Ke Aloha Aina, Volume III, Number 28, 10 July 1897 — Page 3

KE ALOHA AINA

 

KE ALOHA AINA, POAONO, IULAI 10, 1897

 

KE AU O KA MOIWAHINE VICTORIA NOHOALII ANA

            Eia he kanahiku a oi ana mau pua mailoko mai o kona puha ka, na keiki, na moopuna a me kualua, a he kanaono hoi o keia huina e ola mai nei.

            O kona mau aupuni, ua hooloihi ia aku ia a oi aku mamua o 11,399,316 mile kuea, oia hoi he 2 pa keneta o ka aina o ka poepoe honua i omo ia malalo o kona noho noomalu ana.

            I kona wa i pii ae ai a noho maluna o ke kalaunu o Enelani, o ka nui o na kanaka malalo o kona malu he 26,000,000 miliona wale no, aka, i keia la eia oia ke noho hoomalu nei i ka hapalua o ka honua holookoa, nona ka huina lahui i keia la e nee nei o 4@2,514,000.

            I kona wa i nohoalii ae ai, o Kikako ma Amerika Huipuia, he wahi kauhale uuku wale iho no @a o 4,000 kanaka ka nui, aka, i keia la oia kekahi o na kulanakauhale nui loa ma ka Hapa Poepoe Komohana.

            I kona wa i lilo ae ai i Moiwahine o Enelani, o ka huina lahui o Amerika Huipuia @a wa he 17,000,000 miliona wale no, aka, i keia wa ano ma ka helu ia ana mai nei he 70,000,000.

            He 13 ka nui o na ano karaima ahewa ia no ka make, i kona wa i kau ae ai ma ka nohoalii, aka, i keia la he elua wale no hewa ku i ka make, oia ka ohumu kipi a me ka pepehikanaka.

            E ikeia no o ka akahi hapakolu o Aferika, i hoopakele ia malalo o ka Enelani malama ana, i na kanaka ponoi o ka aina, a i haawi lilo loa ia mai hoi malalo o kona malama ana, a ua haawi ia aku na pono kivila i na kamaaina, a ua kukuluia na kulanakauhale nui i kapiliia me ne laau.

            I kona wa he kaikamahine opio wale no, o ke kulanakauhale o Melebona, ma Auseteralia, he hookahi wale no halepule, hookahi hale hookipa, (oia hoi hotele), ekolu hale hana, he 20 pupupu hale, a he hookahi makete kuai io kanagaru, aka, i keia la oia ke kulanakauhale nui hookahi iloko o Auseteralia nona hoi ka huina kanaka 500,000@.

            A hiki i ka la Iubile o ka Moiwahine Victoria o ka nui o na Peresidena o Amerika Huipuia, a me ko na aupuni e ae poe e hoomalu ana, oia hio, he 17 Peresidena no Amerika, 28 Moi, 6 Emepera, 4 Czar, 3 Moiwahine, 13 Peresidena, 10 Hooilina Moi, 5 Suletana, a he lehulehu wale aku hoi o na poo aupuni e aku, e noho hoomalu ana i ko lakou mau lahuikanaka ponoi iho, iloko o na mahele aina nui o Europa a me Asia.

            I kona wa opio, aole he telegarapa moe moana, aohe i komo ka wai iloko o ka hale ma o na paipu a hawai la, ao he mau kukui alanui, he kakaikahi na poe ike himeni, aohe mau kukui ea, aohe no he mau mea paikii, a mailoko o 10 poe hana, he hookahi wale i hilinai i ke Akua.

            Aohe mau uwea telepona iloko o kona mau la opiopio, o na limahana mai Amerika mai maluna o na mokupea, ka poe hoi e lawe mai ana i ka pono @i no ko lakou noho ana.

            Aole hookahi wahi kapuai uwea moana, malalo o ke kai i hiki ke hoakea aku aku, a oiai hoi ke kowa o 24 a hiki i ke 78 o ke au o kona mau la holomua o kona nohoalii ana, ka mea hoi e ku nei ma ke poo o na mana hoomalu o ko ka honua holookoa.

