Ke Aloha Aina, Volume III, Number 30, 24 July 1897 — Page 8

KE ALOHA AINA

 

8        KE   ALOHA   AINA   POAONO   IULAI  24,  1897

 

HE  MOOLELO  HOONANEA

--NO  KE--

Keikialii Alabati.

Ke Kaeaea o Pelekane.

--A  ME--

Ka Ui Madelina.

Ke Kukui Uwila o Ainapo.

Hoohenoia no KE ALOHA AINA

  I ko ke Keikialii wa i ike mai ai o kona hoa kula no keia o kona ma la kamalii, hele pololei mai la oia ma kahi ana e kukai olelo ana me ke kana aloha.

 

  Aole no hoi i haupu mua keia kanaka kiai awa, eia maluna o ka oneki o keia wahi moku kona haku, kona kuleana hoi i hoonoho ia mai ai i mea kiai a ninauinau hoi i na moku a pau e maalo ae ana mawaho o ke awa, i na ua ike a lohe paha i kekahi mea nona.

  No ka hiki ole hoi i ke Keikialii ke uumi iho i kona aloha, ua hele holoholo ae la oia ma kekahi aoao mai, me ka hookokoke pu mai hoi ma kahi a kiai awa e kamailio pu nei me kana wahine.

  Oiai nae oia i maale ae ai ma kahi ae iwilei ke kaawale mai kahi aku a ke kiai awa e ku ana, aia hoi, ua hoopuiwa koke ia ae la ua kanaka kiai awa la i ka maalo ana ae o keia mea like o na helehelena me ko ke Keikialii Alabati, ma kahi a ke kukui e a ana.

  Ua hala he mau minute o keia noho mumule ana ona, aia hoi, ua komo aku la ka manao hoohuoi iloko o ka Ui Madelina no keia noho kukule ana o kona hoa kamailio.

  A no kona manao, he mea pono iaia ke ninau aku, ua hoomaoe aku la oia me keia mau huaolelo e hiki ai ke hoo pau ia kona pohihihi.

  E ke kamaaina maikai, ka mea hoi nona ke kuleana ma keia wahi, ua ano hoopahaohao loa mai oe ia'u,  ma kou hoonele ana mai i ka haina kupono no ka'u mau wehewehe ana ia oe, ima paha e hiki ana ia oe ke apono mai i ko'u moku no ke komo ana aku iloko o ke awa i keia po.

  E ke aluwahine opio, ua loaa ka wa kupoi    @'u e pane aku ai no kau ninau, oia n@i, ua ae ia kou moku e komo aku me ka maluhia, malalo o ka'u hookele ana a hiki i ka pili ana i ka uapo, ma kahi hoi i ku i kou hanohano aole hoi au e haawi aku ana na kekahi mea okoa e hookele.

  Oiai, ke hoomaopopo nei au, eia kekahi mea nana i hoopohihihi mai i ko'u noonoo, no na makahiki loihi o ko'u noho kiai ana mai maluna o na moku a pau e hookomo mai ana iloko nei o ke awa o Ladana.

  Oia no hoi ka wa i huli ae ai o ua kanaka opio nei ma kahi o ka hoe o ku ia ana e ke kapena, a nonoi aku la e haawi mai i ka mana o ka hookele ana o ka moku iloko e kona ima.

  Haawi mai la ke kapena i ka hoe iloko o kona lima, a ola no hoi ka wa i niniu poahi ae ai ka huila o ua wahi moku nei, e hoopiha pono ia ana hoi kona mau poa e na k@iauli makani pa aheahe maho o i adana

  A oia no hei ka wa i kakele like mai ai o kahi moko kialua pailaka o ua kiai awa la, o ukau mai ana @ahope o ka nene aukai o ke kaikamahine alii o Ainapo, ka mea i lilo ae la ia manawa he moku alakai no ka uapo.

