Ke Aloha Aina, Volume III, Number 35, 28 August 1897 — Page 7

KE ALOHA AINA

 

KE ALOHA AINA, POAONO, AUGATE 18, 1897.          7

--

HE MOOLELO HOONANEA.

--:NO:--

ALANADELA.

Ka Wahine Hoopahaohao

o ka Aahu Keokeo.

--A I OLA--

Ka Loea Hookani Hapa o

ke Kuluamoe.

 

            Mahope o ka nalo ana aku o Rodika e lawe ia ana e ka hokua o ka lio, iloko o ka hihipea o ka ululaau, ku nana iho la o Rudofa i kana mea e hana aku ai, i nalo ai kana hana puuwai eleele maluna o kona hoaloha.

            A hala ae la he mau minute o kona ku malie ana, me kona poo e kulou ana ilalo, ua puana ae la oia i keia mau huaolelo:

            Heaha la ka'u e hana ai, i nalo ai keia karaima a'u i hana iho la?  O, he hookahi wale no, o kuu haehae ae i kuu lole a kupenu iho i ke koko, a hoo aku au e hoopunipuni, ua halawai maua me na holoholona hihiu.

            I kona ike ana he alahele maikai loa keia ana e hana ai, a malia o komo ke aloha iloko o ka wahine opio nona, a o ka hooko ia ana no ka hoi ia o kona makemake me ka luhi ole.

            Nolaila, me ka hakalia ole, haalele iho la oia i kana wahi e ku ana, a hele aku la oia e huli i kekahi holoholona, oiai, ua makemake oia i ke koko, no ka uhi ana i kana hewa ekaeka i hana aku ai maluna o ke kino hala ole o kana aikane.

            Hala ae la he manawa loihi, ai ahoi, ike aku ia oia i kekahi bipi keiki e maalo ana ma kahi he mau anana wale no ke kaawale mai iaia aku, hapai ae la oia i kan apu raifela iluna a kanlona pololei aku la hoi no kahi a ka bipi e hele ae ana, a iloko o na sekona pokole wale no, poha aku la ka leo o ka pu, e lawe pu ana hoi i ka ahailono o ka make.

            Iloko no hoi oia manawa i ike ia aku ai ua bipi keiki nei i ke kunewa ana ae, a walawala aku la no luna o ka honua, a waiho aku la he lu@bi ua ka make.

            Holo aku la ua Rudofa nei no kahi o ka bipi e waiho ana, a uhaehae ae la oi i kona aahu, me ke kupenupenu pu ana iho iloko o ke koko o ka bipi, mahope hoi o kona hou ana aku he mau puka pahi ma ka aoao o ka bipi la.

            A i ka pau ana o kana hoopulu ana i kona aahu me ke koko, komo hou ae la oia, a iloko o keia manawa i hoike mai ai kona mau hiohiona manaonao, me he mea la, iloko oia o ke kahua hookahe koko nui, hapalapala ae la oia i kona helehelena me ke koko.

            Ma ke kilo ana aku a kou mea kakau, he ku maoli io no i ke aloha kona mau hiohiona, a me he mea la, aole io no e mele ana ke aloha o na mea a pau e ike aka ana iaia.

            I kona ike ana ua holopono kana lawelawe ana ma na ano a pau, hoohuli hou ae la oia i kona mau kapuai no kahi a ka kaua Lusia a me ka elemakule e kali ana o kokoe hiki aku.

            Hala ae la he manawa loihi o keia kuoe wawae ana a ua Rudofa nei, ua hoea aku la oia no waho o ka ululaau, komo hou mai la na manao kolohe ilo ke on a, a ike ia aku la hoi oia e o-i ana i like hoi me kekahi kanaka kukue.

            No kekahi manawa loihi keia hele hou ana aku, aia hoi, ua hiki aku la eia no kahi a Lusia ma e noho ana, a i ko laua ike ana mai i na hiohiona manaonao e kau aku ana maluna o Rudofa, holo mai la laua no kahi ana e o-i hele aku ana me ka maalea nui.

