Ke Aloha Aina, Volume III, Number 30, 24 July 1897 — Page 1

KE ALOHA AINA

 

UA  MAU  KE  EA  O  KA  AINA  I  KA  PONO

HOOKUMUIA  I  MEI 20,  1895

 

            BUKE  III                                                        HONOLULU  POAONO,  IULAI  24,  1897                                      HELU  30

 

KE  ALOHA  AINA

            E hooopuka mau ia aku ana mai ka Poakahi a ka Poalima o na pule a pau o kela me keia mahina.

           

            Ka Uku Pepa, he 20 keneta o ka pule.  No ke kope hookahi, he 5 keneta.

           

            E loaa no ka pepa mai ke Keena aku o KE  ALOHA  AINA,   a mai ka lima aku o na Luna Lawe Pepa.

           

            E pai ia no na Olelo Hoolaha, na Kanikau me na Mele Inoa, me ke Dala kuike.  Aole nupepa ma ka owili pakahi e hounaia ke ole e hookaa mua ia ka uku pepa.

 

            E hoouna pololei mai i na Nuhou na Kumumanao, na Olelo Hoola ha, na Kanikau a me na Mele Inoa i ka Lunahooponopono o keia Pepa.

 

            Aole loa e hoopukaia a hoolahaia kekahi manao ma na kolamu o keia Pepa, malalo o kekahi inoa kapakapa ke ole e hoike mai i ka Lunahooponopono i kona inoa ponoi.

 

Ka  Nupepa  Puka  Pule

 

KE  -  ALOHA  -  AINA

            Hookahi Makahiki. . . . . . . . . . . . $ 2.00

            Eono Mahina . . . . . . . . . . . . . . .     1.00

            Ekolu mahina. . . . . . . . . . . . . . .       .50

            Hookahi Mahina . . . . . . . . . . . .       .20

 

EMMA  A.  NAWAHI

Puuku  o

KE  -  ALOHA  -  AINA

EDWARD  L.  LIKE

Lunahooponopono  a  Hope  Puuku

S.  P.  KANOA,

Hope  Lunahooponopono

           

            O na kauoha Nupepa me na hookaa Dala, @e @hoouna pololei mai i ka Puuku ma Honolulu.

---

NUHOU  KUWAHO

----

            Me ka hauoli mau o ko makou mau lunaikehala, pela no makou e panee awiwi aku nei i na mea hou mai na aina mamao mai, maluna mai nei hoi o ka Australia o keia kakahiaka Poalua, a e loaa no elike me ia malalo iho :

 

AOLE  I  PAU  KA  ARAOLELO  SENATE

           

            Mamuli o ka nui loa o na hana e pili ana i ka bila haawina no na lilo o keia makahiki, a me kekahi hana ano nui e ae, nolaila, aole i maopopo ka wa e pau ai o keia Ahaolelo.

            I ka holo ana mai nei o ka Australia, aia no lakou a pau ke @kukupau ala me ka hooma ha ole i na hana, nolaila, ma ke koho wale aku i kekahi poe e komo ana no na hana o keia Kau Kuikawa, iloko o ka malama o Augate ae nei.

 

KA  BILA  DUTE  KOPAA.

 

            Wasinetona, Iulai 5.  I keia la ka Hale Senate i noho ai, malalo o kekahi mahele no ke koho ana, o kekahi mau hana e ae, no ka hoomaha ana a hiki i ka Poakolu, ka wa hoi e makaukau ai ka bila dute, ina ua pau mua i ka hooponopono ia mamua o ka waiho ia ana ae iloko o ka Aha Senate.

            Nu Ioka, Iulai 5.  He lono awiwi ka ka Ahailono o Wasinetona i hoike ae ai, e pili ana no Senate Harris o Tenesi, a wahi ana :  He mau manawa ae nei i hala ka hooikaika ana o ka ma ʻ i maluna o kona kino a ua hooi loa aku hoi ke kupi likii o na minute o kona ola ana i keia po.

            Ua manao ia aole e hala hou aku ana iaia he mau la hou aku iaia o ke ola ana, mamuli o ka wela o ka ea, e hooi aku ana i ka pilikia ma na mea paahana o ka opu, a ua manao ia no aole oia e ola ana !

 

NUI  NA  MAKE  I  KA  WELA  O  KA  LA.

           

            Cincinnati,  Iulai 6.  I keia la ua make hou he elima poe mamuli o ka ikaika loa o ka wela o ka la, a no lakou hoi ka huina o na make me na la eha i hala ae nei, he kanakolu-kumamaiwa.

