Ke Aloha Aina, Volume III, Number 37, 11 Kepakemapa 1897 — Page 1
| This text was transcribed by: | Francene H Aarona |
| This work is dedicated to: | To my sisters -Dai,Deb,Malene who have taught me much although I am older. |
KE ALOHA AINA
UA MAU KE EA O KA AINA I KA PONO
HOOKUMUIA I MEI 20, 1895
BUKE III HONOLULU POAONO, SEPATEMABA 11, 1897 HELU 37
KE ALOHA AINA
E hooopuka mau ia aku ana mai ka Poakahi a ka Poalima o na pule a pau o kela me keia mahina.
Ka Uka Pepa, he 20 keneta o ka pule. No ke kope hookahi, he 5 keneta.
E loaa no ka pepa mai ke Keena aku o KE ALOHA AINA, a mai ka lima aku o na Luna Lawe Pepa.
E pai ia no na Olelo Hoolaha, na Kanikau me na Mele Inoa, me ke Dala kuike. Aole nupepa ma ka owili pakahi e hoounaia ke ole e hookaa mua ia ka uku pepa.
E hoouna pololei mai i na Nuhou na Kumumanao, na Olelo Hoola ha, na Kanikau a me na Mele Inoa i ka Lunahooponopono o keia Pepa.
Aole loa e hoopukaia a hoolahaia kekahi manao ma na kolamu o keia Pepa, malalo o kekahi inoa kapakapa ke ole e hoike mai i ka Lunahooponopono i kona inoa ponoi.
Ka Nupepa Puka Pulle
KE - ALOHA - AINA
Hookahi Makahiki. . . . . . . . . . . . . . .$ 2.00
Eono Mahina . . . . . . . . . . . . . . . . . . . 1.00
Ekolu mahina. . . . . . . . . . . . . . . . . . . .50
Hookahi Mahina. . . . . . . . . . . . . . . . .20
EMMA A. NAWAHI
Puuku o
KE - ALOHA - AINA
EDWARD L. LIKE
Lunahooponopono a Hope Puuku
S. P. KANOA
Hope Lunahooponopono
O na kauoha Nupepa me na hookaa
Dala, e hoouna pololei mai i ka
Puu ma Honolulu.
---
HULI HOI NO KA HOME.
---
Ma ka hora 7 o keia kakahiaka nui Poalua, i haalele mai ai ka mokukaua Iapana Naniwa i ke awa o Kou nei, a huli hoi akau ia no ka home mahope o kona liuliu pupuahulu ana iho nei.
Ua loaa mai iaia ke kauoha mai kona aupuni mai, ma ke ku ana mai nei a ka mokuahi Gaelic ma ke ahiahi o ka Poalima nei,no ka hoi koke ana aku.
E hala ana paha iaia he umikumawalu la holo iaia mai nei aku a hiki i Iokohama, mamuli ka piha loa o kona iwikaele me ke kio. Ua manao wale ia, e hoouna ia mai ana he mokukaua Iapana i like kona nui me ka mokukaua Piledelepia, nona ka mama holo o 28 mile i ka hora, no ke pani ana ma ko Naniwa wahi.
O na poe Iapana kakau nupepa ekolu i hoea mai ai maluna ona, ua huli hoi aku la no lakou maluna ona.
---
HE MAU ILIO HANU MEHEU,
---
Eia me Luna Paahao Low o Kawa, he eono ilio hanu meheu no ka hanu ana i ka meheu o na poe paahao mahuka. E haawi ana oia he hoikeike ana imua o ka Ilamuku a me kekahi poe kakaikahi i konoia, no ka hahai ana mahope o na holoholona.
E hookuu i a ana he kanaka no ka holo e ana mamua ma ke alahele e hoea aku ai i Waianae ma ke kakahiaka, a i ka auina la e hookuu ia ai na ilio no ka hanu ana aku mahope o kona meheu, a ua manao o Low, aole e napoo ka la a loaa no ka mea mahuka. E hookuu mua ia ana lakou e hanuhanu i kahi a na kapuai wawae o ka mea mahuka i hehi ai, alaila lakou hookuu ia mai ko lakou mau kaula hao ae.
Ma kekahi la o kela pule aku nei i hala, ua hookuu ia kekahi kanaka ma ke ano e holo mahuka ana, malalo ae nei o Puuloa, no hookahi hora kona kaawale ana ua hookuu ia iho na ilio, a iloko wale no o 15 miute, ua loaa aku la oia ina ilio.