 

KA MANAO O BIHOPA WILLIS.

            Eia malalo iho ka manao o ka Bihopa o Honolulu, iaia i hoea aku nei i na kaiaulu o Enelani, a he pahaohao no hoi ke hoomaopopo iho:

            Plymouth, Eng. Iune 17 Ua hoea mai nei ka Bihopa Willis o Honolulu ia nei, mai Hawaii mai, ua hoike ae oia, i kona wa i ninau ia aku ai, o na kanaka maoli o na mokupuni o Hawaii, aole o lakou makemake ia Amerika Huipuia, he makemake loa lakou e hoohui me Beritania, aka, ua hoohui pu aku ka Bihopa me keia mau olelo: O Beritania Nui, ke malama nei no oia i kona ano kukaawale, ma ke ano o Beritania ke kolu o na aina i haawi kaokoa i ko Hawaii mau pono.

            Ma ka hoomau ana aku, wahi a ka Bihopa o Honolulu, ina aole o Beritania Nui e lawe ana i keia aina, alaila oia auanei ka wa a Iapana e hoihoi hou ai i ka Moiwahine Liliuokalani.

            No na mea e pili ana i ko Amerika manao no ka hoohui ia Hawaii me ia, aohe ona makemake, mamuli o ke komo nui o na Limahana Pake, ke kumu nui nana i keakea mai i kona lawe ana ae ia mau mokupuni.

 

UA LELE MAI NEI I KA WAILELE O NIAGARA.

            Ua lilo i mea hoano e i ka manao o ka poe i kipa aku e ike i ka hana a kekahi kanaka i maopopo ole kona inoa, ma ka Wailele o Niagara, i ka auina la Poalima, Iune 25, a i lele mai hoi mai ke kaulu pali mai o Prospect Point mai.

            Mamua ae o kona lele ana, ua hele aku la oia e noi i peni kakau, ma kekahi hale inu rama e kokoke ana ma ia wahi, a kakau iho la oia he mau huaolelo maluna o kekahi apana pepa haulaula, a e heluhelu ia penei: "Na ke Akua e hoopomaikai i ko ka honua a pau, a e aloha mai hoi i ko'u uhane." He 100 a oi poe i ike i kona lele ana, aole hoi i ike hou ia kona kino, a hiki i keia la.

 

EIA HOU NO KEIA PEPEHI KANAKA.

            Ma ke ku ana mai o ka Waialeale mai Kauai mai, i ka auina la o ka Poalua nei, i loaa mai ai ia makou ka lono no ka pepehi kanaka i hana ia ma Kalihikai, he wahi apana aina ma Kalihiwai, Kauai, a penei iho na mea i hoomaopopoia mai ia mai ia makou, a oia hoi ka makou e pahola awiwi aku nei no na makamaka heluhelu o KE ALOHA AINA.

            Ma ka Poaono aku nei, Iulai 3, aia he paina luau i malamaia ma Kalihikai, a ua lehulehu na kanaka Hawaii maoli, i kipa aku ma keia ahaaina, elike me ke ano maa mau iwaena o keia lahui, na hoonanea, na himeni, a me kekahi mau hana hoohauoli e ae, i ku i ka ulumahiehie o ka manawa.

            Iwaena o keia aluka e huikau nei, o Haili, he kanaka i piha kona naau i ka powa a me ka pepehi kanaka, eia kona mau nanaina hoomaku'e o ka huhu maluna o kana wahine, aka, aole hiki iaia ke hoike koke aku ia ano enemi ona maluna o kana wahine ia wa, mamuli o ke kumu, o hiki no auanei ke uwao koke ia a pakele ke ola o kana wahine, a o kana hana kupono wale no, o ka uumi malie, a hiki i kahi mehameha, a ia wa oia e hooko ai i kona manao lili maluna o kana wahine.

            Mahope iho o ka pau ana o paina luau, ua hoi aku la o Haili a me Piipiilani kana wahine no ko laua home, a o kekahi hoi o na hoa lealea ma ka paina luau i malama ia.