  I keia wa ana e hookele nei i ka moku, aia kona mau nanaina a pau maluna o ke kanaka i maalo mua ae ai ma ke aka kukui, a ua hiki no hoi iaia ke koho aku, aole no ia he mea okoa, aka o ke Keikialii

Alabati no ia.

  Aka, i wahi nae no laua e hoomaopopo ole mai ai, ua ike laua, hoomau aku la no oia i ke kulana hookele i ka moku ma ka uapo a ke Keikiahi e hoopili mau ai i kona mau moku holoholo lealea.

  A oia wahi hoi, he wahi kapu loa ia mai ko ke Keikialii nalowale ana a  hiki ia wanaao, oiai na koa me ka lakou mau mea make e hakilo mau ana o ka maalo ae o kekahi mea i kuleana ole ma ia wahi, a kipaku aku ia lakou e hele ma kahi e.

  O keia no hoi ka wa o na kiai o uka i ike mai ai i keia moku e kau pololei aku nei ka ihu no kahi a lakou e ku kiai ana, a oia no ka wa i kahea mai ai o ke koa kiai me ka leo nui:

  Owai keia moku o keia mau hora, lipolipo o ka wanaao, e hookokoke mai nei ma kahi aole ona pilikana ma ia wahi?

  Owau no ke kiai awa o Ladana a nona hoi ke kuleana e hiki ai ke hoopili mai i kona mau moku a pau ma keia wahi, ina oia e manao e hana pela

  Na keia mau olelo a ke Keikialii i hookue ni hope aku i ke koa kiai e ku kiai ana i kela wa, aka, i mea e maopopo ai iaia o ko lakou haku ia, ua hele loa mai la oia imua a ike io mai la aole ia he mea okoa,aka, o ko lakou haku opio no.

  Ua kuupau ia ka holo o ka moku a hiki i kona pili pololei ana aku ma ka uwapo alii, a oia no hoi ka wa i haalele koke iho ai o ua Keikialii ala i ka moku, a lele aku la no uka o ka uwapo a komo aku la iloko o ka papu, a kakau iho la i keia mau huapalapala pokole i ka Moi Uilama penei:

  E ke Alii, me ka hoohakalia ole, e haalele koke aku oe i kou wahi moe, oiai, eia he ohua kiekie maluna o @ekahi mokk malihini, a'u hoi e hoomaopopo nei, o ke Keikialii Alabati no ia a me ka wahine.

               Kau kauwa hoolohe,

                           ALFRED MAGONA.

                      Kiai o ke awa o Ladana

  Me ka awiwi nui, opiopi iho la oia a paa ua leta nei, a hooko o iho la iloko o ka wa hi leta, a pane aku la i kekahi koa kiai e ku ana ia wa, me keia mau olelo o ka hooko kauoha penei.

  Ane, e kau ae maluna o kekahi lio eleu a holo o ka pakaua nei, a e lawe koke aku i ka lono imua o ke alii, me ka hoike pu aku, eia he malihi kiekie i ke awa nei kahi kali ai no kona hoea mai.

  Me ka emoole, ua haalele iho la ke koa kiai ia loko o ka pakaua, a oia no hoi ka wa a ke Keikialii i hei aku ai no luna o ka moku, no ka hui hou ana me na malihini, ina paha he kamaaina kekahi o laua o ka aina nei

  O keia mau olelo a ua kiai awa nei, ua panai koke ia mai no ia o ke Keikiali Alabati, me ka hoike mai, he home no ko laua aloko o ke kulanakauhale o Ladana.

  O laua nae. aole lawa i ike, a hoomaopopo hoi, ua ike ia ko laua kulana a me ko laua ano, a ua manao no hoi e hele malu, a noho ma kekahi hotele me ka ike ole ia, aka, ua kuhihewa nae laua, no ka mea, aia ka elele a ke kiai ke kamoe la no ka halealii.

  Ma keia wahi, e aui iki ae hoi kakou a nana aku i ke koi kiai, oiai oia e kuupau ana i ka holo o kona lio no ka halealii.