---
NA UKU O KEKAHI MAU LUNA AUPUNI KIEKIE.
---
O ka Haku Lutaneia o Irelani, ua loaa iaia he $ 100,000 o ka makahiki, no kona uku a me kona mau hoolilo. O ke Keikialii o Wale he $ 200,000 wale no ona o ka makahiki.
I ka wa e hoea aku ai ka Moi opio o Sepania i kona kulana kanaka makua, oia kekahi o na Moi waiwai loa iloko o Europa, no ka mea, he 1,400,000 a ke aupuni e haawi nei iaia, no kona uku makahiki, me $ 600,000 mawaho ae no na hoolilo o ka ohana.
O ka Peresidena o Farani he uku makahiki kona o $ 240,000 no kona uku a me na hoolilo, he huina dala nui hewahewa ka ia lahui e auamo nei no kona aie lahui nona ka huina o $ 6,000,000,000 he popilikia nui hoi i halawai ole me kekahi mau lahui e ae o ka honua nei.
Eia ke aupuni o Beritania ke uku nei i ka ohana alii he $ 3,000,000 o ka makahiki, mailoko ae o huina he $ 2,000,000 e loaa nei i ka Moiwahine Vitoria, he mau waiwai e ae no hoi kekahi o na a ka Duke o Lancaster e uku nei, nona ka huina o hapaha miliona dala.
He $ 3,600,000 a Italia e uku nei i kona Moi i na makahiki a pau. A he $ 4,000,000 hoi a Geremania e uku nei i kona Emepera, a mawaho ae he mau loaa e ae no hoi kekahi ona mai kona mau waiwai paa mai. O ka Za o Rusia, he ona oia maluna o 1,000,000 mile kuea o na aina i mahiai ia, a ua loaa hoi he $ 12,000,000 loaa makahiki mai keia mau apana aina mai.
---
NA MEA HOU O KAUAI HIKINA
---
LOAA KA LIMA KOKO.
O Haili, ka limakoko nana i hana i kekahi hana manaonao loa maluna o ke kino o Piilani ( w ) ma ka po o ka la 3 o Iulai ; a i @holoopee iho nei iloko o hookahi mahina, ekolu pule a me ekolu la, a ma ke kakahiaka o ka la 25 o Augate i loaa aku ai oia i na makai a me na kokua, i ka hapalua like o kekahi pali nona ke kiekie he ekolu a eha kapuai ma ke kahawai o Kalihiwa, a he aneane e hookahi mile mai ke alanui aupuni aku ma ka aoao hikina o ke kahawai.
He mau Kepani ka mea nana i ike i ka a o ke ahi iloko o na pali la, he mau no mamua aku mawaena o na hora 11 a me i a paha. Ua hoikeia aku ka lohe i ke kapena makai a me ke kakahiaka o ka la i olelo ia ae la, ua hoopuni ia kela pali e na poe kokua a me na makai he lehulehu wale, malalo ae kekahi a maluna iho kekahi poe a i ka hoomaopopo ana o ka limakoko ua ahuwale kona lua koke, a oiai, na makai e nee like ana iloko o ka @hihipea o ka lanalana, a i ka hooko ana iho o kekahi poe maluna iho, oiai, ua ike pono ia iho la ke kolohe e moe lolii ana i ke kumu pali oia ka wa i kani ae ai o ka pu a ua lapuwale la, me ka manaoia ua ki aku oia i kekahi mea, aka, i ka hiki ana aku o lakou, ma ia wahi, aia hoi, e waiho mai ana ke kino make o ke kolohe, a e a ia ana kona umauma e ke ahi, ua hoopaa oia i ka lawe o kana pu me kekahi kaula i kona wawae, a o ka waha o ka pu i kona umauma, malaila i komo aku ai ka poka a puka ma kona kua, a pela maalahi ai ka hana a na makai.
He elua ana a keia eu i noho ai ma ia wahi hookahi no, maluna ae, a ma kahi i loaa aku ai o ke kino, ua loaa pu aku no hoi iloko o keia mau ana he elua pu ki manu, 10 paona pauda, he hapa eke laiki, he mau lole Kepani, huluhulu moe, he uwati hoala hiamoe, a me na mea e hoomoa ai i na mea ai. Ua ulakolako maoli no kahi kanaka, a o keia mau mea a pau, ua aihue ia mai e ia mai na hale mai o na Kepani he mau pule mamua iho nei, a pela i ulu ai ka manao o na Kepani eia no ke ola nei ke kolohe.
