Ke Aloha Aina, Volume III, Number 30, 24 July 1897 — Page 5

KE ALOHA AINA

KE ALOHA AINA, POAONO, IULAI 24, 1897.

 

EU-EU NA EHEU. O KA AETO.

I na Keiki o ka La Hiki mai.

APONO NA AUPUNI NUI IA IAPANA.

Eia aku ka Oregona a hoea mai.

Eia laua a Eina ma ke Alahele

o ka Hakaka.

            Mamuli o na lono i loaa mai ia makou, e pili ana no ke paonioni i ulu ae mawaena o Amerika Huipuia a me Iapana, a ua lilo hoi i mea e hoohi ilele la ae ai na noonoo loea o na puniu o na kilo aupuni kaulana o na aina elua, nolaila, me ka hookaulua ole, ke pahola aku, nei makou ia makana hiwahiwa i loaa ole i kekahi mau nupepa e ae, na ko makou mau makamaka e hiipoi nei i ka nupepa KE ALOHA AINA.

            O ke kumu nui a me ka kahua i ala mai ai o keia mau manao hoonuinui maloko o na nupepa Amerika, oia no ko Iapana ala ana mai nei a keakea aku i ko Amerika manao ana e lawe ae i na Paemoku o Hawaii no Amerika, oiai hoi o Iapana e paa ana i kona kuleana kahiko malalo o ke kuikahi me Hawaii nei.

            O keia mau leo uwalo a Iapana i waiho aku ai iloko o ka Aha Senate ua lilo ia i mea pahenehene na kekahi poe, a o ka poe noonoo maikai a kaulike, ua haawi koke mai lakou i ke apono ana i ko Iapana mau manao keakea.

            Aka, o ka poe i ike, he hana keia e haule poho ai ka lakou hooikaika ana mahope o ka mea a lakou i paulele ai, aia he pomaikai nui e hoea mai ana maluna o na poe Amerika pakaha, ua hooi aku lakou i ke kue ana i na palapala keakea a Iapana, a hoomaka koke lakou e hooikaika kino iloko o ka Aha Senate.

            Mamuli oia mau manao ulu ku, ua manaoia, e hoouna ia mai ana ka moku kaua Amerika Oregona, e pani ma ko ka Piladelapia wahi, aka, i ko makou nana pono ana iho nae i ke kao-na i hoea mai ai oia mau noonoo ana, a oia ke kumu o ko lakou kohokoho honua ana, eia ke aupuni o Iapana ke hui malu nei me Sepania, ma ke kue ana aku ia Amerika Huipuia, no na mea e pili ana ia Cuba ma ko Sepania aoao, aia Hawaii hoi ma ko Iapana aoao.

            Aole a kakou mea e kanatua ai no ko ke Akua ahonui, i ka hookomo ana ae la i na manao kakoo iloko o kekahi mau au puni nui o ka honu, i kakoo ole i na hana apuka, apuhi a pela wale aku, ka mea hoi a lakou i hoike maoli ae la i ke akea, he mea pono loa ke kinai o Amerika i kona manao alunu, ma ka hoohui ana aku i keia mau mokupuni i noho hoomalu ia no e ko lakou Moiwahine, me ka paulele ia no e kona lahui.

            A no keia kumu, ua lilo o Iapana i welu ulaula ma ka lae o Amerika, i kona wa e ike ai i kekahi mea a Iapana e keakea ai no kona pono, hoomaka koke oia e kuee, elike me ia a kakou e lohe mai nei i na mea i hana ia iloko o ke Senate. O ke Akua ko Hawaii hoopakele, a hiki i ka lanakila ana.

KA HOPENA O KA BILA DUTEE

            Wasinetona, Iulai 6. O ka noonoo ana no ke koho ana i ka bila d te kopaa, e lawe ia ae ana ia mamua o ka hoopanee ana o o ka Hale i ka la apopo. Ua aelike ia e na aoao elua, elike me ia malalo iho: O na paio a me na kukai olelo ana maluna o ka bila dote kopaa, e lawelawe ia no ia no elima minute e ku ai e kamailio, mahope aku o ka hora i o ka auina la o ka la apopo, a o ke koho hope loa, ke lawe ia mamua o ka hoopanee ana.

            O Senate Allison, aole oia i noi aku no ka hora e koho ai a pau hoi ka hana, aka, ua maopopo no ka wa e hoea mai ana i ka la apopo, i aelike ia hoi e hooko i ka hana me ka holopono. O na paio kamailio ana mahope iho o ka hora 1 p.m. o elona minute, e lawe ia mai ana ia e kukakuka, me ka makaala loa ia.

            Ua hoike ae no hoi ka Hope Peresidena, aia he aelike pololei, e alakai ana i ka hoololi ia ana ae o ko no Senate manao no keia mea.

