Ke Aloha Aina, Volume III, Number 25, 19 June 1897 — Page 3

KE ALOHA AINA

 

NUHOU KUWAHO

 

AIA O TUREKE KE HOLOMOKU LA I KA HAUNAELE.

 

            Atenai, Iune 7.  Ua hoike ia ae kekahi lono, aia na Tureke ke hahao la i na mea a pau iloko o ka halepaahao, a o ka oi loa aku iloko o na wahine ma Epirus, a ua pau na waiwai o na halepule i ka hao ia.

            Ua laulaha loa aku keia hana a ka poe Tureke, a hiki loa aku i Larissa, a ke pau la kekahi poe o laila i ke auhee mai ke ala aku o keia poe limakoko nui wale.

 

LAHA KA MA’I FIVA LENALENA MA PERU.

 

            Nu Ioka, Iune 7.  Ua loaa ae he lono telegarapa i ka nupepa Herald mai ke kulanakauhale ae o Lima, Peru, a wahi ana:  O ka mokuahi Santiago, mai ka Puali ae o Pana ma, ua ku ae ma Callao, a ua Kauoha ia aku e hoomaemae, mamuli o ka loaa ana aku o kekahi mea ma’i maluna o kona oneki.  O Augustine Olessi he ohua mai Panama mai, ua loaa ia oia i keia ma’i fiva lenalena, a me he mea la, ua make ihoa no oia mahope iho o ka hoomalu ia ana.

 

HE HUI KUAI ILOKO O KA PILIKIA.

 

            Meriden, Iune 7.  O ka Hui Hana Lima Akamai o Wilikoki a me Wheeler, kekahi o na mea hana lima akamai, a i ole, he mea hana ogana, iloko o Amerika Huipuia, aka i keia la, eia oia ma ke kulana kupilikii loao ke poho aku.

 

HE 20 POE HANA I MAKE.

 

            Kulanakauhale o Pekina, Iune 7.  Ua pahu ae kekahi ipuhao mahu o kekahi halepaipalapala o na Hoahanau Noroego ma Puebla, ke kumu hoi nana i pepehi ia 20 kanaka a oi aku paha, o ka heluna aole i maopopo ia, a ua lawe koke ia aku na kino make o keia poe, mai kahi hana aku, aole i maopopo ke kumu o ke pahu ana o ka mahu, ua manaoia, no inoino paha o mea hana.

 

KE AKE LA KA POE HANA O PANAMA E HOI.

 

            Nu Ioka, Iune 7.  He lono telegarapa kai loaa ae i ka nupepa Ahailono, mai ka Puali ae o Panama, a wahi ana:  O na Aupuni elua, a me ka Hui Eli Puali o Panama, eia lakou ke kakoko nei iloko o ka pilikia nui me na limahana Aferika mai Iamaika ae i lawe ia ae i poe hana no kela wahi e eli ia nei.

            O keia poe limahana, he poe molowa a palaualelo ka hapanui o lakou, a e lawelawe ana hoi i na hana ku i ka weliweli, e hiki ole aku i na haku hana ke hoounauna aku ia lakou.

            Ua hoohui ia ae keia mau mea a lilo i hookahi, oiai hoi ka ma’i pahola awiwi ana ma ke kahua o ka poe hana, oia ka ka wa i koi ikaika aku ai keia poe limahana negero, e uku ia mai lakou malolo o ko lakou mau palapala kepa, a e hookuu aku ia lakou e hoi no ko lakou mau home pakahi.  A ke kanalua ole ia la ka apono ia ana o kela manao o ua poe limahana la, mamuli o ka ae ana aku o ka Hui.

            He 24 o keia poe limahana i pau nui aku i ka hoi wawae mai Las Cascadas no Colon.  O ke poo nui o ka hana eli auwai, ua hoike ae oia, no ke kauoha ana aku i ke aupuni e keakea i ke komo ana aku iloko o ke kulanakauhale.

            Ua hoouna koke ia aku he puali o na makai no kii hou ana i keia poe e hoihoi hou mai i kahi a lakou i mahuka aku ai a ua loaa aku no lakou ma ke alanui e hele ana no, a ua pau lakou i ka hoihoi hou ia mai.

            Ua kue koke aku lakou i na makai, a ua hooki koke ia ko lakou mau hana, mamuli o ka puka koke ana mai o kekahi pualikoa e hoomalu ia lakou, a pela i kuhau ai ka poe hoohaunaele.  O na poe hoohaunaele, he elima o lakou poe i hoeha ia, a he elua me inoino loa.

            Ua hoike ae na poe Aferika, o ke kumu o ko lakou hele ana i Colon, oia no ko lakou makemake iko i ke Kanikela Beritania, no ka hoao ana e loaa mai ka apono ia e hoopau i ko lakou mau palapala kepa mai ka Hui mai, mamuli o ka uhai ana o ka aoao mua i kekahi hana okoa, a no ia kumu, ua lehulehu o ko lakou poe i loaa i ka ma’i, a ua nui hoi ka poe i make ma kahi o ka hana.

 

LANAKILA NA PUALIKOA BERAZILA.

