Ke Aloha Aina, Volume III, Number 31, 31 Iulai 1897 — Page 1

KE ALOHA AINA

 

UA MAU KE EA O KA AINA I KA PONO

HOOKUMUIA I MEI 20, 1895.

 

BUKE III                              HONOLUL POAONO, IULAI 31, 1897.                              HELU 31

 

     KE ALOHA AINA

     E hooopuka mau ia aku ana mai ka Poakahi a ka Poalima o na pule a pau o kela me keia mahina.

     Ka Uku Pepa, he 20 keneta o ka pule.  No ke kope hookahi, he 5 keneta.

     E loaa no ka pepa mai ke Keena aku o KE ALOHA AINA, a mai ka lima aku o na Luna Lawe Pepa.

     E pai ia no na Olelo Hoolaha, na Kanikau me na Mele Inoa, me ke Dala kuike.  Aole nupepa ma ka owili pakahi e hoounaia ke ole e hookaa mua ia ka uku pepa.

     E hoouna pololei mai i na Nuhou na Kumumanao, na Olelo Hoola ha, na Kanikau a me na Mele Inoa i ka Lunahooponopono o keia Pepa.

     Aole loa e hoopukaia a hoolahaia kekahi manao ma na kolamu o keia Pepa, malalo o kekahi inoa kapakapa ke ole e hoike mai i ka Lnahooponopono i kona inoa ponoi.

     Ka Nupepa Puka Pule

 

E  ALOHA  AINA

                                                                                                Hookahi Makahiki……………………..        $2.00

                                                                                                Eono Mahina……………………………         1.00

                                                                                                Ekolu Mahina…………………………..            .50

                                                                                                Hookahi Mahina………………………..           .20

 

EMMA A. NAWAHI

Puuku o

KE  ALOHA  AINA.

EDWARD L. LIKE

Lunahooponopono a Hope Puuku

S.P. KANOA.

Hope Lunahooponopono

O na kauoha Nupepa me na hookaa Dala,

e hoouna pololei mai i ka Puuku ma Honolulu.

 

NUHOU KUWAHO

AOLE I PAU NA HOOMAEWAEWA IA ANA O NA ARMENIA.

     Parisa, Iulai 12.  Ua loaa mai he loaa ia Pere Charmen ant, he luna nui o ka Misiona Farani ma Levant, i hana ia e kekahi poe Armenia kaulana a me na bihopa no ke kulana o ka noho ana ma Armenia.

     O ka elele nana i lawe mai i keia palapala, ua aneane e piha iaia na mahina ekolu o kona nee ana me ke akahele ma ke alahele mawaena o na koa Tureke, e kiai makaala ana i na poe a pau, e hoike ana i ko lakou mau manao aloha no na Armenia.

     He kanakolu aoao o keia palapala ia kakauia ai, e hoike piha ana hoi i ke kulana o ka noho ana.  E hoike ana hoi na palapala la, ua pau i ka pepehi, akea ana a na Tureke, mamuli o ke kue loa o na mana nui o Europa, aka, aia no lakou ke pepehi malu la i na kanaka Armenia i kela a me keia manawa, a ua hoohiki ae hoi na pualikoa Tureke, e hooneoneo loa aku ana no lakou i ka lahui Armenia.

     He nui na hana hoomaewaewa i hana ia aku maluna o na wahine, oia hoi, ko lakou lawe hele ia ana ma na alanui me na kaula hao ma ko lakou mau a-i, a me ka hookii ia hoi i ka ai no kekah mau la, me ka hiliia ana a hiki i ka wa e kahe mai ai o ke koko.

     Aole o keia wale no na hana hoomainoino i hana ia.  aka, o kekahi poe, ua hoopaa ia ko lakou mau lima mahope o ko lakou mau kua, a kiola ia aku la na popoki maluna o lakou no ka uwalu ana, me ke kunikuni pu aku hoi i ko lakou mau kino me na hao wela.

