Ke Aloha Aina, Volume III, Number 26, 26 June 1897 — Page 4

KE ALOHA AINA

 

POAONO,  IUNE 26, 1897

 

KE  OLOHA  INA

Hoopukaia no ka

Pomaikai o ka Lehulehu, a he Nupepa na ka Lahui Hawaii

 

            EDWARD  L.  LIKE

Lunahooponopono

 

            E.  A.  NAWAHI,

Puuka o KE  ALOHA  AINA.

 

HONOLULU, IUNE  26, 1897

 

KE  KAMUA  O  KA  PILIWAIWAI

 

   He mea mau, kai kinohi loa mai, i ka wa i kukulu ia ai o na hana hoohoihoi makana maluna o na kakua hiehie lio, a heihei waapa, ua noho iho la ka piliwaiwai iloko e lapuu ai me he mea la, ua makaukau i na wa a pau e ale aku i na poe e maalo ae ana mamua o kona alahele.

   I ka wa e uluku ai na makana a ku ke ahua, ua puka ae la o piliwaiwai a hele kino ae la mamua o ke alo o na Luna Aupuni, me ke kaana pu ana i na pomaikai oia hana, ka mea hoi a ke kanawai i kue loa ai i kona mau lima lawelawe mai hoopa i kona lihi, a aole hoi i kona hulali ana ae.

   O ke kumu nui o ko makou lawe ana mai i keia manao a kamailio akea aku imua o ko makou mau makamaka heluhelu, oia no ka ike ia ana o kekehi poe Luna Aupuni, e komo pu ana ma na hana kue i ke kanawai, me ka ike ole ia mai e ko lakou mau poo ma ka oihana.  Ina he oiaio keia mau olelo e laulaha nei, alaila, aia makou ma ka aoao e kue loa ai i keia hana, malalo o ke kumu he hoakea ana aku ia i na hana haihai kanawai, mailoko mai o keia mau uku makana e haawi ia nei e kekahi poe hoohui pela e loaa ai ia lakou he puuhonua pakele ai mai na lima aku o ke kanawai.

   Ina ma ae keia mau hana uku makaua, pehea hoi o ae ole ia nei na hana uku makana no ke ohe-fa, a pela aku, no ka mea hookahi no o lakou kahua i kkulike ae, koe wale no paha, o keia poe nana e hoahu a hoohana nei i keia mau mea, aole ia poe no ke kulana haahaa, aka, he poe wale no lakou i na kulana kiekie kahi i paa ai, a o ka oi loa aku paha hoi, he poe Luna Aupuni no paha kekahi i komo ilokoo o keia hana, a ke koi nei makou e noii pono la keia mau hana.

   A ina aole e hiki i ke aupuni ke imi pano i kona kuleana, ma ka hoopau loa ana i kela mau hana, a i ole, i ka hookuu akea ae paha, elike me ko keia mau la e hele nei, ka nana aku no o na maka, aka, aole nae e hiki i na pauku lima ke hana pono iho i ka hewa e oluu iho ana mamua o ke alo, ke kahua hana hoi o ko makou kamaillo akea ana.

 

AOLE  E  HOI  ANA  KA  NANIWA.

 

   Ua hoopuiwaia ka manao o ke Kuhina Noho Iapana, i kona wa i ike ai maloko o kekahi mau nupepa o loko o ke kkulanakauhale nei, e olelo ana, “e hoi aku ana ka Naniwa no Iapana, a e haalele a hoopau loa ana hoi i ke koi i ke Aupuni Hawaii, no ka pono o kona lahui i hoopoinoia.”

   O keia mau olelo i puka ae maloko o ka nupepa Buletina, o ka Poalima aku nei, ua like ia me ka makani puahiohio e pa lauwili ana ma o a maanei, e ahai ana hoi i na lono hoopuiwa manao, me he mea la, ua haule pu ka manaolana o na keiki o Iapana, mamuli o keia hoolahaia ana maloko o kela nupepa, mamuli ka o ka hoike ana a ke kapena o luna o ua manuwa Iapana la, no ka nui o na hoolilo a pela aku.

   Aka, ua lilo koke no kela mau manao i hoolahaia ai, i mea e hoawiwi kokeia ai na manao pane o ke aupuni o Iapana ma o kona Kuhina Noho la Shimamura, ka mea i piha mau i ka makaala no ka pono o kona Aupuni ma Hawaii nei, a ua hooponopono koke ae no oia i kana olelo pane ma ka nupepa Avalataisa o ka Poaono nei, e hoole loa ana i ka oiaio oia mau olelo, a e noho ana oia maanei, a ulu ka limu malalo o ka iwikaele o ka Naniwa, aia wale no ka hoi, a ko elike me ka lakou mea i hele mai ai, alaila, moe pono ko lakou mau maka, a oluolu hoi ko lakou manao.

 

O IAPANA  ME  HAWAII.

