Ke Aloha Aina, Volume III, Number 31, 31 July 1897 — Page 4

KE ALOHA AINA, POAONO, IUALI 31, 1897

 

KE – ALOHA – AINA

Hoopuka no ka

Pomaikai o ka Lehulehu, a he Nu

`pepa na ka Lahui Hawaii.

 

EDWARD L. LIKE,

Lunahooponopono.

E.A. NAWAHI

Puuku o KE ALOHA AINA

 

HONOLULU, IULAI 31, 1897.

 

PELA IO ANEI HOI?

            He ninau keia e nu hele nei mawaena o na poai like ole o ke kulanakauhale nei, e olelo ana ka poai o ka poe hoohui aina, he makemake loa lakou e hui koke o Hawaii me Amerika, kuu ka luhi, a pau hoi ka lelele ana me ke kapalili pu o ka houpo. A ke olelo nei hoi ka poai o ka poe Aloha Aina, aole loa he wa e ike ia ai o ka hooko ia ana oia mau olelo, ka mea no hoi a makou e hoike mau nei no ka pono o ka lehulehu.

            O kekahi ano olelo lauahea hoi, e kuupau ia mai ana ka holo o ka mokuahi Moana, no ka halihali ana mai me ka awiwi i na mea pili i ka hoohui aina a me ka hoohoka ana aku i ko Iapana kuleana hana maluna o keia aupuni Repubalika Hawaii. He mau manao palaualelo loa keia, i oi aku mamua o ke aka moeahane a kekahi kanaka maluna o kona wahi moe. He mau olelo ano ole wale no ia me ka waiwai ole.

 

NA LIMAHANA KEOKEO.

            Ua loihi no na manawa i kamailio lauala ia ai keia mea o ka lawe ana mai i na limahana ili keokeo no Hawaii nei, ma kahi o na Iapana i kiukahi iho la i keia wa, mamuli o na hana pihilolelole a keia aupuni e ku nei, a i hoao hoi me ka manao he momoku ahi ia e hiki ai ke anai ia aku na Iapana mailuna aku o ka lepo o Hawaii, a e k@@@@ @@@ limahana ilikoekoe mai ka poe palaualelo o Kaleponi ae nei, e aea hele ana ma kela a me keia wahi, me ka lawelawe i na hana ino a kakou i ike ole ai mamua.

            Aka, mai ka hoouna ia ana nae o ke Komisina nana ia hana, a hiki i ke ku ana mai o ke kalepa H.F. Glade mai Beremanga, Germania mai, aole hookahi limahana Kaleponi i hoea mai malalo o na lawelawe ana a keia Komisina.

            Aka, o ka makou nae e hoohuoi nei, he uku kuikawa paha ko keia kanaka, oiai oia e noke ana no i ka hoikeike wale no i na p@@@ leta maloko o na nupepa o keia kulanakauhale, aka o ka hua nae i loaa mai ma ia hana ana, aole loa makou i ike he wahi pomaikai kahi e loaa mai ana i ke aupuni, aka, o ka waihona o ka lehulehu ka mea e op@ @u ia iho ana a mimi@@.

            Aole o makou makemae e kamailio nui no keia mea, ina i ike makou, aole i hana ia keia hana imi limahana ilikeokeo me ke dala, mailoko aku o ka waihona o ka lehulehu, me ke kiola wale no i ka makani, ina ua hamau ko makou leo, me ka hoao ole e kaohi aku i na hookele mahuahua ia ana o ko ka lahui mau pono i mea e hoemi iki ia mai ai na hana uhauha, a malia paha, o halihali iho a hoopau ae i keia mau hana uhaai ana.

            No na limahana Germania hoi a keia moku kalepa i lawe mai la, he hooi ana aku kela i ko Geremania hoi a keia moku kalepa i lawe mai la, he hooi ana aku keia i ko Germania pono koho balota ma keia aina, a oiai, aole i papa ke kanawai i na lahui Europa a pau e komo mai ana iloko o keia Paeaina, elike me na hoakaka ku kaawale a na kanawai o keia aina i hana ai no lakou.

            O ka hoea ana mai nei o keia ano lahui i o kakou nei, mamuli no ia o ka makemake o na haole puu dala nui o Hawaii nei, ka poe no hoi no lakou na mahiko nunui, e ku kilakila nei iloko o keia mau mokupuni, a eia iho ka huina nui a keia moku i lawe mai la, i mea hoopilikia i na paahana Hawaii e paeli like nei i ka lepo o na mahiko papaala a ua poe Ona mahiko la, a oia hoi, he eha mahele lahui i lawe ia mai i poe paahana, o ka mua, oia na poe paahana, o ka mua, oia na poe Germania, ka poe Holani, Galicians a me ka Auseturia.

            O ka huina nui o na poe a pau i hele ma ke ano limahana he 115, e ukali pu ana me 25 wahine a me 47 keiki, a o lakou a pau, he poe maikai wale no o ko lakou mau ola.