     Aole he la i nele me kekahi mau lono hoomainoino i hana ia.  Ma kekahi mau wahi, ua komo aluka aku na Tureke a me na Kurd, maloko o ka hale o @ poe Armenia, a nakiikii aku la i ka lima o na kane me ke kaula, o ka lakou mau wahine, o ka lakou mau wahine na kaikuahine a me na kaikamahine, ua hoomainoino ia aku no ia imua o ko lakou mau maka ponoi.

     Mahope loa o ua palapala nei, e kau ana kekahi mau olelo uwalo ku i ka ehaeha:  "Ke emi nei ko makou manaolapa.  Na ke Akua e kokua mai ia makou.  E Europa, a e alohaia mai ia makou."

   

MAKE ILOKO O KE TABU WAI.

     Storkton, Iulai 10 I ke ahi ahi nei, ua halawai iho la o George Spreckmann, me kekahi ulia poino ano e, he 34 ka nui o kona mau makahiki, he kanaka amara hoi.

     Ua loaa aku kona kino make ma ka hora 11 o ka po.  He kanaka oia i loaa mau i ka ma'i lolo, a me he mea la, ma keia ma'i ana, ua iho mua aku kona poo no loko o kekahi wahi tabu wai, a malaila oia i make ai, no ka mea, ua loaa aku kona poo iloko o kekahi wahi tabu wai.

 

HE MAU TAUSANI I HAALELE I KA HANA.

     Ladana, Iulai 12.  He elima tausani poe hana maloko o kekahi mau hale hana kui ma South Staffordshire a me North Worchestershire i haalele aku i ka hana, mamuli o ka makemake ana e hoopii hou ia ae ko lakou mau uku, ma ka umi pa keneta i ko ka wa i hala.

 

KA HANA A KA POE KIPI MA BORNEO.

     Lauan, Iulai 12.  Ua lele kaua aku o Matsaller, ke alakai o ka poe kipi, me 60 o kona mau kanaka, maluna o ka hale aupuni ma Gaya, ma ke kakahiaka nui o keia la, ua lawe aku oia he 2000, me ka hoopaa ana i ka poe nana e malama ana me ka pepehi ana a make me kekahi kopala, a mahope, puhi aku la i ke ahi.  Ua hala aku la kekahi  poe Beritania me kekahi poe kokua no laila.

 

UA HOOKO ME KA HAKALIA OLE.

     Wasinetona, Iulai 10.  Ma o ka hoea ana aku o ka moku kaua Amerika San Francisco ma ke awa o Tangier, i hooko koke aku i ke aupuni o Moroko, no ka opu ana i kekai makaainana i pepehi hoomainoino ai i kekahi kanaka Amerika, he elua laua nana i hana i keia hana, a he hookahi nae i koe aole i paa i ka hopuia, a ke hooikaika la ke aupuni e huli iaia.

     E hoea aku ana o Kanikela Kenerala Amerika Burke ma kahi o ka paahao e hookokokolo ia ai, no ka nana pono ana i na i hookau ia aku ka hoopai kupono no kana hewa i hana ai.

 

     Ua haalele mai i keia ola ana, ma po o ka Poalima nei o A. Moore, ka wiliki nui o ka mokuahi Kilauea, ma kona wahi noho ma ke alanui Moiwahine, mahope hoi o kona ma'i ana no kekahi mau la pokole wale no, ua kaua ia oia ma ka ilina o Maemae ma ka aunia la Sabati nei.

 

KO RUSIA HUINA LAHUI.

     Ma ka helu hope ia ana mai nei o na kanaka a pau malalo o ko Rusia mana hooponopono aupuni, ua hiki ka huina i ka 127,000,000 me ke komo pu ole mai o Finelana, a me kekahi mau wahi okoa aku iloko o ko Rusia hooponopono aupuni ana, a ke hui ia a pau, ua hiki aku no ia i ka 130,000,000.

     O keia ka huina nui o na kanaka a pau malalo o ka noho hoomalu ana aka makuakane hookahi maluna o kela lahui nui ma ka Akau o Europa me Asia, a ke ku nei oia me ka nana ia aku, oia ka helu ekolu o na aupuni nui o ka honua nai me ka piha pono i na kanaka o ka honua nei.

 

KAHI AINA HOOKALAKUPUA.