 

            Nu Ioka, Iune 7.  Ua hoouna telegarapa ae ka mea kakau o ka nupepa Ahailono e noho ana ma ke kulanakauhale o Rio Janeiro, oia hoio o Canudos, he kulana ikaika loa i paa ia malalo o Antonio Conselheiro, ua haule pio aku ia iloko o na lima o ka poe i hui malalo o ke kuikahi.

            O na pualikoa o ka kipi (oia hoi ka poe i hoopaa ia lakou malalo o ke aupuni hui), ua pau akuj lakou i ke auhee, mahope iho o ko lakou aumeume ana me ke koa a me ka wiwo ole o ko lakou mau manao, me ka huina i oi aku mamua o ka 6000 poe kipi.

            O ke kulana hoohalua o ka po@ kipi, he kulana ikaika loa ia, e hiki ole ai i ka ikaika o na enemi ke kulai mai.

            Ma ka hoomaka ana i kinohi o na puali o na aoao a i elua ua hoomaka koke no e loaa ka pomaikai o na kipi, ma o ka makaukau la i loaa ia lakou a ua awiwi ae hoi na lono, e hoike ana, ua hoopuehu ia na koa o ke aupuni.

            O na poe kipu pukunaiahi o ka poe Berazila, oia hoi, ua hoohuli koke ae la lakou i ka waha o ka lakou pukuniahi a iliwai like me ke kai, a i ka hope hoi o ko lakou kipu ana, ua hoopuehu liilii ia a pau aku la i ke kiola ia ilalo o ka pali mai ko lakou wahi e pee ana.

            Ua alualu ia aku lakou me ka ikaika nui, a ua kokoke loa e hoolilo ia i mea ole loa.

            O ka lanakila i loaa i na koa o ka poe hui, ua halawai mai no ia me ka nele ole i ka poino, oiai hoi na koa aupuni he 300 i make, a he lehulehu wale hoi i hoeha ia.  A mawaena o na poei make, o Konela Telles he alakai wiwo ole no ka poe Berazila.

 

ANDREE NO KA WELELAU AKAU.

 

            Ladana, Mei 29.  Ua haalele aku o Professor Andree ia Gothenberg no Spitzbergen, he haole lele baluna, a mai laila aku e hoao ai oia no ka hele ana e huli i ka welelau akau, a i ole o kona maalo ae paha maluna oia wahi me kona baluna.

            E ukali pu ia ana ma keia huakai a Professor Andree, e Strindberg, Swendenberg a me Tunkel.  Ua manaolana lakou e hiki aku ana lakou i Spitzbergen, ma ka la 1 o Iune, a ma ka la 20 e hoomaka aku ai lakou i ka lakou huakai kaahele ma ka lewa.

            Ua lawe pu aku lakou he nui wale o na manu nunu hali leta, a ua manao lakou e halawai ana ka lakou huakai me ka pomaikai.

 

KA HUKIHUKI KAULA

 

            I keia po Poaono ka po hope loa e malamaia ai o na hukihuki kaula, koe wale no i na e lilo ana ka Hale Hana Hao i na haole o ka Mariona, alaila, ua like a like na eo a laua me Waikiki, a oia ko laua manawa e aumeume hou ai no ka inoa moho.

            O ka Hale Hana Hao ka mea nui o na eo ana, a o Waikiki oia kai ukali aku mahope ona, a penei na hui e hukihuki ana o keia po:

1. Pakaka kueia Moanalua.

2. Mariona kueia Hale Hana Hao.

 

            Ma ka po o ka Poalua nei i komo ae ni kekahi kolohe, a hoao ke la e puhi malu i ke ahi ia loko o ka halepule o ka Hoomana Naauao, e kukulu ia nei ma Koula, aka aole nae i hookeia kona makemake.

            Ma ka po o ka Poalua, Iuna 29, e malamaia ana maloko o ka lua kiui o Kaumakapili, ka hoike hope loa a oi kaikamahine o ke Kuia Kamehameha, a malaila e loaa ai ua palapala hookuu o kekahi mau kaikamahine he @@.

 

HE HANA WALIWELI.

 

            E noho ana kekahi wahine opio a kekahi kanaka mahiai ma West Franklin, Posey County, ma Inediana, Amerika Huipuia, nona ka inoa o Mrs. Jerry Holcomb, mamuli o kona ano opulepule, ua mohai aku la oia i ka laua wahi kaikamahine uuku imua o ke Akua Mana Loa, nona ka nui o na makahiki ke eha wale no ma ke oki ana i kona poo a kaawale mai ka poohiwi ae.

            Ua ulu mai keia hana weliweli mamuli o ke ano e mau o kona noonoo maikai, a ua hoike ae no hoi ua wahine nei, na ka Haku oia i kauoha mai e mohai i kana keiki uuku, a oia hoi kana i hooko awiwi aku ai me ka hoopanee ole.

            Mamua ae o ka lawelawe ia ana o keia hana, ua hala mua kana kane i kakahiaka nui wale i ka hana, a koe iho la ka wahine a me ka laua wahi milimili ma ka home, me kona manao ole, e hana ana kana wahine i ka mea e hoopoino ana i ke ola o ka laua kamakahi.

