Ke Aloha Aina, Volume III, Number 39, 25 Kepakemapa 1897 — Page 8

KE ALOHA AINA

 

@    KE ALOH AINA, POAONO, SEPATEMABA 25, 1897.

 

HE MOOLELO HOONANEA

- NO KE -

Keikialii Alabati.

Ke Kaeaea o Pelekane.

- A ME -

Ka Ui Madelina.

Ke Kukui Uwila o Ainapo.

Hoohenoia no KE ALOHA AINA

  A oia hoi ka ua kanaka la i pane mai ai, e hoouna awiwi aku ana au i kekahi poe oe lakou no ka huli ana aku i ke Keikialii a me kona mau hoa, no ka hoolawa ana aku ia lakou me na mea ai kupono ia lakou.

  I ka pau ana o kana ai ana aia hoi, ua makaukau mai la kona lio hou me kekahi mau kauwa e alakai ana iaia a hiki i ke kokoke ana i na oioina e ike pono ia aku ai ke kulanakauhale.

  O ka manawa o ka la i keia wa, ke kokoke aku nei e kani ka hora 12 o ke awakea, a oia hoi ka wa e hookokoke lou aku nei o ua Keikialii elele la, i na palena waho o ke kulanakauhale, a oia hoi ka wa i haalele mai ai o na kauwa a ka haku nona ke Kakela, me ko lakou lululima aloha hope ana.

  He hai aha hora i hala ae o ka hora akahi o ka auina la, aia ua Keikialii la mawaho o ka Paalii kahi i kikeke aku ai i ka puka, a o ka wa no hoi ia e wehe ia mai ai o na pani puka, a komo aku aku la oia me ke kuupau ana i ka holo o kona lio me ke kaohi ole mai.

  A oia hoi ka na koa kiai e nana mai nei i keia hana hookiekie a keia Keikialii, i kona wa i kokoke aku ai mamua iho o ke alo o ke halealii, oia no ka wa i keakea ia mai ai ka holo o kona e na koa kiai e holoholo ana mamua iho o ke alo o ka halealii; me ke kahe, ana mai iaia.

  Uoki kou nee hou ana mai imua, a o kou hoao ana mai e hoonee imua, e halawai no oe me kou hopena o keia ola ana.

  Kuli kela mau olelo kikoola, oiai, ua hoouna ia mai au e ka Hooilina Moi o ke Kalaunu, ke Keikialii Alabati, e ninau aku i kona makuakane moi, ina ua huli ho i mai kana wahine mai kana huakai holoholo mai, mawaho aku o ke kulanakauhale nei, ka mea hoi a makou i ukali aku ai mahope ona.

  O ka nui o na leo a me ka nakeke o na pahikaua a na koa kai mamua iho o ke alo o ka halealii, i kono aku i ka Moi Uilama e hele mai e nana pono heaha la ke kumu o keia mau hauwalaau ana a kona poe kanaka.

  Aka, i ka na puka ana mai iwaho o ka lanai, ua ike koke aku la oia i kekahi Keikialii e kau ana maluna o kona lio, a oia hoi ka wa a ka moi a pane mai ai.

  E na kiai o ka maluhia, e akahele ka lawe ana i ke ola o ke kanaka, mamua o ka ike ana, heaha la ke kumu nui o kona hiki ana mai imua o ka hanohano o na kiai, e hooko ana i ka lakou hana.

  E ae aku e hele pololei mai imua o'u, ua ike no au, aia he hana nui iloko o kona u nauma kahi i paa ia ai.

  O keia no hoi ko wa i holo pololei mai ai o na elele nei a lele iho la oia mailuna iho o kona ho, a pii aku la no luna o na aouu o ke alapii kahi hoi a ka moi e ku mai ana, no ke kali ana o ka hiki ahu o ka elele imua ona.

  Ua hui ae la laua he alo a he alo a oia no hoi ka wa i ninau koke aku ai o ke Keikialii elele, ina paha ua huli hoi mai ke kaikamahine alii, a oia ka ke moi i pane mai ai, aole he mea o laua i hoi mai, aole hoi ke Keikialii Alabati.

  I ea wa i lohe ai o ke keikialii i keia mau olelo a ka moi, aia hoi, ua hoike mai la kona mau helehelena i ke kaumaha, mamuli o kona ike ana iho la, ua hooi loa ia aku ka ehaeha o ka puuwai o kona haku opio, aole io no i hoi aku ke kaikamahine alii no ka pa Ahi.

  A oia hoi ka ua elele ala i ninau aku aiai ka moi, alaila, i keia wa, heaha kau e hana ai, oiai, ua lohe aku la oe i na mea a pau e pili ana no keia nalowale ana o ke kaikamahine alii.

  Pane mai la ka moi, e haawi aku ana i kuahaua akea imua o na makaainana, no ka huli ana i ka Hooilina Aliiwahi ae iloko o na ululaau, na kahawai a me na kapakahakai.