     Aia mawaho aku o Heeia ae nei, i na Pali Hauliuli o Koolau ae nei, kekahi wahi mokupuni hookalakupua, a nona hoi ka inoa o Ahualaka.  Mahope iho o ke au hulihia ana o ke aupuni moi, nalowale iho la ua wahi mokupuni nei, a 4 makahiki o ka moe ana i ka hohonu ua pii hou ae la a like me mamua.  Kupanaha no.

 

UA HALA AKU O MRS. J S SMITHIES.

     Ma ke ku ana mai o ka Mauna Loa i ka Poalima nei, i lawe pu mai ai oia i ka lono, no ka hala ana aku la o ia makuahine Hawaii, Mrs. Kamaka Kamila (Mrs. J. S. Smithies) ma Mahukona, i ka la 18 nei o keia mahina, me ka waiho ana iho i kana kane a me na keiki 6 e u aku nona ma keia ao inea o ka ehaeha.

     He 60 ka nui o kona mau makahiki a he lawe pepa kahiko loa oia no ka nupepa KE ALOHA AINA, a ke kau maha nei ko makou naau no kona pau aho koke ana mai i kona ola ana ma keia ao.

     He kulana hoopono kona ma ka noho ana, a ma ia ano no oia i noho ai a hiki aku la i kona komo pu ana aku la me ka pohai o na Anela ma kela ao,  Aloha no.

 

KAA KE EO IA SANA LUI.

     Ma ka pani kinipopo o ka Poaono nei i malama ia mawaena o na Hui Kinipopo Sana Lui a me ka Regimana Ekahi, ua kaa ke eo ia Sana Lui, ma ka 7 ai puni ia wale no a kona hoa paio, a oia hoi ka 5 o kana mau ai puni i kaa ke eo nana wale no.

     O keia no hoi kekahi o na paani kinipopo i hiaai nui ia e na makaikai, a o ka hopena i hoea mai la, oia no ko Sana Lui lawe ana ae la nana ke eo me hookahi imua o kona mau hoa paonioni.

     I keia Poaono ae e paani ai o Sana Lui me ka Hoku, a ia wa e akaka ai ka moho nana ke eo o keia kikina paani o ka 1807, a ina e pai-a-pai laua, alaila, hookahi aku gemu a laua e paani ai i koe, a ke eo i kekai o laua, alaila, oia ana ka moho o keia kau.

 

HOOMANAO KA NANIWA I KONA LA EHAEHA.

     Ma ka la Sabati nei, i hoomanao ae ai na poe o luna o ka mokukaua Naniwa i ka piha ana o ekolu makahiki mai ka la mua a ka Naniwa i komo ai iloko o ke ehuehu o ka hoouka kaua moana ma Kina, ka la poina ole hoi a na Alii a me na kanaka oia moku, e haaheo mau nei.

     Ua nui na poe Iapana o uka nei o ka aina i komo pu aku me lakou ma ka lealea pu ana, a hiki wali i na hora koliuliu o ke kuluaumoe, akahi no a hookuu ia.

 

KA UKU O NA POE HULI MEA HOU MA IAPANA.

     O na poe hulihuli mea hou o Iapana ua like ko lakou uku mahina me kona makai, oia hoi, he eono dala o ka mahina.  Ma Tokio, he mahuahua ka uku o kekahi poe, a iloko hoi o na kulanakauhale @ he emi iki mai ko lakou i ku a ka elua dala o ka mahina, aka, averiga kupono e hawiia ai no he $6.

     Ua hoouna ia aku lakou e na poe lunahooponopono no ka huli ana i na mea hou, aka, he kakaikahi loa iwaena o lakou i hiki ke hilinai la na olelo, a o ka hapanui he epa hoopunipuni wale iho no, aohe hoi he oiaio iloko o ka lakou mau olelo.

 

     O ka loihi o na alahao e moe nei, ma ka honua nei, ua hiki aku la ma kahi o @ @ @, a i mahelehele ia hoi e like me keia Amerika Akau @ Kuropa 152,417, iala 16,078, Amerika Hema @, Auseteralia 13,795, Aferika 8,145.