Ke Aloha Aina, Volume III, Number 28, 10 July 1897 — Page 5

KE ALOHA AINA

 

E  ALOHA  AINA,  POAONO,  IULAI   10,   1897         5

 

  Ua loheia mai oia ka mea i hikiwawe loa ai o ka opeopeia o ua kukaa moena la, no ko Iapana oni ana mai nei, aohe ia na Iapana, aka, o kekahi lima no iu o Iehova e hooponopono mai ai i ka lahui nawaliwali.

  He nui na mea hou, a no ka pokole o ka manawa o hala e na e eke leta, ke hooki nei au me ka hauoli nui. 

  Ma na nupepa aku na mea i koe, a oia ka'u e hoouna aku nei. No kaua kahi aloha a me ka lahui pu.

  Ke aloha aku nei ka Haku o ka I i ka lahui.

                        Aloha a nui,

                         *   *   *   *

 

ALOHA  WALE  NA  HALE  O

MAKOU  I  MAKAMAKA  OLE,  KE

ALAHELE  MAUKA  O

HULI  WALE  LA  E,

HULI  WALE.

 

  Ae, e huli wale ae ana i ka ukana i ka mohai ole i kuu lima o ike aku ai, e kanaenae aku ai la hoi ia oe e kuu ALOHA AINA, eia no ka uku la o ka mihi.

  E mihi ae auanei na poe hoopili wale e pono ai, ina iho ka hoohuiaina la, "ua make loa," he keiki poo ole i oili wale aku, mai kona makuahine pakaha hilahila ole, aia ua keiki ala ke kaulai ia mai la e na eepa o Kahihikolo, o na kupuna ia e hapala nei ke Kea, na ka Ele ka ai, hui aku, hui mai hui kalo i ka nawao, Aloha wale ia laau makua ole.

  O na moopuna, o Kulou laua o Hoio, o Pepee laua o Palaholo.

  Ke paani wale nei na popoki, ke lelele wale nei na iole.

  Holo ke kao, he kao i ui no, me he lio ala ka hole ana a ke kao.

  Aohe hana a na puuwai alo ha oiaio a pau, ua kau i kaupoku o Hanalei.

  Ua kau ke poo i ka eluna, e Welehu ka malama, ka malama e kapule ai ke Kolea, ke keiki manu a Hinowaikolii.

  He lani iluna, he honua ilalo, nou o uka, nou o kai.

  Hoohonua ka noho a Kalani i Amerika, ua malu o Hawaii honua ia Iehova, no Iehova ka honua a me kona mea e piha ai no Iehova ka aina, ka lahui a me ka nohoalii o Hawaii, a na Kona aloha no auanei e hoihoi hou mai i ka pono kumu o ko kakou aina, ka lahui a me ka nohoalil o Liliuokalani, Nona a no Kona mau hooilina, mai ke ao kumu ole, a i ke ao pau ole; Amene.

 

  Ma ke kakahiaka o ka Poakolu nei I hookuuia mai ai ka Mauna I oa mai luna mai o ke alahuki moku

  Maluna mai o ka mokuahi Geatle e ku mai ana i anei i keia Poakolu ae mai Kapalakiko mai e loaa hou mai ai na mea hou like ole o na aina

 

HOOHAKALIA  IA  KA  HOLO

O  KA  PEKINA.

Uku ke aupuni he $1,000 no ke

kali iki ana.

 

  Ma ka Poaha nei, ua pahola ae kekahi lono ma ke kulanakauhale nei, ua uhauha wale aku la ke aupuni Repubalika he $1,000 no ka hookaulua iki ana iho o ka Pikina a ka hora 10 a.m., oia la e holo aku ai no Kapalakiko.