            Hopu koke mai la ka kaua Lusia iaia, a i kona ike ana iho i na kulu koko e kau ana maluna o ka aahu o Rudofa, ua ninau koke iho la oia me ka leo pihoihoi.

            E ke kanaka malihihi, e hoike mai pehea oe i halawai ai me keia mau hiohiona manaonao?  a aia aku nei ihea kou kokoolua?

            Alia, wahi a Rudofa i pane ae ai me ka leo malie o ka maalea, e ae mai ia'u e moe iho iluna ou oiai, ua hele au a mauluulu.

            Aole ia he mea nui ia'u, a hoomohala aku la oia i kona mau wawae me ka hoomoe ana iho ia Rudofa maluna o kona uha, aole ma ke ano hooipoipo, aka, ua komo ke aloha iloko on a no keia mau hiohiona manaonao ana e ike nei.

            Ae, e hai aku au i ka moolelo oiaio o keia mau hiohiona manaonao e kau nei maluna o'u, a ke manao nei au, aole no paha oe e hookaumaha ia ke hoike aku au, a penei no ia, wahi a Rudofa me ka hoopunipuni nui.

            Olai maua e nanae ana i ka hoi, me ka mahui mua ole ae, aia he pilikia kekahi e halawai mai ana ma ko maua alahele, a ia maua he mau mile wale no ke kaawale mai ko mau home mai, aia hoi, ua lohe aku la maua i kekahi makeke kupanaha, ma kahi kokoke i ka maua wahi e hele nei, aka, me ka manao ole ae he poino kekahi, hoomau aku la no maua i ka nee ana imua.

            I kela a me keia sekona, e nui mau mai ana ke nakeke, a i ka hope loa, mawaena o ua laau e hihipea ana, ua oili mai la kekahi hea wahine me kana mau keiki he eha.  Noonoo iho la au i ka'u hana kupono e pakele ai ke ola o ko'u hoaloha a me a'u pu nolaila, ua haawi koke aku la au i ke kaula waha o ka no me ke kauoha ana aku hoi iaia e kali malie hoi a kau aku au mahope on a, alaila, kuupau aku maua i ka holo o ka lio no ko maua hema ka pahu hopu, aka, o kuu hoaloha a'u i hilinai nui ai, aole oia e kumakaia ana ia'u ma na wahi a pau a maua e hele ai, eia nae, i keia la, ua hana lokoino mai oia ia'u, a ua kuupau koke aku la oia i ka holo o ka lio, me ka loaa ole he manawa no'u e kau aku ai mahope on a, a haalele iho la hoi ia'u i moepuu na ka niho o kela bea wahine huhu me kana mau keiki.  I kona nalo ana aku, ua huli ae la au a paio aku la i ka bea, me ka manaolana ole ae, e lanakila ana au maluna o ka holoholona hihiu, aka, aole nae i makemake ka mea kiekie ma ka lani, e lilo au i luahi na na niho o ka bea, a pela au i pake'e mai ia a hui hou laua, ma hope hoi o @a loaa ana ia'u o kekahi mau palapa nana i hoohaukae mai i ko'u @ah@ me ka wai ula o ke koko.  Aole o ka hana inoi ana mai o ko'u hoaloha ia'u, oia ko'u mea e hoomohala aku ai iaia, aole loa pela.

            Ma keia wahi hooki iho la oia i kana kamailio ana, a leha ae la kona mau maka iluna me ka pili ana iho, me he mea ia, ua halawai lo  no ola me kekahi poino nei.

            I ka lohe ana o ka kana Lusia i keia moolele ku i ka walohia, ua komo koke mai la na manao konakona iloko on a no Roedika, mamuli o kona hana aloha ole ana i kona hoaloha, me ka manoio ana o Lusia he oiaio, a me ka leo olu waipahe me na lima hoi e hamohamo ana maluna o Rudofa, ua ninau iho la oia.

