Ke Aloha Aina, Volume III, Number 37, 11 Kepakemapa 1897 — HE ELUA NO HAWAE LAUHUE KONA. Wela io no ka Hao, a Alu io no ka Uwea. INA HAIOLELO A NA ALAKAI O KA LAHUI. He Heluna Nui o na Makaalnana i Akoakoa ae. [ARTICLE]

HE ELUA NO HAWAE LAUHUE KONA.

Wela io no ka Hao, a Alu io no ka Uwea.

I NA HAIOLELO A NA ALAKAI O KA LAHUI.

He Heluna Nui o na Makaalnana i Akoakoa ae.

O ka Halawai Makaainana nui i malamaia ma ke Kuea o ka Pa'lii, i ke ahiahi Poakahi nei, oia kekahi o na halawai i malamaia me ka maluhia loa, aole he haunaele, aole he mau olelo hoonaukiuki i loheia, a aole hoi he mau mea e hoouluku ai i ka manao o ka lehulehu aka, ua moekahi ka waiho ana o ke kai o Puaena, o na poai like ole, ua hoea ae no kekahi poe o lakou e kiei, e halo ana i ke kulana hana a ka hapanui o ka lahui o ke kulanakauhale o Honolulu i akoakoa ae ai. A ke ole hoi makou e koho hewa, me he mea la, ua komo iloko o ko lakou puuwai ka mahalo, no ka lawe haaheo ana ae o ka lahui i na olelo kumu a ko lakou Moiwahine i kauoha ai, oia hoi, "e hoi a malama i ka maluhia." A o na hoike oia mau olelo i kahoahoa ia, ua hiki no ke hoomaopopo ia ma na hana a pau a ka lahui e lawelawe ai, a o ka halawai o ke ahiahi Poakahi nei kekahi o na hoike e hooia mai ana he lahui malama kanawai ka lahui Hawaii. Ua puka ae kekahi mau nupepa Hawaii o keia kulanakauhale me na manao e paipai ana no ka hele ae e hoopiha i kela halawai makaainana, a ua puka pu ae no hoi me na pepa liilii hoolaha, e hoike ana, he elua no mea haiolelo oia ahiahi, oia no ka Peresidena o ka Hui Aloha Aina, James Keauiluna Kaulia, a me ka Peresidena o ka Hui Kalaiaina David Kalauokalani, na koo hoi nana e paa nei ko ka lahui manao, ma ke kue a me ka ae ole ana i ka makemake o ka poe nana e paa nei i ko ka lahui mau pono kumu, ma ka hoohui ana aku ia Hawaii me Amerika. O ka manawa i hoike ia, ua nee liilii aw ia a hiki i ka aneane ana e kokoke i ka hora 5:30 p. m., a oia no hoi ka wa i hoea mai ai o ka Peresidena o ka Hui Aloha Aina, ke alakai mua hoi o na haiolelo i hoonohonoho ia, a oia no hoi ka wa i hoomalu ia mai ai o ke anaina e J. K. Kaunamano, ka Hope Peresidena o ka Hui Aloha Aina, no ka wehewehe ana

mai i ke kumu i kahea ia ai o keia halawai, a me na haiolelo oia halawai, a i ka pau ana oia mau olelo, ua hoike mai la oia, o J. K. Kaulia ka mea e haiolelo mua mai ana, a oia no hoi lo mua mai ana, a oia no hoi kona wa i nee mai ai ma ke kahua o na hana haiolelo a hoopuka mai la i kana haiolelo akea mua loa, ma kekahi halawai makaainana nui, i malama ia malalo o kona noho alakai nui ana no ka lahui.