Ke Aloha Aina, Volume III, Number 37, 11 Kepakemapa 1897 — Page 7

KE ALOHA AINA,

POAONO SEPATEMABA 12, 1897

 

HE MOOLELO HOONANEA.

 

- NO -

 

ALANADELA.

 

Ka Wahine Hoopahaohao o ka Aahu Keokeo

 

- A I OLE -

 

Ka Loea Hookani Hapa o ke Kuluaumoe.

 

            I ka ike ana o ua wahine nei me ka uhi maka eleele, ua loaa ka maha i ke kanaka paino, ua pane koke mai la oia ia Rodika me ka leo oluolu penei:

            E ke kanaka malihini e waiho ana au ia oe maanei, a e hele ae hoi e kii i lio nou, no ka mea, he loihi ke ala a kaua e hoi aku ai no ka home.

            Ae, ua pono, wahi a Rodika, aka, pehea la ka loihi a’u e kali aku ai o kou hoea mai?

            E hala ana paha he mau hora, aka, ua manao no nae au, aole e hiki ana i ka lolo a hoea hou mai no au i anei.

            Mahope o ko laua lulu lima ana ae, kaalele iho la ua wahine la ia Rodika, kau ae la maluna o kona lio, a lioko wale no o na sekona pokole, nalo aku la ua hololio nei no loko o ka hihipea o ka laau.

            Nana koke ae la o Rodika ma o a maanei o ua ululaau mehameha nei, a ike ae la, oia wale no keia e noho nei, komo mai la na hoomanao ana iloko ana no Lusia, a lohe ia aku la hoi kona leo i ka puana ana ae:

            I na no e loaa ana ia’u ka oluolu, aole au e aoho ana maanei aka, e hoi aku no au no ka home a kuu hoaloha lokaino, a kaili mai i ka’u mea i aloha ai mai iaia mai, ina no ko’u make e hooko ia ai o ko’u imi, e hana ana au pela, i kekahi hora no o keia po e hoea aku ai au malaila, a lawe mai i ka’u mea i aloha ai, ua maopopo no hoi ia’u aole oia e kue mai ana ia’u ke ike mai.

            Kali iho ia oia o kona hoopakele o o ka hoea mai, a o na hora a pau e kaahope ae ana, ua like ia loihi iaia me ka pule hookahi, ua hele mai no hoi o loko ona a hakahaka kau a mea he polloi, hiolo mai ia hoi na omaka waimaka mai kona mau lihilihi naka mai i ka piha hoonaukiuki i ka a a kona hoaloha o na la opio.

            Mamua ae o ka hora pono ana ae o ka la i ka lolo, aia hoi, ua lohe aku la oia i ka halulu mai o kekahi kapuai wawae lio, a hoomanao koke ae la oia ao kona hoopakele no ia mau kapuai wawae.

            Aole i liuliu, ua hoea io mai la oia me kekahi lio e alakai ana, i lako pono me na pono hololio, a ma kona aoao e lewalewa ana kekahi eke ili ana e lei ana ma koan a i.

            Lele iho la ua wahine nei mailuna aku o ka lio, a hele pololei aku la hoi no kahi a Rokika e noho ana, a me ka leo nahenahe o ka mea i piha i ke aloha pane aku la oia penei:

            E ke kanaka opio poino, pehea oe i keia wa? Ua loaa iki anei ia oe ka maha?

            Mai hopohopo no u e ka wahine puu wai lokomaikai, ua loaa ia’u ka maha, aka, he nookahi nae mea nana i hoonawaliwali mai ia’u, oia no ka polloi no ka mea, ua ei aku mamua o hora a’u i noho ai me ke komo wahi ai ole.

            Mai hookaumaha no ia mea e ke kanaka opio, oiai, ua lawe pu mai no au he mau mea ai, wahi a ka wahine i pane mai ai.