  Iaia i hoea aku ai mawaho o ke Paalii, ua kikeke aku loa oia i ka puka, a oia no hoi ka wa i ninau mai ai@ o ke koa i kona inoa a me ke ano o kana hana.

  Ua pane koke ako la oia, I hoouna ia mai nei au me kekahi kauoha awiwi a oia hoi ka'u i makemake ai ia oe e wehe koke mai i ka puka,k no ko'u ike kino aku i na helehelena o ka Moi Uilama, ko'u kuleana hoi i hele mai nei o keia wanaao,

  He ae no au, ke hoike mai oe i kou kuleana piha, e hiki ai ia'u ke ae aku ia oe e komo mai ma ka laelae.

  Oia no hoi ka wa a ka Elele i unuhi ae ai i kekahi apana pepa mailoko ae o kona poli, i kakau ponoi. ia hoi e ke Keikiahi kiai awa, a haawi mai la iloko o na lima o ke kiai puka

  A oia no hoi ka wa a ua kiai puka la i ike ai, he kauoha awiwi io keia mai ke Keikiahi mai, a oia no ka wa i hemo koke ai o ka ipuka, a komo koke aku la oia me ka palamimo, oiai hoi na kapuai e pohapoha ana, a e laa hoi keia pa poniponi o ka wanaao.

  Ua hoohikilele ia ae la ko ka Moi manao, oiai oia e nanea ana i ka hiamoe, puoho ino ae la oia, a pale ae la i ka paku o ka puka aniani e kuuwelu ano mamua o kona alo.

  A oia no hoi ka wa i  ike mai ai o ka Moi i kekahi mea e ku aku ana malalo a aia hoi oia maluna o ka lio kahi i kau ai.;

  Ua hoopuiwa ia ae la ka Moi Uilama i kona ike ana mei i keia koa e kau ana maluna o ka lio, a oia kana i pane mai ai me ka hoohakalia ole.

  E kela koa kau lio, nawai i kauoha ia oe e hele mai iloko nei o ka Paalii. i @ mau hora poniponi o ka wa@ao?

  He kumu nui anei kou e hiki ai ke hoololi ia na rula a me na kanawai o ka Paalii, a ina pela, e pane koke mai i ka haina me ka awiwi.

  O kela mau olelo kalakala a ka Moi i pane mai ai, oia ka ua wahi koa nei i pane aku ai mala o e ka hooko kauoha me ka panai pu ana aku i na huaolelo e hoomahelie ia ai ko ka Moi manao pupuahulu:

  O ka hooko kauoha : haawi ia mai na'u e hana, oia ka'u i hele mai la o keia wanaao, no ka pono a me ka maluhuia o ka nohoalii o ka Moi Uilama.

  Eia maloko o kuu poli nei, he kia malu loa mau e ke Al@i a eia no hoi ka wa i haalele koke iho ai o ua wahi koa la i ka ho ana o kau ana, a hoomaka aku la oia e pii no luna o ke anuu ponaku o ka halealu

  A oia hoi ka @a Moi Uilama e nana pono maila o ka hooa aku o ua wahi koa nei imua o kona alo, a i hiki @i ko@ mia ke haawi ako i kahi koa lawe kauoha o ka wanaao, i na @ pau i ku i kana heaka i ho@na @ mai ai o hona haku

 

  I ua wahi koa nei i kaalo ae ai mamua o ke alo o kona haku, ua haawi aku la oia i na hoomaikai ana o ke aloha oiaio i kona hakn Moi.

  I ka pau ana o na panai aloha ana mawaena o na aoao elua, oia no ka wa ana i haawi aku ai i ka palapala a ke Keikiahi iloko o ka lima o ka Moi, a oia no hoi ka wa o ka Moi ipane mai ai ma ka hookaulua ole.

  E kali iki iho oe no kekahi mau minute, i hiki ai ia'u ke pane aku me ka awiwi, ina ia he mea hiki ke hana koke ia i keia wanaao me ka holopono.