  Aole makou i hooiaio ia lona a hiki wale i ko makou ike ana iho maloko o ka nupepa Avalataisa o ke kakahiaka Poalima, e hoike ana, mamuli o ko ke aupuni ake loa e hoouna koke aku i kekahi mau leta no Amerika, nolaila, ua uku aku la lakou i kela puu dala mahuahua i mea e hooko ia ai o ko lakou iini, oia hoi, ke kali ana iho o ka Pekina.

  Mamua o ke kani ana ae o ka hora 10 a.m., ua hoea aku la o Alex, St. McIntosh me na ope leta, a i ukali ia mai hoi e kekahi elele mai ke Keena mai o ko na Aina E. me kekahi mau ope pepa elua.

 

KIPA  AKU  NA HAUMANA E  IKE

IA  VICTORIA.

 

  Windsor, (Enelani) Iune 25. Ua lawe ia aku ka Moiwahine Victoria no ka Windsor Park i keia la, kahi hoi a 6,000 haumana i hiki mua ae, no ka malama ana i ko lakou kulaia no ka Iubile o ka Moiwahine.

  Mahope ino o ka haawi ia ana mai o na kipu ia ana mai e na pualikoa inai na apana mai a pau o ke aupuni. Ua hooi ia ae ko ka Moiwahine hauoli, ma ko ka loaa ana laia he ola kino maikai, he uhane hou i piha i ka noeau, a he mau helehelena i piha i ka ulumahiehie o ka hauoli, olai keia mau tausani haumana kula e hoopuni ana iaia.

  Nani no kona hoomanao ana i na haumana kula o kona aina makuahine, ka poe hoi i ana e hookupaa mau i ka naauao iloko o kona lahui i na wa a pau, elike me ka mea i olelo ia, o ka naauao ke kahua o ka lanakila o Enelani maluna o na kahua kaua he lehulehu wale, o na aupuni o ka honua.

  O kekahi mea oi aku no o ka naai, oia ka hookahakaha a ka Oihana Kinai Ahi, ka hui a me ka lua ole o kona hea elike ai i malama ia ma Enelani, aole mai kinohi mai, aka, i ka Iubile hoomanao wale no o ka Moiwahine Victoria, nona hoi ka nui o 3,200 kanaka iloko o ka laina hookahi, a me 100 enegine kinai ahi.

  Ua kaa na hooponopono ana o keia hana malalo o ke Duke o Malborough, ka Peresidena o ka Oihana Kinau Ahi Lahui. i hoikeia aku imua o ke alo o ka Moiwahine.

  Oiai ka Moiwahine Victoria a me ka Emepera Ferederika o Geremania, e paina ana i ko laua aiua awakea i keia ahiahi aia he tausani poe keiki Eton me ka lakou mau mea kani e kuupau ana i na ano like ole o na ano a pau.

 

KE  KUMU  I  WAIWAI  OLE

AI  O  KA  HOOHUI  AINA.

 

Kue ikaika o Senate White o

kaleponi ae nei ia kumuhana.

 

 

  Wasinetona, Iune 16. I ka Lunahooponopono o ka "Examiner." O ke kumuhana a Amerika Huipuia, he kue mau ia i na manao hoohui. Ina kakou e hoohui ana i na mokupuni, e malama ana kakou. O ko kakou mau mokukaua, ua lawa wale no ia no ke kiai ana i ko kakou mau kapakai, aole hoi ia waho aku. Aia he 24,000 Iapana, 21,000 Pake, 15,000 Pukiki, 3,000 Amerika, 2,400 Pelekane a me 40,000 kanaka Hawaii, a nona hoi ka huina lahuikanaka o 109,000. O ka hoohui ana, he hoomahuahua hou ana aku ia i ka hewa, a ko kakou mau kupa Amerika i hana ai, he haalele loa ana ia i na kumuhana a ko kakou mau kupuna, he uhai wale ana i ka mono makamaka ana me ke kaili wale ana mai i ko hai waiwai, i hiki ole hoi ia lakou ke hoopakele ae mai ke kapa ia ana aku he apuka. O ka hooko ana aku i ke kuikahi, he hana hewa loa me ka hoohaahaa ia o ka inoa. He nui no ka kakou mau hana o ka home nei e noonoo ai. O ka hoohui ana mai i na mokupuni o Hawaii, he mea kokua wale no ia i ke kopaa, a he mea hoopoino hoi i na poe kanu ko.