Ua lilo i mea makaikai nui ia kela wahi e na mea a pau. Ua hiki kino ae o J. H. Coney, Hope Makai Nui, ua noho ka aha niele, a ua kanu ia kona kino ma kahi i loaa aku ai oia. Ua hiki ae he paikii o na Kepani malaila, a ua ike iho makou i kona kii e moe ani, a o kana pu e moe ana elike no me ka wa i loaa aku ai. A ua kuai nui kekahi poe ia mea i mea hoikeike.
Nolaila, ua loaa ka maha i na kauhale a me na wahi ponalonalo o ke kula, mamuli o keia ulia laki. Oia ka mea i palapala ia : He lua ko na Alopeka, a he wahi e pee ai ko na poe hana karaima, aka, hoike ke Akua i Kona Mana, aohe mea nalowale.
KA HUI KALAIAINA ME NA HOOHUOI.
I keia mau la e nee nei, ua hiki mai kekahi makamaka me kana misiona iwaena o ka apana o Hanalei nei, oia hoi ka hoala ana a kukulu i mau Ahahui Kalaiaina, a he nui na wahi ana i heakaka ahu ai no la kumuhana, a ua lilo nae ia he mea na @na aloha aina oiaio e @hakilo pono ai, me ka manao he Alopeka paha, e hoopuehu ana i na hipa ? Aka, i ka loaa ana o na hoakaka kupono, alaila, ua pau ke pohihihi.
He mea e hoopahaohao ia ai ka manao o na kamaaina o na aina ai puahala nei a ke Kina ʻ u aole pela i na makahiki loihi i hala ae, ka puni nui ana o ka i ʻ a kaulana o ua @one panaha nei i ke alo o na pali, elike la me ko @heu mau la, ka bele a kapala ka ai o Makaukiu, ke loaa la ia oe he umi a he iwakalua Kina ʻ u i ka hapaha, a ku maoli no i ka pakui a hiki ole ke kuai hou aku, no kekahi mau la, oiai, e puni mau ana i na la a pau. He hoike ana mai keia i ka loli o ke au o ka aina ola ka aina, ola na makaainana, a he make no kalo o ola i ka naio.
I ko ʻ u hoomaopopo hou ana iho i ke kulana o na hana karistiano ma na apana o Kauai Hikina nei, ua loli ano e ae ia i ko ka wa i hala aku, oiai, aia ma ka Ekalesia o Kapaa e noho Kahu ia nei e Rev. Kaauwai, ua ike ia ka holomua o na hana, a o kekahi mau hua kahiko i hele a pohihihi, ua pau i ka hoomaemae hou ia, a he mau hua @ohaha lakou i keia wa, a he mau hua hou kekahi e opuu iho la, a na ka ikaika o ka mea mahiai e homaemae i na kumu, a pela no e ohaha ai na hua, oia keia, o " Hoike Kula Sabati, " " Hoike Ahahui Opiopio. " S. P. MANUAKEPA, Hanalei, Kauai, Augate 6, 1897.
---
HE PANALAAU NO NA POE ANAKIA.
---
Ua apono aku ia na aupuni o Italia, Auseturia, Rusia a me Geramania i ke kumuhanaa ke aupuni o Sepania, oia hoi, ka mea e pili ana i ka hookau ana i ka hoopai maluna o na poe Anakia. E hookaawale ia aku ana he Panalaau no na poe Anakia ino loa, a malaila hoi lakou e noho ai a pau ke lakou mau oia.
---
He 340 ka ui o na Iapana a me na Pake limahana a ka mokuahi Gaelic i lawe mai nei no keia awa.
Eia ke liuliu mai nei na keiki heihei kaa hehi wawae o Honolulu nei, no ka la e wehe ia ai o ka @paka hou o @Kewalo ae nei.
O ka Halealii @Naileia ma Roma, ka halealii nui hookahi i kukuluia he 1,000 kapuai kona loihi, he 1,000 kapuai laula, a he @ ka nui o kona mau @rewi.
Ua hala aku la na keiki o na Hui Heihei Waapa o ka @Healani a me ka Matala no ka hoomalu ana ma aio o Manana ae nei, no ka heihei, ana ma ia wahi i keia Poaono iho.
Ma ka hookuke maopopo o ka Poaono nei mawaena o Sana Lui a me ka Regimana, ua @ulo ka lanakila o ka Regimana, mamua o ka loaa ana @keia he o @puni, a o Sana Lui, @he @a