  Ua pono a ua pololei koi manao e ka moi, a e hooko aku iloko o ka wa pokole, i hiki ai ke loaa aku aoia me ka hanu ola, a i ole, me ke kino make paha.

  Me na kapuai awiwi, ua huli ae la ka moi a hele aku la no loko o ka rumi o kona puuku, no ke kuahaua akea ana aku imua o na makaainana no ka huli ana i ke kaikamahinealii, ma na wahi a pau o Pelekane, mai ke kai a hiki i ke kuahiwi.

  E like me ka makemake o ka moi, pela i hooke koke aku ai ka Puuku i kana hana, e kuahaua ana mai na kane na wahine a me na keiki, ua loaa ia la kou ka moomoo maikai no ka imi ana i ke aliiwahine opio.

  Elike me ka mana i loaa i ka Puuku mai kona haku moi mai, pela oia i houna awiwi aka ai i na elele lawe kauoha ma na wahi a pau o ka aina elike me ka makemake o ka moi.

  O keia kuahaua akea, ua laha aku ia ma na wahi a pau, elike me ka hikiwawe o na elele nana e lawe ana i ke kuahaua mai ke kai a komo loa iloko o na ululaau.

  Ua ike io ia aku la ka huliamahi ana mai o na makaainana e hooko i ka leo kauoha a ko lakou haku, a i ka nana aku, ua hooneoneo maoli ia na home noho, malalo o keia olelo kuahaua alii.

  A ua hookoe ia hoi ma, na komo na poe nawaliwali hiki o'e ke hele, na, poe makapo, na keiki opiopio e omo ana no i ka waiu o ko lakou makuahine, a pela aku.

  Aole i ike ia kekahi huliamahi o na makaainana o Pelekane e like me keia, no ka mea, ua lilo ke aliiwahine opio, a haku alii hou hoi o ka aina i me aloha nui na lakou, ma kona ano, waipahe ma ke kamailio ana, na hookipa manawalea ana kana mau olelo e hiki ole ai ke hoole ia.

  Eia ka lehulehu ke kamoe nei ma na alahele like ole, e alo ana i ka loa a me, ka la la o ka aina o Pelekane, me ka haawi oie hoi i manawa hooluolu no ke kino, hookahi manao o ka loaa aku o ke kino ola o ke kaikamahine aia, a i ole, o kona kino make paha, elike me ka kauoha i haawi ia mai ia lakou.

  Hala ae la na puu, kaalo ae la na kahawai ma ko lakou alahele, ke alai mai nei hoi na ululaau loloa mamua o lakou, me he mau papu kaua la no na enemi, e keokeo mai ana hoi i ka hooke ana aku i ka hana i kuahaua ia.

  O keia mau keakea a pau au e ka mea heluhelu e ike iho la, he ole ia i ka manao o na makaainana, a ua hele na puu a me na ululaau a ohinu i ka makaaiauia e na poe huli, aka, he ole nae ka mea i loaa, a ua poho ka manaolana o na poe huli.

  Aka, o kekahi poe no nae, ua hoomau aku no lakou i ka hele ana iloko o na ululaau, a o ka hapanui ua pau mai lakou i ka hoi, no ke kulanakauhale mamuli o ka pololi a ka ai, ka weluwelu hoi o nau aahu, i ke kihele ia e na lala laau, a ahuwale ka ili.

  Elike me ka hiki i na makaainana ke hana, pela i hookuu laelae ia aku ai lakou e hana, me ka hoopilikia ole ia hoi ma na ano a pau, ma ko lakou hooko ana i ke kauoha a ke kuahaua alii.

  Hala ae la he mau la, a he mahina hoi ma keia huakai huli iloko o ka a eie o ke kuahiwi, a ma na pali kahakai hoi, e kuekaa ana me ka manaoio hana maoli, no ke ake e loaa kekahi meheu e pili ana no ke Aliiwahine opio.

  Aka, oia mau la i huli ia, a me la mahina hookahi hoi i naku hele ia, ua hoihoi mai ia me ke pakalaki ma na ano a pau.

  No keia nele maopopo ma na ano a pau, ua hoi aku la ke Keikialii Alabati me na manao o kaumaha o ke aloha wahine oiaio, a e like me ka wa wela i paila ia iloko o ka ipuhao, pela ke aloha e hana nei iloko o kona pauwai, a oia iho paha keia mau wahi, lalani mele a kaua e hooheno iho ai e ka mea heluhelu:

            Akahi hoi au a ike la,

            I ka hana a ke aloha,

            Ua like me ka wai o Hiilawe,

            Ka nanahe malie i ka puuwai.

