Ke Aloha Aina, Volume III, Number 37, 11 September 1897 — Page 8
| This text was transcribed by: | Mahealani Jones |
| This work is dedicated to: | No 'Oiwi Parker Jones, he kanaka malama i ka 'olelo. |
KE ALOHA AINA
POAONO, SEPATEMABA 11, 1897.
HE MOOLELO HOONANEA
NO KE
KEIKIALII ALABATI.
KE KAEAEA O PELEKANE
A ME
KA UI MADELINA.
Ke Kukui Uwila o Ainapo.
Hoohenoia no KE ALOHA AINA
Nolaila, ua pee malie iho la no oia iloko o ke kihapai mea kanu, me ke kali malie ana o ka huli hoi aku o ua kaikamahine nei no ko lakou home noho, a hiki i ka wa i hoopuka hou ae ai o ua kaikamahine nei i keia mau olelo:
Eia au maloko o keia waonahele nani e kuu Alabati aloha, ina paha e hiki ana ia oe ke hele holoholo mai iloko o keia nahele kupaoa i ke ala, kahi hoi a na manu leo lea o ke kuahiwi e walea ai, ua oi aku ko’u hauoli mamua o ko’u hoi ana aku a noho malalo o ka malu o ko kaua home aloha.
Nani ke kaumaha o ko’u naau, i ka noho mehameha ana iho ma keia wahi me ka loaa ole o na mea e hoohauoli ai i ka noho ana, aka, ua lawa no au i na mea e pono ai o ko’u kino mai ko’u mau makua hanai mai, a ke ale nei kou uhane ia laua ma na mea a pau, elike me ka uhane aloha i komo iloko o ko laua puuwai.
I ka pau ana o keia mau olelo ana ua hoi mua aku la ka elemakule no kauhale, no ka liuliu ana no ko lakou paina kakahiaka, oiai hoi ka laua hanai iloko no o ke kihapai mea kanu kahi i walea ai.
I ka makaukau ana o na mea a pau oia no hoi ka wa a ka elemakule i huli hou aku ai ka elemakule iloko o ke kihapai mea kanu, kahi hoi ana i haalele mua iho ai, he hapaha hora paha i hala ae.
Iaia nae ma ke alahele e loaa aku ai ke kaikamahine alii, ua halawai aku la oia me ka mea ana e imi aku nei, e huli hoi @ ai ana no ko lakou home, a hoi pu aku la laua no kauhale no ka hoolawe @ e pono ai ko lakou waihona ai elike me ka mea mau.
E hoalu iki ae kakou ma keia wahi no ka Ui Madelina, oiai oia e noho la i ka uka iuiu a ka manu a me na holoholono hihiu i noho ai, a e nana ae hoi kakou no ke Keikialii Alabati, a me kona hui ana mai mahope me kona mau ukali, elike me kana i hoike mai ai i kana aliiwahine, e huli mai ana oia iaia mahope.
I ka pau ana o kona kuka pu ana me kena makuakane Moi, ka Aha Kuhina a me na hoa o ka Ahakukemalu o kona makuakane, ua huli hoi koke aku la oia no k@ home, i ukali e kekahi mau Keikialii he lehulehu wale, no ka noi ana i ke Alawahine opio.
He manawa pokole wale no, ua makaukau maila na mea a pau, a ua nui a ohuohu ua Keikialii i huli ia aka ma keia huakai haalele a ua Hololio Moi opio la e ke ka@ o Pelekane.
Aia hoi he huakai nui o @ ana ka@ no waho o ke kulanakauhale, a i ke nana aku no hoi, ua hele a ulumahiehie na @lena o na mea a pau, no ka piha i ka hauoli no keia huakai hololio a na alii opio.
I ko makou kaa ana aku mawaho o ke kulanakauhale, aole lakou i ike iki he mau moali meheu kahi, e hoike mai ana i kahi a ke Aliiwahine opio i hele ai, a i ole la hoi, ike lihi ia aku la hoi ka maaloalo mamua o ko lakou wahi e hele aku nei, he ole, a he ole loa hoi.
