Ke Aloha Aina, Volume III, Number 23, 5 June 1897 — Page 8

KE ALOHA AINA, POAONO, IUNE 5, 1897.

 

HE MOOLELO HOONANEA

NO KA

Keikialii Alabati.

Ke Kaeaea o Pelekane.

A ME

Ka Ui Madelina.

Ke Kukui Uwila o Ainapo.

Hoohenoia no KE ALOHA AINA

            I ko lakou pae ana aku iuka o ka aina, aia hoi na holoholona e moe ana ilalo, a e hele ana no hoi kekahi me ko lakou mau nanaina, hauoli, me he mea la, e hoike mai ana ia lakou a pau, aohe he mea nana e hoopilikia ia lakou ma ia aina.

            O kekahi poe, ua hoi pololei aku lakou no ka halealii, a o kekahi poe hoi @a hele auwana aku lakou mao a maanei me ka piha i ka hauoli, mamuli o ko lakou ike ana iho, he aina nani maoli keia, i oi loa aku mamua o ko lakou aina makuahine.

            O kekahi poe o lakou, aohe manao no ka hoi koke aku i ka halealii, oiai hoi ko lakou haku opio e kali mai ana o ko lakou hoea aku.

            No ko ke aliiwahine opio manao, o hu hewa loa aku kona poe kanaka ma kahi kanaka ole, ua nonoi aku la oia i ka oluolu o kana aloha, e hookuu mai iaia, e hele e huli i kona poe kanaka, mahope auanei, lilo oia i mea hoino ia e kona mau kanaka mamuli o kona malama pono ole ia lakou.

            Ku ae la oia iluna, me ka manao e kahea aku i kana mau kauwa wahine e hele lakou e huli i kona poe kanaka, i pau ai i ka hele makaikai.

            Oia koke no ka wa a ke Keikialii Alabati i pane aku ai i kana aloha, e like me ka haale ana a ka wai i ke pili:           

            Aole anei oe e oluolu, ua lawa ko na kauwa wahine manawa hana ma ka hale nei, a ua manao hoi au, owau kai kupono e pani ma ko laua wahi, malalo o ko'u kamaaina ma na wahi a pau o keia aina.

            A ua hiki hoi ia'u ke hookolo pololei aku ma ko lakou maheu, a hiki i ko lakou pau pono ana i ka loaa, mamuli hoi o ko'u hooluhi wale ana aku no ia laua.

            Nolaila, o ka oi loa aku o ka pono, oia no kou ae ana mai ia'u owa hookahi ke hele ae e imi ia lakou a pau, a hiki i ko lakou pau ana i ka loaa.

            O keia mau olelo a ke Keikialii Alabati, ua kupono ole ia i ka manao o ke kaikamahine alii, a oia kana i pane hou aku ai.

            Ina pe@a, e waiho kana i na wahine pela, a o oe a me a u pu ke hele e huli no ko'u mau makaainana, oiai, ua hoehaeha mai lakou i ko'u manao, mamuli o ko lakou hoi pololei ole ana mai i ka hale nei, a ike aku au ia lakoul.

            Ua pono keia manao i ke Keikialii Alabati, no ka mea, o kona olu ia, o ka loaa mai o ka pane e apono a@a i kona manao no ko laua hele pu aku ma ia huakai hookahi.

            K@ hele aku la e molehulehu loa, a eia hoi laua a elua ke komo aku nei iloko o ka naele o na laau l@@@, a oia no k@ laua wa i lohe aku ai i ka hauwalaau mai o na kanaka e huli hoi mai ana.

            O kekahi poe o lakou e mele ana, a e uwa ana no hoi, no ka nui loa o ko lakou hauoli, a ua poina mai la ko lakou hoomanao ana no ka hoi aku i ka halealii, oiai ko lakou manao e hoonuu ana i ka momona o ka aina malihini.

            Oiai lakou e hoomau ana i ke mele a me ka uwa aina, aia hoi, ua hoohikilele ia ko lakou mau manao i ka ike ana mai i ko lakou haku opio me k@ Keikialii Alabati, e imi aku ana ia lakou iloko o ka ululaau, a @a meha iho la hoi ko lakou mau leo hauoli.

            A oia no hoi ka wa a ke kaimahine alii i kono koke aku ai i kona mau hoa aukai, me ka ninau pu ana aku hoi i ke kumu o ko lakou hele naaupo ana e like me keia.

            A oia hoi ka lakou a pau i puana like mai ai me ka leo hookahi wale iho no o ka poe i piha i na manao hauoli.

            E kala mai e ko makou haku opio, mamuli o ko makou hele auwana ana malalo o ka malumalu o na lau laau o keia aina nani, ka aina hoi a makou i ike ole ai ma ka aina hanau.