 

HE HANA E HOOPILIKIA AKU AI

            Ua ike iho makou maloko o ka nupepa haole puka kakahi0020ana o keia kulanakauhale, i ke kahi manao i hoolaha ia ae, e pili ana no na kaa hehihehi wawae, a no ka pomaikai o ko makou mau makamaka heluhelu, ke lawe mai nei makou a panee awiwi aku, elike me ia malalo iho:

            “He mea kupono no ka lahui Hawaii ka malama ana i mau rula kuhikuhi no na mea e pili ana i na kaa hehihehi wawae, a me ka poe nana lakou e kau ana, elike me ia ma na aina e.

            Ma kekahi mau kulanakauhale, ua malama loa lakou ma ka aoao akau o ke alanui, me ka loaa ole he mau poino ma muli oia malama ana ma ko lakou aoao.

            Mai kekahi Amerika mai e noho ana ma Munika, ua hoike ae oia penei. Ua hana a kau kanawai ia na kaa hehihehi wawae e hoohana ia ana ma kela kulanakauhale.

            O na kaa hehihehi wawae a pau iloko o ke kulanakauhale o Munika, ua pono ia lakou e lawe i elua mau helu, a hoopaa iluna o ko lakou mau kaa, oia hoi, e kau ia kekahi, ma kahi e paa iho ai o ka lima, a o kekahi mahope o kahi e noho iho ai.

            O keia mau helu, e hoohana ia no ia mamuli o ke kauoha a ka Oihana Makai, a no laua hoi ke kumukuai o $1.25. E hana lakou elike me ke kauoha a ka Oihana Makai, a o ka mea kue a hoao paha e hahaki i na rula i kau ia ai, e hoopai ia lakou elike me ke kanawai.

            Ina paha holonui kekahi a hookui, a make paha kekahi mea, mamuli o keia hookui ana, a ua loaa hoi na hoike e hiki ai ke hopu ia oia a laweia no kahi hoopaa lawehala, a ua hiki hoi ke lawe ia kona helu, me ka imi pono ia, owai la ka mea i hewa mamuli o na hookui ana i lawe la mai no ka noii pono ana i ke kumu o ka hewa, a i hiki ai hoi i na hoaloha o ka poe i hoopoino ia, ke hoopii koi poho.

            O na mea a pau e holo ana ma ke kaa hehihehi wawae, a i anaoi hoi e loaa ia lakou he mau kaa no lakou, ua pono ia lakou ke kii i mau laikini, a no ka mea hoi, ma ia hana ana hoi e loaa ai na ninaninau pono ia ana mamua o ka haawi ia ana aku iaia.

            O na helu, e pono no e hana ia me ka moakaka o na hua, a e kau hoi ma na wahi i kauoha ia ia lakou, aole hoi he mau puolo e kau maluna o ko lakou mau kaa i ko lakou wa e kau ai.”

            Ko Makou Manao Iho.

            Ke hapai ia mai nei keia kumuhana, ma ka aoao o ka wahaolelo o ke aupuni, i kahua imi dala no ka waihona o ke aupuni e ku nei, a i ka wa e laulaha loa ae ai o keia manao i ke akea, oia no ka wa e apo koke mai ai o ke aupuni i keia manao, me na mea la, aole oia i ike, eia no nae o ka lakou mea no ia i kuka like ai, a hoopukaia ae la i ke akea, i kumuwaiwai no na hoaloha o ke aupuni e ku nei, elike me ka imi ia ana o ka Agena no na waiu makika, eleao, a pela aku, pela hoi keia e hooninole ia mai nei.

            He mau hana hoopilikia wale no keia i ka lehulehu, ke hoao ke aupuni e hahai ma ka meheu o na manao alakai o keia nupepa. Ke hauoli nei makou, ke hana ole ia kekahi mea e hooko ia ai ko keia nupepa mau manao imi dala e hoopilikia ai ia hai.

-

            He ekolu mau malmaa moku hou no ka Hui o Waila ma i hoea mai nei ma ka Austerialia, he hookahi i kau aku la maluna o Kilauea Hou.

 

 

HE ELELE NO KE KEA.

KE OLA O HAWAII KUAULI.

Kona Alii, Kona Lahui a me Kona Aupuni.

            I ka wa i kipa aku ai kekahi keonimana aoo, i kamaaina ina poopoo a pau o Wakinekona, a i hilinai nui ia e ko ua kulanakauhale la, a me na helehelena hoihoi e halii ana maluna ona, a me kona lauoho loloa ehu, e luhe ana ma kona mau kipoohiwi, ua pane aku la oia i ke Alii mahope iho o na olelo hoolauna mua loa penei: “Ma kekahi hana e ulu ae ana,” wahi ana, e hoomaopopo ia ana no oe me ka maikai loa, i na paha e lawe ana ka lahui Amerika i na paemoku, e hana ia ana no ia ma kekahi kumu e hookaawale ia ae ai kekahi hoomakaukau (hoohiwahiwa) lokomaikai ia oe.

