Ke Aloha Aina, Volume III, Number 29, 17 Iulai 1897 — Page 1

KE ALOHA AINA

 

       E hoopuka mau ia aku ana mai ka Poakahi a ka Poalima o na pule a pau o kela me keia mahina.

       Ka Uku Pepa, he 20 keneta o ka pule.  No ke kope hookahi, he 5 keneta.

       E loaa no ka pepa mai ke Keena aku o KE ALOHA AINA, a mai ka lima aku o na Luna Lawe Pepa.

       E pai ia no na Olelo Hoolaha, na Kanikau me na Mele Inoa, me ke Dala kuike.  Aole nupepa ma ka owili pakahi e hoounaia ke ole e hookaa mua ia ka uku pepa.

       E hoouna pololei mai i na Nuhou na Kumumanao, na Olelo Hoola ha, na Kanikau a me na Mele Inoa i ka Lunahooponopono o keia Pepa.

       Aole loa e hoopukaia a hoolahaia kekahi manao ma na kolamu o keia Pepa, malalo o kekahi inoa kapakapa ke ole e hoike mai i ka Lunahooponopono i kona inoa ponoi.

 

KA NUPEPA PUKA PULE

 

HE ALOHA AINA

Hookahi Makahiki              $2.00

       Eono Mahina                      1.00

       Ekolu Mahina                     .50

       Hookahi Mahina                 .20

 

EMMA A. NAWAHI, Puuku o KE ALOHA AINA

EDWARD L. LIKE, Lunahooponopono a Hope Puuku

S. P. KANOA, Hope Lunahooponopono

O na kauoha Nupepa me na hookaa Dala,

e hoouna pololei mai i ka Puuku ma Honolulu.

 

PUAA HANAU KUPANAHA.

 

He kino Puaa me ke poo Mapu.

 

       Ma ka Poakahi aku nei o ka pule i hala, ua hanau mai la kekahi kumulau Puaa na kekahi kanaka maoli e noho ana ma Waialua, Oahu nei, he eono keiki puaa, he elima he poe keiki maoli, a o ke eono o na keiki, ua hanau kupaa ha ia mai la oia.

       He elua ano o keia holoholo na, oia hoi o kona kino, hoelo, a me na wawae he hiohiona puaa maoli no, aka, o kona poonae he ano like loa me ka ohana mapu.  Aole he oiai o kona ihu e like me ko na paaa e ike ia nei, aka, he ihu kona i like loa me ko ke keko, a pela no hoi me kona waha, me kona auwae poepoe maikai.

       O kona mau maka, aole he like me ko ka puaa, aka, he poepoe a mohaha ma kai o kona papa auwae, ua like loa me ko kekahi keiki hanau hou, a o kona pepeiao nae he ano like loa me ko ka popoki.

       No eha la o ke ola ana o keia holoholona kupanaha, ua make iho la oia, ua laweia mai oia i Honolulu nei maluna mai o ke kaaahi ahiahi o ka Poaono nei, na Kauka F. L. Maina, he makana hoi na Frank Halstead o Waialua iaia.

       Ua i-aloha ia ua wahi holoholona kupanaha la, a me he mea la, e hoouna ia aku ana i ka hale hoikeike Bishop Hall e ku nei ma ke kula o Kamehameha, a i ole i na aina e paha e like me ka makemake o Kauka Maina, maloko o ka Frank Halstead i kakau mai ai ia Kauka Maina no ka mea e pili ana i ua puaa la, ua hoike mai la oia, mamuli o ka hiki ole iaia ke hanu i kona wa e ai ai ka waiu o kona makuahine, nolaila, ua hiki ole iaia ke ai i ka waiu o kona makuahine.

       Ua hoao ke kanaka nana ua puaa la e hanai elike me ka hanai ana i ka bebe, oia hoi, ka hookomo ana i ka waiu iloko o kekahi omole, ua ai mai la oia me ka maikai, aka, i ka hala ana o na la he eha ua make iho la oia, a i ka make ana ua kopi ia oia i ka paakai a hiki i ka loaa ana aku ia Frank Halstead he elua la mahope mai.