            Ia laua i kokoke aku ai e hiki malalo o kekahi puu, oia ka wa a Haili i hopu aku ai i ka wahine, a haehae ae la i kona aahu mai iaia mai, a nakinaki i kona mau lima, a uhi i kona mau maka a paa, a hoomaka aku la oia e kaha mawaenako@u o kona opu i ka pahi umiumi.

            I ka pau ana o keia, ua oki aku la oia i ke kaniai me kana pahi aikanaka, a hiki i ka make loa ana o keia wahine. O ke kumu mai no paha o keia pepehi kanaka oia no ka lili o keia Haili no ka hoolala@o o keia wahine i ka wa o ka paina luau e malama ia ana.

            O ke kane mare ka mea mua i loaa aku ai o ke kino make o kana wahine. Ua manao ia aole hookahi mea nana i hana i keia karaima eleele, me he mea la, ua oi aku mamua o ka elua a ekolu paha, ma o ke oki pololei ana la a pahi umiumi, i kok@a ia e kekahi mau mea kino kanaka elua.

            Ua holo a nalowale ka pepehi kanaka, aole i ike ia a hiki ia k@wa a ka Waialeale i haalele aku ai @a Kalihiwai. Ua manaoia, ua pee oia i @a mauna aka, aole nae oia e nalo, no ka mea, ua kamaaina oia i na mea a pau oia wahi, a aole no e liuliu na la ana e pee ai, a loaa koke mai no oia, no ka mea, he ino kana mau hana.

 

HE AA HOOKUKU HEIHEI.

            Ua lilo i mea kamailio nui ia ka eo ana o ka heihei kaa hehihehi wawae i malamaia ma Kapiolani Paka, i ka Poaono aku nei, Iulai 3, a iloko hoi o na kamailio laula ana, ua hoopukapuka ia ae ka inoa o Geo. Martin, oia ka oi o ka holo, mamua o ke Kaeaea o Manoa, oia hoi o John Sylva.

            No keia mau olelo painuu a ka poe mahope o Martin, ua aa aku nei o John Sylva e hookuku laua, mai ka hapaha mile aku ka pahu holo, a hiki i ka palena pau o ko Martin makemake, a ua hoolaha akea ia ae nei kana hookuku maloko o ka nupepa Avalataisa, a me he mea la, e apono koke ia ana no paha hoi ia @a heihei, ke ole e ho@e wale kona hoa paonioni.

            Ua aa ia keia heihei kaa ma na wahi a pau, ina ma na alanui o ke kulanakauhale nei, a i ole, ma Kapiolani Paka, Kewalo a wahi e ae paha, a ina paha ma na alanui o ke kulanakauhale nei, a i ole ma ke kaapuni ana i ka Mokupuni o Oahu nei. Oolea no ke keiki o Manoa.

 

KO RUSIA KANAWAI MARE.

            He mea kamahao no ko makou noonoo, ka ike ana iho i ke ano o na kanawai mare maluna o kekahi aupuni keikikane i loko o Europa, ma na mea pili i ke kulana holomua o ka noho ana, a ma ka hoomaopopo ana hoi, he wahi hana ano hoopahaohao no hoi i ko ke kanaka noonoo, a ina paha i hoea mai ia ano ma Hawaii nei, he keu a ke kupanaha.

            Oia hoi, e mare oe i ke kane a i ole i ka wahine, mamua ae o ka piha ana o kou mau makahiki i ke 80, a ina aole oe e hana pela, e noho wahine ole ole oe, a pela hoi ka wahine i ke kane a hiki i kou make ana.

            Aole e oi aku mamua o elima manawa au e mare ai i ka wahine, a ina kue oe i keia, e kiloi ia oe e kuewa hele ma ka aina o Siberia. Kupanaha no hoi.

 

HAKAKA MAWAENA O NA KEIKI AUKAI A ME NA MAKAI.