            Ia wa i wehe ae ai ua wahine la, i kana eke ili e lei ana, a unuhi ae la he mau popo palaoa me kekahi mau io holoholona a me kekahi omole uuku i piha me ka waina, a haawi mai la ia redika, a oia no hoi ka Rodika wa i haupa koke iho ai i na mea i haawiia aku ai.

            I ka piha ana o ka lua o ka inaina i na mea ai me ua olopu waina, ua hoomaka hou mai la ka pii ana o ka ikaika iloko o kona maul ala, a i ka ike ana o ka wahine me ka uhi maka eleele ua palekana kana malihini, oia no kona wa i hoeu aku ai e hoi no kona home.

            Aka, ua pane aku la o Rodika me ka leo kuoo me na maka e hoike ma ana, ua piha oia i ka inaina i ana aku.

            E ka lede maikai e hookuu mai ia’u e hoi aku no ko’u wahi i hele mai nei no ko’u hookau ana hoi i ka hoopai maluna o ka meanana i hoomaewaewa iho ia’u.

            Aole paha e hiki ia’u kea e aku i kena manao ou, no ka mea, ke ike maopopo aku nei au i kou mau nanaina, aole oe i lawa kupono no kekahi hana ikaika, wahi a ka wahine i pane mai ai me kea no kanalua.

            Peia io no, ke nana mai nei oe maluna o ko’u mau helehelena, aka, aole oe i ike ia loko o kuu puuwai, a oiai kea hi o ka inaina e ho-a nei iloko o kuu umauma, no ke kanaka nana i hoomainoino mai ia’u, nolaila, ke noi aku nei au ia oe e hookuu mai ia’u.

            Kulou ino la ke poo o ua wahine nei me he mea la, aia he hana nui iloko ona, a hala ae la he mau minute, ua ninau mai la oia.

            Alaila, heaha ka hoopai au i manao ai e hookau aku maluna o kou enemi?  He make anei?

            Aole, aole he make, aka, he mea nana i ani ai e lawe nana, me kona ike iho no, aole nana ia waiwai, aka, na’u no ia.  E hiki aku ana au ilaila i keia po, a hoohoka hoi iaia, me kona manao kuhihewa, ua make au, wahi a Rodika i pane mai ai.

            E hoike mai, heaha ia waiwai ana i kaili aku ai mai ia oe aku?  E hai mai a mai hoohilahila hoi.

            He wahine, wahi hou a Rodika me ka pahola ana ae na helehelena o ka haikea o ka hilahila maluna ona.

            “O kaua pu no hoi ha ke hele, wahi a ka wahine, i hoomaoe mai ai ia Rodika

            Aohe a’u kue ana aku ia manao ou, ao ka mea, ua ike au, ua piha aie au i kou lokomaikai.

            Ae, o ka no ke hele, aka, ua makemake na au e hoohiki mai oe ia’u aole oe e lawe ii ke ola o kou enemi.

            Aole, au’i manao e lawe i kona oia, aka, o ka’u uku hoopai iho la nae ia i manao ai e hana, oia hoi ka hoohoka aku iaia, wahi a Rodika.

            A ia wa no hoi i hele aku ai iaua no kahi a na lio e ku ana, a i ko laua kau ana ae ma ko laua mau hekua, ua hoe koke ae la laua i ka aoao e na lio me na kepa, a iloko o na sekona pokole loa, ua nale aku ia iloko e ka hi o na ululaau no ka home o Rudika ka pahu hope o ka laua huaka.

            Maanei, e waiho iki kaua i ke kamailio ana no Rodika, a e alawa aku hoi kaua no Rudofa a me ka kaua Lusia, eia aku nei la laua ihea.

            Oiai lakou e hoi nei, a i ke ku pono ana ae o ka la i ke awakea, ua hiki aku la lakou maluna o kekahi ahua kiekie oia no ka wa i hoopuiwa ia ae ai o Lusia ii ka ike ana aku i kekahi hale nui, a nani hoi e ku mai ana he hapaha mile wale no ke kaawale mai ia lakou, a ia wa pu no hoi i lohe ia aku ai ka loo o ua Lusia nei i ka ninau ana aku ia Rudofa.