 

UA LAWE  IA  MAI  NEI  HE MAUMANU  HIMENI,

 

  Maluna o ka Mariposa i huli hei mai ai o Mr. Marsden, mahope o kona hele hoolana ma'i ana aku nei i Potalana, Oregona.

  Ma Potalana, ma makana ia mai la oia e C. F. Pfluger, he mea i noho maanei, me eono manu himeni i kapaia he Mocking Bird, no ka hoihoi ana mai i Hawaii nei e hoolaha ai.

  Na keia haole i hoolaha mua aku i keia ano manu ma Oregona i ka makahiki 1892, a ua laha looa hoi malaila i kela wa.

  He maikai keia manu, he kani ka leo, wahi a Mr. Marsden, aka, aole nae i maopopo ka hopena o keia ano manu ma keia mua aku.

 

  Ma poina i ka ahanele aui o keia po.

  I ke kakahiaka nui e ka Poakahi nei i hoea mai ai ke Kinau mai Hilo mai, a ua hauoli poakiulei kona mau lima hana maanei.

   => Ua makemakeia na poe a pau he aie ko lakou i ka Nupepa KE ALOHA AINA e hooka koke mai mamua o k@ pau ana o keia mahina. e huelehe i keia o mele auanei oukou i ka ike ana i na mea hou o keia mau la e nee @ee@i.

 

PALAPALA  PANE  A  KA  LAHUI

HAWAII.

 

  Ma ke ku ana mai a ka Mariposa, ma ka Poaha nei, i loaa mai ai la makou ka palapala kue a ka Lahui hawaii i waiho ia aku ma ka Hale Senate e Joseph Helehlue, ma ke ano he Komisina ola i koho pono ia e na Hui Aloha Aina a me ka Hui Kalalaina, a penei ka heluhelu ana o ua palapala kue la:

    Ia Hon. John Sherman, Kakauolelo o na Mokuaina o Amerika Huipuia.

                Aloha eo:

  Ma ka aoao o ka Hui Hawaii Aloha Aina, a ma ka aoao o ka Hui Kalaiaina, i kukulu ia e na poe Hawaii a me Hapa Hawaii o na mokupuni o Hawaii, no ka hoihoi hou ana mai i ke aupuni kumu kanawai a me ka hoomau ana i ke kuokoa, malalo o ko lakou  Moi e noho hoomalu ana ma la mau mokupuni, a mamuli o ka hookohu ana o kela mau hui ia'u i Komisina, a me ka haawi ana mai i ka mana ma ke ano he mea i kohoia e ka poe Hawaii no ka nana i ka lakou mau pono, ma keia, ke waiho aku nei au i ka palapala kue a ka Mea Kiekie Liliuokalani, me ke aloha o ke Akua, ka mea e noho moi ana mai la mau mokupuni, ma ka la 17 o Ianuari M. H. 1893, a ma ia la i haawi aku ai oia i kona mau waiwai a me kona mana ma ke ano he Moiwahihe i na pualikoa. i ka luna aupuni a me ka mana kaua moana o Amerika Huipuia

  Ma ka inoa o na ahahui o na kanaka i hoikeia ae la, a ma ka inoa o ka hapanui o na poe koho balota i hoopaaia ma ka la i ae  ia aku ai o Amerika Huipula, ke kokua, a ke hooiaie nei au, i na mea a pua a ka Moiwahine Liluokalani ma kana palapala kue i kokuaia e ka palapala kue a kona lahui, ma ka hooko ana i kekahi kuikahi i oleloia, oia hoi, ma ke ano e haawi lilo ana i na mokupuni o Hawaii, ma ke ano he Panalaau no Amerika Huipuia a no ia kumu, ka palapala kue i hana ia ma ko makou aoao, e ko makou Moiwahine Liliuokalani.