No kei ike ole ia, ua haawi koke ae la ke Keikialii Alabati i ke kauoha, e kuupau ia ka holo o na lio o lakou a pau, a i maopopo ai hoi kana wahi e hele ai elike me na manao kapalili e loku ana iloko ona.
I ka hala ana ae la o kekahi manawa loihi o ko lakou kuupau ana i ka holo o ko lakou mau lio, oia no ka wa i kaohi like mai o na mea a pau, elike me ka kauoha i haawi ia mai e ke Keikialii no ka hoomaha ana, a no ka haawi pu ana hoi kekahi i manawa no ko lakou mau lio e hooluolu ai.
Ua lilo hoi @ mamao a lakou i holo mai la, i mea pokole wale no, mamuli o ke akenui o ke Keikialii Alabati e loaa kona hoapili o ke anu, o na pokole i hala aku la.
Aole no hoi i liuliu loa ko lakou manawa i haawi ai no ka hoomaha ana o ko lakou mau lio, a hoomaka hou ae la lakou no ka nee hou ana aku mua, elike me ka anoi e hana mao ole ana iloko o ka puuwai o ke Keikialii Alabati.
Ua haalele ae la lakou i ke kulana hele huikau, a mahelehele ae la kela a me keia, elike me na kuhikuhi ana a ke Keikialii, pela paha e loaa ai kana aloha ia lakou.
O keia alahele a lakou a pau e hele nei, eia lakou ke komo aku nei i ka naele o Alakai, a i ka hihipea hoi o na laau loloa o ke kuahiwi.
Eia hoi ka la ke iho aku nei i ka ilikai ia wa, a aia hoi kela a me keia Keikialii ka pinana la maluna o na puu, a ke iho la hoi ma na alu kahawai, me ke ake ana o kela a me keia, e loaa iaia ka wahine a ke Keikialii, a e lilo hoi oia i punahele imua o kona aloalii, i ka wa e huli hoi aku ai ka huakai alii no ke kulanakauhale.
Aka, iloko o keia mau ulumaheihie ana o ko lakou mau manao pakahi, e @ hoi kekahi, ua lilo ia i mea e hooki ole ia ai ko lakou manaopaa e huli, aia no ka palena o ka loaa, alaila hoomaha ka lakou huli ana i ka mea a ke Keikialii i aloha ai.
Ua uhi mai la ka po, a eia hoi ka pouli ke aaki paa mai nei, a ke lohe ia aku nei hoi ka leo o ka Pupukanioe, e kani kapalili ana ma ka welelau o na ululaau.
I keia wa i emi hope mai ai kekahi mau Keikialii, mamuli o ka halawai ana mai o ko lakou manao, me he mea la, ua huli hoi paha ka huakai a ke kaikamahine alii no ke kulanakauhale, a i ole ua halawai paha oia me ke Keikialii Alabati.
No keia manao i hookomo iloko o ka hapanui o na Keikialii, a pau nui mai la lakou i ka hoi no ke kulanakauhale, me ka manaoio no hoi, ua hoi mai no ke kaikamahine alii me kana kauwa a pela no hoi paha me ke Keikialii, ko lakou haku opio hoi.
Aka, elike me ka mehameha ma ka lakou alahele huli ma ka ululaau, pela no hoi keia ma ko lakou alahele huli hoi no ka Paalii.
Pau mai la ka hapanui i ka hoi, a koe aku la o ke Keikialii Alabati wale no a me kekahi poe ekolu, he mau hoa kula no hoi nona i ka wa kamalii, a o lakou wale no ia eha e naku nei iloko o ka nahele, iloko o keia pouli nui o ka po e hoopouliuli ana i ka nahele.
Oiai lakou e hoomau ana no i ka hele imua, me ka puai leo ole, oia no ka wa a ke Keikialii i ninau aku ai i kona mau hoahele, me ka i pu ana aku.
He mau hora loihi ae nei ko kakou naku ana iloko o keia ulunahele i hihipea i na laau, a ke iniki mai nei hoi na kukuna maeele o ke anu o ko’u nui kino, a i awili pu ia hoi me ka pololi.