  Ae, he mea oiaio loa kela, oiai, ua ao aku ka mana o ke aloha mamua o o na mea a pau, a ua hiki hoi iaia ke hoolilo i ka mana o  kekahi aupuni i mea ole.

  O na kuwili aloha ana o ke kane a me ka wahine i na la i hala, ua nee aku ia elike me ka ohu e hookauhua ana maluna o na puu, a ke pa ma ke oaheahe makani ma kahi ana e hoolulu ana e mohala aku no ia i ka loa me ka laula o ka aina.

  Pela no hoi ke Keikialii Alabati, o kona mau hauoli ana o na la i hala, ua mamao aku ia mai iaia aku, a ua lilo na mea a pau e hoe i aku ana imua o kona alo, me kekahi mapuna leo ole, e pili ana no ka Ur Madelina, i mea hoehaeha i kona puuwai, a ua lilo mai ia hoi ia i kumu e hooi hou aku ai i ke kaumaha iloko o kona waihona noonoo.

  Ua hoohala mau ia hoi ka manawa ai o ke Keikialii, a ua hiki ole hoi iaia ke malama i na rula o ke ola kino, elike me kona wa e noho ana me kana wahine.

  I kekahi manawa o ka po, ua ala ae oia mai kona wahi moe ae, i na hora o ke kulu aumoe, a holo hele aku la iloko o na ma la pua nani o ka pa alii, me ka honi ana hoi i ko lakou mau ala kupa oa, i kumu hoi e hoomaha ia ae ai ka ikiiki o ke aloha e hana mao ole aua iloko o kona puuwai.

  A oiai ua Keikialii nei e hoomau ana no i ka hele holoholo ana iloko o ka ma-la pua, e honi hoomau ana no hoi i ke ala kupaoa o na pua, eia nae, aole mea e hoonalowale ia aku ai na hoomanao ana i kana wahine, a oia hoi kana i hooheno ae ai i keia mau wahi lalani mele:

            E hoona ae ana, i ke aloha la,

            Pehea ia ia e pau ai,

            Aole hoi a e hiki,

            Ua olu nahe olu ka ihona iho.

  Me na kulu waimaka e kiheahea ana ma kona mau papalina, hoi aku la oia no loko o kona rumi moe, a maluna o kona bela, me kona manao e hiamoe, aka, aole nae e hiki, oiai, ke pii paumi mau ae la na hoomanao ana no kana wahine.

  Me ia kulana kupouli o ke aloha wahine oia i ku ae ai iluna, a hele aku la no waho o ka lanai o ka hale alii, e holoholo ana hoi i o a ianei, e hoonalonalo ana hoi i na hoomanao ana no kana wahine.

  Pela kona hoomau ana i ka holoholo a hiki i ke ano akakuu iki ana mai o o na hoomanao ana no kana wahine, a hoi hou aku-ia oia no loko o kona rumi moe, a iaia i haule aku ai maluna o ko na bela no ka hiamoe ana, ua lohe kohuliu ae ia oia i ke aa o ka moa, a lilo aku kona hookaau ana me Niolopua.

 

  Ua lohe ia mai, ua aa aku na poe o Puuloa e heihei waa me na poe o Kakaako no ka pili o $50.

 

  Ua hala aku la o Senetoa Mogana a me na Lunamakaainana eha no lalo o Ewa a me Waianae i keia kakahiaka Poalua.

 

  Ua loheia mai e malamaia aku ana he heihei waapa eono hoe, mawaena o na poe o luna o ka mokukaua Pelekane Comus a me na poe o luna o ka moku kaua Amerika Piladelapia ma keia mui koki iho.

 

  Ke hoikeia aku nei ka lohe i na mea a pau, ua haule kekahi leta kakau ia ka inoa o J. T. Waterhouse maloko o na leta la he mau bila kikoo nona ka waiwaiio o $37, aohe hoi he waiwai oia mea i kekahi mea okoa aku aka, i ka ona wa e, nolaila, ke kauoha a aku nei e hoihoi mai ia palapala i ke Keena o KE ALOHA AINA a e loaa no ka aku makana kupono.

 

OLELO HOOLAHA.

  Ke kauoha ia a ku nei na lala a pau o ka hui Kalepa H. Hawaii e akoakoa ae ma ke Keena o J. K. Kaulia opio, ke hiki aku i ka la 5 o Okatoba, ma ke ahiahi hora 6 ponoi.  Ko'u oiaio

S. K. MAKEKAU,

Peresidena.

 

OLELO HOOHALA.

  O maua o na mea nona na inoa malao iho nei, ke hoike ia aku nei ka lohe i na hooilina a pau, a ina poe paha i loaa na kuleana ma ka Kanawai mai na hooilina aku o Kukea, Kailiweuweu, Puapaka, Kapahu a me Kuhe, he poe i hui ma ke kuai ana i kekahi apana aina e wa iho nei ma haili, Kamananui, Waialua, Oahu, ma ka Palapala Sila Nui Helu 1091 (Grant) O ke kuleana o Kukea ma ia apana aina, ua ili mai maluna o maua kekahi o kana mau moopuna e like me ka haina o kekahi palapala mahele o ka waiwai o Kuhea i hana ia ma ka la 20 Dekemaba, M. H. 1872, a o na kuleana e ae, ke waiho nei me ka maopopo ele o na hooilina.