            O keia mau olelo ano nui a kuliu i hoopukaia e na lehelehe o kekahi kanaka koikoi i hilinai nui ia e na poe kiekie a haahaa o Amerika, e lilo ana no ia mau olelo i mea aai, aia wale no kona ola a hookoia. A ina a haliu ae ko kakou mau noonoo ana a kilo iho i na ouli hikimua o ua mau huaolelo la, e loaa no he nanehai, he mea hiki ke wehewehe ia me ka maopopo loa, e kanalua ole iho ai ka noonoo, nolaila, e kuailo ana makou ina aoao a pau o ua mau olelo la.

            Ko Makou Manao Iho.

            O ka olelo ana aku a keia kanaka kiekie i na huaolelo ano nui i ukali ia me kona hopena, imua o ke alo o ke Alii, he kumu kupono ke hoohuoi ia, nolaila, e lawe mai ana makou ina kumu hoohuoi kupono a maholahola aku no ka pono o ka lahui Aloha Aina, a oia iho keia mau kumu kupono ke hoohuoi ia.

            Hoohuoi Ekahi: Ka hiki ana aku o keia keonimana me kana misiona imua o ke Alii, ma ke ano hoolauna aku.

            Hoohuoi Elua: Na hanuu kumu o na huaolelo i hoikeia ae nei.

            I ka akionma ana ae i keia mau kumu hoohuoi kupono, e loaa ana keia mau kahoaka a ka manawa i hiki mai ai.

            Hoohuoi Ekahi: Aole e hiki wale aku kekahi kanaka i aahuia me na kulana koikoi imua o ke Alii, a hoike wale aku i kekahi mea i loaa ole iaia he hoomaopopo ana e hoea io mai ana he hopena pomaikai maluna o ke Alii, aka, ua hoea aku keia keonimana ma ke ano, ua lohe oia a ua oiaio hoi, e hoea mai ana ka manawa me kona nani a hoolei ho mana kipoohiwi o ke Aliiaimoku, nolaila i ahai mai ai oia i ka lono ma ke ano, he Elele mai ke ke`a mai no ke ola, nolaila, e hoolana e ka lahui, aia no ke kali mai la na aui ana o ka manawa no kou pono io.

            Hoohuoi Elua: Na hanuu kumu o ka manao i hoikeia aku, a e hoomaopopo hou ia ae penei: Akahi. “Ma kekahi hana e ulu ae ana.” Ku ka hoohuoi, a ninau iho la, heaha ia hana? E a ka akioma ana: Eia aku, eia iho, eia ae, a hoea mai, ua hana la i hoike ia mai e ka Elele o ke Kea, a o ka kakou e ka lahui o ka nana aku a i hoea ae, mai hoohuoi i kahi hana ke hoea kuhao ae, ua wanana mua la mai. O ka lohe ke ola, o ke kuli ka make.

“E huli e kanaka auana nei.

Nohea kou ikaika e paakiki kuhihewa nei.”

            “E hoomaopopo ia ana no Oe me ka maikai loa, ina paha e lawe ana ka lahui Amerika ina paemoku, e hanaia ana no ia ma kekahi kumu e hookaawaleia ae ai kekahi hoomakaukau (hoohiwahiwa) lokomaikai aku ia Oe.”

            E hoomanaoia, o na huaolelo maluna ae i hoopuka ia aku imua o ke alo o ke Aliiaimoku aole ia i nana ia mai, aka, i hoike a hoea kino maoli ae no ia, no na hana a Amerika e hoea mai ana, ua like ia me ka olelo mai, ina e lawe o Amerika i ka hoomalu ana i ua ua mau paemoku la, he hana ana no ia a Amerika i kekahi hoomakaukau (hoohiwahiwa) lokomaikai ana akui ke Alii, a ma keia wahi e ku ai e ku ai he ninau e alako ia aku ai na na noonoo ana penei:

            Heaha la ia hoomakaukau (hoohiwahiwa) lokomaikai nui a Amerika e hana mai ai no ke Alii.

            Hookahi no pane maopopo loa, he kukulu ana i na pou o ka Halau Aupuni o Hawaii i hiolo, he hia ana o na oa a he ako ana i ka Halau Aupuni Moi, Aupuni kumu mai ka polikua mai, a mai ia Kahuli-ka-hela nui-akea-ohu-panopano-puhoho-mai-i

Hookumu la Lani,

Kumu ka honua,

Ka paa, ka paa,

Ka naki, ka mau,

Ka hihi, ka pipili, ka aaki,

Pipilikau owaka lele,

Lele hoaka ka paku,

Lele hoaka ka Lani,

Hoanakak@@ kukui ka lani,

Hoene aakaka ne i ka lani,

Hoene i hoene ku-kuku-aku e,

E ku ka lani iluna nei,

Ea na lani paa ka honua,

I paa i ke aloha i ka aina.

-

            Ma ka @@@@@@ nei, ua hoopauia mai ka noho @@@@ @@@ @@@ o GEO@@ P@@@ a me V@@@ no ke @@@@@.