Ke Aloha Aina, Volume III, Number 37, 11 Kepakemapa 1897 — HULI HOI NO KA HOME. [ARTICLE]
HULI HOI NO KA HOME.
Ma ka hora 7 o keia kakahiaka nui Poalua, i haalele mai ai ka mokukaua Iapana Naniwa i ke awa o Kou nei, a huli hoi aku la no ka home mahope o kona liuliu pupuahulu ana iho nei. Ua loaa mai iaia ke kauoha mai kona aupuni mai, ma ke ku ana mai a ka mokuahi Gaelic ma ke ahiahi o ka Poalima nei, no ka hoi koke ana aku. E hala ana paha iaia he umikumawalu la holo iaia mai nei aku a hiki i Iokohama, mamuli ka piha loa i kona iwikaele me ke kio. Ua manao wale ia, e hoouna ia mai ana he mokuka ua Iapana i like kona nui me ka mokukaua Piledelepia, nona ka mama holo o 28 mile i ka
hora, no ke pani ana ma ko Naniwa wahi. O na poe lapana kakau nupepa ekolu i hoea mal ai maluna ona, ua huli hoi aku la no lakou maluna ona.