            Ua kukonukonu anei na palapu i loaa ia oe?  E ae mai ia'u e wa-hi aku i kou mau palapu.

            E ka wahine puuwai lokomaikai, ke haawi aku nei au i na hoomaikai palena ole no kou mau manao kokua mai ia'u, aka, e kala, mai, oiai, ua menemene au i kou la welawe ana mai ia'u, oiai he malihini kaua kekahi i kekahi, wahi a Rudofa, me ka pii ana ae o kona hopohopo e loaa pono ana paha kona hoopunipuni ke ae aku oia i ka manao o ka kaua Lusia.

            He mea ole ia i ko'u manao, ko kaua hui malihini ana, aka, ua makemake au e loaa ia oe ka oluolu i hiki ai ia oe ke hoi aku no kou home, i panai hou aku ai o Lusia.

            Aole owau wale no ke hoi, aka, o kakou pu no, no ka mea, ua lawa na mea a pau au i makemake ai malaila.

            No kekahi mau minute loihi ka moe ana a ua Rudofa nei, ua ala ae la oia a paipai aku la ia Lusia me ka elemakule no ka hoi ana kau i kona home.

            Liuliu ae la lakou no ka hoi ana ku i ka home o ko laua kamaaina, a hala hou ae la he mau minute, aia hoi lakou ke kuoe hele la ma ke alahele e hoea aku ai i ka home o Rudofa.

            A iloko hoi o na minute a pau, aia na minoaka o ka olu waiphe ke hoike mau mai la maluna o na hiohiona o Rudofa, me he mea la, e hoike okoa mai ana, e hiu ana au a wela, a e lawe lilo ia ana oe na'u.

            Ma keia wahi, e haalele iho kaua i ke kaunu ana no Rudofa a me ka kaua Lusia, a e ukali aku kaua mahope o Rodika e lawe ia ala e ka hokua o ka lio, iloko o ka ululaau.

--

KA PAKA O KEWALO.

--

            Eia keia wahi pohopoho a inoino mamua, ke linob au ia mai nei a nani i keia mau la, a me he mea la, iloko o ka la 15 o keia mahina ae, e hoomaka ia ai na hana hehihehi kaa hehiwawae malaila.

            Ua kupono keia wahi hoonanae o ka leulehu ma ka aoao makai o ka pa ilina kupapau o Koula, kahi hoi i manao ele ia mamua, a lilo aku ana ia i keia wa i kahua nani a oluolu o ka maka ke ike aku.

            Eia na poe hana i kela a me keia ia ke maiau mai nei, a ke piha pono ae na aoao a pau o ua wahi Paka la, e lilo ana ia i wahi makahehi la, a i wahi hoi e hoemi mai ai i na lilo o ka poe e holo nei iwaho o Kaipolani Paka, kahi hoi nana e ume mau aku i na kenikeni i na kaa hapaumi, na kaa hoaa a pela aku.

            Eia na O@a o keia Paka ke liuliu no i kekahi hale e hiki ai ke hoolawa ia he heluna nui o 1000 kanaka, a ma o ko makou lohe wale moi hoi, ke oiaio nae hoi, e uhi paa ia aku ana kela po@ wai loko e ua hale la i manaoia ai e kukulu, a nona hoi @a @ e hau@ nei, mamuli e ka loaa hou ana he wahi hoonanea no ka lehulehu.

 

HOI KA LEPO I KA LEPO.

--

MR. LUNAHOOPONOPONO;

            Welina kaua me ka waimaka:

            E oluolu mai kou ahonei nui ia'u i kekahi wahi kaawale o ka kaua milimili no kela poo manao e kau ae la maluna, "e hoi ka lepo i ka lepo."  Ma ka po Poakahi nei, Augate 23, mawaena o ka hora 11 a me 12 oia manawa i kuu mai ai o Uhakui (w.) i kona aho hope loa o keia ao mauleule,a niau palamimo aku la ma keia aoao mau o ko ka lehulehu kahua, wahi e hoomoana mau ai o ka noho ana o keia ao.