 

   Ke ku nei ke aupuni Emapaea o Iapana, maluna o na kapa kahakai o Hawaii, me he Makai Kiu la e hakilo ana i kahi aupuni Tepubalika Uuku o Hawaii, a i ole, me he Pueo la e lele hoolailal ana maluna o na aheahe aiu makani malie, e nana iho ana i ka maalo ae o kana pio a me kana lawehala i hoomakakiu ai, a o ka wa ia o kona mau eheu a me kona mau maiuu e kipoi iho ai maluna o na moa keiki, a i ole, o na iole holo poopoo paha e maale ae ana i kona mau maka noli, me ko lakou hoomaopopo ole ae, eia ko lakou make maluna iho o ka lewa kahi i hoomakakiu la ai.

   Pela makou i lawe mai ai ia Iapana a me Hawaii kuhao, (e koe ana o Hawali lahui ponoi, ) a kamailio akea akku, elike me ko ka nupepa Avalataisa kamailio ana, ma o kona hoike ana ae, e hana ia ka pono a me ke kakulike mawaena o na aoao a i elua, a o ua pono la a na Luna Aupuni o kahi Reppubalika Hawaii  hana ai, ola ke kipakku mau ana aku i na limahana Iapana e lawe ia mai ana i na wa a pau, me ka ae ole ia o ko lakou nei makemake.

   Ua hala ae nei he mau la o ko kakou lohe mahuihui ana, no na hana a ke aupuni Hawaii a me ke Komisina Iapana i hana ai, a o ka hope loa, o a no na lomo hoolele hauli i pahola ae i keia mau la, no ko na Iapana lele mai i ka aina nei, a paa iho i na kulana hoahu waiwai o ke aupuni, e laa ka Hale Dute, ka Hale Hookolokolo, a pela aku.

   Aka, oia mau lono lauahea nae i pahola ae i ka Poakahi nei aole ia i hooko ia a hiki i keia la, oia mau no nae ka punohu o na lono me he mea ala, aia io no paha he ahi ko lalo a phha ae, o ka kakou hoi ia e ake aku nei, o ka hoea kino maoli ae.

 

HE  HANA  MOOKELAKELA, A  O  KA  HOPENA  ME POINO.

 

   Mamuli o na lono i lawe ia mai i o makou nei, a ina hoi he oiaio ia mau lono, alaila, ke ahewa loa nei makou i ke poo o ka Oihana Makai o ke aupuni, mamuli o kana mau lawelawe a hooko ana mamuli o kona manao iho, i halawai mai ai kekahi poino maluna o kekahi makai Hawaii, nona ka inoa o Kaili, ma ka hookuku paikau o na makai kau lio a me na makai hele wawae, ma ke kula a i ole, ma kahi kinipopo mawaho o Makiki.

   A penei ka moolelo i lawe ia mai i o makou nei:  I ke kakahiaka Poalima, ua hala mua aku nei ka Puali maki helewawae iwaho o Makiki, a mamua iho hoi o ke kani ana o ka hora ehiku, ua pau aku nei na makai lau lio maluna o na lio, no ia wahi hookahi no a ka poe mua i hele ai.

   I ke kulike ana o na aoao a i elua maluna o kekahi kahua hoomoana i hana ia e ma aoao a i elua, elike paha me ka makou e hoomanao nei, na Ia o ka Moi Kalakaua a me kona pokii alii, Leleiohoku i hana ai mawaho o Kulaokahua oiai hoi la wahi he oneanea a laukanaka ole.

   A oia no hoi ka wa o na makai kau lio i kii mai ai i ke kulana hoolulu o na makai hele wawae oiai hoi lakou e kupaa ana i kahi hookahi, me ka manao o pale aku i ke kii ana mai o na lio i ko lakou kulana i hoolulu ai.

   he oiaio, mawaena o keia mau hookuku makani ana, ua ike ia iho la ka hua o lelia hana ana a lakou oia hoi , ua lele liilii ka pu a Kaili i kahi e, a ua hoeha ia hoi kona kino mamuli o keia mau hana hemahema ana.

   Heaha na kumu nui o ka hapaiia ana mai o keia hana iloko o ka oihana makai, heaha ka mea haawi ole aku no wa puaiikoa maoli o ke aupuni repubalika e hana ia mau mea, no ka lawa ole anei oia poe ia mau hana oia ke kumu o ka onou ia ana ae nei na na puali makai e hana keia mau hana hookeiakela, oiai hoi kekahi poe makai ku huina, o ko lakou wa hoi paha ia no kauhale e hooluolu ai.

   He mau hana hooluhi a hoopau manawa wale no keia a na Poo oia oihana, a ua oi loa aku ka pono, e hooki loa ia ia mau anao hana hoopilikia i ke ola o kela poe, i haawi ia lakou, i kiai no ka lehulehu.  O ka mea pono maoli no ia, aole o ka hoouna ma na hana palaueka wale no, a he poino mai ka hope.