  Komo aku la ua Moi nei iloko o kona rumi heluhelu a nana iho la i ua leta nei, a i kona ike pono ana iho i na mana@ a pau, aia hoi, ua like oia me ka pupule e holo hele ana iloko o na ru ni kapu o ka halealii, no kana malihimi i hoea mai la no ka ike hou ana i na maka o ka makua.

  Ku ae la oia a hoi aku la no loko o ka rumi o kana wahine e waiho ana me ka nawaliwali, a pane aku la iaia me ka leo o ka mea i hoouluahewa ia e na manae ano e.

  Ano, eia kaua ke hookokoke hou aku nei e ike i na helehelena o ka kaua lei he keiki, ma nae hoi he oiaio na lono a keia koa kau lio i lawe moi nei a keia palapala a ke kanaka nona ka mauna o na moku a pau, e hookomo mai ana iloko o ke awa nei.

Nolaila, e haalele ana au ia oe, a e iho ana au i kai o ka uwapo, no ka nana pono ana i ka oiaio o keia hoike o ka lawe ia ana mai nei i keia wanaao.

  Me ka awiwi nui, ua haawi la aka la ke kauoha no ka hana koke ia o ke kaa alii, no ke kii ana aku o hookipa mai i kekahi mau malihini kiekie, ka mea hoi i maopopo ole iaia o ko laua mau inoa

  O keia kauoha, ua hooko ia ia me ka awiui loa, a i ka makaukau ana, ua kau koke aku la ka Moi a holo pololei aku la no kai o ka uwapo, kahi hoi a ke Ke@kiahi Alabati a me kana wahine e noho hoopue nei, me kona haupu ole ae, wa ike ia oia e ka nui manu.

  Lele iho la ka Moi Uilama maluna iho o ke @ka ihi a hele pololei aka la eia ma kahi a k@ kana keikie @ pili ana i ka uwapa a pu aku la oia ma ke alauii me k@ o@ ia ma @ na mea a pau o luna.

 

E  HOOMAKA  ANA  I  KEIA  POAKAHI,

No Hookahi Pule Wale no.

 

   E haawi ana makou i ka poe kuai mai i ka mana o ke kuai i ka nui no na mea liilii.

Na Kalakoa Amerika he 30 i-a 1 ke .  . . . . . . . . . . . 1  00

Na Dimiti he   4 i-a i ke   . . . . . . . . . . . . . . . . . . . . . 1  00

Na Lole Kalakoa (Duck) he lo i-a i ke . . . . . . . . . . . 1  00

Na Lole Keokeo he 20 i-a i ke . . . . . . . . . . . . . . . . . 1  00

Na Lole Hauhuli he 15 i-a i ke . . . . . . . . . . . . . . . . . 1  @

Na Kalakoa Haekaeka he 20 i-a i ke . . . . . . . . . . . .  1 @

Na Dimiti he 12 i-a i ke . . . . . . . . . . . . . . . . . . . . . . 1  00

Na Lola Kikokiko he 8 i-a i ke. . . . . . . . . . . . . . . . . 1  00

Na Keokeo he 15 i-a i ke . . . . . . . . . . . . . . . . . . . . . 1  00

Na Pale Uulana @ iniha laua, he 8 i a i ke . . . . . . . .1  00

Na Halii Moe 81 iniha laula he 16 keneta o ka i-a. Na Halii Moe oo iniha laula he 22 1/2 keneta. Na Halii Moe Nani 81 iniha lae la he 20 keneta o ka i-a. Na Pale Pakaukau Lilina he 37 1/2 keneta o ka i-a. Na Kawele Holoi Lima Damaseka he $1 25, 1  50, 1  75 no ke kakihi. O na Lole Aahu o keia kikina aku nei lie 15 keneta o ka i-a, mamua aku nei he 25 a me 30 keneta i ka i-a. Na Tawele he 35, 55, 75 keneta a hiki i ke $1  00. Na Uhi Moe he $1  00, 1  25 a me 1  50 o ka mea hookahi. Na Papale Kapu o na Kanehe 45 wale no keneta Na Papale o na ano a pau ma ke kumukuai hapalua like.