            Oiai ka la e nee mai ana, ua kohokoho ia ae, o ka poe kue i ka ninau, ua hele loa ae lakou i ka loa o na kukakuka ana, a pela no hoi me ka poe Petus, mahope ona kohokoho ana, e oi aku ana ka poe ma ka b la ia 36, kue ia 33.

            Eia o Alani o ka mokuaina o Nebarasaka, mahope o ke kumuhana o ¼ keneta no ka paona ko uala. Ua alakai ia keia mau kukai olelo ana, me ka piha i ka uila mai na Senate elua mai no oia mokuaina, oiai hoi kana (Alani) mau hooponopono ana, e moe ana iluna o ke pakaukau, he 55 ia 9, o na Popul st a me na Repubalika ka koo dala keokeo, hookahi wale no mea kue i kumuhana no ka hoomoe ana ma ka papa.

Ma ka po o ka Poakahi nei, ua la weia ae kekahi kaikamahine uuku no na makahiki he 11, nona hoi ka inoa e Kalua no ka hale wai, mamuli o konna haalele ana i kona mau makua. Ua holomalu aka eia me kekahi elemakole nona na makahiki he 70, aoao kona mau makua e huli iaia, aole nae oi, ioia, a mamuli o ka huli ikaika ana a Makailio Kaapa i loaa ai ole.

 

HURO! HURO!! HURO!!!

O ke Kuikahi Hoo hui Aina ua Pau i ke Ahi.

HALAHU KA MAKAULA A KEOKOA.

Aohe Pahuna Hala a KE ALOHA AINA.

O na lono oiaio i loaa mai ia makou ma na leta mai Wasinetona mai, e hoike mai ana no ka make kanu o ke Kuikahi Hoohui Aina, he mea ia e hooiaio mai ana i ka makou mau wanana lehulehu imua o ka lahui, a ua hoea io mai no ka hopena oia Makaula ana a KE ALOHA AINA, a oia ka makou i hooheno ae la maluna, “Aohe pahuna hala a KE ALOHA AINA” I kani no ka ka Alae i ka wai, i maloo ae la ka hana o ka Hoohui Aina, aohe lawaau iki o ka waha o ua poe nei, ua ai nui paha i ka Ape, pehea mai ana la ka Makaula ana a ke Kuokoa.

MAHALO O SEPANIA IA IAPANA.

Maderida, Iulai 8. O La Voz de Guipozcoa o St. Sebastian, ua hoikeike hou mai oia i ka mea e pili ana i ka palapala kue a Iapana i ka hoohui ana ia Hawaii, a noi ae la i ka lahui e haawi ae i kekahi mau hana hoohoihoi hope loa no ka Embessedoa o Iapana, no ka hoike ana aku hoi i ko Sepania alcha i ka lahui kanaka i ae ole i na hana hoohaahaa a ka poe Amerika, a i makaukau hoi no ka paio ana me ka haaheo i ka enemi mau hoi o Sepania.

Ua huikala aku ka Moiwahine Sepania he 108 paahao Cuba i hoopaa ia ana ma Cauton Fernando a me Ch fferine ailana. E hoi aku ana lakou no Cuba.

Nu Ioka, Iulai 9. Ua haawi ae ka Moiwahine o Sepania he paina no ka hanohano o ka Emebisedoa o Iapana, a ua hoohala ia he manawa loihi mawaena o laua no ke kamakamailio ana me ko ka Moiwahine hoike pu aaku i kona mau manao ohohia nona.

PAA I KA HOPU IA.

Ma ka po la Sabati nei, ua paa i ka hopu ia e ka Makai Kiu Kaapa, Chas Chillinworth a me kekaahi poe e ae, o J. Ashworth, ka Ona o ka Hotele Saratoga ma Waikiki, ua hului pau ia mai na lako kuai ramo, oia hoi ka whisky, ke gini, ka bia, ka waina a me ka bia suaipe, na hookahi kaa okoa i lawe mai i ka Halewai, a ua hookuu ia mai na me ka hele aku na ka hookolokolo ia mai. Eleu no na kaiko ma ka lakou hona mahina o ka poe haihai kanawai..

 

KE KULANA PAHAOHAO.

He 20 minute iluna o ka Noho Kuhina.

PAU NA KAKAUOLEKO I KA PUHEE.

He Apuapu ka Pahikaua.

Kokoke e noho iluna o ka Noho Peresidena.

            Ua lilo ka la kalae molale o ka Poaha nei, i la ano nui ma ka moolelo o ko ke Aupuni Repubalika ku ana, mai kona hoala ia ana a kukulu la ana hoi he mana aupuni hoomalu maluna o ka aina, no na makahiki eha a oi o kona ku ana maluna o na Mokupuni o Hawaii, aia ka mana a me ka ikaika a pau iloko o kona mau lima hooko hana kahi i paa ia ai, a i ka wa e pu-a ae ai o kekahi lono e pili ana no ka hookahuli ia o ke aupuni, ua paa koke la mea, a i ole, o lakou paha i ka hopu ia.

