e ike Iaia, elike me Kana i olelo ai, "aole o'u makemake i ka mohai, aka, i ke aloha o ko'u mau makaainana."  He mau olelo nani keia a kekahi Alii opio i hoonaauao maikai ia, a he mea no hoi ia no kakou ka lahui e hoopau loa ia ai ko kakou mau manao hopohopo a kanalua Nona, elike me na lawe olelo a na nupepa o na aina e a me ko Honolulu nei no hoi, ka mea nana i hoinoino i ka noonoo o na kanaka Hawaii, a lo'i ko lakou manao aloha Alii mamuli oia mau hana apuhi ana i mea e hoomaka-e aku ai iaia, i Kona wa i pae mai ai i ka aina nei.

     Aka, o na manao makee Alii no iloko no ia o ka puuwai kahi i moe ai, e kali ana no me ka hoomanawanui, e ike pono i koke Alii opio kahua i ku ai, a i keia la, ua maopopo i Kona lahui Kona kahua i ku ai, aohe a lakou mea e hopohopo ai Nona no ka mea, he ikemaka no na hana maikai, aole hoi no na hana i kohokoho wale ia no, ka mea he ikemaka no na hana maikai, aole hoi no na hana i kohokoho wale ia no, e ka poe opu ino.  E hele nui ae na mea a pau e ike iaia, he ole hoi ka lohe pepeiao.

 

KE ALAHELE LOIHI O KEKAHI OMOLE.

     Wahi a na nupepa o Kapalakiko ua loaa ia Martin Kier, he kanaka kalepa no na Paemoku o ka Hema ma ka aekai o Nui, o na mokupuni Ellice, ma ka la 20 o Mei, 1897, he omole, a maloko hoi o ua omole nei e olelo ana, ua kiola ia ua omole nei mailuna aku o ka mokupea Beretania Villaita, ma ka la 24 Augate 1896, e Kapena Harl, oiai ka moku e holo ana ma ka latita 30 degere akau a me lonitu 161 degere 30 minute komohana.  Ua paialewaia keia omole ma na ale hulila o ka moana a he 2600 ana hoi mile i lawe hele ia ai e ke au mamua o kona pae ana ma na aekai ma ka mokupuni o Nui.  Ua hoouna ia aku ua omole nei ma ke keena o ka Branch Hydegraphier.

     Maluna mai nei o ka mokuahi Helene i laweia mai ai ke Iapana pepehikanaka o Lahaina no ka hoopaa ana maanei a hiki i ka wa e hookolokoloia ai.

     Ma ka la 1 o Ianuari ae nei e wehe houia ai ke kikina heihei wawae mawaho o Kewalo.  A ua manao na Luna Nui e kauoha hou aka i ke kahi mau keiki holo loa o Amerika Huipuia no ka holo ana mai i anei e heihei ai.

 

KO WILIKOKI MANAO NO E AUPUNI ALII.

     Ua hookahaha nui ia ko makou manao, aole nae i hoohikilele ia ko makou puuwai no na olelo a kekahi kanaka a ka lahui i hilinai kuhihewa ai, nona hoi ka inoa poina ole i ka lehuleu mai Hawaii a Kauai, oia hoi "ke Keiki Italia, a o Wilikoki hoi ma kekahi olelo ana," ina haule ka hoohui aina, alaila, aia no oia mahope o ke aupuni Repubalika kahi i ku ai.

     Ua hiki ke ike lea ia ko na ano i keia wa, mamuli o kona kamakamailio pu ana me ka mea kakau o ka Avalataisa, ma kona Keena Hana ma Alanui Konia, a ma ia wahi i huai pau aku ai oia i kona ka make loa i ke "Aloha Aina Oiaio," a oia la he aloha aina ma ka lehelehe wale no, aole hoi maloko o ka puuwai.