  Mai hookuu i keia wa kupono loa e hele mai ai i ko makou Halekuai.

                           L. B. KERR.

    HONOLULU  ALANUI  MOIWAHINE.

 

KA  HUKIHUKI  KAULA.

 

  Ke kali nei ka hui hukihuki kaula Pukiki me ke ake nui loa, e hukihuki me na keiki o ka hale hana hao na ka pili o $250, a he $250 hou iho hoi i ka manawa e huki io ai.

  Aka, ua kanalua ka lunanui o kekahi aoao mamula o ka ma'i ana he elua o kona mau keiki a aole hoi ona makemake i kekahi poe e ae e pani ma ko laua wahi.

  Ua makemake na Pukiki i hookahi manawa e huki ai a hiki i ka make ana ekolu nae wa, a i ka aoao e lilo ae he elua manawa, oia ka mea nana ka lanakila, a e loaa iaia na dala pili, a me ka elua hapakolu o ka loaa o ka uku komo, a-i ku mea hoi i hau e he hookahi hapakoio.

 

  He elua mau sela oluna o ka moku pea Roanoke, i hoao aku e mihuka maluna o ka mokupea Albert, aka ua loaa koke no nae, mamua o ka holo ana o ka moku.

 

TOMMY K. NAKANAELA.

 

He Agena Kuai, Hoolimalima a Hoomaopopo

Kuleana Aina no ke Kahua Mai'

Lepera ma Molokai.

 

  Mamuli o ka lehulehu o na hana maluna ae haawiia mai na'u e hooponopono iloko o na makahiki i kaa hopi aku la mai na makamaka haole a pela ou no hoi mai o'u mau hoa o ke koko hookahi mai. Nolaila, na makaukau au e hooko aku i na kauoha oia ano, a me kekah ano e ae paha i makemakeia me ka moakaka ioa i ka manawa pokole loa.

  O na poe ma ke Kahua Ma'i he mau kuleana pohihihi ko lakou iloko o kekahi mau waiwaipaa, a ma kekahi ano e ae paha, mai poina i ke kipa ae io'a la no ka hoomaopopo a me ke kuka pu ana hoi i ka mea pono e hana ai, a e loaa no na kokua ana mai o'u aku no ka now@ lo ana i kahi o ka pono a me ka pomaikai.

  E hana ia no na palapala kuai a hoolimlima paha o na waiwaipaa me ka uku ole, a pela pu no hoi me hooiaio ana imua o na Agena Hooiaio Palapala o ke Kahua Ma'i Lepera.

  E hanaia no na Palapula Kuai o na Waiwa Lewa ma ke Kahua Ma'i Lepera me ka aka haahaa loa

  Iune 10, 1897,     6month--wkly

 

NOI  LUNAHOOPONOPONO

WAIWAI.

 

  OWAU o ke mea nona ka inoa maiaio iho nei, i koho ponoia hoi i Luna hoopou@po@ Waiwa @ ka waawa o Annie K Maha@ i make. o Waialua ke hoikeia aku nei ka lohe ma keia o na poe a pau a ka mea i make i @e ai e waiho koke m@i lakou i ka lakou mau kei aie i apono@, a ina e hala na ma@ina he oona mai keia la e hoopukau aku nei o la hoalaha e h@ ka a@ no ka mea nona ka inoa malalo ino i ka uku ana @ m@u@ a@ a o ne @a pau i @e ka mea i make ke poi ia aku o uku koke m@ ia W. H. Wright, ma ke @eena Au@u o Honolulu.

                          A. S  MANAULU.

Lunah@ponopono Waiwai o ka Waiwai o An@ie K. Mahaul@.

  Honolulu 1@ 1897.