  Hanaia ma Wasinetona, i keia la 17 o Iune 1897.

               JOSEPH HELELUHE.

 

  He halawai ka na Ahahui Moola a Ho@ulu Lahui ma ka Home Hoohanau Keiki, ma Kapiolana Home, i ka hora 10 A. M. e ka Poakolu nei, lulai 7  18@7

  Ma ka lualua nei Iulai 6 i malap@aia ka halawai maa mau a na lala e ko Ka mu@ Hoako o Ka Hui Aloha Aina ona Wahine o ka Hui Kuwaona ma kahi o aohe o Mrs. Kuihe@aui Campbell.

 

HAIOLELO  O  BRYAN  MA

OTTAWA.

 

  Ottawa, (Kas.) Iune 25. Ua hoea mai o W. J. Bryan ia nei i keia kakahiaka, mai Cherryville mai, kahi hoi ana i wehe aku ai i kekahi haiolelo imua o kekahi anaina i haiamu ae ma laila. Ua hookipa ia kau ola ma ka paina kakahiaka e L. C. Stine, kekahi o kona hoaloha pilipaa loa ma kona aoao kalai aupuni.

  Mahope iho o ka pau ana o ka paina kakahiaka, ua malama ia he anaina ike, no ka haawi ana aku i kana mau olelo kahoahoa, maluna o ke kumuhana "Ke ano o ke kulana o ke aupuni e ku nei." He kuliu kana mau olelo, a he hoho@u hoi kona ike.

  O keia Bryan, oia no ko Makimile hoa hole balota mai nei, a he kanaka mikioi loa hoi oia ma ka halolelo, a ua nui hoi a lehulehu na poe i mahalo laia ma kana mau kalai manao ana ma na wahi a pau o Amerika i lohe pono i kona wa e kamailio ana.

 

NA  HOOKOHU  LUNA  AUPUNI

HOU.

 

  Wasinetona, Iune 25. I keia la, ua hoeuna aku ka Peresidena i keia la, he mau inoa hou i wae ia no kekahi mau kulana koikoi iloko o ke aupuni imua o na hoa oloko e ka Ahaolelo Senate, a o kekahi oia poe ana i hookohu aku ai, oia keia malalo iho:

  Irving B. Dudley, o ka mokuaina o Kaleponi, i Elele a Kuhiwa Noho mo Amerika Huipula ma Peru.

  Frank Dilinahama o Kaleponi i Kanikela no Aukalana Nui Kilani.

  No ka Oihana Kaua Moana Kapena Geo. D. Remy, i hoopii ia ae ma ke kulana Komodoa; Commander William H. Whiting, i hoopii ia ae ma ke kulana Kapena; Lutanela-Komanada Frederick M. Simonds i mea hooko malalo o ke kauoha.

  Imua o ke Senate i keia la, ua lawelawe ia na hana no ke apono ana aku i keia mau hoekohu malalo iho ma na hana maa mau o ka Hale:

  Albert C. Thompson a ka mokuaina o Ohio, Alexander C  Bolkin o ka mokuaina o Montana a David B. Culberson o Tekasa, i poe Komisina ne ka hoohuihui ana i na Kanawai Karaima a me na Hoepai Karaima o Amerika Huipuia.

  Ka mea i apono ia e lilo i Kanikela. Edward H. Thompson o ka mokuaina o Masekuseta, no Progreso Mekiko.

  Charles Kingstan, o Grover, i Luna Hooia no ke Keena Aina @a Evanston, Wyoming.

  Frank M. Foote, i lilo i mea Ohi Dala no ka lehulehu ma Evanston, Wyoming.

  O keia ae la ma hookohu oihana a ke Senate i apono ai.