            E Rudofa, nowai kela hale nani e ku mai la?

            O ka hale ia a’u e hoolilo aku ai ia oe i haku wahine maluna o kona mau paia, wahi a Rudofa i pane mai ai me ka helehelena minoaka, me he la, e i okoa mai ana no, ua hei oe iloko o kuu upena, aohe eu nana e wehe ia oe mailoko aku o keia wahi kona manao maoli no ua make o R a

            Malaila, nono iho la lakou no ka hoo ana, ua hele lakou a maluhiluhi i keia kula loa a lakou i koele wawae mai ai.

            Aia na maka o Lusia ke kaulona ia i ka nani o ke kahua o ka hale e ku ana, na laau e hoopuni ana i ka hale a me ka oluolu o ka noho ana, aka, aia no nae he wahi helehelena kaumaha ke hekau la maluna ona, i kona wa i hoomanao ae ai no Rodika.

 

MEA KUHEA I LOOHIA I KA MA’I.

 

            I kekahi mea kaku o o ka nupepa Ahailono o Okane, ua olelo aku o Misita Colousetona, ka mea kuhea kulanakauhale mua, o alanui Alaferede Setoromenese:

            Iloko o ka 1895, ua loaa iho la au i kekahi ma’i kukonokonu loa, nana hoi i alai mai ia’u main a hana a pau.  No kekahi mau makahiki lehulehu, ua hoopilikia ia au me ka ma’i haoa, a oiai au e waiho ane me keia haawina ehaeha, ua loohia iho la au me kekahi ma’i lolo i ukali pu ia mai hoi e ka hinape wale ana, a no ia mea, ua hiki ole ia’u ka lawelawe hana ana, a i ole, ka hele ana aku ma kekahi wahi.  Oiai hoi au e noho ana ma kahi o ko’u kapuahi ponoi, ua loaa au i kekahi anu maeele i hiki ole hoi i ka nui o ke kappa ke pale aku.  Ua hoomau mai ka eha me ka hoouluhua no ekolu mahina.  I keia wa ua ike iho la au maloko o na nupepa i na hooia no na hoola mai ka Huaale Akala mai a Dr. Williams, a ua hoao au ia lakou.  Mahope o ka lawe ana i ka pahu , ua loaa mai la’u ka maha.  Ua naolwale aku la na haawina ehaeha i hoike ia ae la maluna ae, a i ka wa i pau hou ai o ka pahu hope loa, ua ikaika a oluolu au, a ua hoi hou mai la hoi ko’u kulana e like me mamua.  O ka oiaio maoli nae, ua oi loa ae ko’u maikai i kekahi makahiki lehulehu i hala aku.  Aole ipa au i hoopilikia hou ia ko’u ola, mai ia wa mai, o ko’u mai kahiko o ka haoa, ua nalowale loa aku ia.  Aole au i manaoio iki, i loaa ko’u ola mai ka Huaale Akala mai a Dr. Williams.  O kekahi mea e noho oke nei me a’u, he mea i hoonawaliwali ia no kekahi mau makahiki, eia eia ke lawe nei ia lakou, oiai, he manawa pokole no kona hoao ana ia lakou ke loaa nei he pomaikai nui iaia.  aole lakou ii like me kekahi mau laau e no.

            Ua hoike mea keia mea ma’i i na hoola kupaianaha ii loaa mai ka Hu ale Akala mai a Dr. Williams, aole wale no i ka lolo a me ka ramatika, aka, ma na ma’i e ae e ukahi ana i ka fiva, a me ka fiva rumau , a e ulu ana paha i ma’i na wahi i hele i ke koko, e laa me ke koko eleele okaeka, helehelena haik , ono ole o ka ai, hanu paupauaho, malulu o na ae, emi pa, me na ano ma’i a pau o na wahine, hoponopo, kapailii o ka puuwai, oha o ka papakole, a me ka wale mai o ka ikaika a ole lakou ma kea no laau hoonoono a hooikaika na kane a me na wahine.

