Ke Aloha Aina, Volume III, Number 39, 25 Kepakemapa 1897 — Page 1
| This text was transcribed by: | Josie Apo |
| This work is dedicated to: | Mahalo Ke Akua |
KE ALOHA AINA
HOOKUMUIA I MEI 20, 1895
BUKE III HONOLULU, POAONO, SEPATEMABA 25, 1897 HELU 39
KE ALOHA AINA
E hooopuka mau ia aku ana mai ka Poakahi a ka Poalima o na pule a pau o kela me keia mahina.
Ka Uka Pepa, he 20 keneta o ka pule. No ke kope hookahi, he 5 keneta.
E loaa no ka pepa mai ke Keena aku o KE ALOHA AINA, a mai ka lima aku o na Luna Lawe Pepa.
E pai ia no na Olelo Hoolaha, @a Kanikau me na Mele Inoa, me ke Oala kuike. Aole nupepa ma ka owili pakahi e hoounaia ke ole e hookaa mua ia ka uku pepa.
E hoouna plolei mai i na Nuhou na Kumumanao, na Olelo Hoola ha na Kanikau a me na Mele Inoa i ka Lunahooponopono o keia Pepa.
Aole loa e hoopukaia a hoolahaia kekahi manao ma na kolamu o keia Pepa, malalo o kekahi inoa kapakapa ke ole e hoike mai i ka Lunahooponopono i kona inoa ponoi.
Ka Nupepa Puka Pule
KE ALOHA AINA
Hookahi Makahiki $2.00
@ono Mahina 1.00
Ekolu mahina .50
Hookahi Mahina .20
EMMA A. NAWAHI Puuku o
@IC@A – AINA
EDWARD L. LIKE
L nahooponopono a Hope Puuku
S.P. KANOA
Hope Lunahooponopono @a kaaoha Nupepa me na hookaa Oaia, @ hoouna pololei mai i @a Puuku ma Honolulu
KA MOKUKAUA FARANI
Ma ke kakahiaka nui Poalua, i ku mai ai ka mokukaua Farani Duguay-Trouin mai Tahiti mai nei, ma kona alahele e hoi ana no Kapalakiko, a mai laila aku paha e hoi loa aku ai ola no kona home.
He mokukaua oia o ke ano kahiko, i kapil@a o loko me ka hao, a i uhiia hoi o waho me ka laau he 3600 t@na kaumaha e lawe ana hoi he 10 p@ nunui a me 11 pu i@lii, a he 350 hoi ka nui o kona poe kanaka.
O ka eha iho la keia o kona ku ana i anei, i anei no oia he makahiki a oi i hala ae nei. O ka eono keia o na makahiki o kona holoholo ana ma na kai o ka Moana Pakipika, me ka hoohala ana i ka hapanui o kona manawa ma na Paeaina o ka Hema, no ke kiai ana i na pono o kona aupuni. E noho ana oia maanei no hookahi pule.
HE INOA NO KA HAKU O KA I
l@o Mele “Ke naue ae nei e ike la.”
1
O ka Haku o ka @, momi a ka Lahui, Aia i ka lai o Wakinekona, E imi ana i ke ola nui, I ka pono kumu o Hawaii.
HUI.
E ala e ka I, E ala e ka Mahi, E kakoo i ke aloha aina, E hoolana i ka manao No ke ola nui a hiki mai,
2
I na kaua e ka lahui, I paa ke aloha i ka aina, S@la ia iho i ka puuwai, Kona leo aloha i pa-e ma.,
3
E ka Hae Hawaii, e mau kou welo ana, Mai Hawaii a Kauai o mano, E mau ka Ea o ka Aina i ka Pono, O ka pono ke hana ia i Kou aupuni.
Hakuia e SAM’L K. KAMAKAIA.
HAWAII NO E KA OI
Ma ka heihei hookuku au i malama ia ma ka Poaono nei, mawaena o Renear ke haole Kamepiona ma ka au a me Kimokeo he keiki Hawaii ma oli, ua kaili ae la ke keiki Hawaii i ka lanakila ma kona ao ao, oia ka makou e papahi aku nei me ka inoa Moho oikelakela o Hawaii ma ka au, e lawe aku i na hoomaikai ana a KE ALOHA AINA nou e ka opio Hawaii o Hawaii no e ka oi.
E HOOMAHUAHUA AKU ANA I KONA MAU AUMOKUKAUA:
Madarida, Aug 28. Eia ke aupuni o Sepania, ke hoolala nei no ke kukulu ana i mau mokukaua hou nona, no ka hoopuipui ana i kona ikaika kaua moana. O ka auhau o na mo ku ka waiwai e hoopaaia ai no ka aie dala ana aku.
E kapili kokeia aku ana he hookahi mokukaua nui me eono mokukaua holo mama o 6000 a hiki i ka 7000 tona, no ka hoomaeuahua hou ana i kona mau aumokukaua.
NUI HOU KA AIHUE MA NA KAPAWAI AKAU
Vanekoua, B.C., Aug. 29. Eia ke hoomaka hou mai nei ka laha ana o na hana haihai kanawai ma na wai akau o ka British Columbia. No kekahi manawa i hala ae nei, ua hoouna ia he waapa no na makai no ka holoholo ana malaila, aka, i ka wa koke no i hoopau ia ai ke kiai ana, ua hoomaka koke hou mai la no na hana powa.
Ua hoea aku lakou ma na kauhale o na ilikini o Queen Charlote, a haawi aku la i na mea iou i na ilikini, a mahope o ka ona o na ilikini, ua hao aku la lakou i na waiwai me ka lawe ana i na holoholona, me ka hooweliweli ana aku i na wahine.