     Ma ka huakai aku nei a ua Wilikoki la i na Hono a Piilani, ma Wailuku ae nei hoi a Lahaina, ua kuhihewa loa ko ia mau Apana he Aloha Aina kapekepeke, ole, eia ka ua pili kepau ai a ka manu ua taata la o na pali nihoniho o Leahi.

     Mamuli o ke kuhihewa keia kauoha ia ana mai, me ka manao o ka lakou Elele ia e hoouna ai i Wasinetona, ola na iwi.  A oiai hoi, aole oia i hoikeike iki, ua pili oia i ke kepau, a hiki i kona huli hoi ana mai nei no Honolulu nei, akahi no oia a hoike pau pono ae, he mea kakoo oia no ka Repubalika e ku nei, ka mea hoi a na mea a pau i hoohikilele ia ai ko la lehulehunoonoo, he mau hana apuhi keia i ko lakou mau pono.

     No makou iho, ua hoike mua aku makou, he hoohui aina kahiko oia, a ua hoole mai no nae me na manao uahoa o ka lokoino, me ka i pu mai, ua koho lalau makou, me ka manao hoino.  Aohe o makou makemake i ka hoino kumu ole, aia no a loaa ke kahua e ku ai ka makou kamailio, aole hiki ia makou ke hoonalonalo i ka hewa a hiki i ka hopena.  Nolaila, e hoopau loa e ko Nawaieha a me Lahaina manao ana he Elele o Wilikoki e ola ai kakou Aole.  Aole loa.

 

     Ua loaa  ae nei ka hana a kekahi mau keiki kau kaa hehihehi wawae o Kaleponi, i lawe ia mai ai no ka Paka o Kewalo, oia o Allan Jones a me Dan Whitman.  Laki no.

     Ma ka pu o ka Poaono nei, ua hoea ae ke Kama'liiwahine Kaiulani ma ke kahua heihei o Kewalo, mamuli o kekahi kono i loaa iaia, mai na Luna Nui mai o ka paka heihei.

 

HE AINA MALUHIA O HAWAII.

     Nani ke kupanaha o ka hookomo ana iho o ke Akua i ka manao maikai iloko o na kanaka naauao a Ioea o na aina e, a i ko lakou wa i kipa mai ai a ike i ke ano o ka aina a me na kanaka e noho ana maluna o kona hokua palahalaha, a hehi hoi ko lakou mau kapuai iluna o ka lepo o Hawaii, ua puka mai la keia mau huaolelo maemae, a wai meli mai ko lakou mau lehelehe mai, 'he aina maluhia o Hawaii."

     Ua nui no na manawa a makou i lohe ai no keia mau olelo a ua hoomaopopo iho no hoi makou, he mau olelo pololeiia a na malihini kiekie a pau i kipa mai ai a launa pu me na kanaka i olelo ia, he poe pegana a ahiu hoi," aka, he poe oluolu loa i oi ae mamua o na lahui e ae a pau o ka honua, ka honua, ka mea hoi a kakou a pau e olelo ai aohe ona lua malalo iho o na kukuna o ka la.

     I keia mau la iho la i hala aku la o kela pule, i kipa aku ai kekahi poe kanaka koikoi o ka aina e ike ia Senatoa Pettigrew, o Sioux Fall, a me kona kokoolua, oia hoi o Dubois, ma ko laua wahi i noho iho nei, ma ka Hotele Hawaii, ma Ewa iho o ka pa o ka hotele, o kekahi o ka laua mau olelo makamae i puana ia mai, oia ae la kela maluna.