            E kuai ia e ua poe kuai laau a pau.

 

HE HALA WAI MAKAAINANA NUI.

 

MA KE KUEA O KA PA ALII I KEIA AHIAHI.

HORA 5 PONOI, SEPT. 6

NA KA POE I ALOHA I KA AINA

E ala e ka Lahui i Hookahi ka Manao i ke Aloha i ka Aina.

E PUPUKAHI NA KANE, NA WAHINE A ME NA KEIKI.

O ka wa keia no ka pono o ka Aina a me ka Lahui.  E hoopiha i ke kahua no ka Lauakila o ke Aloha i ka Aina.

           Ke konoia aku nei na Lalao ka Hui Kalaiaina, na makuahine o ke Aloha Aina a me na makuakane Aloha Aina, na Keiki mai a kakou, e awaiulu ka manao i hookahi umauma, e like na kue, e hui a hooholo ii Olelo Hooholo no ke kue mau loa ana aku i ka hoohui ia o Hawaii nei me Amerika, o ke kahuaia e lanakila ai kakou.

            Nolaila, e ku a e hele ae i ka hana a ka lahui, mai maka’u, e ikaika a e koa, a e malama pu i ka maluhia, i mau tausani, i mau umi tausani, o Kaulia ke Alakai, o Kaulia ke auamo i na koikoi a pau, a i hoopilikia ia mai ka lahui o Kaulia ke Koa a me ke Koo.

Me ka Haahaa,

                                                                                    JAMES KEAUILUNA KAULIA,

            Alakai a Peresidena Nui no ka poe i Aloha i ka Aina.

            Honolulu, Augate 6, 1897.

 

            Mamuli o ko makou manao, i wahi e ike ia ai ke koa a me ka wiwo ole o ka Peresidena o ka Hui Aloha Aina o ka Paeaina holookoa, ke hoopuka aku nei makou ii kei hoolaha, no ka pomaikai o pa mea a pau, aole hoi elike me na olelo hoino a na enemi maluna ona.

 

O KA MEA LOLELUA I KONA NAAU, UA LAUWILI OIA I KONA MAU AOAO A PAU

 

            Mamuli e na mea i hoalaha ia, a kakauinoa ia e na Peresidena o ke Aloha Aina a me Kalaiaiua, e hoike ana, aia a o laua pu ke kakauinoa pu i kekahi palapala, alaila, oia ka ka lahui e kakauinoa mai ai, o ka makou i ike iho nei i keia mau la, aole i kakauinoa ka Peresidena o ke Aloha Aina i ka palapala a ka Hui Kalaiaina i kalewa iho nei, no ke kumu, aole i oleloia maloko, he Kue Hoohui Aina, aka, i lala no ka Hui Kalaiaina, ka manao ma ua mau palapala la, a i kakauinoa ia e D. Kalauekalani ka Peresidena o ke Kalaiaina, ma ia ano, he maopopo loa kea no kamalii oia Hui, a he lolelua maoli ua hai ia malia makou, ua hoomakaukau iho nei ka Peresidena o ke Aloha Aina he palapala me ke poo manao “Palapala Hoopii Kue Hoohui Aina,” a eia poo hookahi ka palapala a ka Ahahui Aloha Aina a na Wahine i pa’i ia iho nei, a hala pu aku la me kona Peresidena Wahine no Maui a me Hawaii.

            Ua hui aku ka Peresidena o ke Aloha Aina me D. Kalauokalani, no ka manao ana e hana a huki like, ma ka hookomo ana ma ka poo i ka inoa o na ahahui Aloha Aina me Kalaiaina, a e kakuino like ia e laua, eia ka papae i loaa mai.