A ke nana aku nei au ia oukou me ka naau i piha i ka menemene, a me ke aloha pu, he mau ume pipili hoi e makia paa ana i ko kakou mau puuwai i hookahi, me he kaikuana la i ka pokii, a oia hoi ka’u e haawi aku nei i na puili paa ana o ko’u puuwai maluna o oukou pakahi.
Ke nonoi aku nei au i ko oukou oluolu, e hoomaha iki iho kakou malalo o ka malu lau laau e huipaa nei, mamuli o ka maluhiluhi o ko kakou mau lio e kau nei, a ke ke kupono ole hoi ia kakou ke hoomau loa aku i ka hele ana imua, oiai ka pouli e aaki paa mai nei i ko kakou alahele.
E HOOLOHE I KEIA LEO POLOAI.
Ua konoa ia mai makou e hoike aku imua o ko makou mau makamaka heluhelu, aole ma ka manao ikaika iloko o ka inaina, aole hoi ma ka hhhlilo ana aku i ko makou mau makamaka nana e lawe nei ke kino o ka kakou milimili, a wahaolelo hookahi hoi e alo nei i ke ehuehu o keia mau la kupilikia o ka aina i mau enemi, aka, mamuli no ia o ka nui o na pilikia e hookui mau nei me ka Makuahine Puuku o keia mau nupepa elua, oia hoi KE ALOHA AINA puka la a me puka pule pu.
A oiai hoi, mamuli o kona lawelawe wahine ana, ua haawi mai oia i manawa no makou e hooikaika ai i ka huli ana, a me ka ohi ana hoi i ke ola o ka kakou mau wahaolelo elua, no ka uku ana @ Papapa’i a me kona mau keiki o@iu hua metala ahonui.
Aka, elike me ke ano @ au, o ka hoopanee a me ka ulolohi o ka hookaa ia ana mai o ke ola o ua mau wahaolelo ala, a mamuli hoi o ke kauoha a ka Puuku o ka pepa, e paipai koke i na poe lawe pepa o KE ALOHA AINA puka ia, e hookaa ia mai i kela Poaono keia Poaono, me ka ae hou ole aku e hoaie no kekahi puple hou aku, a ina he poe lawe mahina kekahi, e uku mua ia ka uku makiha, mamua o ka loaa na aku o ka pepa.
Nolaila, ke lawe mai nei makou i keia, a hoike akea aku imua o na makamaka elike me ke kauoha i loaa mai ia makou, pela aku ana makou e hana ai ma keia hope aku.
No ka oiaio a keia, ke kakau nei makou i ko makou mau inoa pakahi,
L@ Henry Dole,
D. Kahale@lohi,
S. K. Kaanaana,
P. G. Kapoe,
Wm. S. Keao,
L. R. Nalimaapa.
Honolulu, Sepatemaba 3, 1897.
--------------------
Ua laweia @ ahi pake i ka halawai i keia awakea no ke puhi opiuma.
E HOOMAKA ANA I KEIA POAKAHI.
NO HOOKAHI PULE WALE NO.
------
E haawi ana makou i ka @kuai mai i ka mana’o ke kuai i ka nui no na mea liilii.
Na Kalakoa Amerika he 30 i-a i ke..............................................................................1.00
Na Dimiti he 14 i-a i ke................................................................................................1.00
Na Lole Kalakoa (Duck) he 10 i-a i ke.........................................................................1.00
Na Lole Keokeo he 20 i-a i ke......................................................................................1.00
Na Lole Hauliuli he 15 i-a i ke......................................................................................1.00
Na Kalakoa Haekaeka ne 20 i-a i ka.............................................................................1.00
Na Dimiti he 12 i-a i ke.................................................................................................1.00
Na Lole Kikokiko he 8 i-a i ke......................................................................................1.00
Na Keokeo he 15 i-a i ke................................................................................................1.00
Na Pale Uuluna 42 iniha laula, he 8 i-a i ke...................................................................1.00
Na Halii Moe 81 iniha laula he 16 keneta o ka i-a. Na Halii Moe 90 iniha laula he 22 ½ keneta. Na Halii Moe Nani 81 iniha laula he 20 keneta o ka i-a. Na pale Pakaukau Lilina he 37 ½ keneta o ka i-a. Na Kawele Holoi Lima Damaseka he $125, 1 50, 1 75 no ke kame 30 keneta i ka i-a. Na Tawele he 35, 55, 75 keneta a hiki i ke $1.00. Na Uhi Moe he $1.00, 1 25 a me 1 50 o ka mea hookahi. Na Papale Kapu o na Kanehe 45 wale no keneta. Na Papale o na ano a pau ma ke kumukuai hapalua like.