            He wahine opio oia nona ua makahiki he 28, a mai kona puhaka mai i elua keiki e ola nei me kona iwi akau e noho nei me ka luuluu a kaumaha.

            Nolaila, o ke aloha aole ia mokuhia i na waikahe he nui.  Maluna o na keiki liilii elua i hooneleia i ka makuahine oie nana e hoomaemae i ko laua mau kino, a me ke kane i pakui i ka lihaliha aloha wahine ko makou aloha, a iwaena pu no hoi o ka ohana a pau o mea i hala.

            Ua hana mai o Iehova Sabaota ia oe a ua kii mai la no ia oe.  Nolaila, e hoonaniia kona inoa ma na lani kiekie loa, a he malu ma ka honua nei Amene.

            Ke koto pu au nie au ma ia haawina hookahi o ke aloha a na ka Haku Mana Loa e hoopau iho i na luuluu a me na kaumaha a pau o ka ohana.

            E ka Haku e nana i na keiki makuahine ole ma kou poli e maha mau loa ai.  Me ka welina i ka ohana a pau ko'u aloha.

                        J. W. KAMAKAWAO.

            Kamunawai, Aug. 24, 1897.

--

KE KEIKI AOLE I MAKE.

--

            O ka mea huli mea hou o kekahi nupepa ua hoao aku oia no ka halawai pu ana me Mrs. Bonnick, 5, alanui Caurthurst, alanui Charlton, Blackmath Ladana, S E.  Ua hoikeike mai o Mrs. Bonnick i kana bebe iaia, he momona, a maikai kona ola kino.

            "A in a oe i ike iaia i keia wa o kela makahiki aku nei," wahi a kona makuahine, "aole oe e manao e ola ana oia no kekahi la.  A hiki i kela kau hooilo aku nei, akahi ao a loaa he @ina mopaha a maikai i ke keiki."

            Ua loaa oia i ka ma'i anu, i kualiia mai e ka ma'i umii a me ka numonia, a ia wa nu no hoi i komo mai ai ka ma'i pehu.  Ua pau ka manaolana o ke kanaka, a kipa mai la i kahi wa no ka ike ana iaia.  Iloko o Iune i hala, ua heluhelu iho ia au i kekahi buke uuku o ka Hua Ale Akala a Dr. Williams e pili ana i @ hoola ia ana o kekahi keiki mai ke kae mai o ka luakupapau ma ka ai ana i ka Huaale.  No ka wa hope loa, ua manao iho la au e hoao ia lakou.  Ua haawi aku he hapakolu o ka huaale i hooheeheeia iloko o ka wai, he ekolu manawa o ka la, a i ka po mua no, ua loaa iki iho la iaia ka hiamoe maikai ana, i oi ae i ko na pule i hala.

            I ke kolu o ka la, ua loaa iaia ka oluolu o kena waihona ai, a noi mai la i ka ai.  I ka pau ana o na pule elua, ua hiki iaia ke noho iluna.  Ua paa iaia he elua pahu, a ua loaa hoi iaia ka oluolu maikai.  Aole i loaa hou oia i ka ma'i.  O na poe a pau noho ana ma la wahi aole lakou i manao iki e ola hou ana me no kekahi mau la, aka, i keia manawa, ua manao lakou he wahi mea kupanaha loa oia."

            Ua hoomau hou mai o Mrs. Baua@ck, "Ua manao makou a pau e make ana oia, aka, i keia wa, ua oia loa oia, a ke mahalo nui nei hoi."  O ka Huaale Akala a Dr. Williams, he laau hooikaika ia i ke kino o na kane, wahine a me na keiki, aole lakou like me kekahi ano laau, e nana pono mawaho o ka ope i ka @ paha o ka Dr. Williams Huaale Akala no ka poe @kea.  Ua hoola ia, e lakou he lehulehu wale o na ma'i ka p@ o ka puuwai i loaa mai mamuli o ae me o ke koke i hoala mai i ka @wa@ ano ele i ka ai, hanu paupau aka, eha ma ke ku@ e ke poo, @ a pau o ka wahine, pihai@  rumatika, a pela aku.