  Nolaila, ke hoike ia aku nei ka lohe i na mea a pau i pili ia Kailiweuweu, Puapaka, Kapahu, a me Kuhe, e hele mai e hui pu me ko maua makuakane, I. Kawaikumuole ma Kamooloa, Waialua, Oahu, no ka hoihoi ana mai ma auhau aupuni i oi aku, no ka mea, mai ka la i hana ia ai kela palapala mahele o ka waiwai o Kukea, ka uku mau ana o ko maua makuakane i na Auhau Aupuni a hiki i keia la ua hala na makahiki he 20 a oi.

  A ina aole e hoolohe ia keia hoike ana a pau na manawa eha o ka puka ana ma ka nupepa a hala paha elua pule mahope iho, alaila, ua manao maua, aole he mau hooilina aku i koe a ua lilo loa keia apana aina ia maua, no ka mea, ua hala na makahiki he 20 a oi o ko makou noho ana me ke keakea ole no ma ia apana aina i olelo ia.

EPARAIMA KAWAIKUMUOLE,

KEKOENA KAWAIKUMUOLE.

Kamooloa, Waialua, Oahu, Aug. 20, 1897                                                 4times - wkly.

 

HOOLAHA HOOPAU LUNAHOOPONOPONO

WAIWAI.

  Oiai, ua oo au i keia wa i ku i ke kanawai a ua loaa pu hoi he mau keiki mai ko'u puhaka aku, a ua hiki hoi ia'u ka malama i ko'u waiwai iho me ka pilikia ole.

  Nolaila e ike auanei na mea a pau ma keia hoolaha, ke hoopau loa aku nei au i ko W. Kekua, noho , malama, a lawelawe ana ma ke ano Lunahooponopono ma ko'u hapa o ka waiwai o ko makou mau makua i kuai mai me makou.  Oia kela apana aina e paa nei i ka hoolimalima ma ka Hui o Kukuhaele, Hamakua, Hawaii, ma ka inoa o Lono a me Hananui mai a ia makou na keiki.  No ka oiaio o keia he kakau nei au i ko'u inoa i keia la 4 o Sept. 1897.

  E mana keia mai ka la aku e puka ai ma KE ALOHA AINA.

MOEIKAUHANE LONO.

  Pulama, Puna, Hawaii, Sept. 4, 1897.

 

TOMMY K. NAKANAELA

He Agena Kuai, Hoolimalima a Hoomaopopo Kuleana Aina no ke

Kahua Ma'i Lepera ma Molokai.

  Mamuli  o ka lehulehu o na hana maluna ae haawiia mai, na'u e hooponopono iloko o na makahiki i kaa hope aku la mai na makamaka haole a pela pu no hoi mai o'u mau hoa o ke koko hookahi mai.  Nolaila, ua makaukau au e hooko aku i na kauoha oia ano, a ma kekahi ano e ae paha i makemakeia me ka moakaka ea i ka manawa pokole loa.

  O na poe ma ke Kahua Ma'i he mau kuleana pohihihi ko lakou iloko o kekahi mau waiwai paa, a ma kekahi aoo e ae paha, mai poina i ke kipa ae io'u la no ka hoomaopopo a me ke kuka pu ana hoi i ka mea ponoi e hana ai, a e loaa no na kokua ana mai o'u aku no ka nowelo ana i kahi o ka pono a me ka pomaikai.

  E hana ia no na palapala kuai a hoolimalima paha o na waiwai paa me ka uku ole, a pela pu no hoi me hooiaio ana imua o na Agena Hooiaio Palapala o ke Kahua Ma'i Lepera.

  E hanaia no na Palapala Kuai o na Waiwa Lewa ma ke Kahaa Ma'i Lepera ma ka @  haahaa loa.

  Iune 19, 1897.                                                                            6 month - wkly.

 

 

WELA KA HAO!!!

O na Hawaii maluna ina wa a pau.

No ka mea, he kuai lakou ina waiwai ma kahi o

LB Kerr.

Malaila e loaa ai na Waiwai Hou o

hookahi dala no ka hapalua dala

  Eia makou ke kuai hooholo nei i na Dimiti he 20 i-a i ke

dala Hookahi.

  Na Remants ma ka hapalua o ke kumukuai.

  He Agena kuai no na Mekina Humuhumu Wheeler & Wilson

a me ke Domestic.

L. B. KERR.

HONOLULU ALANUI MOIWAHINE.