            “Ua hole ka Mana HOoko o ka Hui Kalaiaina, aole e komo pu e kakauinoa malulo o ka palapala poo” Palapala Kue Hoohui Aina,” alaila, aia pane ka makemake o ia Ahahai e kakauinoa a he palapala ae aku ana e hoohui aina?

            Na keia hana lauwili a ka Hui Kalaiaina a me kona Peresidena nolaila, e hoea aku ana na palapala hoopu kue hooeui aina a ka Peresidena o ke Aloha Aina i kakauihoaia eia wale no, aole me D. Kalauokalani o ka Hui Kalaiaina.

            Maluna o ke i hala aku ai o Dr. Kobayachi no Iapana, no ka hoomaha ana no kekahi mau mahina malaila.

            Ua pakele mahunehune ke ola e le koke mau luina elua o luoa o ka me mamuli o ana iloko o nanahu e ke a e u’e ko laua ike koke ia ana ai ko laua mau oia.

 

PALAPALA HOOPII KUE HOOHUI AINA.

 

            O keia poo maluna a eke poo o na Palapala Kakauinoa a ka lahui e hoea aku ana imua o ko oukou alo, a ua makemakeia na poe a pau iloko o ka lahui he aloha lakou i ka aina, e kaku iho i ko lakou mau inoa me ka manao Kuokoa, a me ka hookonokono oleia, a hana apuka e ae paha.  Ua makemakeia lokou ka lahui e hana me ka hoopono a me ka pololei, aole me na hana epa, e hoike ana i kou manao oiaio me ka hoao ole e uhiuhi, a me ka maka’u ole a wiwo ole.

            Iloko iho o keia mau la, e hele aku ana na Komite imua o oukou no ke Kakauinoa ana mai malalo o ka Palapala Hoopii Kue Hoohui A a ka Lahui Hawaii, a me na kupa makaainana i manao ikaika e hana like, no ke Kue loa ana aku i ka Hoohuiia o Hawaii me Amerika Huipuia.

            He elua mahele o na Palapala Kakauinoa, he okoa ka na Kane, a he okoa ka na Wahine, aka, hookahi ne kaunu e ili ai, he Kue Hoohui Aina.  O na Palapala Poo i Kakauinoa ia e Mrs. Kuainelani Campbell, ka Peresidena Nui o ka ahahui Hawaii Aloha Aina o na Wahine, malalo oia mau Palapala e Kakauinoa ai na Wahine a me na Kaikamahine wale no.  A me na Palapala i Kakauinoa ia e James Keauiluna Kaulia, ka Peresidena Nui o ka Ahahui Hawaii Aloha Aina o na Kane, malalo oia mau Palapala e Kakauinoa ai na Kane a me na Keikikane wale no mai poina i ka hoopiha ana i na maka , mamua aku o kou inoa.

            E loaa ana na olelo kuhikuhi no kea no o ke kakauinoa ana ma kekahi kolamu e ae o ka kakou pepa.

            O na poe a pau i kakauinoa i na palapala e ae aole he Kue i ka HOohui Aina, ua makemakeia lakou a pau ma keia Kakauinoa ana.

            Ma ka lokahi ka lanakila.

                        Ma ka haa

                                    JAMES KEAUILUNA KAULIA.

Peresidena Nui o na Ahahui Hawaii Aloha Aina o Ko Hawaii pae Aina.

Honolulu , Sept 9, 1892.

 

            Ua hoea aku ka mokuahi Kina i Yokohama, he elua wale la ka haule mai ko Manawa holo mai, mahope oi o ka haule ana he elima la o kona hookaulua ana mane.

            Ma keia Kinau i ka aku ai o Mrs. Kuaihelaei Campbell i ukalua e Mrs. Emma Nawahi, ka holo hoomaha ana aku i ka Ua Kanilehua o H , a oia ka makou o kalokalo ae nei, o kanai a ka laua hoakai me na pomaika