            Ma ke kakahiaka o ka la 6 o Iune nei, oiai hoi ua mehameha ka hale, aohe maaloalo kanaka, oia ka wa i lawe ae ai o ua wahine nei i ka laua kaikamahine uuku iloko o ka rumi moe, a me ka manao ua hoa, a he mau minute kakaikahi wale no ko laua noho ana malaila, oia no ka wa i lawe koke ae ai o keia wahine i k@ ola o ka laua milimili, a i ka pau ana o kana hana maloko o ka rumi moe, paa ae la oia i ke poo o ke keiki, a lawe aku la no ka hale kuke a hoikeike aku i ke poo o ke keiki i ke kuke.

            I ka wa i ike mai ai o ke kuke i keia mea, ua holo aku la oia me ka weliweli nui, me ka hoomaopopo o@@ @ na mea e hara ai, oiai, ua piha oia i ka makau no ka hana a keia wahine pupule.

            I ka wa a Mr. Holcomb, i hiki mai ai no kauhale, aia hoi kana wahine e lelele ana maluna o na paila wahie.  Ua loaa aku la hoi maloko o kona holoku e aaho ana he pahi lolo bipi, i huna ia iloko o kona aahu.

            E noho ana oia me ka mamule aole hoi he mau huaolelo i hoopuka ia no keia ano i hiki mai ai maluna ona, elike hoi me ka mea maa mau.

            I ka wa i ninau ia aku ai oia heaha ia na kumu o kona lawe ana i ke oia o kana keiki, ua pane koke mai ia oia i ka haina o ka ninau, a wahi ana.  "Ua hoike mai ka Haku iaia maloko o ka moeuhane, e kauoha ana iaia, e hana i mohai ma o ka pepehi ana i ke keiki a ua hana oia pela, a aole oia i minamina no ia mea.

            O ka pahi, ua hana ia a oi, elike me ka pahi umiumi, i hikiwawe loa ia ai ke oki ana i ke poo o ke keiki, a oia ka mea i mahalo ia ai o na pupule Hawaii, mamuli o ko lakou hana ole i na hana manaonao, elike me ka keia wahine i hana ai.

 

PAU I KE AHI EKOLU KANAKA

 

            Ua pahola ae o Salavana, ka Luna Kinaiahi Nui, no ka hoonohonoho ana i kekahi huakai hoolewa nui no kekahi mau kanaka kinai ahi ekolu, i pau i ka make i ke ahi ma ka la Sabati, oiaiai hoi lakou e hooko ana i na kauoha no ke kinai ana i ke ahi e holapu ana ma kekahi hale pohaku.

            Ua kahea aku ko lakou mau hoaloha ia lakou, e puka koke mai iwaho, mailoko mai o ka hale, oiai hoi ka hale ua puni i ke ahi ma na aoao a pau, a eia hoi ka poe ma na alapii kau aoao ke pau nei i ka naholo ilalo, mai ka hale mailuna loa mai, a o kekahi poe hoi, eia lakou ke pau nei i ka lele mai kahi kiekie mai, me ka manao ole ae i ke ola.

            O keia ka wa a keia poe kinai ahi ekolu i holo mai ai iwaho, no ka hoopakele ana i ko lakou mau ola pakahi, o keia no ka wa i hanee iho ai kekahi papahele kaumaha o ka hale ekolu maluna o ko lakou mau kino, a paa loa iho la lakou a ekolu iloko me ka hiki ole ke hoao aku e kokua, oiai ke elelo o ke ahi e hamu ana ma na wahi a pau o ua hale pohaku ala.

            Mamuli o ka hooikaika nui ana o na lala o ka oihana kinai ahi, ua koe hakina mai la ko lakou mau kino, a pela i malamaia ai malalo o na hooponopono ana a ka oihana kinaiahi.

            O Kapena Moholey, kekahi o na mea i make ma keia pau ahi ana, ua waiho iho oia he wahine a me na keikikane elua e u aku nona, o Keller a me Hallinan, he mau mea laua aole i mare i ka wahine, aka, he mau ohana nae, e noho @ aku ana no laua.  O Keller, he manawa wale no nona e mare ai i ka wahino, loaa e keia pilikia, nana i hoopokole i kona ola.

            O keia poe a ekolu, ua lilo na ka oihana kinai ahi ka hoolewa ana i ko lakou mau kino a he auakai nui hoi o na makamaka kai kipa aku iloko oia huakai ku i ka luuluu a me ke kaumaha.

            Ma ke kinau o ka kakahiaka Poalea i @@@ hoi mai ai ka Lo@@ Kuhi@a Kami ka mai kana @uakai hou pono ina i keia @@@ pep@@@ kanaka ma Hakalau.

            Ma ke kakahiaka o ka Poakolu nei, o@i, ka mokupea Lousiana e @iola nana he ana, @@ haule iho ia kekahi mau puu p@@ nanahu maluna o ke poo o kekahi Pukiku, ua ha@wai iho ia oia me @@ palapalu me ka pakele @@@ o ke@a oia.