O keia mau waiwai i aihue ia, ua lawe @ aku ia i Juneau maluna o na waapa mokuahi, a kuai ia aku @a i na poe maina o Kolonodaika. He nui a lehulehu wale na kauhale i hana ia elike me keia.
E hoouna hou aku ana ke aupuni o Canada, i waapa makai hou no ke kiai hou ana ia mau kapawai.
HE ULIA MANAONAO
Ma ka auina la o kela Poaha aku nei, ua halawai iho @a kekahi mau limahana o luna o ke kaaahi o Dilinahama Ma, me kekahi ulia poino manaohao, ma kahi e kokoe ana i Waipio, Ewa, ua make he hookahi o laua ma ia wahi no, iloko o ka manawa pokole, a o ka lua ua make mal@ko o ka haukipila ma ka hora 4:15 o ka auina ia, Sabati nei, nona ka inoa o Uiha.
Ma na lono i loaa mai ia makou, ina nae he oiaio, ua ho lo aku ke kaaahi Lanakila, no ka hoopaa ana i na kaa ukana i ko ia wa i kokoke aku ai, ua holo aku la he elua mau ka naka no ka hoopaa ana i ke kaaahi me na kaa ukana, no la ua na inoa o Uiha a me Heneri. Ua hoomau mai ke kaaahi i kona nee ana imua me kona ikaika, a hiki i ka wa o Uiha i ike ai i ka poino o kona kokoolua, ua hopu aku la oia me ka manao e haawi i na kokua ana, a oia no hoi ko Heneri wa i opa pu ia mai ai e ke kaaahi i ke kaa ukana, a o Uiha, ua hina aku la oia ilalo me ka pii ana o kona wawae e ka huila o ke kaaahi.
Ua make no Heneri ma kona wahi i halawai ai me ka ulia poino, a o Uiha ua lawe kokeia mal oia i ka haukipila, a malai la iho la hoi oia i make ai.
He nui a lehulehu na poe limahana i make o keia hui kaa ahi, mai wa kona i hooholoia ai a hiki i keia wa, a he mea pono i na Luna Nui o keia hui kaaahi e huli pono i kahi o keia poino i hiki mai.
HE WAHINE ILUNA KAHI MOE NO NA MAKAHIKI LOIHI
O ka make ana mai no ia o kekahi wahine ma Teigomouth iloko o Dovenshire. Enelani, kekahi wahine i kupaa mahope o kana olelo me ka luli ole, a hiki i kona make ana aku la. He hookahi ahiahi iloko o ka makahiki 1858, oiai kona mau makahiki i ke 38, a e mau ana no hoi ka ikaika iloko o kona kino, ua hoi aku la oia e moe, a i kekahi kakahiaka ae ua olelo ae la oia, o kahi moe, ola kahi oluolu loa o ka honua nei, a hoike ae la hoi i kona manao maluna oia olaila a hiki i kona make ana. Ua hooko oia i keia olelo me ka luhi ole a hiki i kona make ana.
HE HELUNA DALA NUI
Maluna o ka mokuahi Moana i ku mai nei i anei ma ke kakahiaka o ka Poaha nei, i lohe ia mai ai, aia he $3685 – 850 ma ke gula Beritania, e lawe ia ana i Kapalakiko no ka hoololi ana i a lakou ia mau dala gula Amerika, iloko o ka pahu hao o ka mokuahi.
O kekahi huina dala mahuahua keia i lawe ia e kekahi mokuahi, no kekahi mau makahiki loihi i hala ae nei no ka hooheehee hou ana ma Kapalakiko.
HOOAUHEEIA ME KA MAKE NUI
Bombay, Sept. 4. Ma ka po o ka Poakolu nei, he pualikoa o 1500 o na poe kipi kai lele kaua aku maluna o ka papu ka ua o na Beritania, ma ke awaawa o Khuram. No elima hora o ka hakaka ana me ka hahana, ua auhee aku la na poe Inia kipi me ka nui o ka make ma ko lakou aoao. O ka make ma ka aoao o na Beritania he elua, a he hookahi i hoehaeha ia.
MAI KEKAHI LUAPELE MAI
He lono kai hoea mai i Adelaide, e olelo ana, ua uhila kekahi wahi o ka aoao hema o Auseteralia e ka lehu pele. Ua manao wale ia mai ka luapele mai keia i puka mai nei ma ka mokupuni Pilipine, aka, ua pahaohaoia nae ka hiki ana mai o kona lehu i Auseteralia, no ka mea, o ko laua kaawale o kahi mai kekahi aku mawaena no ia o ka 2,000 a me 2,700 mile.
HE LAINA TELEPONA HOU NO HAWAII
Ua loaa mai nei he lono mai Kohala mai, ua luluia he $12,000 no ke kukulu ana i laina telepona a puni a Hawaii me ke kukulu ana ma Hilo, i ko lakou keena poo. Ua manao ia aole no e loihi i koe na la a hoomaka ia ke kukul@@a ana o keia laina telepona hou.
I keia pule e paa ai ka mekini hana hau e kukuluia la ma Lihue, Kauai, e W. H. Raiki makua no ka pomaikai o laila poe, a ma keia mua aku e pau ana ka hoounaia ana o ka hau mai anei aku no laila, maluna o na mokuahi.
Ma ka po o ka la Sabati nei, ua hou ae kekahi kanaka i kona pua i me kekahi upa, ua laki nae aole i kukonukonu loa kona mau palapu, ua ulu mai keia hana naaupo mamuli o kona huhu ana i kana Eva iloko o ka wa e nohe ana o ka uhane daimonio o ka wa@o@a iloko ona. O Kimo ka inoa o keia kanaka, no Kakaako ae nei oia pela ko makou @ohe mai.