 

KA  AHAMELE  O  KA  PO  POAONO  NEI.

 

       Ua hoopiha pono ia ae ka luakini o Kaumakapili i ka po Poaono nei, a oi aku mamua o ka hiki iaia ke ome a hoopiha aku i ka lehulehu i kipa aku e ikemaka i na hana o ka po lea o Halalii, ka lua ole kou o na Ahamele i haawiia maloko o na paia oehia o kela heiau laa o ka Mea Mana Loa, mai kinohi o kona kukulu ia ana a hiki iho la i ka po Poaono nei.

       Ua hoike io mai ka Bana Lahui Hawaii i ke kilakila e ka lakou mau laau hana aloha i hoopili ia aku iloko o ka puu wai o na mea a pau i kipa ae e ike kumaka i ka milolii o na leo mele a lakou i haku ai, a me ke kani papalua hoi o ko lakou mau kileo a me ka lakou mau ohe pu, a ke nana aku, ua hiki ia makou ke olelo ae, ua makepono ke dala i lilo no ia Ahamele mamua o ka lilo ana i na mea ano ole.

       Aole hoi oia wale no, aka, ua komo mai ka Hui Himeni o Palama, oia like no me Makalapua; he eha, a he maeele ka iwiaoao, i ka lohe ana aku i ka leo nahenahe o Miss Kanoho, a me ka hone hoi o ka piano a Miss Kalei Nawahi.

       Ka i no hoi, ia lakou ae no pau ka hie a me ka loloku ana o ka puuwai, eia iho no ka hoi kekahi i ka Hui Kawaihau, a ke lohe pono aku oe i ko lakou mau leo, me he mea la, loku Hanalei i ka ua nui, a ma na mea a pau o kela ahamele i haawi ia ai i ka po Poaono nei aohe mea a ka naau e hoohalahala ai, a ua hiki hoi ia makou ke koho aku, aia ma kahi o ka $500 a $600 paha na loaa oia po.

       Hookahi wale no wahi pilikia, oia ka uuku o ka hele, e omo aku ai na poe a pau i kuai i na ukiki, aka, aole nae ia ma ka aoao o ka poe nana ka ahamele, aka, no ka haiki mai no ia o ka hale.

       Ke haawi aku nei makou i ka mahalo nui ia Sam’l K. Kamakaia, ke alakai o ka Bana Lahui, a me na Opuu Rose o Hawaii a me na poe a pau i komo pu ae iloko o keia hana maikai i malama ia iho la me ka holopono a me ka mahalo nui ia e na mea a pau.

 

LOAA  KE  KINO  MAKE  O  E  ROSS.

 

       Ma ka hora 8 o ka po Poakahi nei, i loaa aku ai ke kino make o E. Ross, ka paele paoahi o luna o ka Mariona, i piholo ai ma ke ahiahi Poaono nei, e lana ana mahope aku o ka hope o ka Mariona.

       Aole i inoino kona kino a ma na kohokoho ana, me he mea la, ua paa oia iloko o ka lepo poho.

       Ua hookau ia aku oia iluna, o ka uwapo hoopae limahana, a malaila i lawe loa ia mai ai oia no uka nei o ka aina malalo o na lawelawe ana a Ed. Williams.

       I ka auina la Poalua nei, (oia hoi keia la) i lawe ia aku ai kona kino make no ka Ilina o Maemae, me ka ukali pu ana aku o kekahi o kona mauhoa aukai no kona home hope loa.  Waiho i Kaea ka iwi o kamahele.

 

POHOLO  A  MAKE.

 

       Mahope iho o ka hora 5 o ke ahiahi Poaono nei, ua hookuu ia aku la kekahi poe oluna o ka Mariona, no ka auau kai, a i ka wa i pau ai, ua koomaka mai la na mea a pau e hoi no luna o ka moku, a ona hoi ka wa a Ross, i pinana ae ai ma kekahi wahi i ae ole ia no kona pii ana aku ma ia wahi, nolaila ua huhu ia mai ia oia, a lele hou aku la oia no loko o ke kai, a oia no hoi kona wa i nalowale loa aku ai, me ka ike hou ole ia o kona kino.