Ma hookuu i keia wa kupono loa e hele mai ai i ko makou halekuai.
L. B. Kerr.
Honolulu Alanui Moiwahine.
NUI NA WAHINEKANEMAKE.
Wasinetona, Aug. 20. Eia ke Comisina o ka Uku Hoomau Evans, ke ike nei i ke kulana kupilikii o ke kanawai uku hoomau, a ua waiho aku oia imua o ka poe kau kanawai no ka hooponopono ana mai. Wahi ana i keia la.
Ua manao au he mea pono i ka Ahaolelo ka lawe ana ae i keia mea no ka nana pono ana, ma ka papa ana aku i na poe koa aoo no ka mare hou ana aku. Eia me makou ka papa inoa o kekahi poe wahine kanemake he ehiku, a na poe koa o ke kaua huliamahi, a iloko o laila, ua loaa iho la kekahi wahine kanemake opio i mare i kekahi koa oiai oia e hookokoke loa aku ana e make, a mahope koke no o ka mare ana, ua make aku la oia, aole nae i haawi ia i uku hoomau no keia wahine opio. Aka, ua olelo ae kekahi poe, he nui wale na poe kaikamahine opio i mare i na koa elemakule, no ko lakou mau uku hoomau mai ke aupuni mai, me ka manao, e loaa ana ia mau uku ia lakou e like me ka loihi o ko lakou ola ana. Me he mea la, he mau hanaino maoli keia, a he mea pono hoi i ka Ahaolelo e lawe ae i keia kumuhana iloko o ko lakou mau lima, a hana mai i kanawai e papa ana i ka haawi ana i mau uku hoomau no na wahine kanemake e mare ia ana e na koa o ke kaua huliamahi ma keia mua aku.
Ua hoomaopopo ia he mau haneri a i ole, he mau tausani o keia poe koa aoo e uku hoomau ia nei i haule aku he mau pio na na wahine o ke kulana haahaa, mamuli o ko lakou mau uku hoomau. Ua hopohopo ia e hoea mai ana he lehulehu wale o na hana powa maluna o na poe koa uku hoomau mai waena ae o ka lakou mau wahine, no ka mea, ua mare lakou i keia mau koa no ke dala, aole hoi no ke aloha io, a pela wale no e loaa koke ai ia lakou ka uku hoomau.
-------------------
I ka Poakahi nei i hoomaka ai na kula aupuni.
Ma ka Poakahi nei, ua hoopaiia o O. von Hamm, no ka holo nui maluna o kekahi kaa bage, ma ka auinala o ka Poaono nei, he $10 e Lunakanawai Wilikoki.
Ma ke ahiahi o ka Poalima nei, i hoea mai ai ka mokuahi Gaelic mai Kina a me Iapana mai, a hala loa aku la na Kapalakiko i ka hola 4 o ka auina la Poaono nei.
TOMMY K. NAKANAELA.
He Agena Kuai, Noolumalima a hoomaopopo Kuleana Aina no ke Kahua Ma’i
Lepera ma Molokai.
Mamuli o ka lehulehu o na hana maluna ae i haawiia mai ia’u e hooponopono iloko o na makahiki i kaa hope aku la mai na makamaka haole a pela pu no hoi mai o’u mau hoa o ke koko hookahi mai. Nolaila, ua makaukau au e hooko aku i na kauoha oia ano, a ma kekahi ano e ae paha i makemakeia me ka moakaka loa i ka manawa pokole loa.