            O ke ana wela i keia la, ua hiki aku ia i ke 91 degere i ka hora 3 p. m.  He 74 i ka hora 6 a. m. a me 61 degere i ka hora 10 o ka po nei, aka, ma na alanui pii mahuahua ae na degere wela mai ka eono a ka ewalu.

 

E  MAKE  ANA  I  KE  KAIKAMAHINE  A  KA  ELA.

 

            Ladana,  Iulai 6.  O ke Keikialii Victor Dhuleep Singh, he mea hoi i ike loihi ia iloko o na anaina o na poe kiekie o Ladana, ke keiki hoi a kekahi alii Inia, ka mea hoi i hoao ai e hooulu haunaele ma Inia, he umi makahiki i hala ae nei, malalo o ka hoeueu ana a Rusia, i hopuia ma Adena, a hoihoi hou ia i Enelani, ua hoopalau iho nei oia me ka Lede Anne Coventry, ke kaikamahine hoi a ka Ela o Coventry,  ke kaikamahine ponoi o ka Viscount Deerhurst.

 

HE  MAU  MOKUKAUA  IAPANA  HOU.

 

            Iokohama,  Iulai 7.  Ua ko mo hou ae ke aupuni o Iapana, he aelike me Messrs. Yarrow & Co Ltd, o Poplar, no ka hana ana i eha moku topido o  31 mile i ka hora.  Ehuehu no Iapana e hoopuipui mai nei i kona mau moku kaua.

           

KA  HANA  A  KE  OLAI.

 

            Roma,  Iulai 7.  He ekolu mau hoonaue ikaika ana a ke olai i ka ponei ma Voltri a me kekahi mau kauhale kokoke e pili pu ana ma ia wahi, aole nae he ola i hoopoino ia.

            Paris, Iulai 8.  He lono awiwi kai loaa ae mai Rio de Janeiro, a wahi a ua lono ala, he he elua manawa i lele hookaulua ole aku ai o na poe Conumaluna o na koa aupuni e malama ana i ka maluhia, e hoolilo i mea ole.

           

PILIPU  NA  KOA   AUPUNI  I  NA  POE  KIPI.

 

            Nu Ioka, Iulai 7.  Ua loaa mai he lono i ka nupepa Herald e hoike ana, mai kona mea kakau e noho la ma Rio Janeiro, ua lele kaua aku na koa aupuni no ekolu manawa maluna o ke alakai o na poe kipi,  Antonio Consulheiro, ma Coundos, Bahia, hoi i hoouka ia ai o keia kaua.

            Ua hoauhee ia na koa aupuni no ekolu manawa e na koa kipi, me ka make pu ana hoi o 1000 mau koa iloko o na Regimana ekolu, a ua olelo ia hoi o ka nui o na make ma ko Antonio Consulheiro, aia no ia ma kahi o ka 1500 poe koa.

 

APONO  O  GEREMANIA.

 

            Iokohama, Iulai 7.  He telegarapa kai loaa mai ia nei mai Geremania mai e apono ana i ke kue a ke aupuni Iapana no ka hoohui ia aku o Hawaii me Amerika Huipuia, ua halawai ia me ka manao apono o ka lahui Geremania, a o kela aupuni, e komo mai ana oia e uwao malalo o keia mau hana.

            Paris, Iulai 7.  Ua loaa ae he mau lono, mai ka hema ae o Farani, e hoike ana, ua pa hola ae na poino o ka waika he, i oi aku aku ka nui mamua o na waikahe i ike i na wa i hala koke aku mamua.  O ka nui o na poho i hoomaopopoia ma keia Kaiakahinalii a ka waikahe i hana ino iho la, ua hiki aku no ia i ka 200,000,000 francs, ( dala farani ).

            Culcutta, Iulai 7.  He lono kai hoolohe ia ae, ua pau i ka hopuia ka poe hoohaunaele o na poe hana ona halewili Hooglick, i hoike ia ae o ko lakou heluna ikaika he 8,000 no ia, ua maki aku lakou no keia kulanakauhale aku.  Ua pau na poe limahana a me na poe hoohaunaele i ka hoopuehu ia.

            Maderida, Iulai 8.  Ua kukala piha ae ka Moiwahine Kahu Aupuni o Sepania, e kala ana i na poe pio Cuba, he 108 ko lakou nui, e hoi no ko lakou mau home, me ka hoopauia hoi o ka lakou mau hoopai no ka noho ana ma Ceuta, Fernandopo a me na mokupuni Chaffarian.