            O kekahi mea kupanaha loa, oia no ka laka o na holoholona hihiu a weliweli ma ko kakou aina ponoi, a ma keia wahi, ua hiki ia makou ke hooia aku, he hiki loa ia makou ke milimili, ma na wahi a pau o na holoholona hihiu, a ke hoonani ae nei makou ia pomaikai me ka hoopilikia ole ia.

            O kekahi no hoi, he aina keia ua lawa me na hua ai ono, e pilikia ole ai ka poe malihini ke hele auwana maloko o na ululaau o keia aina, ina ia he moa e hoea ole aku ai i kekahi hale kamaaina.

            A no ia kumu, ua poina ae la ko makou hoomanao ana aku no ke kipa hale kamaaina ana aku, a i ole, no ka hoopilikia ia paha o kou manao e ke alii, oiai hoi na manao hauoli a me ka makemake pu e hookamaaina iloko o ko makou mau houpo.

            Aka, ina ua lilo keia hana a makou i hana ai, i mea nou @ ahewa ai, ua makaukau mau makou e auamo i na hoopai a pau au e hookau mai ai maluna o makou, ina ia he mea e hooluolu ai i ka manao @ ko makou h@ku.

            O keia mau olelo maikai a keia poe, ua lilo ia he mea maikai i ka manao o ke kaikamahine alii, a oia kana i hoike koke aku ai i kona manao, i ka pane ana aku.

            Aohe a oukou hala i hana ai, aohe hoi he mau hoopilikia ana a oukou i hana ai maluna o keia aina, no ka mea ua noa na wahi kapu a pau o keia aina ia oukou, elike me ka'u i olelo aku ai imua o oukou.

            I kawa e loaa ai ka mea a kuu puuwai i aloha ai, aohe a'u mea kapu e hiki ke auaia ia oukou, ko'u poe kaikunane a hoahanau hoi ma ke kino, i au mai nei i keia kai loa.

            Nolaila, mamuli o ko'u manao ua hele auwana loa aku oukou a nalowale @oi mai ko'u alo aku ke kumu o ko'u huli ana mai nei ia oukou a pau.

            Eia hou hoi, o keia mea e ku aku nei ma ko oukou aoao i keia wa, oia hoi ke kumu nui o ko'u hele huli ana mai nei, a ua hoopomaikai ia no hoi au, mamuli o ka hoopokole ia ana o ke kakou luhi, ma o kona loaa k@ke ana mai nei ia'u.

            Nolaila, o ko'u kuleana nui hoi ia nana i hoauwana wahine mai nei ia'u maluna o ka ili hualala o ka moana, a hiki i ko kakou pae ana iho la i keia aina nani.

            A o keia no hoi ka wa a ua poe kanaka nei i haawi mai i na kahoahoa ana no ke ola loihi o ke kaikamahine alii a me kana ipo aloha.

            I ka pau ana o keia mau kukau olelo ana mawaena o ke kaikamahine alii a me kona mau hoa aukai, ua hoi pololei aku la lakou na ka halealii, kahi hoi a ko laua kahu hanai a me kekahi poe e ae e kali mai ana o ko laua hoi aku, no ka mea, ke hele aku nei keia manawa i ke aumoe, a o ka hor 8 paha ia a oi.

            I kela wa a lakou e hoi nei, aia na manao ahi wela o ka makemake iloko o na ipo elua, a i hakalia paha i ka hala ae o ka makani, o ke kike no ia o ka a la me ka paea.

            I hakalia no i ko lakou hiki ole aku i ka halealii, oiai, ua makaukau na mea ai, a o ka hahao wale iho no koe i ka waihona hoahu o ka opu, ko ke kanaka pahu hoola ma ka noho o keia ao mea, i piha i na luuluu a me na kaumaha.

            I ka ike ana mai o ko laua kahu hanai i ko laua hoi pu aku, a me ko laua mau kanaka e hahai ana mahope o laua ua kuene pono ae la kona noho ana maluna o ka papaaina i hele a hiihimanu i ka nui o na mea ai i hoomakaukau ia ai.

            O keia no hoi ka wa a ke Keikialii Alabati i hookipa aku ai i na mea a pau maluna o na noho i hoomakaukau ia no lakou, elike ka nui me ko lakou heluna i hoea aku ai.

            O na kauwa wahine a ke kaikamahine alii, ua nana mai la laua i ko laua haku opio me ka naau hauoli, oiai, ma kona helehelena ke nana mai:

 

Ua lamalama ke kai,

i ka nani o ka pua o ka hala.

 

            Ae, aole paha e nele ia mea, iloko o ka houpo o na ipo a pau, i laulaha maluna o na wahi a pau o ka honua, ke ike lihi aku i ka mea a kona naau i aloha ai, ua oi aku ia mumua o na pa mea ai ono e mu mokaki ana mamua o kona alo, elike me ke ano oia ma'i kau mai na kupuna mai.