            Ma ka po Poakahi nei, oiai na keiki aukai o ka Piladelapia a me ka Ma@na e n@ke nui ana i ka hoopaapaa, no na mea e pili ana i ka heihei waapa o ka Poaono nei, ma ke alo iho o kekahi hale inu rama e ku nei ma ke Alanui Papu, oia ka wa i hele aku ai o kekahi Makai nona ka inoa o Opunui, a papa aku la e hoopau ia mau kamailio ana, a e hele aku ana hoi ka lakou mau olelo, i kau wahi o ka haunaele, ke ole lakou e hooki i keia mau kamailio hoopaapaa ana.

            Mamuli o keia mau olelo a ka Makai, ua kue mai la na keiki aukai i keia olelo papa, a he hoopii palua ana ae hoi ia i ko lakou inaina, a ua hele loa aku la i ka nui, a hiki i ka ulu maoli ana he haunaele nui, koe wale no ka pau @ e ana o kekahi poe i ka hopu ia a hoopaa ia i ka Halewai, a hiki i ka hoi hou ana mai o ka maluhia, a nalohia aku na kuee.

 

UA HALA O KAPOLOLU-OPIO.

            Ma ka hora 5 A. M. o ke kakahiaka Poakahi, i lalau mai ai na lima menemene ole o ka make, a kaili aku la i ke aho hope loa o Kapololu-opio, ma ka home noho o kona mau makua, me ka minamina nui ia. Ua hoomaka mai ka hoomailo ana a ka mai maluna o kona kino, he mau la wale no, aole nae hoi i manaoia he mea ia e hoomahuahua loa mai ai i kona nawaliwali.

            Ua imi ia no ke ola ma kahi o Kauka Howard, a ma kana lapaau ana no hoi, a hiki i kona pauaho ana mai la. He 5 ka nui o kona mau makahiki, 4 malama, 12 la a me na hora keu.

            Ke komo pu aku nei makou i ka upu ana me na makua a me ka ohana o Kapololu-opio. Aloha no oia.

 

HUKIHUKI KAULA MA KA MAHIKO O KAHUKU MA KA LA 3 O IULAI NEI.

MR. LUNAHOOPONOPONO,

            Aloha oe:-

            Ma ka auina la Poaono iho nei, Iulai 3, 1897, ua hoike ae la na keiki hukihuki kaula o ka Mahiko o Kahuku, o Kapaia@laikahala, i noho kapena ia e J. W. Keau, a me na keiki o ka Mahiko o Laie, i Kaeheuonamanu, i noho kapena ia e Mr. Logona, i na a-a huki wikani o ko lakou mau io uala, ua koho ia o T. Kiesel i Lunakanawai no ka la, a ua hiki kino ae na Luna Nui o ka Mahiko, a me ko makou Lunakanawai Apana kahi i hoohala ai la mau silona iloko o ka hauoli Poa@iulai, a he lehulehu o na ano lahui i naue ae e ike kumaka ina moho o ke kahua mokomoko.

            A i ka hiki po@o ana ae i ka hora 3 me ka hapa p.m., poha mai la ka leo @ na kapena e hoeueu ana i na moho o ka la, liuliu, makaukau, ko, a he mau sekona ia @ ka eehia e kokoia ana na manao kohokoho ia @ai la e lilo ai o ka hae o ka lanakila?

            I ka hoomaka ana @ ka huki i kinohi, ua lilo mua he elima iniha o ka maka ma ka aoao o na keiki o ka Paiaalaikahala, a ua mau no ia kulana a hiki i ka piha ana o na minute he @, a @ wale no minute i koe a kuea na aoao @ elua.

            Oia ka manawa a kapena Keau @ kuhea ae ai i kona m@ koa, e lawe i ka hanohano e a@u amu keiki, a imua a lanakila@ @ iho la no ka manawa hope loa, pupuu hoole@ lilo aku la ka makana i ka mea nona ka inoa mua he $1@ a holo ae la na leo @alo ma na paialewa iloko o ka hauoli.

            Owau no me ka haahaa,

            LYONS B. NAINOA.

@ Iulai 5, 1897.