     Ua kaahele aenei laua ma ka loa a me ka laula o Kina a pela pu hoi me Iapana, ua like no ko laua kulana me ko Amerika, ka hopohopoia o ke ola ke hele malihini oe maluna o kona mau lepo, i malamaia kona maluhia me na pualikoa nui hewahewa, a me na makai e mili lima mau ana me na pu panapana, a oia hoi ka kekahi kanaka Amerika kuonoono i kona wa i hoolauna aku ai me ua mau Senetoa la, a hoike aku la penei:

     "He Amerika au ma ka hanau ana, a o Masekuseta ko'u Nokuaina i hanau ai; aka, he aina ia na'u i maka'u loa ai, aole e hiki ia'u ke hoohamama i na puka o ko'u hale a hiamoe i ka po, me ke pani oleia o na puka a me na olepelepe, ua moe au a me ka'u wahine maluna o ko maua wahi moe me ka lele ole o ka oili, aia he mea e hoohalua ana e lawe i ke ola o ka mea e hiamoe ana i ka po.  Ua hiki ia oe ke hele ma na alanui o ke kulanakauhale i ka po a me ke ao me ka hoopolikia oleia, a o ke kumu, oia no ka naauao o ka lahui a me ka hoopono o ka noho ana o ka hapanui."

     O keia mau olelo, aole ia he mea haanui wale iho na makou, aka, ua laweia mai ia mamuli o ka hoike a ko makou mau hoaloha i kipa aku e ike i ke kulana o keia mau kanaka i hoea mai la, a me ka laua mau olelo i hoopuka ai mamuli o ko laua i kemaka aole hoi ma ka lohe pepeiao.

     O ke kumu paha i puka mai ai o keia mau olelo mai ka lehelehe mai o kekahi o laua, oia no ka loheia, he aina keia ua piha i ka haunaele a me na hanaino, a i wahi e ike pono ai i ka oiaio o ia mau olelo, oia no ko laua kipa ana mai e ike pono i na mea a pau, ina i o he oiaio, aka, i ko lana wa nae, i ike iho la i ke kulana a me ka lahui a laua i lohe ai i ka hoinoia ua hoopau koke ia ko laua mau manao anoninou no ia mau olelo, a hoopuka ae la i na olelo mahalo, e i ana i "ka aina o ka maluhia," aole hoi o ka haunaele.

     He mea keia na kakou a pau e hauoli ai, ka loaa ana mai o na olelo mahalo mai na kanaka mai o na aina mamao, ka poe hoi na lakou e kaupaona nei i ka pono o ka ninau o Hawaii, i waiho ia mai ai na kakou no e imi, i kahi e loaa ai i na kanaka Hawaii ka pono e hoi hou mai ai ke ea o ko kakou aina ia kakou, ka mea hoi a kela Senatoa i olelo ai, na Hawaii no e hana nona iho, a eia hoi ka makou e ake nei,  na e hiki ana ia kakou ke hooko ia mau olelo maikai a ia poe, oia hoi ko kokau hana ana, a hoouna i na Elele me ka nana ole i na kinaunau a ka poe hoino.  I mua ona ko ola a me ka maluhia ou e Hawaii.

 

KE ALOHA KO MAKOU MAKEMAKE.

     Ma keia helu o keia la a makou e puka aku nei, ke hoau nei makou maluna o ke kahua hou a makou i haupu mua, e kakele ana makou maluna o ka papahelo a kekahi mau Hawaii o ka hui Kalaiaina i hoomoe ai no ka hooholo mua ana i keia oihana ano nui o keia mau la e nee nei.  A oiai o ka makou kahua no ia mai kinohi mai a hiki i keia la, pela makou e kalokalo ae nei, e ike mai ia makou ma ke ano, he kumu a he moe ho makou i kukulu ia maluna o ke kahua paa mau o KE ALOHA AINA,  a nona au makou e papahi nei me ka hanohano i na wa a pau a makou e ku ai ma ka aoao o ka makou ipu inika no ke pono o ka lehulehu.

     O ke aloha no ke kumu i kukulu ia ai o ko makou ale a paa e ka mea nana i hoau mua i na a ia au wale aku la, a oia no ka makou e hana nei a hiki i keia la, me ka loli ole ae i hookahi iniha o ko makou manopaa, a oia manaopaa no, no ke aloha i ka aina, ka lahui a me ke alii, oia no ia a makou e oili aku la i keia la, ma ke kahua hana hou a makou e alo aku ai iloko o ke ehuehu ma keia mua aku.