 

   HE  ELELE  NO  IAPANA

 

   Ua loaa ae kekahi lono ma Tacoma, o ka la 29 o Mei, mai ke kulanakauhale Poo Aupuni, ae o Wasinetona, e olelo ana, e hoehoku iu aku ana o John F. Gowey, he ona banako no Olimepia, e Peresidana Makinele Kanikela Kenerala ma Kanagawa, Iapana, o ka uku o keia hana no ka makahiki hookahi, he $5,000 no ka makahiki.

   Aole i hoopuai wale ia ae na mea e pili ana no keia hookehu ia ana, oiai, ua hamau na leo, a hiki i ka wa e ae ai o kela kanaka i hookohu ia aku la, no ka lawe ae ia kulana me he mea la, ina he nui keia mamua o ka mea e loaa ia iaia ma kana hana ponoi, alaila, e lawe a apo koke mai ana oia i keia nana me ka hauoli.

 

   Ua haalele mai nei ke Suletana o Tureke i kona mau manao keakea no ka hookohu ia ana aku o James B. Angell, i Kuhina Noho no Amerika Huipuia ma ke kulanakauhale o Konstinopala, Tureke, a ua loaa ae hoi ka pane mai a Kuhina Terrel ae, no keia hoike manao a ke Suletana.

 

AOLE  I  KULIKE  NA  MANAO

 

   Ua hoike ae ka nupepa Ahailono o Wasinetona, i kekahi lono kuikawa, a wahi ana:  O ke Alakai a Kakaolelo hoi o ka aoao Repubalika iloko o ka Hale Senate, oia hoi o Reed, ua lawelawe oia ma ka hana a na hoa o ke Senate, ma o ka hoike la a ke Komite Waiwai, no na mea e pili ana i ka kopaa, aole i lulike kona manao me ka lakou hoike, a aole loa hoi a hiki ia lakou ke hoololi ae mai kana i waiho mua akku ai iloko o ka Hale.

   He nani no ia, o lakou no ia e aumeame like ala, a nolaila,aia no ia i ka lakou hana ana mai no ka mea he poe loca like ko lakou a pau ma ia hana, a na ka pahua e hoike mai i ka mea o lakou e lanakiia ai.

 

KA  WAHINE  I  ALAKAI  IA  NO  KAHI  O  KA  MAKE

 

Kanu ia i ka lepo oiai no e oia ana.

 

Na Iana Heomainoino a ke poe Kukini.

 

   Ua lilo i mea hoopahaohao noi ia ka hana a kekahi puali makai, ma kekahi apana aina kuaaina haalele loa, ma kahi kokoke i Tiraspol, ma na apana aina ma ka hema loa o tukini, oiai hoi ua poe makai nei a hopu ana i ka poe lawehala, kahi hoi i loaa aku ai i ua poe nei he eono mau hoa o ka poe hoohaunaele ma Raskoiniki, ka poe hoi e uwe kumakena ana me ke ola no, ma o na hana la a Feodor Kovaloff, ka mea hoi e ku ana nona iho, i hoola no keia poe e kumakena nie, iloko o na hana ino a me na maewaewa o na hana lawe ola i ku i ka hoomainoino, a pela hoi makou e unuhi nei, a hoikeike aku imua o ke akea, i ike mai ai ko makou mau makamaka heluhelu i ke ana o ka noho ana o na aupuni nui o ka honua, i piha i ka malamalama o ka hoomana Karistiano, a ina paha no ka lahui Hawaii ia hoomahui iki ia ana ae la pela, ua piha ko kakou mau nupepa i na olelo e hoinoino ana i ko kakou kulana, a oia hoi ka makou e lawe mai nei a pahola aku imua o ko makou mau makamaka heluhelu, he poe oi loa aku na lahui malamalama,. i painue ia ae ma ka lehelehe wale no, aka, he mamao nae na hana maikai maloko o ka naau; a penei iho na hoike ana:

   Ladana, Iune 8.  Ua hoike ae ka nupepa Ka Nuhou Puka La, ano mai mei, i hoouna ia aku e kona mea kakau he manae kuikawa, no ka kuli a hoomaopopo ana, ma kekahi mea e akaka ai kekahi hana ku i ka weliweli a me ke eehia, me he mele ia e hoopuka la ana no ka make ma kahi kokoke i Tiraspol, ma na apana hema o Rusia, kahi hoi a na makai i ike mua ai i ke kino o eono poe, he poe hoi i hookuikahi i ko lakou mau manao, i ike ia hoi ma o Raskoiniki la, a i ike ia hoi ma ke ano hoomaewaewa, a ku i ke oehia, oiai no hoi e ola ana, i lawelawe ia a Teodor Kovaloff e hoike ana hoi me ka moakaka ma ka hoola ana mai ka make ae, ma kona mauna ana i kena kino iho.

   Ma kana leta mua i pa i ia ae maloko o ka nupepa i keia la, na olelo ae ka mea kakaukpenei:  “Ua lawe ae ka Emepera Nikolasa i kekahi poe kanaka oolea loa, i poe nana e hooko i keia hana ma ke ano, me he mea hoopukapuka ia no ke dala.”