            Ua hoohala iho @a na mea a pau maluna o ka papaaina, a ke hele aku nei hoi i ke aumoe, aka, aole no nae he nana ia ae oia mea he aumoe.

            I ka pau ana o ka lakou ai ana, oia ka wa a ke Keikialii Alabati i pane aku ai imua o na mea a pau i ka ana aku.

            Ma na wahi a pau o leko o keia halealii, ua @oa ia ia oukou, aole hookahi mea hapu ia oukou, a e wae kela a me keia i kana wahi i manao ai ua kupono ia no kona hoo uolu ana maloko o keia hale, e like me ka olelo a ko oukou haku wahine opio.

            I hakalia no a pau pono ka olelo ana a ke Keikialii, oia no ka wa o kela a me keia mea i @oi aku ai maloko o na @umi i hookaawale ia nona, elike me ka mea a ko lakou manao i ike ai ua lawa ia no lakou

            O kekahi poe hoi, ua hoomenemene ko lakou manao, mamuli o ka oi kelakela o na mea i hoolako ia maloko o na rumi pakahi, ka mea a lakou i ike ole, a i loaa ole hoi @a lakou ma ka aina hanau.

 

E HOOMAKA ANA I KEIA POAKAHI.

No Hookahi Pule Wale no.

E haawi ana makou i ka poe ku @@@@@ i i ka mana o ke kual i ka nui no na mea liilii.

Na Kalakoa Amerika he 30 i-a i ke@             1.00

Na Dimiti he 14 i-a i ke           1.00

Na Lole Kalakoa (Duck) he lo i-a i ke            1.00

Na Lole Keokeo he 20 i-a i ke            1.00

Na Lole Hauliulu he 15 i-a i ke          1.00

Na Kalakoa Haekaeka he 20 i-a i ke   1.00

Na Dimiti he12 i-a i ke            1.00

Na Lole Kikokiko he 8 i-a i ke            1.00

Na Keokeo he 15 i-a i ke        1.00

Na Pale Uuluna 42 iniha laula, he 8 i-a ke      1.00

Na Halii Moe 81 iniha laula he 16 keneta o ka i-a. Na Halii Moe @o iniha laula he 22 1/2 keneta. Na Halii Moe Nani 81 iniha laula - he 20 keneta o ka i-a. Na Pale Pakaukau Lilina he 37 1/2 keneta o ka i-a. Na Kawele Holoi Lima Damaseka he $125, 1 50, 1 75 no kekini. O na Lole Aahu o kela kikina aku nei he 15 keneta o ka i-a, mamua aku nei he 25 a me 30 keneta i ka i-a. Na Tawele he 35, 55, 75 keneta a hiki i ke $1 00. Na Uhi Moe he Na Papale o na ano a pau ma ke kumukuai hapalua like.

            Mai hookuu i keia wa kupono loa e hele mai ai i ko makou Halekuai.

L. B. KERR.

HONOLULU ALANUI MOIWAHINE.

 

            O ka poe piha eu no hoi, haule aku la no hoi lakou iluna o ko lakou mau bela, a he haulani ka hana, me ka haawi pu ana ae i na hoomaikai ana i ko lakou haku wahine opio, no kona mailani ia lakou.

            I ka wa i kaawale aku ai na mea a pau mailoko aku o ka rumi aina, a koe iho la ke Keikialii Alabati, ka Ui wai@nuhea o Ainapo Made ina a me ko laua kahu hanai.

            Oia ka wa i pane aku ai o ko laua makuakane hookama i keia mau olelo imua o laua pakahi, me ka ilihia a ku maoli no hoi i ka makee keiki oiaio.

            Elike me ka'u mea i hoike aku ai ia oe e kuu keiki hookama, e hiki mai ana ka wa au e komo ai iloko o na hauoli ana ma keia noho ana, pela oe e ike nei i keia wa, a oiai hoi, o ke aloha, he mea hiki ole ia ke kaomi iho, pela au e hookuu aku nei ia olua e hoau mua i na ulu kau a Hina, ka mea hiki ole hoi i ke kanaka ke aua iho.

 

HE HANA MAIKAI.

            Ua loaa aku ma ke kahawai o Nuuanu, mauka iho o ka uapo Hoolilimanu, he keiki Iapana i aneane e pihiolo iloko o ka wai, a malalo mai hoi o kahi @ Makai Kiu Kaapa e noho nei ma ke Alanui Hotele.

            I ka wa a Lutanela Kekai i maalo ae ai ma ka uwap@, mawaena paha ia o ka hora 3 @ me 4 e ka auina la o ka Poakahi nei, ua lohe koliuliu aku la oia i ka leo uwe o kekahi keiki uuku, a i k@na nana pone ana aku, ike aku la oia i keia keiki, e pa'ipa'i ana iluna o ka ili o ka wai, no kona poholo aku a make, ina aole e ike e ia e ka naau @ ka mea i piha i ke aloha.