            Kuai ia e na poe kiai hau a pau.

 

NUHOU KULOKO.

--

            Eia ke hoohanaia nei ke kaa lawe eta hou o ke aupuni i keia mau la.

            Ua hoopaiia o Ben he $50 no ka moe kolohe me kekahi kaikamahine no na na makahiki he 13.

            Aia ka mokuahi Helen iluna o ke alahuki moku kahi i hoomaemae ia ai o kona kino.

            Makai ae o ka Australia ka bana o luna o ka Piledelepia kahi i hoohanohano ai ia Adimara's Beardslee me kana wahine.

            Eia ke loheia mai nei e malamala aku ana he heihei waapa mawaena o ka poe o luna o ka Piledelepia a me na Makai ma keia mua koke iho.

            Ke ole he mau kuia, ma ka la 11 o Sepatemaba e hiki mai ana, e malama ia ana he heihei waapa malalo ae nei o Ewa, ma kahi e kokoke ana i Mokuumeume.

            Eia ke hooloheia nei imua o ke kau kiure ka hoopii hahaki aelike mare a Mr. Boyd ia Mr. Gandall, mahope o ko Gandall hoole ana aole e mare i ko Boyd kaikuahine.

            Ma na leta i loaa mai nei la makou mai ka panalaau mai o ka ehaeha, aia kekahi poe ma'i lepera ke hele ia me na palapala noi dala, no ka hoomanao ana i ka la hanau o ko kakou Moiwahine i aloha nuila.

            Ma ka po o ka Poalua nei,ua hopu ia he ekolu Pake o ka Hui Kwong Lee Yuen no ka malama opiuma.  Ua loaa aku he hookahi paha i piha me ka opiuma, elua tini 1 pau, a me na lakou puhi, ma lweia mai lakou e hoopaa ma ka halewai.

            Maluna o ka Alameda i hala aku ai o Miss Daisy Stephen no Aukelana, no ka mare ana me Fred. A. Peters, he wahine lawelawe oia maloko o kahalemai Moiwahine a mailaila no hoi laua i hui ai ike Peters wa e noho ana maloko o ka halemai.

            Ua loheia mai nei e hole aku ana ka mokukaua Beminetona no ka ana ana i ke awa o Puuloa i wahi hoahu nanahu no Amerika.  Ina aole e holo ana ka Reminetona, alaila, mauka nei o ka aina i iho ai na poe oluna o ia moku no kahi o ka hana.  Ua manaoia e hoomaka ka bana ma keia pule ae.

            Ma ka po o ka Poakolu nei, ua hopu ia he ewalu pake no ke puhi opiuma, malalo ae ael o ka halekuai puaa a me bipi o Yee Wo, e Henry Vida a me C. Chillingworth, mamuli hoi o na hana maalea a Chillingworth ma o kona komo ana i ka lole Pake.  He wahi keia i hoehalua mau ia ekahi no a pau i ka hope.

            Ua ike iho makou i ka hoolaha a ka Peresidena Dole no ke kahea ana i aha kuikawa no na Senate no ka noonoo ana i na mea e pili ana i ke kuikahi hoohui a lakou a me kekahi mau hana oili aupuni.  Ma ka hora, 1@o ke awakea, Sepatemaba la 8, e wehe a ai keia kau kuikawa maloko o Iolani Hale.

            Ua loaa aku he wahi kaikamahine pake ma ke alanui Ohap@, me ke kakahiaka o ka la Sabati nei @ @we ana.  I kena @ kona kumu uno, ua hoike mai la oia, ue pepehiia oia e kekahi pake e noho ana ma kahi kokoke i ka Halepule Mo@, na hopou koke ia ka pake, a o ke kaikuahine pake, ua @ ak@ po ke Kuh@ o Kawaiahao no ka malama ana