       Mahope iho o ka pau ana o na mea a pau iluna, ua ike ia iho la, aoale o Ross kekahi, a ua hoomaopopo koke ia iho ia ua poholo oia, mamuli paha o ka paupauano, a i ole, ua pa paha i kekahi mua mea oolea, ke kumu o kona poholo ana.

       Ua hookuu koke ia ka mea luu ilalo a ua noke ia i ke kuekaa aohe mea i loaa, a ma ke kakahiaka la Sabati nei ua luu hou ia no, aole no i loaa iki.

       He paele keia, a he kana hana no luna o ka Mariona, a he hoolehe a malama loa oia i na kauoha a pau o kona mau Alii moku, a ua lilo hoi mea minamina nui ia o kona make ana mamuli o kana mau hana maikai.

 

E  ALA  E  KONA  KAI  OPUA  I  KA  LAI.

 

       E, he leo hoeueu aku keia ia oukou @ a’u lawe nupepe o KE ALOHA AINA mai Kapu’a, Okoe, Honomalino, Papa a me Alika, e ala like mai e hookaa ke dala hookahi o keia mau mahina 6, mai Iulai nei a Dekemaba, e hooka pu mai ka poe no lakou na koena aie e waiho nei, aole no hoi au o ae aku, a me kuu hope iuna, e noho la i Hawaii e loaa ka pepa i ka poe hookaa ole mai i ko lakou ane, aole no hoi au e hoole aku ana i ka poe e makemake mai ana e lawe i ka pepa, i ike i na hana noeau o ko k@ [remainder of paragraph unreadable]

@@@

@@@

 

HE  HOKU  HAULE.

 

Hoopihoihoi ia na Ilikini.

 

       Parisa, Tex., Iune 25.  O. J. Z.  Colgale, e noho pu nei me na Ilikini Choctaw, ma na Panalaau Ilikini, he kanaka @ ma ka aoao akau aku nei o keia kulanakauhale, ua hoea mai nei oia i anei nei no kekahi apana hana, a nana i hoike mai i kekahi mea hou ano kupanaha, e pili ana no kekahi hoku nui i haule ma ka hora 2 o ke kakahiaka Poalua nei.

       Ua hoomalamalama ia ka lewa lani e like me ka malamalama o ka wa e kau ana ka La i ke awakea, no na sekona poloke wale no nae a nalo aku la.

       E like me ka halulu o kekahi heliki ikaika, pela kona halulu i iho mai ai a pa iho la maluna o kekahi hale hanai holoholena o kekahi Ilikini, o nabaha liilii ae la oia.  a i kona hoea ana aku ma kahi o 8 kapuai kona hohenu ilalo o ka honua, ua pahu ae la oia e like ke kani wawalo me kekahi pukuniahi nui.

       Ua weluwelu ae la kahi hale hanai holoholona, me ka hoolele luhi ana ae i na apana laalaau ma o a maanei.  Ua hoonaueue ia ka honui no kekahi mau mile me ka ulea pu ia o ka lepo, ua oili mai na alelo o ke ahi a a ae la i ka hale hanai holoholona.

       Ua make he @ a me kekahi bipi wahine, a i ko laua wa i huli pono ia aku ai, ua aloaa aku la ua pau loa ko laua mau iwi i ka hakihaki i ka manawa i hue ia ae ai mahope iho o ka hue ia ana ae mailoko ae o ka opala.

       Mahope o ka pau ana ae o na uluku ua puia ae la ka lewa me kekahi ea i like me ke kukaepele.  Ua hoopihoihoi ia na poe Ilikini me ko lakou manao kuhikewa ana ua hiki mai ka hopena o ke ao nei.

 

       Ua puka ae kekehi ma’i puu eha (diptheria) a ke aupuni i hoomalu iho nei ma kekahi mau hale i laha iho nei o keia ano mai, e @ o Kapalama.

       Ke loheloheia mai nei, eia la hui @ [remainder of paragraph difficult to read] Hale Hana H@

 

       [last paragraph unreadable]