            Ua h@lo k@ke aku keia makai e hoopakele i keia keiki uuku, a ua lawe loa ia ae hoi ma ka Halewai, a malaila kahi i malamalama ai a hiki i ka wa i ku ae ai o na makua nana ua keiki ala.

            O ke kumu paha i haule ai o keia keiki iloko o ka wa@@ @@ he mea la, ua p@nana oia maluna @ kuap@ o ka lihi kahawai, a i kona wa @e paani ana paha ua haule aku oia ma@luna aku oia wahi a mai poino ke o@a.

            Ua kupono ke haawi ia ua mahalo maluna o keia makai, no kona hoopakela ana i keiki opio mai ka make mai. O na hana oia ano, he hiki no ia makou ke haawi aku i na mahalo he nui mai ko makou waihona noonoo aku.

            Nolaila, ma kahi o na hana maikai a k@ kanaka, mala@@a makou e haawi aku nei i na mahalo ana he @@@ koe na mea e ae.

            I keia Poaono e oili aku ai ka inoa hou o ka nupepa Ke Aloha Aina Oiaio a ua lohe mai makou o "Ka La o Hawaii" ka ka inoa hou.

            Eia ke hoomaamaa mau nei na keiki o ka Bana Lahui, no ka po lea o Halealii e hiki mai ana, a ua hooma@ui ia mai ia makou ina e holopono ana na hoolala ia ana, alaila, he ekolu lakou e hoea mai ana imua o ka lehulehu ma kekahi po o keia mua aku.

            Ua hopu ia he Pukiki kuai @ama ma ke Alanui Kula i ka po Poaono nei, no ke kuai rama me ka laikini ole. Ua loaa aku ma kona home noho he galani me ka hapa okolehao, ao galani waina a me 74 omole @ia. Ua hookuu ia mai oia malalo o ka bela o $1500.

 

S. KAAUMOANA.

            HE MEA KAHA KII HALE O na ano a pau, a he Luna Nana hoi i ke ano o ka hana ia ana o ko oukou mau Hale. E waihoia no na kauoha ma ke Keena o KE ALOHA AINA.

            WAHI HANA: Kula o Kamehameha.

            WAHI NOHO: Ma Pauoa. He oluolu ka @@hau ma ke kuka ana

 

WILLIAM KAMALI.

            HELU EKAHI ma ke Pe@a Hale a pau, Kau Pepa, a Lu One paha, e like me k@ oukou makemake. Ua hiki ia'u ke Hoohinuhinu i na Umeke, Puniu, Moe, Pahu Ume, pakaukau i hiki ole ke hoomaemae hou ia. Ina oukou e makemake e na makamaka a me na hoaloha e hoomaemae i ko oukou mau home, a i ole o na pono hale paha, mai poina i ke kipa @@@ mai i o'u nei, a e loaa no na Luka oluolu ana mamua o kekahi poe e ae. O na kauoha mai na Kuaaina mai, ua hiki ke hooko ia me ka eleu.

            KEENA HANA: Mauka iho o ke Kaena o Ka Makaainana, Helu @@@ Alanui Ko@@@ maloko o ke Keena o S. K. @@@ Wahi Noho Kapalama.

mei 15 @@@ @@@

 

PANE I KA HOOLAHA A PULI

            Owau, o Mrs. Lauki, ka wahine mare & P@@@ i hoolaha hoopunipuni ae nei @@ na k@@amu o ka Nupepa KE ALOHA AINA, e olelo ana: O wau kai haalele iaia a @@ hele au i Honolulu nei me kuu kane manawahi. Aole pela ka oiaio, o @@ @ @@ hoike pololei a @@@ @@@@ @ p@no aku nei ma ke a@@@. O P@@@, kuu kane ma@@, kai haalele ia'u a me ko @@@@ wehi moe a me na keiki hanai a m@@@ a me ko maua wahi pono a pau, a hele aku @ela a noho ma Kona Akau, i Keauhou, no eko@@ makahiki @@ @@@@ kaawale. Eia no wau ma Kalihi, Kona Hema, Hawaii, kahi o @@@@ i @@@ ia ia e Rev. Papau@@ i ka la @@ o Augate @@@@. A @@ p@@@ ia @@@@ @@ makahiki @@ @@, he @@ ana ka noho @@ ana @@ makahiki @ @@@ @@@@

@-unreadable

@-unreadable

@-unreadable

@-unreadable

@-unreadable

na e malama @@@ a me na keiki a m@@@, a ua

@-unreadable

mai ia'u @ @@@ @-unreadable

@-unreadable

mei 13, 1897                           MRS. @@@