O na poe ma ke Kahua Ma’i he mau kuleana pohihihi ko lakou iloko o kekahi mau waiwaipaa, a ma kekahi ano e ae paha, mai poina i ke kipa ae io’u la no ka hoomaopopo a me ke kuka pu ana hoi i ka mea pono e hana ai, a e loaa no na kokua ana mai o’u aku no ka nowelo ana i kahi o ka pono a me ka pomaikai.
E hana ia no na palapala kuai a hoolimalima paha o na waiwaipaa me ka uku ole, a pela pu no hoi me hooiaio ana imua o na Agena Hooiaio Palapala o ke Kahua Ma’i Lepera.
E hanaia no na Palapala Kuai o na Waiwai Lewa ma ke kahua Ma’i Lepera me ka uku haahaa loa.
Iune 19, 1897. 6 month—wkly.
OLELO HOOLAHA.
O maua o na mea nona na inoa malalo iho nei, ke hoike ia aku nei ka lohe i na hooilina a pau, a ina poe paha i loaa na kuleana ma ke Kanawai mai na hooilina aku o Kukea, kailiweuweu. Puapaka, Kapahu a me Kuhe, he poe i hui ma ke kuai ana i kekahi apana aina e waiho nei ma Haili, Kamananui, Waialua, Oahu, ma ka Palapala Sila Nui helu 1091 (Grant) O ke kuleana o Kukea ma ia apana aina, ua ili mai maluna o maua kekahi o kana mau moopuna e like me ka haina o kekahi palapala mahele o ka waiwai o Kuhea i hana ia ma ka la 2 o Dekemaba, M. H. 1872, a o na kuleana e ae, ke waiho nei me ka maopopo ole o na hoomau.
@ na mea a pau i pili ia Kailiweuweu, Puapaka, Kapahu, a me Kuhe, e hele mai e hui pu me ko maua makuakane, I. Kawaikumuole ma Kamooloa, Waialua, Oahu, no ka hoihoi ana mai ina auhau aupuni i oi aku, no ka mea, mai ka la i hana ia ai kela palapala mahele o ka waiwai o Kukea, ka uku mau ana o ko maua makuakane i ha Auhau Aupuni a hiki i keia la ua hala na makahiki he 20 a oi.
A ina aole e hoolohe ia keia hoike ana a pau na manawa eha o ka puka ana ma ka nupepa a hala paha elua pule mahope iho, alaila, ua manao maua, aole he mau hooilina aku i koe a ua lilo loa keia apana aina ia maua, no ka mea, ua hala na makahiki he 20 a oi o ko makou noho ana me ke keakea ole ia ma ia apana aina i olelo ia.
Eparaima Kawaikumuole,
Kekoena kawaikumuole.
Kamooloa, Waialua, Oahu, Aug. 20, 1897.
@ wkly.
HOOKAHI TAUSANI APANA AINA
MA KAPIOLANI PAKA, NO KE KUAI ANA.
Aia no he 1000 a OI AKU APANA Aina, 30 kapuai laula a he 100 kapuai loa, mauka iho o Kapiolani Paka, e pili ana me na pahale o Messrs. C. @, H. @, Tom Hollinger a me kehahi poe e ae.
E kuai ia aku ana keia mau Apana Aina me ka emi loa i ike oleia ma Honolulu nei mamua aku nei, a mahope mai hoi o ke Alii Nohoalii ai o Kauikeaouli Ka@ Kamehameha III.
I hoo@ ana ka Wai i ka wa e makaukau ai ka poe kuai mai e kukulu i na Hale.
O ke kumukuai o na Apana Aina me ka $100 no ka Apana a emi aku a hiki i ke @. Aole @ maikai e ae e loaa na @. E @ ia no @ ka uku liilii.
@
W. C. Ack@ & Co.
@ o na Waiwai P@
Honolulu Nov. 23, 1896.