            O na poe kanaka a pau i kala ia, ua loaa ia lakou na palapala ae no ka hoi hou ana i Cuba, ko lakou aina hanau

            Plymouth, Iula, 8   O ka mokuahi Normania, o kalaina mokuahi Hamabuga-Amerika, i ku mai i keia kakahiaka, ua loaa mai kekahi lono mai iaia mai, ua kaalo ae oia ma ka aoao o ka mokuahi Spree, o ka laina mokuahi North German Lloyd, e kolo ana i ka mokuahi Beritania Maine no Queenstown.

           

E  HOI  AKU  ANA  KA  NANIWA.

 

            Ua hoike ae na nupepa Iapana, e olelo ana, o ka mokukaua Takachiho, o 3,700 tonaka nui, eia oia ke hoomakaukauia nei no ka haalele ana iho ia anei no Hawaii, ma ka la 1 o Iulai, a ua hoike ia ae, e pani aku ana ia ma ka makalua a ka mokukaua Naniwa, e ku la ma ke awa o Honolulu.

 

EIA  HOU  NO  IA  KAUOHA.

 

            Ua olelo ae ka nupepa Mail mamuli o na manao like o ke Yomuri, ua haawi hou ae nei ke aupuni o Iapana, he kauoha i Geremania, e hana la he 9 mao moku topido, a no lakou hoi ka mama holo o 28 mile i ka hora.

 

HE  MAU  AO  HOU  ANA.

 

            Ua hoike ae ka nupepa Gazette Iapana, a wahi ana :  Ua haawi aku nei ke aupuni o Iapana he manao e kauoha ana ia Mr. Kamiya, ke Kanikela Iapana e noho nei ma Kapalakiko, no ka holo ana i Hawaii, no ka haawi hou ana aku i na hoomahele hana no ke kumuhana a ke Kuhina Noho Iapana Shimamura.

 

KA  POE  HOOHAUNAELE  A  ME  KA  POE  NOHO  MEHAMEHA.

 

            Ladana, Iulai 11.  He lono awiwi kai loaa mai ia nei, mai Montevideo mai, aia he hakaka weliweli kai hooili ia mawaena o ka poe hoohaunaele a me na koa aupuni, ma Acagua, iloko o ka apana aina o Carro Largo.  Ma o na lono la i loaa mai i ke aupuni, ua pau na poe hoohaunaele i ke auhee.

 

KO  ITALIA  PU  RAIFELA  ANO  HOU.

 

            Roma, Iulai 11.  Ua huli ia mai nei e Capt. Cel. o ka Bersaglierli Guard, he pu raifela ano hou o 80 kani alapine ana i ka minute, me ka oni ole o ke kiko mai ka poohiwi o ka mea nana e kau ana.  Ua hoao ia keia ano pu mamuli o ke kauoha a ke aupuni o Italia.  Nui no ke akamai e imi ia mai nei e ko ke ao, ka mea hoi i loaa ole i kahi, e loaa ana i @kani akamai.

 

HOOMAAMAA  KA  PILEDELAPIA  NO  KA  WA  ULU  O  KA  HAKAKA.

---

            Ma ke awakea o ka Poakahi nei, ua lawe ae ka Adimarala Beardslee i kona kulana alihikaua nui no ka nana pono ana i kona kulana makaukau i ka wa e hoea io mai ai o ka hana.

            Ua loheia aku kona @leo kauoha i na aliikoa malalo no ka hookaawale ana aku i na mea e waiho ana o luna o ka oneki e like me ka wa kaua, ua hoohana ia na pukuniahi me na kanaka e ku makaukau ana no ke kali ana i na kauoha, a o na waapa @loi, ua weheia na @uki kapelena me ka makaukau ae ka hookuu ana iloko o ke kai i ka wa e hoea mai ai o ka poino.

            Mahope o ka pau ana o na hoomaamaa ana maluna o ka moku na hookuu ia iho la na waapa me ka @hookaula aku hoi o na lako kaua iluna o lakou, me he mea ia, e hele @io ana no no ke kahua kaua.

            A pau la, na hoomaka iho la ka hoomaamaa no ka wa e pau ai o ka moku i ke ahi, ka hoopiha ana i na waapa me na lako ai e lawa ai o kekai mau pule, kau ana mai o na mea a pau no luna o na waapa a me ka haalele loa ana i ka moku.