     Nolaila, i ko makou wa e kipa kauhale aku ai, mai hoopalaimaka mai, a mai hookomo iho i na manao nonohua o ke aloha ole, aka, e lawe ae kela a me keia a kukulu iho i ka manao pilipaa mau a kakou e na'i nei, he aloha au i ka aina nona keia kino i mohai ia mai kinohi mai, a pela mau aku a hiki i ka hopena.  O ka makou ia e upu mau aku la, e paa mau kela makia iloko o ko kakou puuwai no ka wa mau loa.

 

UA HOOKUU IA MAI.

Ma ka Poakahi nei, i hookuuia mai ai na ohua a me na limahana Iapana a ka mokuahi

Rio Janierio awe mai nei, mai ke kahua hoomalu mai o Kahakaaulana.  Ua mahele ia na

Iapana limahana no na mahiko like ole penei:

                                                                                                Mahiko o Oahu.                      177 kane, 46 wahine a me 3 keiki.

                                                                                                H. P. Fay & Co.                      30 kane, 5 wahine a me 2 keiki.

                                                                                                Pioneer Mill.                            25 kane, 4 wahine me 1 keiki.                                                                                                                                                               Mahiko o Koloa.             20 kane, 4 wahine me 1 keiki.

                                                                                                Meyer & Kruse.                      13 kane me 1 wahine.

                                                                                                Mahiko o Kekaha.                   5 kane.

                                                                                                Mahiko o Kilauea.                  1 kane.

Ua pau loa lakou a pau i ka hoouna ia aku no na mahiko.

 

PUALI MAKAI HOU.

     Ua hoala ae nei o Ilamuku Baraunu, he puali makai kau kaa hehi wawae.  He elua kanaka o kela a me keia uwati, ana i ohi ai a ua like hoi ia me eono ko lakou nui.  Eia o Henry Espinda a me Gardner ke holo nei maluna o na kaa hehi wawae, a mai keia wa aku hoi, ua pau ka noho ana o na makai kau lio maka halewai no ke kali kauoha, a he kaa baikikala aku ana ma ko lakou wahi.

     I heia wa, ua lawa pono na mea a ka Ilamuku i hana ai, a eia hoi na hoonohonoho ana o ko lakou mau inoa a me na wati a lakou e ku ai a hana ma keia mua aku:

                                                                                              Wati Ekahi - Makai Gardner e me Nigel Jackson.

                                                                                                Wati Elua - Makai Espinda a me Chas. Lambertsen.

                                                                                                Wati Ekolu - James Kaili o ka halepaahao o Kawa, a o ka lua aole i loaa i keia wa.

     He mau hana palamimo io no keia a ka Ilamuku i wae ae la, a na ka lakou mau hana e hoike mai i ka waiwai o keia poe.

 

AOLE NO I LOAA NA KIURE.

     Mai ke kakahiaka Poaono mai ka noke ia ana o ka wae i na Kiure no ka hihia pepehi kanaka o Kauai, a hiki i keia kakahiaka Poalua, aole no i lawa a i pau hoi ka wae ana o na o na loio o na a ao a i elua, e hana ana i ka po a me ke ao.

     Nolaila, ina e lawa ana na Kiure i keia kakahiaka, alaila i keia auina la paha e hoomaka ai na hana.

     A i no aole e lawe ana i keia kakahiaka, alaila, hoomau ia aku ana no ka imi ana a hiki i ka wa ie piha pono ai ka papa Kiure, i manao ia ai hoi na lakou e imi a loaa ka olelo hooholo kupono, i akenui ia hoi e na  aoao a i elua, e hoea mai na hookolokolo ana i kela poe, aole hoi ma ke ano kinai make hoi i kela poe i hoohuoi ia malalo o na hana hoomaka'uka'u, elike me ka makou mea i lohe ai, a ke oiaio hoi, na ka loio ia o ka aoao aupuni i hana