            Aole paha i poina i ko makou mau makamaka kela kaua kaulana o Leahi, i alakai ia malalo o Sam’l Nolena a me Wilikoki, he 100 a oi paha mau koa maialo o ko laua mana, aka o ka mea kupanaha nae, ua pau lakou a pau loa i ka hopu ia, a he kakaikahi wale no paha ka poe i pakele, mamuli o ka nui makaala o na Poo Aupuni i ke ku kiai ana.

            Aka, o keia wikani o na pualikoa, ka uahoa o na Poo Aupuni, a i lawa i na mea kaua ua lilo ia i mea ole, mamuli o ke komo ana ae o kekahi wahi Pake kino poupou o 5 kapuai, a i piha ole hoi kona mau paona i ka 100, a lawe ae la i ke kulana Kuhina no ke aupuni, no ka manawa o 20 minute.

            Ua pau na Kakauolelo i ka holo mai mua aku ona, a i na paha i manao oia e noho Peresidena no kahi Repubalika i ka Poaha nei, i na no ua hooko ia kona manao.

            Ua hookahaha ia no hoi ko makou noonoo, i ka ike ana iho maloko o na nupepa haole no keia Pake, i lilo i Kuhina no kekahi mau minute e hoikeike ana i ko ke aupuni Repubalika nawaliwali maopopo, e hiki ole ai iaia ke hoomalu koke mai i keia hana hoohaahaa loa a ke kahi kanaka i uluhia e ke daimonio.

            Ua manaoia e ua poe nei e noho mana nei, o ka hoikeike ana i ka hana a keia Pake, he mea kaulana ia iloko o ko lakou au o ka noho mana ana maluna o ka aina.

            Aka, ma ko makou aoao a me ko ka lahui Hawaii hoi, he hoike ana ia i ke kulana nawaliwali, e hiki ole a ke alo ae, mai ua puka i ke akea.

            O ke komo lanakila ana aku o kekahi wahi Pake pupule mana Keena  o na Kuhina, a lawe ae la i ka hanohano oia mau noho ihikapu oloko oia hale, me ke keakea ole ia mai ia wa, he mea ia na makou e hoohalikelike ae nei, eia ka mana hoomalu o ke aupuni ma ke kulana kapekepeke, oiai no nae, o na poe Kakuolelo e nonoho mai ana, o kekahi poe o lakou he mau aliikoa no kekahi mau puali kiai maluhia, a o ka puhee honua e wale aku la no keia.

            I na i hoao, a i ole, i hana keia Pake me kekahi poe Pake e ae he 20, a oi aku, i na ua pau loa na mea a pau i ka pee, a i na no paha i loaa aku ka Peresidena Dole i keia Pake, i na no paha, ua noho oia i moi kui no kekahi mau minute koe wale no, kona hele ana iwaho e holoholo moku pea ai.

            Nui ka mana, nui paha hoi me ka ikaika, ke lilo la ke apuapu hookala pahi i mea weli la, ka mea hoi a kahi poe e olelo nei, “Wela ka hao, Alu ka uwea,” a o keia hoi, hulali ke apuapu, pipika ka helena.”

KAMA’LIIWAHINE KAIULANI.

            Ladana, Iulani 8. O ke Kama’liiwahine Kaiulani, ke kaikamahine a ka hoahanau o ka Moiwahine Liliuokalani, ka hooilina hoi o ka o ka nohoalii o Hawaii, ua hoea mai nei oia i Ladana ma ka la inehinei mai Tunbridge Wells mai, a hala loa aku la no kana huakai no ka mokupuni o Jersey, i ukali ia e kana kumu a’o a me kekahi wahine opio. Ua halawaii mai oia me kona makuakane maanei, A. S. Cleghorn, a me Konela Makapolena, puuku o ka Moi Kalakaua, a na laua i hoolaua aku imua o kekahi mau lede he nui wale. He maike no kona ola kino.

LOAA IA KA EMEPERA UILAMA I KEKAHI ULIA.

            Odde, Norway, Iulai 11. Oiai ka Emepera Uilama o Geremania e hele ana maluna o ka oneki o kona moku holo lealea ma keia wahi i kela la, a oiai hoi kekahi kia ua hookuu ia ilato, ua pa mai la oia me kekahi puupuu mahanahana ma kona maka hema, a hookokohi mai la ka onohi maka iwaho. A me kekahi laau hoopaa eha, i hoopili la aku ma kahi i hoomama mai i na kikoni walania ana a ka eha mahina o kona kino. Pakalaki no ka huakai hololealea a keia Emepera.

            Ma Kapaa, Kauai, ua hoa ako kekahi wahine pupule e kekahi wahine Pake me ka paha, a i ke ike ai o ka wahine pupu@ i ka @ mai o ke koko, ua @.